6. Mál Höskuldar er tekið fyrir á Alþingi

Flosi ætlar ekki að hlusta á Hildigunni. Hann fer með málið fyrir dóm á Alþingi.

Dómur Alþingis er þessi: Fjölskylda Njáls þarf að borga Flosa sex hundruð silfurpeninga.

Þetta er mikill peningur, en Njáll og vinir hans eru með nógu mikinn pening á sér til þess að borga Flosa strax. Til viðbótar leggur Njáll silkislæðu og skó ofan á peningana.

Flosi horfir á allan þann pening sem hann var að fá. Hann tekur eftir slæðunni og tekur hana upp.

„Haha, hver er svona fyndinn að gefa mér kvenmannsslæðu?“ spyr Flosi.

Enginn svarar.

„Nei svona án gríns, hver var að gefa mér slæðu?“ spyr hann aftur.

„Hver heldurðu að vilji gefa þér slæðu?“ svarar Skarphéðinn Njálsson.

„Ég get alveg sagt þér hver ég held að það sé, ég held að það hafi verið hann pabbi þinn Njáll. Hann er svo

skegglaus að það sést ekki hvort hann sé karl eða kona,“ svarar Flosi reiður.

„Gaur, það er ljótt að gera grín að svona gömlum karli,“ segir Skarphéðinn.

Skarphéðinn tekur slæðuna af Flosa en hendir til hans bláum nærbuxum.

„Taktu þessar, þú þarft þær frekar,“ segir Skarphéðinn.

„Hvað meinarðu?“ spyr Flosi.

„Nei, bara, þú þarft að eiga svona fallegar nærbuxur þar sem þú ert kærasta

Svínfellsássins og hann gerir þig að konu hverja níundu nótt,“ segir Skarphéðinn.

Flosi verður bálreiður. Hann kastar peningunum í burtu. „Takið þennan helvítis pening aftur, ég tek það til baka að við séum orðnir sáttir!“