(5) حياة عيلتنا: ابو سند والقرار الصحيح - YouTube
مستحيل ولا يمكن أرجعلها
طول بالك يابا، وين القهوة يا أم عصام؟
تفضل يا حبيبي روق وخلينا نعرف نحكي
بديش أشرب يمة ولا أروق
أنا؟ كرامتي تنهان؟
معلش يابا أنت لا أول واحد ولا آخر واحد بصير معاه هيك
كل هذا اللي بعمل لها إياه
بشتغل برة البيت زي الجحش
وبساعدها بتدريس الأولاد
وشو ما بدها بعمل لها
أي مليون مرة حكيت لك بكفيها دلع
ليكون يابا أنت تكون مقصر بحقها
أو بخلان عليها أو على الولاد
طول النهار يدلل فيها
قال مقصر قال
أنا كنت شاكك بطلت ترد عالتلفونات قدامي
أهملت كثير وتحملت
بس الخيانة؟ أنا ما بتحملها
معلش يا حبيبي طول بالك يمة
عشان الولاد، سند وسالي
يا حبايبي شو رح يصير في مستقبلهم؟
آآخ بس، هذا اللي كاسر قلبي يمة
بكرة غير تصير سيرتكو على كل لسان
مش فارق معي حكي الناس يمة
أنا دقيقة وحدة ما بقعد معها بنفس البيت
اتحملت قرفها ونكدها وشخاويرها كل الليل
وبالآخر هذا جزائي؟
معلش يابا شوف أبو سليم
خانته مرته وسكت عشان الولاد والسترة
وهاي ولاده كبروا ودرسوا بأحسن الجامعات
وتزوجوا وماشاء الله عليهم
أنا مستحيل أعيش مع وحدة خانتني
مستحيل أعيش كذبة كل عمري
أي ما تكبر الموضوع يابا
اعتبرها نزوة و بتروح
سامحها عشاني يابا سامحها وخلي هالعجل ماشي
يسامحها؟ أي شو يسامحها؟
اسكتي يا حجة بكرة منطبل فيه وبولاده
حبيبي سامحها رد على أبوك
وإذا سامحتها، كيف بدي أعرف إنها ما رح ترجع تخوني مرة ثانية
كيف بدي أحس بالأمان؟
كيف بدي أحس بالاستقرار؟
كيف بدي أعرف إنها ما رح ترجع تكسر قلبي مرة ثانية؟ كيف؟
كيف؟ كيف؟
إيش هذا الصوت؟ اطفي هالمنبه
بوعدك
ما رح يرجع يرن مرة ثانية
