彩色 世界

經歷 咗 一 次 高速 上升 後 ，彼德 慢慢 擘大 眼 ，發現 佢哋 已經 身處 太空 ，離 地球 越嚟越 遠 。 佢 望 一 望 身邊 ，卡文 同 雲妮 已經 醒 咗 ，仲 好 興奮 噉 趴 喺 太空船 嘅 玻璃窗 欣賞 眼前 嘅 浩瀚 宇宙 。 彼德 冇 俾 眼前 嘅 景色 吸引 ，反而 因為 離開 咗 地球 而 覺得 好 驚 。 佢 捽 一 捽 眼 ，望 出 窗 ，只 有 無盡 嘅 黑暗 ，同埋 望 唔 清 方向 嘅 宇宙 。

「彼德 ，你 睇下 ！ 出面 有 好多 星星 呀 ！」 雲妮 一邊 講 ，一邊 手舞足蹈 噉 拉 住 彼德 。

「雲妮 ，我哋 而家 喺 邊 呀 ？」 彼德 問 。

「你 唔記得咗 喇 ？ 我哋 要 飛 去 第二 個 星球 生活 ，呢 架 係 最後 一 班 船 呀 。」 卡文 答 。

可能 因為 喺 冷凍倉 瞓 得 太 耐 ，彼德 有啲 不知所云 ，佢 諗 咗 諗 ，先 醒起 係 佢 屋企人 幫 佢 安排 呢 次 太空 移民 。 呢個 時候 ，彼德 再 仔細 眺望 離 佢 越嚟越 遠 嘅 地球 ，地球 變 到 好似 只 有 一 個 網球 咁 細 嘅 size (saai1-si2)。 一 種 難以忍受 嘅 感覺 衝擊 彼德 嘅 淚腺 ，佢 終於 忍唔住 默默 落淚 。

「你 做咩 事 呀 ？」 雲妮 問 。

「 我 …… 我 唔 捨得 呀 …… 」 彼德 喊 住 口 噉 講 。

「有 咩 唔 捨得 ？ 你 諗 下 ，新 嘅 星球 一定 更加 多姿多彩 ！」 卡文 安慰 彼德 。

「但係 我 好 驚 呀 ，你 望 下 前面 ，一 片 黑暗 ，我哋 連 去 緊 邊 都 唔知 。」 眼前 嘅 未知 令 彼德 非常 焦慮 。

「你 唔好 咁 擔心 啦 彼德 ，離開 一 個 地方 的確 需要 好 大 勇氣 ，但 相信 我 ，之後 一定 會 好 㗎 ！」 雲妮 都 幫手 安慰 佢 。

由 地球 去 新 星球 嘅 路 好 漫長 ，佢哋 好 快 又 要 返 入 冷凍倉 休息 。 不過 ，就 喺 雲妮 同 卡文 都 休息 緊 嗰陣 ，彼德 偷偷 哋 起身 ，出去 撳 咗 回程 個 掣 。 但 正 因為 噉 ， 不幸 嘅 事 發生 喇 ， 太空船 出現 劇烈 嘅 搖晃 ， 仲 整 醒 咗 雲妮 同 卡文 。

「發生 咩 事 呀 ？」 雲妮 同 卡文 衝 出嚟 異口同聲 問 。

「對唔住 呀 ……我 諗住 撳 掣 返 地球 ，點知 ……」彼德 支支吾吾 噉 答 。

雲妮 同 卡文 都 冇 時間 責怪 彼德 ，太空船 已經 衝咗 入 黑洞 ，黑洞 裏面 一 片 漆黑 ，連 一 粒 星星 都 冇 。

「點算 呀 ？ 我 冇 諗過 會 搞成 噉 ！」 彼德 忍唔住 喊 咗 出嚟 。 呢個 時候 ，太空船 又 傳嚟 一 陣 強烈 嘅 震動 ，佢哋 三 個 一 個 不 穩 ，一齊 撞 咗 埋 牆 。

「彼德 ！ 控制桿 ！ 拉 實 呀 ！」 雲妮 大叫 。

「唔得 呀 ！ 我 做唔到 呀 ！」 彼德 回答 。

「唔 試過 點知 唔得 呀 ？ 你 睇 下 我 哋 ， 我 哋 而家 已經 踏 出 咗 離開 地球 呢 一 步 ， 冇 得 返 轉頭 㗎 喇 ！ 可以 做 嘅 係 靠 自己 ！ 呢度 最近 控制桿 嗰個 係 你 呀 ，彼德 ！」 卡文 好 激動 噉 講 。

彼德 聽 完 之後 ，雖然 仲係 好 驚 ，但係 已經 冷靜 落嚟 ，仲 開始 努力 嘗試 捉 緊 身邊 嘅 嘢 嚟 平衡 個 人 ，再 一 步 一 步 行 去 控制台 。 佢 抹 乾 眼淚 ，捉 實 搖擺不定 嘅 控制桿 ，用力 一 拉 ！ 太空船 終於 穩定 返 落嚟 ，但係 控制桿 都 仲 好似 同 佢 鬥 力 噉 ，不停 左搖右擺 ……就 喺 彼德 覺得 自己 支持 唔住 ，就嚟 鬆手 嗰陣 ，兩 對 温暖 嘅 手 捉 住 彼德 對手 ——係 雲妮 同 卡文 ！ 佢哋 三 人 合力 捉 實 控制桿 ，直到 太空船 飛 出 黑洞 ……

穿過 重重 黑暗 之後 ，映入 佢哋 眼簾 嘅 係 一 片 彩色 世界 。 睇 座標 ，呢度 就 係 佢哋 嘅 目的地 。 彼德 望 住 眼前 呢 片 美景 ，先 發現 原來 黑暗 眨 下 眼 就 過 。 呢 一刻 佢哋 亦 堅信 ，佢哋 會 有 勇氣 同 力量 去 適應 呢個 美麗 星球 嘅 新 生活 。