屋企 嘅 問題

阿樂 嘅 屋企 唔 細 ，有 三 間 房 、兩 個 廁所 同 兩 個 廳 。

佢 屋企 有 好多 人 ，有 兩 個 大人 同 三 個 小朋友 。 屋企 成日 都 好 嘈 ，啲 嘢 又 好 亂 。

枱 上面 有 未 洗 嘅 碗 同 碟 ，爸爸 同 媽媽 都 唔 想 洗 ，佢 哋 都 覺得 洗碗 好 辛苦 。

張 櫈 上面 又 有 三 件 衫 同埋 四 條 褲 喇 ，阿樂 想 坐 都 坐唔到 。

阿樂 想 去 廁所 。 左面 嘅 廁所 有 人 ，爸爸 喺 入面 沖涼 。

佢 轉 右 ，右面 嘅 廁所 都 有 人 ，佢 拍 門 。

佢 細佬 同 佢 講 ：「不如 你 落 下面 公園 啦 。」

佢 覺得 好 嬲 ，佢 知道 細佬 一定 喺 入面 玩緊 電話 。 佢 唔 係 亂 估 ，佢 見 過 。

佢 落街 ，去 廁所 ，再 返 上 嚟 ，同 媽媽 講 返 呢 件 事 。 媽媽 話 ：「 做 人 哥哥 ， 唔 應該 同 細佬 嘈 。」

佢 覺得 冇 人 明白 佢 ，真 係 好 想 喊 。 成日 有 人 話 男仔 唔 應該 喊 ，佢 覺得 噉 諗 有 啲 問題 。 男 同 女 都 好 ，想 喊 ，就 喊 。

佢 入 房 ，喊 咗 一陣 ，行 出 房 。 細妹 睇 緊 電視 ， 佢 哋 一齊 睇 ， 睇 到 笑 唔 停 。

小朋友 就 係 噉 樣 ，喊 一陣 ，笑 一陣 ，一日 就 過咗 。 大人 唔 喊 ，又 唔 笑 ，日日 都 好 難過 。