話說 當晚 ，一直 衝殺 到 天光 就 魏兵 啊 始終 唔能夠 殺入 姜維 嘅 營寨 。
到咗第日 ，王含 、蔣斌 就 收集 返啲 敗兵 ，跪 喺 大寨 前 便 就 向 姜維 請罪 。
姜維 話 喇 ：呢啲 唔係 你哋 嘅 罪 ，都 係 由於 我 不明 地形 所致 啊 。
於是 姜維 呢 ，再 撥 兵馬 畀 佢 兩個 ，叫 佢哋 另外 去 安營 。
然後 ，吩咐 將 戰死 嘅 兵士 嗰啲 屍體 呢 ，葬 在 地道 裏 便 ，就 用 泥 壅 返 好 。
跟住 姜維 就 派人 去 下 戰書 嘞 ，點名 約 鄧艾 明日 交鋒 。
鄧艾 接到 戰書 好 高興 噉 啊 應承咗 喇 。
第日 ，蜀魏 兩 支 大軍 啊 ，喺 祁山 前 便 就 各自 排列 好 。
姜維 就 按照 諸葛亮 嘅 八陣法 ，依照 天 、地 、風 、雲 、鳥 、蛇 、龍 、虎 噉 嘅 形狀 ，佈好 陣勢 。
鄧艾 一 出馬 ，見 姜維 佈 成 八卦 。
好 ，自己 亦 佈 一個 陣 ，左右 前後 門戶 一樣 嘅 。
姜維 手執 鋼槍 ，縱馬 而出 。
佢 大聲 噉 話 ：你 學 我 佈 八陣 ，你 識唔識 變陣 呢 ？
鄧艾話 喇 ： 嘿 ， 嘿嘿嘿 ， 嘿嘿 ， 你 你 以 以 為 呢 個 陣 ， 淨 係 你 你 識 佈 咩 ？
我既然 會 佈陣 ，點 會唔識 變陣 啊 ？你你 睇住 嚟 啦 ！
鄧艾 講完 ，就 勒 轉 馬頭 跑 入 陣內 。
吩咐 執法官 將 支令旗 左右 招展 ，將 個 陣 啊 變成 八八六十四 個 門戶 。
變好喇 ，鄧艾 又 跑馬 出到 陣前 問 姜維 話 ：
我我個陣變得點啊 ？
雖然 都 變得 唔錯 ，之 你 敢唔敢 同 我 八陣 相圍 呢 ？
誒 欸 有 有 乜嘢 唔 敢 啊 ？
於是 兩 支 軍隊 啊 各自 按照 隊伍 前進 嘞 。
鄧艾 又 喺 中軍 調動 人馬 。
兩軍 衝突 ，陣法 呀 一啲 都 冇 錯動 。
姜維行 到 中間 ， 將令 旗一 揮動 ， 忽然間 ， 變成 長蛇 捲 地陣 啊 ， 將鄧 艾 就 困 喺 戰陣 中心 嚟 。
喎嗬 ！四面八方 ，嗰啲 吶喊聲 啊 震天動地 。
鄧艾 就 唔識 姜維 呢個 咩嘢 陣 喇 ，個 心 就 好 驚 啊 。
啲 蜀 兵 啊 漸漸 漸漸 逼近 嘞 ， 鄧艾 就 帶 住 一班 將官 ， 衝極 都衝 唔 出 。
只 係 聽見 蜀兵 啊 齊聲 大叫 ： 鄧艾 快快 投降 ， 鄧艾 快快 投降 ！
呢 個 時候 鄧艾 唯有 仰 天長 歎 喇 啊 ！ 我 我 我 一 一時 自自逞 其能 ， 哎 ， 哎 ， 呢 次 呀 ， 中 咗 姜 姜維之 計咯 ！
鄧艾 正在 危急 嘅 時候 ，忽然間 喺 西北角 嗰 便 啊 ，有 一彪 魏軍 殺入嚟 ，嘿呀 得救 喇 得救喇 ，鄧艾 就 趁勢 殺返出去 。
