010 Mare

Mare supra Italiam situm a Romanis superum appellatur. Sicilia Sardiniaque in mari infero sitae sunt. Navibus homines in maria penetrant. Coelum maris inferi salubre est. Scipio a Poenis ad flumen Ticinum proelio equestri superatus est. Vectigalia saepe magna et gravia sunt. A Livio egregia facta fortium virorum celebrata sunt. Marius ignobili genere natus est. Ingens multitudo piscium in omnibus maribus est. Amicorum studia paria sunt, pares sunt mores, pares sunt voluntates. A bono et honesto et sapienti viro laudari summa laus est. Ab Atheniensibus saepe pro libertate omnium civitatum Graeciae pugnatum est.

Vita brevis, ars longa. Studiis artium bonarum homines a fera et immiti vita ad humanitatem vocati sunt. In regionibus septemtrionalibus hieme per longum temporis spatium nox est. Aestate in regione nostra spatium noctium breve est. In media parte multarum urbium arx est in colle sita et muris firmata. Hieme proxima multae arbores horti nostri onere nivium curvatae sunt. In cacuminibus Alpium et reliquorum altorum montium nix aeterna est. Aqua fontium gelidorum, viatores, aestate calida recreamini ! Ingens est longitudo pontium ad urbem Vindobonam in flumine Danuvio factorum.

Saepe senex pauper est, qui iuvenis dives fuit. Romulus cum grege fortium iuvenum in regiam intravit et Amulium, fratrem avi, regno privavit. Mos senum est vetera tempora laudare, praesentia vituperare. Pueri pauperum hominum saepe melius educantur quam divitum. Beneficia patrum et matrum erga liberos magna sunt. Patrum nostrorum memoria multa, quae nunc vulgaria sunt, nondum nota fuerunt. Viri clari saepe in casa paupere et humili nati sunt. Discordia fratribus saepe perniciosa fuit. Consuetudine malorum hominum pueri et iuvenes saepe depravantur.