013 Dies et res

Dies clarus noctem obscuram fugat. Diei noctisque vicissitudo omnibus animalibus grata est. Fabius Maximus cum Hannibale in acie dimicare dubitavit.

Quam iucundum est meridie calido sub umbra fagi ramosae cubare ! Longitudo dierum noctiumque non omnibus anni temporibus par est: hieme dies breves sunt, noctes longae, aestate noctes breves sunt, dies longi. Dies senectutis diebus hiemis similes sunt; quare poetae saepe dies senectutis cum diebus hiemis comparant. Quam brevis, dies, felicibus es, quam longus infelicibus!

O spes hominum, quam fallaces estis! Fidem firmum vinculum rerum humanarum putamus. Conon et peritus rei militaris et diligens fuit imperator. Exempla antiquae probitatis ac fidei iam rara sunt. Fidei civium salus rei publicae commendatur. Industria et parsimonia fundamentum sunt rei familiaris. In rebus secundis multos amicos numeramus, in rebus adversis paucos, sed fidos. Dumnoris Haeduus, vir summae audaciae, magna apud plebem propter liberalitatem gratia, cupidus rerum novarum fuit. Omnium rerum initium difficile est.