噉 救 鄧 艾 嘅 係 邊個 呢 ？ 係 司馬望 啊 。
噉啊 救咗 鄧艾 出陣 之後啊 ，魏軍 嘅 祁山 九寨 ，全部 都 畀 蜀兵 佔領 咗 咯 。
噉 鄧艾 只有 帶住 呢支 敗兵 ，退到 去 渭水 以 南 重新 扎寨 啦 。
噉 鄧艾 呢 ，就 問 司馬望 嘞 ：
將 將軍 呀 ， 你 你 ， 你點 識得 呢 個 陣法 ， 欸 救救 到 我 出 嚟 嘅 呢 ？
我 後生 嗰陣 呀 ，曾經 喺 荊南 遊學 ，同 崔州平 、石廣元 交咗 朋友 ，談論過 呢個 陣 。
今日 姜維 所變 嘅 呢 ，乃係 長蛇 捲地 陣 。
若果 喺 其他 嘅 地方 攻 佢 ，就 實 破 佢 唔到 嘅 。
我 見 佢 嘅 頭 喺 西北方 ，故此 由 西北方 對 佢 攻擊 ，噉 就 破咗 佢 啦 。
哎 ，真真係 多謝 將軍 你 搭救 我 。
我 雖然 學識 佈陣 嘅 方法 ， 之 老 老實 講吖 ， 我仲 唔 識 佢 嘅 變法 嘅 。
誒將將軍 ，你 你既然 知道 變法 嘞 ，噉 不如 ，喺 聽日 呀 ，就 用 呢個 變法 ，再 將 祁山 九寨 奪取 返嚟 呢 ，好好唔好 啊 ？
不過 ，我 嘅 學識 ，恐怕 瞞唔過 姜維 喎 。
噉噉噉噉啦 ，誒 聽日 ，將軍 你 喺 陣陣 上 ，同 姜維 鬥 陣法 。
我我呢 ，我我就 帶 一支 軍隊 ，去 祁山 背後 偷偷 襲 。
兩便 混戰 ，就 可以 再 奪 舊寨 喇 。
商量妥當之後 ，鄧艾 就 命令 鄭倫 做 先鋒 ，自己 就 帶 一支 軍隊 去 偷襲 山後 ；
另一方面 呢 ， 又 派 人 下戰書 ， 嘍姜維 聽 日鬥 陣法 。
而家 講下 姜維 ，佢 收到 鄧艾 嘅 戰書 ，批復咗 同意 ，就 叫 鄧艾 嘅 使者 返去 。
然後 佢 就 對 眾位 將領 話 ：我 得到 丞相 嘅 秘傳 ，呢個 陣 嘅 變法 ，係 按照 周天 之 數 ，總共有 三百六十五 樣 。
嘿嘿 ， 而家 鄧艾 竟然 嚟 嘍我鬥 陣法 ， 簡直 係 班門弄斧 唧 。
哈哈哈哈 哈哈哈 哈哈哈 ， 不過 其中 必有 奸計 ， 各位 ， 知 唔 知 呢 ？
廖化話喇 ：鄧艾 實係 表面上 ，氹 我哋 去 鬥陣法 ，暗中 啊 帶兵 去 偷襲 我哋 嘅 後方 啊 。
哈哈哈哈 冇錯 ，冇錯喇 ，我 就係 噉諗嘅 。
於是 姜維 就 派 張翼 同 廖化 ，帶 一萬 人馬 去 祁山 背後 埋伏 。
到咗 第日 ，姜維 出齊 九寨 嘅 兵馬 ，分佈 喺 祁山 前 便 。
司馬望 呢 亦 帶兵 由 渭南 嚟到 。
司馬望 出馬 ，同 姜維 答話 。
姜維 話 喇 ：你 約 我 嚟 鬥陣法 ，好啊 ，你 佈 個 陣 我 睇 下 。
得吖 ，司馬 望 令 旗 一招 ，就 佈成 一個 八卦 。
姜維 見到 就 笑喇 ：哈哈哈哈哈哈哈哈 ，呢個 即係 我 所佈 嘅 八陣法 咋嘛 ，你 抄襲 我 嘅 ，何足為奇 呢 ？
