هل فيه نسخة منك في كون ثاني؟ | Parallel Worlds
مرحبا
تخيل عندك عدد لانهائي من قطع الدومينو
..كل واحدة من هاي القطع لها لون مختلف
من ال10 ملايين لون الموجودين
..و بعد ما يخلصوا العشر ملايين لون
..القطعة عشرة مليون وواحد
عليها نقطة بلون مختلف
وهكذا
مصطفين الواحدة وراء الثانية
وانت صافن في أول قطعة ..وبتعصر في مخك وبتحاول بكل جهدك أنك توقعها باستخدام قواك الخارقة
وفجأة وبدون سابق إنذار بجيك شبشب من أمك
..وانت قايم تلملم ما تبقى من كبريائك
..القطعة اللي كنت صافن فيها
!!وقعت
شايف هذا الموقف؟
تذكر أنه هذا أيضا سيمضي وركز معي هلأ في الدومينوز
اعتبر أنه كل قطعة بتمثل حدث في حياتك
والحدث اعتبره موقف أو تصرف أو أي حركة انت عملتها بيوم من الأيام ..السؤال الصعب
كم عدد المرات اللي بتقدر ترتب فيها هاي الأحداث؟
..أو عشان يكون الموضوع أسهل
كم أسلوب ممكن ترتب فيه قطع الدومينوز؟
إذا الموضوع لسا صعب ركز معي بهذا المثال البسيط
عندك 3 ألوان.. مثلا أحمر وأصفر وأخضر
بدك ترتبهم ب 6 طرق
وهاي ال6 جاية من معادلة اللي هي عبارة عن رقم الأحداث الموجودة عندي.. مضروب شكلها زي علامة التعجب
..مثلا
!3 يعني 3 ضرب 2 ضرب 1 يساوي 6
إذا عندك أربع ألوان بتصير تقدر ترتبهم ب 24 طريقة مختلفة
واللي هي 4 مضروب
يعني 4 ضرب 3 ضرب 2 ضرب 1 وهكذا
..إذا عندك فرضا 10 ألوان
بتقدر ترتبهم ب 3,628,800 طريقة
طيب
هذا الكلام يعني أنه فيه احتمالات لانهائية من السيناريوهات
اللي ممكن تعيشها في حياتك
لكن انت حاليا بتعيش في سيناريو واحد واللي هو حياتك الآن
فهذا السيناريو الوحيد اللي موجود صح؟
أو بالأحرى السيناريو الوحيد بينهم اللي صحت له فرصة بالوجود
..أو.. أو
فيه نسخة ثانية منك في مكان ما
برضو قررت تشوف الفيديو
بس ما عجبتها نكتة الشبشب
كبريائها نقح عليها
ف قررت أنها ما تكمله
بينما انت قررت تكمله
هلأ انتو النسختين هدول من بداية ولادتكم وانتوا نفس الحياة
وهو بعيش في أرض بتشبه أرضنا
وعاش نفس أحداث حياتك بالحرف
بس فجأة هو قرر أنه ما يكمل الفيديو
بينما انت قررت تكمله
إذا حاس أنه معدتك قلبت من التخيل فأنا عندي نفس الشعور
من أغرب النظريات اللي ممكن تسمع عنها
يعني كلام العلماء عن الأوتار الفائقة و قطط شرودنجر بلعناها
..أما أنه فيه نسخة لكل واحد فينا في مكان ثاني
..على كوكب أرض ثاني
..بنظام شمسي تاني مطابق لنظامنا الشمسي
هاي يعني مبالغ فيها شوي
ولا كيف؟
هلأ انت بتحسها مبالغة لبين ما تفوت بالتفاصيل
التفاصيل
..هاي النسخة عنك موجودة على بعد 10 قوة 10 قوة 29 متر
من هون
أبعد من المسافة اللي قطعها الضوء اللي طلع مع الانفجار العظيم
قبل 13.8 مليار سنة لليوم
هلأ لما صار الانفجار العظيم.. انتشر الضوء في كل مكان
وهذا الضوء لهلأ وهو عم بقطع مسافة في الكون
رحلة سفر هذا الضوء هي حدود قدرة مراقبتنا
كيف يعني؟
يعني أبعد نقطة بنقدر نرصدها هي أبعد نقطة وصلها الضوء تبع الانفجار العظيم لليوم ..إذا بتجيب هذه المسافة وبتعتبرها قطر لكرة حوالينا
..طبعا بدك تكبر الكرة كتير بسبب التوسع الكوني
