كيف سيغير التأمل حياتك؟ | How Will Mindfulness Change Your Life
اسمعي افتحي افتحي تويتر افتحي تويتر
طبعا ما تنسي ترني ع تبع المي ما أثقل دمه بحسسني بشحد منه
حبيبي هدول فلوسي
بفلوسي انت جاي تجيب لي مي بتحملني جميلة؟
ما أثقل دمه
(أصوات تتحدث بشكل عشوائي)
(سلام تأخذ نفس عميق)
ليش أكبر أعداءك.. هو انت؟
مرحبا
في الحلقة الماضية تعرفنا على القرد اللي عايش في راسك
واللي اسمه القرد الداخلي
هذا القرد الداخلي منكد عليك عيشتك
بتنطط لك 24 ع 24
ف هلأ ضروري توقف وتروح تشوف حلقة القرد الداخلي أول
بعدين ترجع لهذه الحلقة
عشان تفهم الموضوع منيح
تمام؟ تمام
اهلا وسهلا مرة تانية
توكلنا على الله
وسيطر القرد ع حياتك
وكيف بمسكك القرد الداخلي من ايدك اللي بتوجعك؟
عن طريق شيء اسمه
فخ السعادة
ما بعرف من متى بدأ الترويج لمبدأ الحياة السعيدة
لكن شخصيا بحس انه زاد كتير التركيز عليه
بعد الحركة الرومنطيقية المهببة في أوروبا
لفترة طويلة كانت أوروبا عبارة عن تنكة زبالة كبيرة
فقر ووسخ
وأوبئة
وطبقية
وحرق ساحرات
والكنيسة كابسة على نفس العالم وبتتحكم في كل شي
لحد ما اجا فرانسيس بيكون في ال1600
قالهم يا جماعة الخير لمتى بدنا نضل بقر؟
لازم نعتمد في سعينا وراء الحقيقة على العقل والمنطق
وولعت
خش علي بالتنوير
جاليليو وخمسة آخرون عملوله ريتويت
وزادت اللايكات
وبلشت أوروبا تصحى من سباتها
بس فيه ناس ما عجبهم هذا الكلام بالمرة
بالقرن التاسع عشر
اجو خشو ع الساحة شلة عميقين
تنوير؟
بدكم تروحوا عالقمر؟
طيب أنا؟
طيب مشاعري؟
أحاسيسي؟
حبي اللي معذبني؟
بدي اسافر وألف الدنيا واكتشف حالي
ييييي
جيبولي اللوحة والألوان
الحركة الرومنطيقية بلش معها حركة من التركيز على التفردية
والمشاعر والأحاسيس
واتخاذها كمرجعية
بدل التفكير المنطقي العلمي
ومن هنا
ظهرت كمان مبادىء زي ربط الحب بالزواج
والتركيز على مشاعرك ورغباتك شو بدها
وطز بالعالم.. كون شخص فرداني
سافر ولف الدنيا
واكتشف حالك
وتجوز حبيبتك
عشان تلاقي السعادة
انت ما رح تلاقيها بس ابحث
ضلك ابحث
حلو.. حلو
معلش خلينا نعطي السعادة فرصة
تعالوا نشوف شو هي السعادة
شو يعني سعادة؟
السعادة هي طيف
من مركبات عضوية كربونية
اسمها موصلات عصبية
إفرازات هرمونية مهمة
عشان تساعد مخك
إنه يشتغل بطريقة سليمة
السعادة بتيجي على عدة أنواع
ممكن تكون serotonin
ممكن تكون dopamine
ممكن تكون oxytocin
أو غيرهم
هاي المركبات الكيميائية عاد بتعطيك الشعور بالسعادة
الترابط
التعاطف
الحب
الحاجات الجميلة دي
شو كمان؟ شو كمان؟ السعادة السعادة؟
بس
هاي هي السعادة
السعادة عبارة عن شعور
تماما زيها زي الشعور بالخوف
أو الجوع
أو الحزن
هاي الماكينة اللي اسمها جسمك
بتتعرض ل طيف كبير من المشاعر المختلفة
بناء على الأحداث اللي حواليك
نيجي للأحداث اللي حواليك
بما انه نحنا عبارة عن رفرفة جناح فراشة في بحر هذا الكون الكبير
من الاحتمالات.. والعوامل المؤثرة
ما فيه أي قانون علمي أو إحصائي بيقولك إنه الحياة لازم تحسسك