司馬望 話 喇 ：噉 你 亦 係 喺 人哋 嗰處 偷 返嚟 嘅 啫 。
我問 你 ， 呢 個 陣 ， 總共 有 幾 多種 變法 啊 ？
誒 ，嘻嘻嘻嘻嘻嘻嘻嘻 ，我 既然 能夠 佈陣 ，點 會話 唔識 變 啦 ，呢個 陣 ，有 九九八十一變 。
嘿 ，嗯 ，哈哈哈哈哈哈哈哈 ，你 變嚟 睇下 。
司馬望行 入陣內 ，將 令旗 左拂 右拂 指 前 指 後 就 變咗 幾次 。
然後 再 行出陣 嚟 話 喇 ：你 識唔識得 我 呢啲 變法 呢 ？
我嘅陣法 ，係 按照 周天 三百六十五 變 嘅 。
哈哈 你 不過 係 井底之蛙 ，點 識得 其中 嘅 奧妙 吖 ！
三百六十五變 ？司馬 望 知 啊 知道 有 咁多 種 變法 喇 ，但係 佢 冇 學 齊 噃 。
丟架喇呢勻 ，就唯有 死雞 撐 飯蓋 啦 佢 話 ：我 唔信 ，你 又 變嚟 睇 下 。
你叫 鄧艾 出嚟 啦 ，佢 出嚟 我 就 佈陣 畀 佢 睇 。
鄧將軍 自有 良謀 ，佢 唔好 陣法 嘅 。
哈哈哈哈 哈哈哈 哈哈哈 哈哈哈 哈哈哈 ， 有 乜 野良謀 吖 。
佢 不過 叫 你 氹 我 嚟 呢處 佈陣 ，佢 就 靜靜 帶兵 去 偷襲 我 嘅 山 後 ，係嘛 ！
哇 ，畀 姜維 識穿 晒 喇 ，唔得了啊 ，司馬望 大吃一驚 ，唔理 咁多 咯 ，正話 想 進兵 啊 實行 混戰 一場 。
點知道 姜維 先發制人 ，用 馬鞭 一指 ，兩翼 嘅 兵馬 ，好似 兩把 尖刀 噉 殺出嚟 ，殺到 啲 魏兵 丟盔棄甲 呀 散晒 各自 逃命 嘞 。
而家 又 講返 下 鄧艾 嗰 便 。
噉啊 先鋒 鄭倫行 先 就 佢 壓尾 ，一齊 去 偷襲 山後 。
鄭倫 啱啱 轉過 山角 ，突然間 ，轟噉 一聲 炮響 ，跟住 就 鼓角 喧天 ，伏兵 殺出嚟 嘞 。
為首 一員 大將 乃係 廖化 。
噉 都 嚟 唔 切 答話 唧 ， 兩馬 相交 ， 廖化 手起 一刀 就將 鄭倫 斬 咗 落馬 。
嘿嘿 ，都 咪 話 蜀中 無 大將 廖化 作 先鋒 啊 ，廖化 都 幾 叻 㗎 吓 。
鄧艾 見到 遇着 埋伏 ，鄭倫 陣亡 就 知道 姜維 有晒 準備 ，急急 指揮 撤退 嘞 。
誰知 張翼 嘅 人馬 又 殺到 嘞 ，噉 兩便 夾攻 ，打到 魏兵 啊 零丁 賴 敗 。
鄧艾搏 晒 老命 ， 突圍 逃跑 ， 個身 呀 ， 中 咗 四箭 啊 四箭 啊 ， 都 唔 知 幾 艱難 先至 趯 甩 咗 。
噉 鄧艾 返到去 渭南 營寨 嘅 時候 呢 ，司馬望 亦 返到嚟 。
兩個 都 打咗 敗仗 ，就 喺度 商量 辦法 ，睇下 諗 咩嘢 好計 先至 退得 蜀兵 嘞噃 。
諗諗諗諗咗一輪 ，硬打 係唔得㗎喇 。
誒 ，司馬望 話 喇 ：近來 蜀主 劉禪 ，好 寵愛 嗰個 太監 黃皓 ，不分 日夜 沉迷 酒色 。
