A Young Syrian Teenage Girl Teaches Refugee Children in Lebanon
المتكلمة الأولة: عمري أربع...أربعطاشر سنة، من الشام. و الله نحنا إيجينا يعني إنّه...يعني إنّه طلعنا بهالأوضاع، حمد الله طلعنا قبل هالأوضاع. صار لي هون...هلا صار لي سنتين. أنا كنت الأولى بالمدرسة، فأنا تعلّمت إشيا كتير و هلاّ لسّاتهن ببالي. فأنا هون حبّيت هيك أعلّمهن.
بعلّمهن علوم، رياضيات )أَنْدْ ( إنجليش. يعني أيّ ...كلّ الإشيا...عم درّسهن هاللّي...ياللّي أنا قدرانا عليهن. حابّة أدرّسهن لأنّه آخُد عند ربّ العالمين حسنة و ليتعلّموا...حسب إنّه الدرس...بدّي اعطيهن إياه...على قدّهن...عالأساس إنّي أعطيهن إملاء...أعطي...بس ما في دفاتر، أعطين إملاء وظيفة.
كنا قاعدين نحنا هون بخيمة بس يعني لأنّه...تدلف علينا و هيك شغلات...فها...هلاّ بعلّمهن...ما بدّي أروّح عليهن ]الدرس[. جمعة و سبت عم...عطلة عندهن. أنا متذكرة هاللّي في سوريا، هاللّي في سوريا بقى علّمتهن، عم بعملّهن إنّه تسميع، ما فيكي...ما في دفاتر و أقلام لحتّى يكتبوا، و يتعلّموا، ما في...صار لي يومين ما عم درّسهن لأنّه كلّه وحل. أنا مريضة بس قلت بدّي قوّي حالي لحتّى أدرّسهن و بدّي نسّيهن هموم...هموم...همومهن يعني إنّه، اللّي ميّتلهن و اللّي هيك.
المتكلمة الثانية: جيت على لبنان يعني من سنتين و شهرين. جيت أنا و ولاد بنتي و ولاد ابني، نحنا...سبع...سبع ولاد يعني و بنت. استشهد...استشهدوا أبّهاتهن. عا...عايشة...الصّليب الأحمر بيساعدنا بهايّ كرتونة غذائية...يعني و الصّدقة كمان...بقى... صاحب المخيّم كتير يعني هيكي...لإلنا عناية خاصة من طرفه لانّهن أيتام. الأولاد عاملين نموذج مدرسة يعني...بيجوا عليها و بيتعلّموا بس لأنّه في مدرسة يعني...بيتعلّموا هالكلمتين من بنت هيكي، بتقعد و بتطلّع عالصغار يعني.