بالسعادة دائما
بالتالي
المنطقي انك تستنتج انه كتير فيه أحداث في حياتك رح تصير
بدون إرادتك
سواء سلبية
أو إيجابية
فيه كتير أشياء ما بتقدر تغيرها ولا تتحكم فيها
نحنا أكبر مشاكلنا
انه القرد الداخلي
بيفكر انه السعادة مكان بدنا نوصل له
وهو من كتر ما زهق وهو بستنى يوصل عليه
بتوتر وبقرر ينكد عليك
ويزعجك
لبين ما تنجح وتوصله لأرض السعادة
وأرض السعادة
مكان وهمي
هون
بتيجي أهمية التأمل والتأريض
لأنه التأمل
بيقولك راقب الواقع
الواقع المتغير
التغيير
هو أهم صفات الكون
وعشان ترتاح.. لازم تفهم القرد الداخلي إنه مش رايح لمكان.. ما حدا فينا رح يتحرك من هون
هذا المكان اللي نحنا فيه
والمكان اللي رح نضل فيه
طلعت نزلت تشعبطت تفعفلت
برضو مش رايحين مكان
التأمل بخليك تفهم انه مشاعر متناقضة تماما
زي السعادة والترابط
أو الخوف والألم
هاي المشاعر كلها بتظهر تقريبا
من نفس المراكز في دماغنا
حتى لما جسمك يحس بألم مثلا.. بيفرز مواد مسكنة وممتعة عشان يخفف عنك
اذا حاولت تركز في أحداث حياتك
بتلاقي انك
لما بتكون مبسوط بتكون خايف شوي
خايف هذا الانبساط يروح
بتفكر.. كيف رح ترجع تحزن بالمستقبل وكيف رح تخلص هذه السعادة اللي انت فيها
أما لما تكون موجوع أو زعلان
ف برضو بتكون طول الوقت عم تفكر
طيب متى بده يخلص هذا الوجع؟
متى بدي أرجع أكون مبسوط؟
بتصير تتذكر
كل الاوقات اللي كنت قاعد فيها وسنك ما بوجعك مثلا
وبتصير تقول للدنيا والله العظيم انا اسف.. انتوا بس شيلو لي وجع سني وبعمل لكم اللي بدكم ياه
مع انه الحدثين
هدول مختلفين
لكن تعاملك معاهم فيه نمط متشابه
خلال الأحداث
انت يا عم تفكر في ماضي ما فيه ألم
أو عم بتفكر في مستقبل
خايف تروح السعادة منه
بمعنى آخر.. انت ما عشت الحدثين أصلا
انت كنت عم بتسافر عبر الزمن خلالهم
التأمل عاد بيريحك من بعد الزمن تماما
بيحل لك مشكلة أنه فيه ماضي وحاضر ومستقبل وحاضر
لانه بيمرنك كيف تعيش الأحداث
بحضور تام
بغض النظر عن ماهية هذه الأحداث
وهذا الشيء له نتائج مدهشة
نوع التأمل المقصود هنا هو التأمل الواعي
وحدة من الترجمات المناسبة لهذه الكلمة هي.. التأريض
يعني التركيز على تجربتك الحسية المادية الملموسة
ومراقبة الواقع.. بما فيهم مراقبة الأفكار
هذه المهارة بتبدأ من خلال تدريبك على التركيز على النفس
اه.. النفس
النفس طلع له فوائد سحرية
شو تعمل؟
اقعد بمكان مريح
يفضل تكون قاعد
مو متمدد
اقعد على كرسي قعدة مستقيمة
فيه ناس بفضلوا يغمضوا عيونهم
بعدين.. دور في وعيك على إحساس جسمك بالنفس
ممكن تحسه بتمك
بحلقك
ببطنك
وانت عم تعمل شهيق وزفير
وجه تركيزك على هذا الشعور الحسي
اللي عم بيصير في جسمك.. خلال النفس
خلال أقل من 10 ثواني رح يرجع القرد الذاتي يحكي ومخك رح يسرح بالأفكار
بس معلش
هذا شي طبيعي جدا
ومتوقع جدا
وبيصير مع أزعم راهب بوذي
كل ما تنتبه انك شردت بالأفكار.. ارجع وجه انتباهك وتركيزك للشعور الجسدي بالنفس
فيه ناس بتعد الأنفاس.. 1.. 2.. و3
أو فيه ناس بتقول.. شهيق.. زفير
