早晨 天氣 節目 (11 月 16 日 上午 8 時 )– 科學 主任 楊國仲

Transcript 各位 觀眾 早晨 ！ 歡迎 收睇 星期五 朝頭 早 嘅 天氣報告 。 我 哋 今朝 呢 ， 仍然 吹住 一 啲 比較 大 嘅 偏東 風 喎 ， 而且 重 有 啲 雨 添 。 噉 喺 雷達 影像 嗰 度 見 得到 啊 ， 其實 喺 我 哋 附近 呢 ， 仍然 都 係 有 啲 雨 區 發展 啦 ， 不過 啲 雨區 呢 都 係 比較 鬆散 ， 相信 呢 就 唔 會 太 大雨 啫 。 噉 喺 大 範圍 嘅 衛星 雲 圖 見 得到 啊 ， 華南地區 呢 ， 都 係 有 啲 雲層 覆蓋 住 個 喎 。 噉 所以 我 哋 預計 ， 今日 嘅 天氣情況 會 係 大概 多雲 ， 有 幾 陣 雨 。

噉 今日 最高 嘅 氣溫 呢 ， 大約 會 有 二十五 度 ， 風勢 方面 就 會 吹 呢 個 和緩 至到 清勁 嘅 偏 東風 ， 離岸 同埋 高地 會 係 間 中 吹 強風 啊 。 噉 如果 今日 安排 咗 啲 戶外活動 嘅 話 呢 ， 要 留意 天氣 嘅 情況 喇 。

噉 嚟 𡁵 又 係 星期六 星期日 喇 ， 天氣情況 會 係 點 呢 ？ 噉 喺 天氣圖 嗰 度 見 得到 呀 ， 其實 喺 嚟 𡁵 嘅 幾日 呢 ， 華南地區 嘅 等壓線 都 比較 緊密 啊 ， 噉 代表 住 呢 有 一 股 東北 季候風 係 會 影響 我 哋 。 噉 呢 股 東 北 季候風 呢 ， 會 將 北邊 一 啲 比較 涼 嘅 空氣 呢 ， 帶 到 落 嚟 華南地區 沿岸地區 㗎 ， 噉 所以 我 哋 預計 ， 嚟 𡁵 嘅 星期六 星期日 ， 個 天氣情況 會 係 多雲 啦 ， 有 幾 陣 雨 ， 噉 去 到 下個 星期 初期 同埋 中期 呢 ， 天氣 會 係 稍為 涼 一 啲 㗎 。 噉 大家 要 留意 喇 。 好 喇 呢 一 節 嘅 天氣報告 講到 呢 度 ， 多謝 大家 收睇 。