Kolaportið
FLÓAMARKAÐUR Í REYKJAVÍK
Kolaportið er vinsæll flóamarkaður í miðbæ Reykjavíkur sem er opinn um helgar. Þetta er svona „útimarkaður“ inni. Það gengur ekki að vera með útimarkað á Íslandi yfir vetrartímann. Fólk getur leigt bás í Kolaportinu og selt þar hvað sem er. Það er alltaf líf og fjör í Kolaportinu!
ANNA OG SÓLVEIG Í KOLAPORTINU
Anna og Sólveig eru vinkonur. Anna er fornleifafræðingur og Sólveig er landfræðingur. Gunnar, blaðamaður á Dagblaðinu, hitti þær í Kolaportinu einn kaldan vetrarmorgun. Þær hafa verið að taka til í geymslunni hjá sér og fundu þar alls konar fatnað og hluti sem þær nota ekki lengur. Þær hafa leigt bás í Kolaportinu nokkrar helgar í röð. Gunnar dembdi á þær nokkrum spurningum.
GUNNAR
Góðan daginn.
ANNA OG SÓLVEIG
Góðan dag. Góðan daginn.
GUNNAR
Hvað eruð þið að selja hérna?
SÓLVEIG
Við erum að selja notuð föt, gamla kjóla og skó.
ANNA
Svo erum við með svolítið af antíkvörum sem ég fékk frá ömmu minni. Gamalt eldhúsdót, styttu, lampa, diska og glös.
GUNNAR
Eru margir með bása hérna?
SÓLVEIG
Já, það eru rosalega margir að selja. Sumir eru með harðfisk og hákarl eins og finna má á lyktinni. Svo eru aðrir með bækur, geisladiska, vínilplötur. Svo eru seld hérna húsgögn, skartgripir, handverksmunir – bara nefndu það!
GUNNAR
Og fáið þið mikinn pening fyrir dótið ykkar?
ANNA
Við höfum selt alveg rosalega mikið, eiginlega miklu meira en við áttum von á. Það kemur sér allt vel í kreppunni skal ég segja þér!
GUNNAR
Hvað eruð þið að selja hérna?
ANNA
Við höfum selt alveg rosalega mikið, eiginlega miklu meira en við áttum von á. Það kemur sér allt vel í kreppunni skal ég segja þér!
SÓLVEIG
Við vorum mjög hissa að sjá hvað það eru margir sem koma í Kolaportið. Það er greinilega mjög vinsæll svona samkomustaður! Og síðan er hérna kaffihús, Kaffi Port. Þar hittist fólk og hefur það huggulegt saman.
GUNNAR
Takk fyrir og gangi ykkur vel.
ANNA OG SÓLVEIG
Takk. Takk fyrir.
GUNNAR
Ég ætla að fá þessa skó hérna.
RÍFANDI SALA Í KOLAPORTINU
Rífandi sala er í Kolaportinu núna þegar mest er talað um kreppuna. Jólagjafir fást þar fyrir lítinn pening og þar er líka hægt að kaupa ódýrt í matinn. Mikið annríki hefur verið alla helgina. Sölumaður á staðnum segir að notuð föt og húsgögn „renni út eins og heitar lummur“ núna þegar krepputal í landinu er sem mest.
