曹沖 稱 象

從前 ，有 一 位 丞相 ，佢 叫做 曹操 。 佢 有 幾 個 仔 ，個個 都 好 有 成就 。 大仔 叫 曹丕 ，後 嚟 做 咗 皇帝 ；又 有 一 個 細仔 ，叫做 曹植 ，係 著名 嘅 文學家 。 佢 哋 嘅 故事 出名 到 人盡皆知 。 但 係 其實 曹操 仲 有 一 個 細仔 ，大家 又 知 唔 知 呢 ？

曹操 呢 個 細仔 ，叫做 曹沖 ，佢 自細 就 聰明 過 人 。 佢 五六 歲 嗰 陣 ，已經 識得 諗 方法 解決 一 啲 連 大人 都 解決 唔 到 嘅 難題 。 有 一 次 ，有人 送 咗 一 隻 好 靚 嘅 山雞 畀 曹操 。 呢 隻 山雞 啲 羽毛 好 靚 ，五顏六色 ，曹操 想 睇 呢 隻 山雞 跳舞 ，於是 係 噉 逗 隻 山雞 ， 但 係 隻 山雞 一直 都 唔 睬 佢 。

呢 個 時候 ，細仔 曹 沖 就 話 ：「好 簡單 啫 ，等 我 嚟 啦 。」 曹沖 放咗 一 塊 銅鏡 喺 隻 山雞 面前 ，山雞 見到 銅鏡 入面 有 隻 好 靚 嘅 山雞 。 山雞 為 咗 同 佢 鬥 靚 ，就 開始 跳舞 ，點知 鏡 入面 嘅 山雞 跟 住 一齊 跳 。 最尾 ，山雞 跳 咗 好 耐 都 唔 停 ，因為 佢 要 等 鏡 入面 嗰 隻 停 ，佢 先 肯 停 。 從此 ，大 家 都 覺得 曹 沖 真 係 一 位 神童 。

後嚟 ，又 有人 送咗 一隻 大笨象 畀 曹操 。 曹操 佢 哋 個個 都 冇 見過 大笨象 ，佢 見 淨 係 象腿 都 已經 有 一 條 柱 咁 粗 ，覺得 大笨象 真 係 好 大隻 。 佢 喺 度 諗 ：唔知 呢 隻 大笨象 有 幾重 呢 ？ 於是 佢 就 問 大臣 ，睇 下 有 冇 方法 可以 量度 呢 隻 大笨象 嘅 重量 。

有 一 位 大臣 話 ：「大笨象 又 大隻 又 重 ，要 做 一 個 超級 巨型 嘅 稱 ，先 可以 量到 佢 嘅 重量 。」 曹操 笑 住 答 ：「噉 個 稱 咪 仲 大 過 間 屋 ？ 邊 有 可能 做 到 呀 ？」

另 一 位 大臣 話 ： 「 大笨象 係 生 嘅 ， 就算 造 到 咁 大 個 稱 ， 大笨象 都 未必 肯 乖乖 企 上去 。 計 我 話 ，殺 咗 隻 大笨象 ，切 開 一 嚿嚿 ，咁 就 量 到 幾 重 喇 。」

大家 一致 否決 呢 個 方法 ——為 咗 量 大笨象 嘅 重量 ，就 要 殺 咗 佢 ，噉 做 實在 太 唔 人道 喇 ！

呢 個 時候 ，有 個 細路 走 出 嚟 ，原來 係 曹 沖 。 佢 話 ：「要 量 隻 大笨象 有 幾 重 ，好 簡單 啫 ，等 我 話 畀 你 哋 知 點 做 啦 。

首先 準備 一 隻 木船 ，放 隻 大 笨象 上去 。 大笨象 咁 重 ，水位 一定 好 深 。 揾 到 個 水位 之後 ，再 派 人 喺 船上 刻 一 個 記號 。」

呢 個 時候 ，好多 大臣 都 仲未 明白 曹沖 想 點 。 佢 哋 問 ：「噉 之後 點 做 呀 ？」

曹 沖 接 住 講 ：「 之後 就 拉 返 隻 大笨象 出 嚟 ， 再 逐 啲 逐 啲 放 木頭 上去 ， 直到 隻 船 去 返 之前 嘅 水位 先 好 停 。 最後 攞 返 啲 木頭 出 嚟 ，分開 磅 下 幾 重 ，加埋 咪 知 隻 大笨象 幾 重 囉 。」

一眾 大臣 依家 先 恍然大悟 ！ 佢 哋 好 慚愧 ， 因為 佢 哋 做 大人 嘅 ， 都 唔 及 一 個 五六 歲 嘅 細路 聰明 。

自古 英雄 出 少年 ，所以 做 大人 嘅 ，千祈 咪 睇 小 細路 ！ 做 細 嘅 ，都 唔 好 睇 小 自己 ——有 時 細路仔 睇 嘢 ，比 大人 仲要 透徹 呀 ！