男人 唔 可以 窮 chapter 4.2
爸爸 ：「阿爸 個 舊 同事 ，阿球 叔 呀 ，上個月 走咗 囉 ，肺癌 呀 係 ，你 話 做人 幾 搞笑 ，阿球 成世 人 煙 都 唔 食 一支 ，燒嘢食 都 話 唔 多 去 嘅 ，無 啦 啦 又 會 整 個 咁 嘅 病 畀 佢 ，佢 出殯 嘅 日 ，我 去 上 咗 支 香 ，見到 佢 幾個 仔女 都 唔 係 好 大 個 ，真 係 凄涼 。」
嗰 陣 時 ，我 見到 老豆 對眼 有 小小 淚光 ，拍 一 拍 佢 膊頭 ，佢 對 我 笑 咗 笑 ，繼續 講 ：
「見 畀 勇 仔 出 嚟 ，又 望 下 你 哋 兩 兄弟 都 大個 囉 ，仲 執著 乜嘢 丫 ，但求 一家人 整整齊齊 ，健健康康 ，你 話 幾 好 呢 ？ 不過 最 緊要 就 係 你 哋 兩個 要 堂堂正正 ， 勇仔 以後 就生 生性 性 ， 咁 樣 阿爸 就 開心 喇 。
我 ：「阿爸 ，你 諗 得 咁 就 好 囉 。」
爸 ：「唔 遲 呀 可 ？ 」我 ：「點會 呢 ，嚟 ，我哋 一齊 行返 屋企 。」 爸 ：「好好好 。」
嗰 晚 ，我 返到 屋企 完完全全 訓 唔 到 ，點解 ？ 因為 短短 呢 三 幾 日 入面 ，唔 知 點解 我 嘅 生活 已經 有 翻天覆地 嘅 變化 ，我變 咗 做 單身 ，仲 雙失 埋 ，阿爸 突然 開口 同 我 講 咗 好多 嘢 ，可勇 放 監 出 返 嚟 ，所有 嘢 入面 有 開心 又 有 唔 開心 ，就 好似 周星馳 咁 講 ，人 喺 極樂 同 [極哀 ]當中 對 扯 ，係 會 唔 識得 表情 同 反應 。
除咗 本身 嘅 人際關係 有 變化 之外 ，仲有 另 一樣 嘢 係 令 我 好 糾結 ，
係 我 咁 多年 嘅 人生觀 同 價值觀 出現 咗 問號 。
聽 完 Yoyo 嘅 一席話 之後 ， 其實 我 真 係 好 想 接觸 下 呢 個 倫敦 金 嘅 世界 ， 自問 原則 我 有 丫 ， 勤力 我 亦 算 得 上 係 ， 除 咗 冇 條 【 事業 線 】 之外 ， 我 有 冇 可能 好似 Yoyo 咁 搵 到 幾皮 嘢 一個月 呢 ？ 再 諗 真 小小 阿栽 又 咪 係 【 麻 甩 佬 】 ， 佢 個 樣 好似 仲 【 撈 得 掂 】 過 好多 人 咁 ， 唔 知 我行 入去 做 ， 又 會 係 一個 乜嘢 故事 呢 ？
但 處身 呢種 唔 熟悉 而 又 不安穩 嘅 世界 入面 ，我 會 唔 會 唔 習慣 ？
不過 我 知道 點諗 都 係 冇用 ，最大 嘅 問題 係 我 要 返 公司 搵 Jeffrey 講數 ，無 啦 啦 咁 樣 炒 我 應該 要點 計 ，同埋 我 始終 想 同 Marcus 見 一次 面 ，就 當 係 好來好去 。
諗 下 諗 下 ， 我 終於 訓 咗 。
第二日 ， 食飯 時間 我返 咗 公司 ， 門口 接待處 嘅 Ceci 見到 我 好 緊張 ， 【 猛 咁 】 【 喝止 】 我 叫 我 出面 等一等 先 ， 佢 要 打入 去 畀 Jeffrey 通傳 咗 先 。
你 條八婆 以前 受 我 唔少 恩惠 ，依家 招呼 都 唔 敢 同 我 打個 咁 無情 ？
Ceci 開 咗 個 speaker 駁入 去 同 Jeffrey 講 我 嚟 咗 ，點知 呢 個 賤種 就 好 大聲 咁 答 佢 ：
「叫 薛 可 正 嘅 條 廢 柴 入 我 房 啦 。」
Ceci：「正呀 ，你 入得去 喇 。」