بس أهم تذكر إنه النفس لازم يكون من بطنك مو من صدرك
مع كل مرة بترجع فيها حالك للتركيز ع النفس اعتبره انتصار
عضلة الملاحظة عندك عم تكبر مع كل مرة بتعمل فيها هيك
اذا فجأه طلع لك صوت حواليك.. ما تدايق
لاحظ الصوت.. لاحظ كيف بظهر في حيز وعيك
وما بطلع منه من إرادته.. بدون إرادتك بيطلع
خلص من ملاحظة الصوت وارجع لاحظ النفس
بعد خمس ثواني.. بتطلع لك فكرة
لاحظها
شو هي هاي الفكرة؟
أول ما تلاحظ وتركز فيها.. عالأغلب تروح وتختفي
تذكر إنه دائما ما تقاوم أي أفكار بتطلع لك
فقط.. لاحظها
خلي تركيزك على الفكرة كمبدأ فكرة
مش على ماهية الفكرة وتفاصيلها
خلص ملاحظة وارجع لاحظ إحساسك بالنفس
شهيق
زفير
وهكذا
الهدف من التأريض هو إنك تبطل تقاوم.. تبطل تحاول تحارب هاي الأفكار
بس تلاحظ وجودها
بدون إطلاق أي أحكام
وبدون ما يكون عندك
أي نية لتغييرها
أو التخلص منها
لاحظ.. لاحظ كل شيء وبس
لاحظ
ابدأ ب 10 دقائق يوميا
وزيدهم كل أسبوع خمس دقائق
أو حسب المناسب الك.. المهم
التزم بالتمرين
ولاحظ كل شيء
فيه شغلة مهم جدا إنك تتذكرها كمان
انه عادي تسرح في خيالك وأفكارك
وعادي ما تكون قادر إنك تلاحظ شيء واحد
أكثر من 10 ثواني
لكن لا تنسى انه مخك عبارة عن شبكة عصبية معقدة من العادات
كل عادة لها مسارات
وكل ما عملت العادة أكثر.. مسارها بتعزز وبنحفر في دماغك أكثر
وبتصير أشطر فيها.. يا محاسن المرونة الدماغية
مع التمرين والوقت رح تلاحظ إنه قدرتك على الملاحظة والتركيز خلال التمرين زادت
ومش بس هيك
رح تنهال عليك مع الممارسة
عاصفة من الفوائد والتغييرات الإيجابية
في كتير نواحي من حياتك
وهون.. بيجي دور العلم
شو بقول العلم عن التأمل الواعي؟
لحسن الحظ التأمل الواعي بالتحديد انعمل عليه تجارب كتير
أثناء التأمل
الأماكن المسؤولة عن تنظيم المشاعر أو ال thalamus بتصير نشطة جدا
الشي اللي بيزيد التعاطف عندك بشكل ملحوظ
شيء ثاني كمان بصير معك.. هو إنه مخك بيطلع من الوضع اللي مسيطر عليه القرد الداخلي
هلأ وهو مخك سارح بأفكاره وعم بفكر
بكون الجزء تبع الفص الصدغي الأمامي
نشيط جدا جدا
هذا الجزء هو المسؤول عن التفكير المنطقي العقلاني
ويعتبر هذا الجزء جديد في مسيرة تطورنا
هذا هو عاد مقر
القرد الداخلي
أثناء التأمل
نشاط هذا النظام بيقل كتير
الشي اللي بيهديك
وبيقلل التوتر والقلق
وبيقلل الألم عندك
وبزيد قدرة الجسم ع التحمل
الناس اللي بيمارسوا التأمل لما يعرضوهم لوجع ألم مثلا
بيقيموا التجربة انها مش كتير كانت سلبية
مقارنة بالناس اللي ما بعملوا تأمل
يعني مش بس قدرتهم على تحمل الألم بتزيد
بل كمان.. بتبطل ردة فعلهم تجاه الألم سلبية مثل قبل
بصير فيه عندهم مرونة أكثر للتعامل مع أحداث الحياة
الأبحاث عم تلاقي انه التأمل الواعي كمان بزيد عندك النشاط في موجات ألفا في دماغك
الشي اللي مرتبط بانخفاض المشاعر السلبية والشعور بإنك
مش مرتاح ومش راضي
كمان لاحظوا تحسن كبير بالأجزاء المسؤولة عن التعلم والذاكرة وتنظيم المشاعر
كلام جميل
