My Life - Lesson 8
مرحبا وأهلا وسهلا فيكم في حلقة جديدة من The Arabic We Speak. اليوم, رح نعرفكم أنا وليليان على شوية عبارات حوارية ممكن تستخدموها لما تحكوا مع موظف محل. ليليان رح تلعب دور صاحبة المحل وأنا رح أكون الزبونة.
صاحب المحل: هاي, ممكن أساعدك؟
أماني: مرحبا, كيف حالك؟
صاحب المحل: نحمد الله.
أماني: دايما وأبدا.
صاحب المحل: شو إللي خلص من عندك هالمرة؟
أماني: مكعبات مرقة جاج, ومعسل علكة وقرفة للأرجيلة, وايس كريم, لو سمحتي.
صاحب المحل: هادا كل إشي؟
أماني: كم حق علبة شوكولاتة الجالكسي؟
صاحب المحل: ٧ دنانير.
أماني: غالية, بشتريها من السي تاون ب٥ دنانير.
صاحب المحل: إنتي بدك تقارنيني مع السي تاون؟ هادا المحل فعلياً كراج بيتي.
أماني: طيب, ضيفي عليهم علبة شوكولاتة جالكسي. بقديش هدول؟
صاحب المحل: ١٠ دنانير ونص.
أماني: تفضلي.
صاحب المحل: وهي الباقي تبعك.
أماني: شكرا ومع السلامة.
صاحب المحل: الله معك.
