Harðfiskur

Harðfiskur er fiskur sem er búið að þurrka. Þess vegna er hann harður.

Harðfiskur er svolítið eins og „beef jerky“ sem Ameríkanar borða, nema að það er ekki búið að bæta við salti, sykri eða neinu öðru, þetta er bara þurr fiskur.

Oft borðar maður harðfisk með smjöri. Það eru líka til litlir harðfiskbitar sem maður þarf ekki að setja smjör á, þeir eru eins og snakk.

Það er mjög gott að eiga harðfisk þegar maður fer í útilegu eða fjallgöngu. Harðfiskur er áttatíu prósent prótein svo að maður þarf ekki að borða mikið til að verða saddur.

Öllum finnst harðfiskur góður, en það er því miður ekki hægt að borða harðfisk í skólanum eða í vinnunni af því að það er svo sterk lykt af honum. Lyktin er ekki vond, hún er bara sterk.