我哋 用 反間計 ，等 劉禪 召 姜維 返去 ，噉 就 可以 解除 危險 喇 。
係喎 ，鄧艾 就 問 嗰班 謀士 嘞 ：
你你哋邊位 ，可可以 去 西蜀 ，去 疏通 黃皓 吖 ？
說話 未完 ，有 個人 應聲 而 出話 ：我 去 啦 ！
鄧艾 一 睇 ，原來 係 黨均 ，得喇 。
鄧艾 即刻 派 黨 均 帶齊 金銀珠寶 ，去 成都 疏通 黃皓 ，勾結 佢 ，去 散佈 謠言 。
話 姜維 啊 對 天子 極 不滿意 ，冇 幾 耐 就 會 去 投奔 魏國 㗎 喇 噉 等等 。
噉啊 黃皓 受咗 賄賂 ，就 真係 搞鬼 嘞 喎 。
搞到 成都 呀 滿城 風雨 ，人人 都 喺度 噉 傳嚟傳去 。
黃皓 就 去 稟奏 畀 劉禪 聽 ，話 姜維 噉噉噉噉噉 。
劉禪 就 派 人 火急 去 前線 召 姜維 返嚟 嘞 。
姜維 連氣 好多日 啊 ，派人 去 魏寨 挑戰 ，鄧艾 就 總係 堅守 唔出 。
嗯 ？咩嘢 緣故 呢吓 ？姜維 個 心 就 好 思疑 。
呢一日 忽然 天使 到 啊 宣召 姜維 入 朝 ，姜維 都 唔 知道 咩嘢 事 喎 。
唉 既然 聖旨 到咯 ，唯有 班師 回朝 啦 。
哎真係唔抵咯 ，姜維 就 幾次 北伐 中原 ，呢次 嘅 形勢 係 最好 㗎 嘞 。
點知 喺 內部 畀 人 搞鬼 ，又 冇 成功 嘅 希望 嘞 。
鄧艾 同 司馬望 知道 姜維 中計 嘞 ，準備 出動 渭南 嘅 全部 兵力 ，想 乘勢 掩殺 咯噃 。
噉當 姜維 要 傳令 退兵 嘅 時候 ，廖化 就 勸 佢 話 喇 ：
大將軍 ，將 在外 ，軍命 有所 不受 喎 。
而家 雖然 有 詔書 嚟 ，都係 以 唔 退兵 為 好啊 。
張翼 話 喇 ：而家 啲 老百姓 對 大將軍 年年 出兵 打仗 ，都 有 啲 怨言 㗎 喇 。
不如 趁住 得勝之時 收兵 回朝 ，嚟 安定 民心 ，以後 ，再作打算 啦 。
好 ，仲係噉樣好 ，姜維 於是 下令 各部 軍隊 ，就 按照 規定 撤退 。
命令廖化 ，張翼 壓 後 ，就 防備 魏兵 追襲 。
姜維 呢 個 部署 係 得 嘅 ， 因為 鄧艾一 知道 姜維 撤退 呢 就 帶兵 嚟 追 嘞 。
佢 見到 蜀兵 旗幟 齊整 ，行動 有 秩序 ，慢慢慢慢 噉 退 。
鄧艾 都 不禁 歎 咗 一口氣 話 喇 ： 哎 ！ 姜姜維 呀 ， 真 係 學足 諸葛武侯 嘅 本事 啊 ！
唔敢 追 喇 ，乖乖地 帶兵 返去 祁山寨 。
姜維 返到 成都 ，就 立即 去 朝見 後主 劉禪 ，問下 為咩 事 召佢 返嚟 啦 。
劉禪 話 喇 ：哦哦 ，朕 見到 愛卿 喺 邊疆 ，咁耐 都 仲 未 帶兵 返嚟 ，怕 啲 兵士 過於 勞累 ，所以 召 愛卿 你 回朝 啫 ，誒 冇乜嘢 其他 意思 嘅 。
陛下 ，臣 已經 佔領到 祁山 嘅 魏軍 營寨 。