..بصير فيه عندك اشي اسمه
"أفق هابل"
على اسم العالم Edwin Hubble
اللي اكتشف توسع الكون
..هاي الكرة
هي أفق هابل
"الأفق الكوني"
لكنها فيه لها اسم ثاني أسهل بنستخدمه أكثر "واللي هو "الكون المرئي وبنفس الكيفية توأمك البعيد فيه عندهم أفق كوني زينا
لكن ما بنقدر نشوفه ولا اجتنا منه معلومات لحد الآن
وهذا يا صديقي.. هو أبسط تفسير لشيء اسمه "الأكوان الموازية" أو "الأكوان المتعددة" حلو؟
لا مو حلو
ممكن تقولي انتو هيك قاعدين بتخلطوا الهرطقات وتَهَيُّؤَات مع الفيزياء
..بس لما تدقق بالتفاصيل
..بتلاقي أنه الحدود المعرفية بين الفيزياء والميتافيزيقيا
بفصل بينها اشي بسيط جدا
..واللي هو
أنه النظرية هاي ممكن اختبارها في تجربة أو لا
مش أنه هاي النظرية حلوة ولا غريبة
ولا على كيفي ولا مو على مزاجي
بالزمانات كانت الذرات من الميتافيزيقيا
بعدين عملنا أدوات للبحث
وصار بإمكاننا نكتشف مكونات الذرة ومكونات مكونات الذرة
..حتى كروية الأرض
..وإثبات أنها مو مركز الكون
..كانت واحدة من المشاكل الكبيرة
اللي بتواجه العلماء
لدرجة أنه هجروهم
ومنعوهم أنه يحكوا بالموضوع
جاليليو مثلا.. حكموا عليه بالمؤبد
..ومات وهو تحت الإقامة الجبرية
بسبب هذا الموضوع
..لكن هاي اللي كانت يومها تعتبر هرطقات
هلأ صارت حقيقة علمية زي الشمس
حلو
نرجع للأكوان
تطور التكنولوجيا الهائل أعطانا فرصة نختبر أجزاء بسيطة من النظرية
هذا الشيء بعني.. أنه النظرية تخطت مرحلة أنها مؤهلة ولا لا
..بل وصلنا لمرحلة
أنه نحاول نحفر في تفاصيلها ونشوف
هل فيه لها مستويات مختلفة؟
شو مستوى العمق اللي عم نحكي عنه؟
..وبكلمة عمق بكون قصدنا
تغيير في الرياضيات
وتوصلوا إلى أربع مستويات عمق كل مستوى أعمق من اللي قبله
اليوم بدنا نزدحم في القاع مع بعضينا
المستوى الأول
بقولك هذا المستوى أنه نسختك موجودة في منطقة خارج أفقنا الكوني
..الكون اللي هي فيه
عنده نفس قوانين الفيزياء تبعت كوننا هذا
لكن توزيعة الأرقام مختلفة شوي
كيف يعني؟
..يعني إذا انتو الاثنين رميتوا كرة باتجاه الأرض
الكرة رح تتصرف بنفس الطريقة بالضبط عندكم انتو الاثنين
..لكن الفرق
أنه كل واحد فيكم رح يكون عنده معادلة رياضية مختلفة بالقيم
بتوصف اللي صار
..هذا المستوى من النظرية
..عبارة عن فضاء
لانهائي
..وبتم ترتيب المادة فيه
"بطريقة اسمها "الترتيب الإرغوديكي
"ergodic"
هاي الكلمة صعبة بدها شوية تركيز
وشوية غوغل
..أما الدلائل على وجود هذا المستوى
"فهي "إشعاع الخلفية الكونية
cosmic microwave background radiation
وشيء ثاني أنه لحد الآن مبين معنا أنه الفضاء لانهائي
..وأنه وين ما تتطلع بالكون ما بتلاقي تشوهات غير مفسرة باستمرارية قوانين الفيزياء ما بتلاقي إلا التناغم التام
جميل؟
جميل
..أما إذا تعمقنا شوي
المستوى الثاني بقولك أنه نسختك موجودة في فقاعة
وهاي الفقاعة موجودة في محيط من الفقاعات الثانية
كل كون فقاعة
هاي الأكوان عندها نفس المعادلات الفيزيائية الأساسية.. زينا
لكن فيه عندهم خصائص مختلفة شوي
زي مثلا.. ثوابت المعادلات عندهم مختلفة
