Daily Routines - Lesson 5

مرحبا وأهلا وسهلا فيكم ب ( Speak We Arabic The ). اليوم طلبت من ليليان اللي بتدرس هندسة طاقة متجددة إنو تحكيلنا كيف بتقضي يومها .

أماني :مرحبا ليليان

ليليان :مرحبا

أماني :بتقدري تخبريني شو بتعملي بيومك العادي ؟

ليليان :آه ،أكيد

أماني :أي ساعة بتصحي ؟

ليليان :بصحى كتير بكير ،كل يوم بصحى الساعة 5الفجر .

أماني :بتصحي عالخمسة الفجر ،واو ،كتير بكير !

ليليان :آه . بصحى لصلاة الفجر ،وبرجع بنام ساعتين وبصحى مرة تانية الساعة سبعة ونص بلبس وبفطر ،وباكل فطور كبير ،بيض ولبنة وزيتون وشاي

أماني :وشو بتعملي بعد الفطور ؟

ليليان: قبل الحظر، كنت أروح عالجامعة الساعة ١٠ الصبح، بس هلا عم بحضر المحاضرات عالإنترنت، بدرس هندسة طاقة ُمتجددة وعندي محاضرات من الساعة احدعش لل أربع

أماني :وأي ساعة بتتغدي ؟

ليليان :بتغدى حوالي الساعة ٢بالجامعة

أماني :وشو بتعملي بعد المحاضرات ؟

ليليان :مرات بروح عالجيم ومرات بقابل صاحباتي بكافيه

أماني :وأي ساعة بتتعشي ؟

ليليان :بتعشى الساعة ٧،وبعدين بحضر تلفزيون أو بفتح الانترنت وبنام بالعادة الساعة ١٠

أماني :شكرا ليليان . يومك مشغول !

ليليان :عفواً

.