正係 想 奪取 更大 嘅 成功 ，冇 估到 半途而廢 。
呢次 ，必定 係 中咗 鄧艾 嘅 反間計 咯 。
劉禪 唔 出聲 嘞 。
姜維 又 稟奏 話 ：臣 誓 要 討伐 逆賊 ，報答 國恩 。
陛下 唔好 聽 嗰啲 小人 嘅 說話 ，就 唔會 有 疑慮 㗎 喇 。
劉禪 過咗 好耐 好耐 先至 出聲 ，佢 話 ：
朕 ， 並 冇 懷疑 愛卿 你 ， 你 返去 漢中 先 。
等到 將來 魏國 有 乜嘢 變故 咯 ，到時 再 出兵 去 打佢 啦 。
臣 領 旨 ！姜維 長歎 一聲 行出 朝廷 ，就 返去 漢中 。
噉啊派去成都 ，買通 太監 黃皓 嗰個 黨 均 呢 ，佢 又 做妥晒 手腳 ，摸清 晒 底細 之後 就 返去 祁山寨 ，報告 消息 。
鄧艾 同 司馬望 話 ：佢佢哋 君君臣不和 ，必必 有 內變 㗎 。就 叫 黨均 去 洛陽 報 畀 司馬昭 知 。
司馬昭 知道咗 就 好高興啊 ，就想 去 吞併 蜀國 咯噃 。
佢 同 中護軍 賈充 商量 話 喇 ：我 而家 想 去 攻打 蜀國 ，點 呢 ？
賈充 話 喇 ：未 打得住 啊 ，目前 ，皇上 正 係 疑心 主公 你 。
若果 主公 你 一旦 隨便 噉 外出 ，宮廷 之內 大難 必會 發作 。
去年 ， 寧陵 嘅 井 裏頭 兩次 出現 黃龍 ， 當時 所有 嘅 大臣 都 上表 祝賀 ， 認為 呢 啲 係 吉祥 嘅 兆頭 吖 。
之 皇上 點 話 呢 ，佢 話 呢個 唔係 吉祥 嘅 兆頭 啊 。
龍 呢 ，乃 係 君王 之 象 吖 嘛 ，竟然 上 不在 天下 不在 田 ，就 噉 屈 喺 個 井 裏 便 ，呢個 乃 係 幽困 嘅 兆頭 嚟 㗎 。
於是 皇上 就 作咗 一首 潛龍詩 ，詩裏 便 嘅 意思 呀 ，明明 係 話 主公 你 㗎 。
哦 ？首詩 係 點 㗎 ，你 講 我 聽下 。
嗰首詩 係 噉嘅 ：
傷哉 龍 受困 ，不能 躍 深淵 。上 不 飛 天漢 ，下 不 見 於 田 。蟠 居 於 井底 ，鰍鱔 舞 其 前 。藏 牙 伏 爪 甲 ，嗟 我 亦 同然 ！
嗯 ！此人 想 學 曹芳 定 喇 。
哼 ！若果 唔 早日 剷除咗佢 ，佢 實 會 害 我 嘅 。
主公 放心 啦 ，我 遲早 必定 為 主公 剷除 咗 佢 。
時間 過得 好快 ，轉下眼 又 到咗 魏國 甘露 五年 ，即係 公元 二六零年 啊 ，四月 。
有一日 ，司馬昭 帶 劍 上殿 ，魏主 曹髦 即刻 起身 迎接 。
司馬昭 坐定 ，曹髦 亦 坐返低 。
嗰班 大臣 都 好似 約好 晒 噉 一齊 稟奏 話 ：
啟稟陛下 ，大將軍 功德 巍巍 應該 封為 晉公 ，加 九錫 。
曹髦 耷低頭 ，唔 回答 。
司馬昭 忍唔住 喇 ，佢 大聲 噉 話 ：
我 父子 兄弟 三人 ，有 大功 於 魏國 ，封 我 做 晉公 ，唔通 仲 有 乜嘢 唔啱 咩 ！
