حياة عيلتنا: شو ذنب سالي وسند؟
هيك كل شي صار مرتب
مرام رح تنهبل بالمفاجئة
والكل متحمس
أكيد ما في مشكلة بس هلأ بحكي لهم
ماما احزري شو
شو؟
بنتك العقل المدبر مش معقول أنا
خططت لعيد مرام الثلاثاء الجاي ورتبت لكل إشي
عيد ميلاد؟!
كم واحد رح تكونوا؟
يعني حوالي ٢٥ في لسى بنت ما أكدت يعني يمكن ٢٤
٢٤؟ أكيد ما بيزبط هذا العدد
كيف يعني ما رح يزبط؟ أنا خلص عزمت الكل وما حد عنده مشكلة
سالي العدد كثير كبير وبهالوقت لازم الكل يتباعد عشان ما تزيد الكورونا
كورونا كورونا خلص زهقتونا بالكورونا
احنا وعدنا مرام من السنة الماضية نعملها إشي سبيشال وأنا ما رح أقدر أخلف بوعدي
أمك معها حق الوضع مقلق
أنا طالعة عند رنا
ما تنسي الكمامة
حاضر
شو اللي عم بيصير؟ ليش الولاد صاير خلقهم ضيق هيك؟
بابا! خلصت حزمة الإنترنت! بدي إنترنت بسرعة! بابا!
يعني فوق ما احنا دافعين أقساط للمدرسة وكمبيوترات جديدة لكل واحد
وكمان إنترنت زيادة للأونلاين حزم حزم حزم دفع دفع
مش ملحق عليكم افهموا الوضع مش متحمل الوضع-
الوضع سئ ومافيش شغل ومافيش مصاري
بس أنا علي تسليم واجب اليوم وعندي امتحانات، شو أعمل يعني؟
معلش حبيبي خد من موبايلي نت لحد ما البابا يدفع
شو في؟ أبو مرام؟ طيب طيب، أنا طالعة أشوف سالي
كمامتك معك؟
آه آه معي معي
٣ آلاف حالة؟ معقول؟ سند سجل عندك
وين؟ عنا؟ عنا هون؟
لا يابا بإيطاليا، المكسيك ٥٣٠٠ حالة
سويسرا سويسرا ٧٠٠ حالة اليوم
بابا معلش تساعدني عندي امتحان رياضيات بكرا
وهذا اللي منعمله مش رياضيات؟ الإحصائيات والأرقام مش رياضيات
أووف ٨٠٠ حالة اليوم
بابا معلش توطي التلفزيون؟ سامر جوعان وأنا عندي كثير دراسة، بصير إنت تعمل الأكل؟
أنا مشغول هلأ أمك بتيجي بطعميه
أنا طالع عند يزن بلكي ساعدني بالرياضيات
بقول لك سالي ما حد قادر يحكي معها بتعصب بسرعة وبتضل بغرفتها كل الوقت
أم يزن لا يكون في مشكلة بينها وبين رنا واحنا مش عارفين
ليش ما نطلع مشوار معهم اليوم نفهم شو القصة
بتعرفي إنها فكرة حلوة بخبر سالي هلأ
إيه طيب طيب خلص منرجع نحكي بعدين
ييي أم سند وكمان بتحكي تلفون وإنتي حاطة الكمامة هاهاها
أي شيليها خلينا نشوف هالوجه الحلو اشتقالك
وأنا مشتاقة كثير بس شو بدنا نعمل
الكمامة لازم نضل لابسينها
عم بتزوديها ولا لأ؟ من شو خايفة أنا مش فاهمة
معقول إنتي أم إنصاف هاي الكمامة مش بس بتحميني أنا بتحميكي إنتي كمان
أي إنتي مصدقة هالحكي هدول بهولوا أنا لهلأ ما حطيت الكمامة على وجهي
أي ما بتحملها على كل حال يلا عندي حفلة مهمة اليوم رايحة أشتري فستان جديد
حفلة؟ هو في واحد عاقل بيعمل حفلات بهالأيام؟
يعني منضرب الرقم لاثنين
لا لا قصدي قسمة اثنين
استنى أفكر شو بيعرفني صدق ما أنا متذكر
لا لا قصدي خلص خلص إنتوا جربوا لحالكم وبشوف، فهمتوها؟ تمام الوضع؟
يلا يعطيكم العافية
فهمت إشي؟
سلام تسلمك ولا إشي
خلينا نشوف قديش صارت الحالات اليوم
ما تغلب حالك عمو
عدد الحالات اليوم ٨٠٠
٦٥٠ داخل العاصمة و١٥٠ خارج العاصمة
أووف شو هذا إنت على إطلاع يا سند
أكيد عمو ما بابا دايماً بيسمع أخبار وبيسجل أرقام
إذا يتحب كمان بيحكي لك الأعداد بزمبابوة وكولومبيا وكوستا ريكا