الأبعاد كمان مختلفة يعني زي أبعادنا بس مش أبعادنا
وحتى تركيبة الجسيمات وخصائصها مختلفة عندهم شوي
طيب
من وين اجا هذا المحيط من الفقاعات الكونية؟
العلماء بقولوا أنه ممكن يكون تضخمات فوضوية
فسرها عاد هاي
طيب
شو الدلائل على هذا المستوى؟
الدلائل بتقول أنه هاد الكلام بفسر استواء الكون
"بمعنى آخر "تسطيحه
وكمان بفسر أحادية القطبية ومشاكل الأفق الكوني
وبفسر برضو بعض المعادلات الدقيقة جدا
زي ثوابت بلانك
وشحنات الكواركس
..وتذبذب الجرافيتون
!من طرف واحد
أما المستوى الثالث فهذا المستوى بحمل نفس خصائص المستوى الثاني بس عاد دخل في شو؟ دخل في ميكانيكا الكم
وحكى أنه الأكوان الموازية بتحكمها هاي الفيزياء المجنونة
طيب
شو الدلائل؟
هلأ الدلائل الرياضية صراحة ممتازة جدا
..لأنها قدرت توحد الفيزياء المختلفة
..زي مثلا ميكانيكا الكم والنسبية
..اللي كل واحد فيهم من عالم بتحسه
كوحدة كواحدة
..وأنه رياضيا هي أبسط نموذج
للأكوان المتعددة
قربنا نوصل للقاع
..المستوى الرابع عاد
بقول لك أنه هاي الأكوان بتتكون من أنظمة رياضية مختلفة تماما
عن الكون اللي نحنا فيه
..وهذا الشيء بعني أنه الفيزياء في هذه الأكوان الثانية
ما لها أي علاقة في الفيزياء اللي بنعرفها هون
وبعتقدوا في هاي النظرية أنه وجود النظرية في العالم الرياضي
بحتم وجودها في العالم الفيزيائي
حلو كتير.. حلو كتير الكلام
..هذا الكلام الفارغ كله هل يعني أنه فيه أكوان موازية ثانية
وممكن يصير فيها أي شيء أي شيء؟
هلأ شوف حسب
..لأنه الجواب بختلف
حسب انت عن أي مستوى عم تحكي؟
..مثلا لو كان سؤالك في سياق المستوى الأول
فالجواب لا
مش أي شيء أي شيء ممكن يصير رح يصير
بالرغم من وجود عدد لا نهائي من نسخك ..مثلا بالمستوى الأول من النظرية لكن القوانين لساتها ثابتة
..يعني مثلا
مستحيل الإلكترون عندهم يضمحل ويصير بروتون
لأنه هذا الشيء منافي لقوانين حفظ الطاقة في الفيزياء تبعتنا
..لكن من الممكن أنه في واحدة من هذه الأكوان المتعددة
..تكون انت فيها
صاحب نظرية الأكوان المتعددة
ف عادي ممكن جدا أنه ما تقتنع فيها
لأنه الفيزياء مأمنة حالها
بتقول لك أنه ممكن فيه نسخة ثانية منك مقتنعة فيها تماما بس على الحالتين صراحة مش كتير رح تفرق
لأنه الحلو بالفيزياء أنها مو محتاجة اقتناعنا فيها
بل محتاجة أنها تثبت حالها بالأرقام
that's all it needs
..ونظرية الأكوان المتعددة عندها المقومات الأساسية
عشان تحاول تثبت حالها بالمستقبل
بالآخر فيه عليها دلائل أكثر من الدلائل على وجود الزمن
إذا بتحبوا المحتوى اللي بعمله وحابين تساعدوني.. بتقدروا تدعموني على باتريون
كمان على باتريون كل شهر.. رح نعمل جلسة أونلاين مباشرة
..نتناقش فيها مع بعض نحنا الباترونز
بأشياء لها علاقة بالعلم.. بالحياة.. يعني ندردش
إذا مهتمين بالموضوع.. رابط الباتريون بتلاقوه بصندوق الوصف
سلام
طيب.. ما فيه داعي نحكي بموضوع القناة وأنه لازم تشترك وتخلي الجرس يرن.. إلى آخره
بس بصراحة لازك أذكرك أو أذكرِك أنك تشوف أو تشوفي الفيديوهات الثانية
يا أخي اسرح بخيالك