曹髦 冇晒 辦法 啦 唯有 應承 話 ：點敢 唔聽 你 話 呢 ？
哼 ！潛龍 嗰 首 詩 ，將 我哋 睇成 係 泥鰍 黃鱔 ，算 係 乜嘢 嘅 禮教 ！
嘩 ！曹髦 啊 更 答唔出 啦 。
哼 ， 哼 ， 哼哼 哼哼 哼 嘿嘿 嘿嘿 嘿嘿 。
司馬昭 一便 冷笑 ，一便 行出 金殿 。
嗰班 文武 官員 呀 個個 都 毛管戙 啊 。
曹髦 返到 去 後宮 ，越 想 就 越 氣憤 ，就 召 侍中 王 沈 、尚書 王 經 、散騎常侍 王 業 噉 三個人 嚟 商量 辦法 。
曹髦 喊 啊 ，佢 流住 眼淚 話 ：
司馬昭 ，就快要 謀朝篡位 ，真係 人所共知 㗎喇 。
唉 ，朕 唔能夠 就噉 坐響度 ，忍受 畀 佢 廢黜 嘅 凌辱 。
你哋 三位 愛卿 想 下 辦法 ，幫 朕 剷除 佢 啦 。
王經 就 稟奏 話 喇 ：陛下 ，千祈 唔好 噉樣 做 啊 。
古時候 ，魯昭公 因為 忍唔住 畀 佢 個 大臣 季氏 掌握 朝政 ，就 派兵 去 打 季氏 喇 。
結果 失敗 ，搞到 要 逃亡 去咗 齊國 。
唉 ，陛下 ，而家 國家 嘅 大權 ，早就 歸於 司馬氏 咯 。
內外 公卿 大臣 ，都 唔顧 順逆之理 ，都去 巴結 奉承 奸賊 。
呢啲 都 唔係 一兩個 人 噉 做 㗎 咯 ，可以 講話 大部分 都 係 噉 㗎 咯 。
而且 ，陛下 嘅 警衛 人員 ，又 少 又 弱 ，冇 幾多 個 係 肯 忠心 為 陛下 效命 嘅 。
陛下 若果 忍唔住 呢啖氣 ，就會 大禍 臨頭 㗎喇 。
係要做 都 只能夠 慢慢嚟 ，千祈千祈 唔好 輕舉妄動 啊陛下 。
哼 ！是可忍孰不可忍 ，朕 已經 決心 噉 做喇 ，就算 係 死 ，亦 冇乜 好 怕 嘅 ！
講完 ，曹髦 就 行咗 入去 裏頭 去 稟告 太后 喇 。
咦 ，真㗎噃 ，唔係 就噉 講下 算㗎噃 。
王沈 、王業 ，就 同 王經 話 喇 ：事情 危急 喇 ，我哋 唔好 自取 滅族 之 禍 啊 。
我哋 快啲 去 司馬公府 上 自首 ，以免 一死啦 。
王經 發火 嘞 ，佢 話 ：主 憂 臣 辱 ，主辱 臣死 ！噉樣 不忠不義 都 得 嘅 咩 ！
王沈 、王業 見 王經 都 唔化 嘅 唔聽 佢哋 話 ，就 唔理 王經 咁多 喇 ，喇喇聲 自己 趕住 去 報告 司馬昭 喇 。
過咗 一陣間 ，曹髦 出嚟 嘞 。
佢 命令 一個 護衛 叫做 焦伯 ，將 喺 王宮 裏 便 值班 警衛 嗰啲 人 啊 ，召集晒 起嚟 。
嗰班人 呢 ，哎唔係 老嘅 就係 嫩嘅 ，總共 召集到 三百幾人 ，嘻嘻㗾㗾 噉啊 大聲 鼓噪 出發 咯 喎 。
曹髦 揸住 把 劍 ，坐喺 架 輦車 嚟 就 喝啲 侍從 ，跟 佢 直 出 宮殿 嘅 南便 。
王經 跪 喺 架 輦車 前 便 大聲 噉 喊住 勸 曹髦 話 ：