لكن المسوق الأكبر للتأمل مو العلم
هم الناس اللي بمارسوه
وبقولوا إنه غير حياتهم
شخص زي يوفال هراري مثلا
عبقري بأفكاره
بقول لولا التأمل
ما كنت رح أعرف أكتب ولا نصف كتاب
انا الي شهرين بعمل تأمل بشكل يومي تقريبا
وملاحظة فرق كبير
في كتير من مناحي حياتي
تركيزي صار أفضل
أفكاري مرتبة أكثر وواضحة
حتى إنه كتابتي للنصوص صارت أحسن
أو على الأقل
ممتعة وسلسة علي أكثر من قبل
لكن التغيير الأكبر كان عاطفي
شعور الرضا العام عن نوعية حياتي زاد
صار عندي قدرة أكبر على التحكم بغضبي
مو إني ما بعصب
بس بنتبه بسرعة ليش عصبت وبصير أشوف السبب تافه
ببطل أقدر أضل معصبة
مو بس هيك
بشكل عام بتصير خلال يومك تمر عليك لحظات تأملية لا إرادية
فجأة وانت بتتطبخ مثلا.. بتصير تحس براحة وهدوء
تجربتك الحسية
بتطغى على كل وعيك
الشيء اللي كتير بذكرني بالطفولة
عشان هيك شعور التأمل كتير مريح
لإنه بذكرنا لما كنا أطفال كيف كان مخنا رايق
مخي هادي ورايق
وقاعدة عم بلاحظ الواقع.. فقط أعتقد بكفي روجت للموضوع زيادة عن اللزوم
لكن إذا حد فيكم
أخدها جد وقرر يجربها
بنصح بتطبيق مفيد جدا
اسمه waking up لسام هاريس
هذا التطبيق بياخدك بجلسات موجهة
كل يوم بيومه
وبعلمك كيف تطور هذا التأمل
فيه عليه كمان جلسات صوتية عن النظرية وراء المهارة
وكل شيء محتاج تتعلمه عن الموضوع
بالنسبة الي التطبيق ساعدني جدا
هلأ هو بتشتريه ب 30 دولار
بس مرة وحدة
لكن الحلو بفلسفة سام هاريس انه بيقول
ما بدي سبب عدم اشتراكك بالتطبيق يكون المصاري
إنه اذا اشتريته رح تنزنق بمصاريف ثانية مثلا
عشان هيك
أي حد فيكم بحس انه ما بقدر على هذا المبلغ
يبعتلهم ايميل
وهم بيعملولك اشتراك ببلاش بدون أي مقابل.. وبدون أي سؤال
الرابط موجود في صندوق الوصف
بس تتطلع على رهبان فلسفات شرق آسيا بتحسهم مجانين
بس يمكن هم اللي فهموا انه بدال ما تتهرب من المشاعر السلبية
واجهها
فكر فيها.. لما كنا صغار.. لا تخاف
لا تزعل
لا تعيط
ابلعيها.. يعني ابلعي الشهقة تبعت العياط
علمونا انه نكتم ونقاوم ونحارب هذه المشاعر بدل ما نواجهها
ونفهمها ونغير طريقة تعاملنا معاها
بطريقة
تعايشية أفضل
مو إنه أهلنا كانوا سيئين لا
بس هم هيك تربوا كمان
إنه المشاعر السلبية هاي
ممنوع تكون موجودة عنا
عشان هيك حفر العادات براسك وراس أولادك بالمستقبل مهم جدا
لانه حفر هذه العادات هو اللي بيقوي هذه المهارات
بالآخر
حتى لو ما اقتنعتوا بكلامي عالأقل تعرفتوا على مهارة تستحق الاكتساب
اتنورتوا
اذا بتحبو المحتوى اللي بعمله وحابين تساعدوني
بتقدرو تدعموني على باتريون
كمان على باتريون كل شهر
رح نعمل جلسة أونلاين مباشرة
نتناقش فيها نحنا الباترونز
بأشياء الها علاقة بالعلم.. بالحياة
يعني ندردش
اذا مهتمين بالموضوع
رابط الباتريون بتلاقوه بصندوق الوصف
سلام
طيب.. ما فيه داعي نحكي بموضوع القناة وإنك لازم تشترك وتخلي الجرس يرن.. إلى آخره
بس صراحة لازم أذكرك أو أذكرِك
إنك تشوف أو تشوفي الفيديوهات التانية
يا اخي اسرح بخيالك
