كريم بيدور على شغل جديد
عنده انترفيو بكرة.
لازم يبان محترف عشان الأنترفيو.
بس هدوم كريم قديمة جدًا.
و بيفكر يشتري بدلة جديدة.
كريم راح محل الملابس.
وعايز يقيس كام بدلة جديدة.
في الآخر، بيشتري بدلة رمادي.
كريم حاسس ان شكله شيك بالبدلة الجديدة.
كريم جاهز للانترفيو بكرة.
ودي نفس القصة بيحكيها كريم بنفسه.
انا كنت بدور على شغل جديد.
وكان عندي انترفيو امبارح.
كان لازم ابان محترف عشان الأنترفيو.
بس هدومي قديمة جدًا.
قررت اشتري بدلة جديدة.
روحت محل الملابس.
قست كام بدلة جديدة.
في الآخر، اشتريت بدلة رمادي.
كنت حاسس ان شكلي شيك بالبدلة الجديدة.
كنت جاهز للانترفيو امبارح.
الأسئلة:
دلوقتي فيه شوية أسئلة. حاول تجاوب عليها، أو اسمع الاجابات.
واحد: كريم بيدور على شغل جديد.
كريم بيدور على ايه؟
كريم بيدور على شغل جديد.
اتنين: كريم عنده انترفيو بكرة.
كريم عنده ايه بكرة؟
كريم عنده انترفيو بكرة.
تلاتة: بس هدوم كريم قديمة جدًا.
هي هدوم كريم جديدة؟
لأ، هدوم كريم مش جديدة.
هي قديمة جدًا.
أربعة: كريم بيفكر يشتري بدلة جديدة. هو كريم بيفكر في ايه؟
كريم بيفكر يشتري بدلة جديدة.
خمسة: كريم قاس كام بدلة جديدة.
كريم عمل ايه؟
كريم قاس كام بدلة جديدة.
ستة: في الآخر,كريم بيشتري بدلة رمادي.
ايه لون البدلة اللي اشتراها كريم ؟
هو اشترى بدلة رمادي.
سبعة: كريم حاسس ان شكله شيك بالبدلة الجديدة.
البدلة الجديدة خلت كريم يحس بايه؟
كريم كان حاسس ان شكله شيك بالبدلة الجديدة.
تمانية: كريم كان جاهز للانترفيو بكرة.
هل كريم كان جاهز للانترفيو بكرة؟
أيوة، كريم كان جاهز للانترفيو بكرة.