يا ولاد تعالوا تغدوا في معكرونة
كورونا؟ مين معه كورونا؟
معكرونة مالك يا زلمة ما بتفكر غير بالكورونا
هاهاهاها
زمان ما مشينا
المشي حلو كثير وبنشط، صح يا صبايا؟
بتعرفوا شو؟ زمان ما شوفت أمي حابة أعزمها بكرة تقضي اليوم عنا بتتسلى مع الولاد
بتعرفي إنها فكرة حلوة وأنا رح أعزم حماتي وحماي كمان
لا ماما ما بيزبط أنا عندي امتحان وبتشتت وببطل أعرف أدرس
وأنا وأنا كمان، ليش ما إنتي تروحي تزوري التيتا والجدو؟ ليش لازم هم ييجوا عنا؟
وقفوا وقفوا شوي هاي مسج من أم إنصاف، خير؟
شو؟
الله يسامحك يا أم إنصاف
قلنا لك حطي هالكمامة وبلا هالحفلات والبوس والعبط ما بترد
هاي أكيد حفلة بنت خالتها
أم إنصاف كمان؟
ليش؟ مين مصاب كمان؟
صراحة ماما أبو مرام طلع كمان مصاب
واحنا كنا عندها الأسبوع الماضي وممكن نكون انعدينا
ماما احنا خايفين عليكم كثير وعلى تيتا وجدو
بس لما كنا عند مرام كنا لابسين الكمامات كل الوقت وقعدنا بالحديقة كمان
آآه عشان هيك ما بدكم ما نعزم جدودكم
صراحة ماما أنا هلأ فهمت ليش دايماً بتخليني آخذ الكمامة معي
وليش ما كنتي موافقة نعمل حفلة كبيرة لمرام
وإنتوا برافو عليكم إنكم التزمتوا بلبس الكمامة وقعدتوا برا
إنتوا عملتوا اللي عليكم حبيبتي
وسلامته أبو مرام لازم نحكي معهم نطمن عليهم
وبالنسبة لمرام شو رأيكم نفكر مع بعض نعمل إشي مميز بعيدها
بما إنكم ما بتقدروا تشوفوها
زي شو؟
أربعة
أربع حالات بس، وين؟
بابا جبت أربعة من عشرة بالرياضيات
ليش ماما؟
لأنه البابا كان مشغول وأبو يزن شرح إلنا وبصراحة ما فهمنا ولا إشي
سند حبيبي كنت عم بحكي مع أبو يزن اليوم
وحكالي إنو انتبه إنك كثير بتحكي عن الكورونا
شكلو الموضوع مسبب لك قلق
آه بابا
أظن إنو أنا السبب
بقضي كل وقتي على الأخبار
بس من يوم وطالع اتفقنا أنا وأمكم إنو رح نخفف أخبار وتوتر
لأنه هذا عم بيأثر علينا كلنا وعلى نوعية الوقت اللي منقضيه معكم
بس أكيد رح انضل متبعين إجرآت السلامة
طيب عندي امتحان علوم بكرة، تساعدني؟
إه؟ بكرة؟
يم ما صدقت
هاهاهاها
وأنا عندي فكرة، شو رأيكم اليوم بس تخلصوا دروسكم بما إنو ما رح نحضر أخبار نحضر فيلم كوميدي
يسس من زمان ما حضرنا فيلم مع بعض
هاهاهاهاها
آخر المستجدات
وهاي طفيناه
هاهاهاها
هالسنة الكورونا قعدتنا بالبيت لا جمعات ولا أعياد للصبح ولا بالليل
بس اللي ما بيتغير أبداً إنو منحبك كثير
رح ييجي اليوم نرجع نحتفل سوى نلعب ونمزح ونضحك سوى
بس لصحتي وصحتك رح نغني لك من هون سنة حلوة حلوة يا مرام
سنة حلوة يا مرام سنة حلوة يا مرام سنة حلوة يا مرام
سنة حلوة يا مرام
عملنا اجتماع عائلي وحبينا نخبركوا شو اتفقنا
لازم في زمن الكورونا نفكر بصحتنا وصحة أولادنا النفسية مش بس الجسدية
ومهم إنو ننتبه شو نحكي قدامهم وشو تأثير حينا عليهم
نحاول نتفهم مشاعرهم
نعلمهم كيف يتعاملوا مع الضغط النفسي اللي عم يتعرضوا له
ونلاقي مع بعض شوية حلول عملية ومسلية
ونشجعهم بكلام إيجابي
وضل نذكرهم ونذكر حالنا إنو هذا الوضع مؤقت وما رح يضل على طول
وإذا عندكم صاحب مر عيده بهاي السنة وما قدرتوا تحتفلوا معه
شاركوا معه أغنية سنة حلوة يا جميل بطريقتنا الخاصة بزمن الكورونا
اكبسوا هون للفيديو
