زهرة بدا تلبس تيابا الصبح .
بس هي مش عارفة شو تلبس .
زهرة بتطلع جوة خزانتا ،
و بتشوف تنورة بنية .
بس اليوم الجو كتير برد .
بعدين ،بتشوف بنطلون أسود ،
بس هو كتير قديم ،
وهي عندها مقابلة شغل اليوم .
بالآخر ،زهرة بتلبس التنورة البنية .
شكلا طالع حلو ،بس إجريها بردانين .
هاي هي نفس الئصة منئالة بطريئ مختلفه .
أنا بدي ألبس تيابي الصبح .
بس أنا مش عارفة شو ألبس .
بطلع جوة خزانتي ،
و بشوف تنورة بنية .
بس اليوم الجو كتير برد .
بعدين ،بشوف بنطلون أسود ،
بس هو كتير قديم ،
و أنا عندي مقابلة شغل اليوم .
بالآخر، بلبس التنورة البنية.
شكلي طالع حلو ،بس إجريي بردانين .
الأسئلة :
واحد :زهرة بدا تلبس تيابا الصبح .
بدا زهرة تلبس تيابا الصبح ؟
أي ،زهرة بدا تلبس تيابا الصبح .
اثنان :زهرة مش عارفة شو تلبس .
عارفة زهرة شو تلبس ؟
لأ ،زهرة مش عارفة شو تلبس .
ثلاثة :زهرة بتطلع جوة خزانتها عشان تلاقي شي تلبسه .
بتطلع زهرة جوة خزانتها ؟
أي ،زهرة بتطلع جوة خزانتها عشان تلاقي شي تلبسه .
أربعة :في تنورة بنية جوة الخزانة .
في جوة الخزانة تنورة بنية ؟
أي ،في جوة الخزانة تنورة بنية .
خمسة :اليوم الجو كتير برد .
الجو اليوم دافي ؟
لأ ،الجو اليوم مش دافي ،الجو اليوم برد .
ستة: زهرة بتشوف بنطلون أسود جوة الخزانة.
بتشوف زهرة بنطلون أسود جوة الخزانة ؟
أي ،زهرة بتشوف بنطلون أسود جوة الخزانة .
سبعة :البنطلون قديم .
جديد البنطلون ؟
لأ ،البنطلون مش جديد ،البنطلون قديم .
تمانة :زهرة عندها مقابلة شغل اليوم .
في عند زهرة مقابلة شغل اليوم ؟
أي ،زهرة عندها مقابلة شغل اليوم .
تسعة :زهرة بتلبس التنورة البنية .
بتلبس زهرة البنطلون ؟
لأ ،زهرة ما بتلبس البنطلون ،زهرة بتلبس التنورة البنية .
عشرة :إجرين زهرة بردانين .
دفيانة زهرة بالتنورة ؟
لأ ،زهرة مش دفيانة بالتنورة ،زهرة إجريها بردانين .
