مكان جديد وناس جداد
قبل سنتين ،انتقلت من بيت أهلي في الزرقا إلى عمان .
وعشت لحالي لأول مرة .
بالبداية كنت مبسوط .
لأنه كنت حابب أجرب حياة جديدة وأعتمد على حالي أكثر .
اخترت شقة صغيرة قريبة من شغلي .
وكان الحي هادي .
وفيه محلات كثيرة ومطاعم وقهوة قريبة من البيت .
أول أسبوع كان شوي صعب .
ما كنت أعرف حدا في المنطقة .
وكل يوم كنت أرجع من الشغل .
وأقعد لحالي .
حتى لما كنت أطلع أشتري أغراض من السوبرماركت .
كنت اوخد اللي بدي إياه وأرجع بسرعة .
بعد فترة ،حسيت إني لازم أتعرف على الناس اللي حواليّ .
بيوم جمعة ،كنت نازل أجيب خبز ومي .
وشفت شب ساكن بنفس العمارة .
ابتسم وحكالي :“ مسا الخير ،إنت جديد هون ؟”
ضحكت وحكيتله :“آه ،صارلي أسبوعين .”
اسمه يزن .
وكان عمره قريب من عمري .
حكينا شوي عن المنطقة .
واكتشفت إنه كمان بحب الرياضة والمشي .
بعدها بأيام ،اتصل فيني ودعاني أطلع معه ومع صاحبه على ملعب قريب .
بالبداية ترددت .
لأني ما كنت بعرف صاحبه .
بس آخر شي رحت .
لعبنا كرة قدم .
وبعد المباراة قعدنا بمحل قريب .
وشربنا شاي .
وحكينا عن حياتنا وشغلنا والأماكن يلي بنحب نروح عليها .
بعد هاي الليلة ،صرت أعرف ناس أكثر في الحي .
أحيانا كنا نطلع نمشي .
وأحيانا نقعد عند واحد فينا بالبيت .
كمان صرت أشتري من نفس السوبرماركت كل يوم تقريبا .
وصار صاحب السوبرماركت يعرفني .
ويحكي معي .
بعد فترة ،بَطَّل المكان غريب علي .
صار عندي أصحاب .
وصرت أحس إنه هاد الحي فعلاً بيتي .
هاي التجربة علمتني إنه الانتقال لمكان جديد ممكن يكون صعب بالبداية .
بس إذا الواحد حاول يتعرف على الناس ويشاركهم وقتهم .
كل شي بصير أسهل .