我 冇 應到 呢 個 八婆 ，大 大步 咁 就 行入去 ，行到 入去 唔 算 好多 同事 喺 度 ，但係 見到 我 嘅 好多 都 會 故意 迴避 我 眼神 ，短短 呢 幾十步 路 令 我 好 矛盾 ，亦都 好 難受 ，呢 個 曾經 我 最 熟悉 嘅 地方 ，點解 依家 會 咁 陌生 ，連 平時 同 我 感情 唔 錯 嘅 同事 ，最夠 膽 最 敢言 嘅 劍輝 ，都 只 係 同 我 打 個 眼神 示好 。
到底 呢 幾日 發生 咗 乜嘢 事 ？
行到 入 Jeffrey房 ，佢 已經 企 喺 度 歡迎 我 ，當然 ，佢 用 嘅 歡迎 手法 嚟 嚟 去 去 都 係 嗰 三 幾樣 啦 。
Jeffrey ：「喂 你 返 嚟 做 乜 ，我咪 同 Auntie 講 咗 叫 你 放 埋 剩 底 嘅 假 先 好 返 嚟 囉 。」
我 ：「 我要 見 Marcus。」
Jeffrey：「你 話 事 呀 ？ 走 啦 ，放完 假 返 嚟 我 會 同 你 慢慢 計返 份 糧 ，一蚊 都 唔 會 計 少 你 ，因為 驚 你 冇 飯 開 呀 哈哈哈 。」
我 ：「 你 知 唔 知 我 手 上面 有 聯絡 嘅 客 有 幾多 ？ 只要 我 打 去 係 咁 意 亂講 幾句 嘢 ，一百個 客 入面 走 十個 你 賣 屎 忽 都 唔 掂 。」
Jeffrey：「你 嚇 鬼 呀 ？ 」我 ：「要 試 ？ 」 Jeffrey ：「你 同 我 企 定定 喺 度 。」 Jeffrey 轉身 行去 Marcus 間 房 ，其實 點解 我 唔 直接 搵 Marcus傾 ，因為 我 知道 佢 為 人 做 嘢 係 點 ，放 咗 手交畀 下面 嘅 人 處理 嘅 事 ，佢 一定 唔 會 再 自己 親手 跟 ，只有 下面 嘅 人 搞 唔 掂 搵 佢 ，佢 先 會 再 自己 去 處理 。
所以 就算 我 自己 私下 打 畀 佢 ，佢 都 會 係 叫 我 搵 返 Jeffrey 自己 傾 ，不過 如果 咁 做 ，分 分鐘 會 令 Marcus 對 我 嘅 印象 更 差 ，而且 未知 內裡 發生 乜嘢 事 之前 ，我 一直 冇 自己 去 搵 佢 。
Jeffrey 行開 咗 ， 我 亦 都行 咗 返 我 自己 本來 嘅 房 ， 代替 我 嘅 Rocky 出 咗 去 食飯 ， 我行 埋 我部 電腦 ， 試下 再 入 返 我 嘅 密碼 ， 竟然 俾 我 順利 入到 。
呢 間 公司 入面 我 知道 自己 已經 冇 得 翻身 ，依家 咁 嘅 情況 ，就算 我 搵 到 Marcus ，就算 佢 肯 俾 我 返 嚟 ，我 都 唔 會 做 得 開心 。 只不過 我 對 佢 哋 今次 嘅 處理 手法 實在 太 過 嬲 ，所以 今朝 嚟 之前 我 做 咗 一個 決定 。
如果 我 開 唔 返部 電腦 就 當 冇 事 發生 ，如果 我 開 得 返 ，我 就 一次 過 毀滅 哂 我 跟 開 嘅 班 嘅 所有 資料 。
正邪 懸 一念 ，生死 懸 一線 。
當我 搵到 我 呢個 電腦 檔案 出嚟 想 毀滅 佢 嗰陣時 ，好似 有 一盞燈 喺 我 個 腦 度 突然 閃出嚟
「咁 樣 毀滅 佢 ，我 有 乜嘢 得 著 ？ 」我 諗起 Yoyo 嘅 日 同 我 講 嘅 其中 一句 嘢 ，目標 為 本 。 嘅 然 我 自己 都 知 我 喺 呢 間 公司 入面 已經 冇 哂 機會 ，仲 點解 要 冒 呢 個 險 去 做 呢 個 行為 ？ 我 自己 完全 冇 得 著之餘 ， 只 係 見到 佢 哋 損失 ，
