Inspections at the Airport

عند محل تفتيش الشنتات

الموظفة: مرحبة مس، لو سمحت فرجيني التذكرة وحطي شنتاتك هون.

المسافرة: هيهم، انشالله مااكونش متأخرة؟

الموظفة: خليني اشوف ...لأ انت مش متأخرة، بس امبين انو وزن هاي الشنتة اكثر من الوزن المحدد باربعة كيلو. مسموحلك توخذي شنتين وكل شنتة وزنها ثلاثة وعشرين كيلو او اقل بتكون ابلاش.

المسافرة: يا الهي! شو اعمل؟

الموظفة: خليني اوزن الشنتة الثانية،حظك منيح، وزنها اقل من الوزن المحدد بخمسة كيلو. انت بتقدري تنقلي اشياء من هاي الشنتة وتحطيها بهاي الشنتة.

عند نقطة التفتيش الامني:

الموظفة: مرحبة مس، معاك مخدرات في شنتك؟

المسافرة: شو مخدرات؟ طبعا لأ.

الموظفة: حاملة معاك اسلحة او اي ادوات حادة في شنتك؟

المسافرة: ايوة، معاي موس، اشتريتو هدية لأخوي.

الموظفة: لازم تسلمينا الموس. ممنوع توخذي معاك في شنتك.

المسافرة: يا خسارة، وشو عن السوائل اللي معي؟

الموظفة: كل السوائل لازم تكون في قناني ولازم تكون اقل من مية ميلليلتر. خذي كيس البلاستيك هذا وحطيهم فيه.

المسافرة: شكر ا

عند نقطة ثانية للتفتيش الامني:

الموظفة: مرحبة يا انسة، من فضلك اشلحي الكندرة والكشاط والساعة وحطيهم في هذا الصندوق مع كل اشي معدني ثاني مثل الموبايل، وهلا مري من هون وماتصيبيش الجوانب. صوت الزامور.

الموظفة: ارفعي ايديك لو سمحت. صوت الزامور.

الموظفة: انت لابسة كشاط؟

المسافرة: ياي، سوري، نسيت اشلحو، تفضلي خذي هاي الكشاط.

الموظفة: وهلا بتقدري تمري