2. Hjólabrettin

Hildur: Maður er mjög fljótur að læra á svona „penny board.“

Íris: Áður vorum við mest á hjólum.

Eva: Við tökum stundum strætó í Vesturbærinn en förum eiginlega aldrei í bíl.

Hildur: Við erum ekki að gera einhver trix á brettunum, notum þau bara til þess að komast á milli staða.

Íris: Ég er samt alveg búin að vera að prófa mig áfram í að fara í svona hringi.

Eva: Það eru svo sterk dekk á þessum brettum, ef einhver keyrir yfir þau gerist ekkert. Þess vegna eru þau líka mjög dýr.

Íris: Mér finnst svo fyndið að eftir að við keyptum okkur svona bretti keyptu alveg þrír eða fjórir sér svona líka. Við fundum upp á þessu. Eða nei kannski ekki alveg.

Hildur: Já, við keyptum allar á sama tíma svona bretti í sumar án þess að vita af því.

Eva: Vorum allar að hugsa það sama.

Íris: Já, ég var búin að suða í pabba og þá voru þær búnar að kaupa sér.

Hildur: Engin í sama lit, sem betur fer.