陛下陛下 ，你 帶住 幾百人 ，去 打 司馬昭 ，乃係 趕 羊 入 虎口 啫 ，白白 送死 㗎 咋 ，一啲 益處 都 冇 㗎 。
臣 唔係 怕死 ，呢件事 ，實在 係 唔做得 㗎 陛下 ！
曹髦 話 喇 ：朕 嘅 軍隊 已經 出發 ，愛卿 你 唔好 攔阻 喇 。
講完 就 向 住 雲龍門 行過去 。
呢個 時候 ，只見 賈充 着住 軍服 ，騎住 匹 高頭大馬 ，左 有 成倅 ，右 有 成濟 ，帶住 幾千 名 鐵甲 禁兵 就 大聲 吶喊 噉 殺入嚟 。
曹髦 揸住 把 劍 大聲 噉 喝 ：我 係 天子 ，你哋 衝入 皇宮 ，想 殺 皇帝 係嘛 ！
嗰班 禁兵 見咗 曹髦 ，個個 都 定晒 喺度 冇 個 敢 逳 。
賈充 就 嗌 成濟 話 喇 ： 喂 ， 司馬公 平時 養 你 為 咗 乜嘢 㗎 ？ 就 係 為 咗 今日 嘅 事 吖 嘛 。
成濟 揸住 支戟 就 問 賈充 話 ：殺 呢 ，定 綁 啊 ？
司馬公 有 令 ，只係 要 死嘅 啫 ！
係 ，要死嘅 ！成濟 舉起 支戟 ，噔噔聲 直 向 架輦車 跑過去 。
你 個 匹夫 咁 無禮 ！
說話 未 完 ， 畀 成濟 一戟 就 刺 中心 口 ， 哎呀 ！
曹髦 喺 架 輦車 舂 咗 出嚟 ，成濟 再 一戟 ，由 心口 插 到 背脊 ，當堂 死 喺 架 輦車 旁邊 。
護衛 焦伯 啊 ，佢 舞起 支槍 就 衝上嚟 ，又 畀 成濟 一戟 就 刺死咗 。
噉 其餘 嗰啲 老老嫩嫩 嘅 值班 警衛 啊 ，𠻘𠻘聲 趯走 晒 咯 。
王經 追到 嚟 嘞 ， 佢 見到 賈充 就 大聲 鬧 佢 ： 你 ， 你 個 逆賊 ， 逆賊 ！ 你 ， 你 你 你 你 你 你 殺 君王 咁 大膽 ！
賈充嬲啊 ，即刻 喝啲 人 捉住 王經 ，同時 呢 派 人 去 報告 司馬昭 。
司馬昭 好快 入到嚟 嘞 ，見到 曹髦 已經 死咗 ，就 詐家意 整成 好驚慌 噉樣 ，用 個 頭 呀 撞住 架 輦車 喊噃 。
即刻 就 派人 分頭 去 通知 各位 大臣 。
過咗一陣 ，太傅 司馬孚 就 趕到嚟 嘞 。
佢 見到 曹髦 個 屍首 ，佢 就 將 曹髦 個 頭 枕 喺 自己 個 大髀 嗰處 喊 啊 。
各位 又 會 問 嘞 ，點解 司馬孚 要 噉 做 嘅 吓 ？
原來 噉樣 做 呢 ，係 古代 啲 大臣 啊 ，對 橫遭 殺害 嘅 君主 表示 哀痛 盡禮 嘅 一種 做法 ，係 規矩 嚟 嘅 。
司馬孚 一便 喊 一便 話嘞 ：陛下 被殺 ，啊 係 臣 ，之 罪 啊 ！
司馬孚 喊咗 一場 ，就 叫人 將 曹髦 嘅 屍體 用 棺材 裝好 ，停放 喺 偏殿 嘅 西便 。
呢個 時候 啲 大臣 都 嚟 喇 ，司馬昭 就 去 大殿 召集 啲 大臣 舉行 會議 ，準備 處理 呢件事 。
究竟 點樣 結果 呢 ？且 聽 下回 分解 。
