8.5 Pagbabasa - Ang Bago Kong Apartment

Nakatira ako sa bahay ng kapatid ko. Kasama niya sa bahay ang asawa niya, ang dalawa niyang anak, at ang tatlo nilang pusa.

May apat na kuwarto sa kanilang bahay at dalawang banyo. Sa kuwarto ko, mayroon akong tokador, telebisyon, at computer.

Sa susunod na linggo, lilipat ako sa isang apartment. Maliit lang ang apartment ko pero may dalawang palapag at dalawang kuwarto. Ilalagay ko sa isang kuwarto ang kama at tokador ko, at sa isang kuwarto, computer ko at mga libro. At sa kusina, ilalagay ko ang bago kong microwave.