bed 床

喺 好 耐 好 耐 以前 ， 有 一個 成日 都 瞓 得 唔 好 嘅 男人 。 呢 個 男人 成日 覺得 自己 張床 下面 好似 有人 。 佢 又 驚 嗰 個人 會 偷 佢 屋企 啲 嘢 ， 又 怕 佢 會 殺 咗 佢 ， 所以 瞓 得 好 差 。

每一晚 ， 呢 個 男人 瞓 之前 都 會 檢查 吓 床 下面 有 冇 人 先 瞓 。 不過 當 佢 瞓 低 咗 嗰 陣 ， 佢 又 會 驚 床 下面 有人 ， 所以 起身 再 檢查 多次 。 佢 每 一 晚 都 會 不停 重覆 噉 樣 ， 不停 睇 嚟 睇 去 ， 過 咗 幾個 鐘 之後 先 至 瞓 到 。

呢 個 男人 終於 結 咗 婚 喇 。 雖然 佢 冇 同 佢 老婆 講過 呢 一件 事 ， 但 係 佢 老婆 慢慢 都 知道 咗 佢 瞓 得 有 幾 差 。 最後 ， 佢 老婆 終於 忍 唔 住 要 同 佢 講 喇 ：「 老公 ， 不如 你 去 睇 吓 醫生 啦 。」

之後 ， 佢 就 聽 咗 佢 老婆 講 去 咗 睇 醫生 。 佢 同 醫生 講完 佢 嘅 情況 之後 ， 醫生 就 話 喇 ：「 你 呢 個 病 好 易醫 啫 ！ 你 帶 我 去 你 屋企 啦 。」

佢 帶 咗 醫生 去 佢 屋企 之後 ， 醫生 就 用 把 鋸 鋸 斷 晒 佢 張 床 嘅 四 隻 床 腳 。 從此以後 ， 佢 就 每晚 都 瞓 得 好好 喇 。