冇 錯 ，我 可能 會 得到 一時三刻 嘅 快感 ，但 呢 堆 快感 我要 嚟 做 乜 ？ 快感 之後 分 分鐘 係 畀 人 發現 ， 跟 住 報警 拉 人 封艇 ，禽晚 阿爸 先 同 我 講好 想 一家人 齊齊整整 ，我 今日 就 嚟 做 一個 咁 反 智 嘅 行 為 ？
為咗 一次 快感 而 去 賭 上 自己 嘅 前途 ，呢 條數 我 點 計 都 唔 化算 。
跟 住 我 慢慢 咁 閂 返 電腦 ， 靜靜地 咁 行返 去 Jeffrey 間 房門口 ， 好快 ，Jeffrey 行返過 嚟 。
Jeffrey ：「林生 話 佢 會 自己 搵 你 ，叫 你 冷靜 小小 唔好 亂 嚟 。」
我 ：「好呀 ，我 等 佢 電話 。」
講完 我 就 走咗 ，因為 我 好似 開始 搵到 自己 正確 嘅 路 ，從前 我 打 嘅 都 係 順境 波 ，由 細 到 大 都 好少 話 遇到 挫折 。 今次 ，睇嚟 我 要 學下 點 下 逆境 波 ，點樣 由 嘅 定 範圍 入面 ，搵到 自己 想 走 嘅 路 ，再 去到 自己 創造 出嚟 嘅 世界 。
反正 ，我 講到 明會 玩嘢 ，我 相信 Marcus 點都 會 見 一見 我 。
落 咗 樓 ，周圍 都 好多 人 ，行 咗 去 中環 中心 睇 咗 陣 財經 直播 ，見 周圍 都 仲 係 好多 人行 到處 行下 ，一路 行 一路 諗 下 嚟 緊 應該 點做 ，行 下 行 下 ，我 行 咗 去 上環 ，行返 去 以娜 公司 附近 。
佢 依 家 應該 仲 喺 星 加 玻 。
我 望望 平時 我 等 以 娜 嘅 位置 ， 回味 一下 以前 嘅 事 ， 跟 住 就 諗 住 返 屋企 ， 點知 一 擰 轉頭 ， 二百米 外 嘅 紅燈 燈位 前面 ， 我 又 見 返 呢 樣令 我 皮質醇 標高 嘅 物件 –
車牌 JC115 嘅 保時捷 跑車
點解 我 又 會 喺 同一個 位置 見到 架車 ？ 以娜 依 家 喺 星 加 玻 ，呢 間 車 應該 唔 會 出現 喺 呢 度 ，唔 通 以娜 根本 冇 走 到 ？
我 立即 拎 個 電話 出 嚟 打 畀 以娜 ，電話 接通 咗 ，長途電話 嘅 響聲 令 我 鬆 咗 一口氣 ，都 好 ，佢 終於 有 樣 嘢 係 冇 呃 我 。
但 我 始終 好奇 呢 架車 又 點 出現 喺 呢 度 ，我 急步 咁 行 上去 ，呢個 時候 開始 轉燈 ，我 開 始 發 力 跑 過去 ，架車 轉 咗 入 以娜 公司 嘅 座 大廈 嘅 後面 ，我 立即 兜 另外 一邊 跑 過去 ，我 見到 架 波子 行 咗 入 以娜 公司 嘅 停車場 入面 。
我 走 到 去 停車場 門口 嗰 時 停 咗 步 ，我 開始 猶豫 ，我 喺度 諗 ，行到 入 去 ，俾 我 見到 對方 ，我 可以 點做 ？
將以娜 帶走 ，以 我 自信 擊倒 嘅 ，並唔 係 一個 人 嘅 造成 ，而 係 之前 我 所 講 ，係 Grace 最 推崇 嘅 金錢 成功 論 ，人 哋 渣 住 架 波子 入 嚟 ，我 就 以 一個 潦倒 失業 漢 嘅 造型 走埋 去 ，除咗 乞 錢 我 仲 可以 做 乜 ？ 唔 通 又 諗 住 打人 呀 ？
如果 打 佢 可以 令以娜 返 我 身邊 ，就 好似 以前 咁 乜嘢 事 都 冇 發生 過 ，我 會 選擇 將 呢 條 波子友 凌遲 ，可惜 唔 會 。
嗰 一刻 ，其實 我 知道 自己 輸 哂 信心 。
不過 ，人 除咗 有 基本 自信心 之外 ，都 有 相等 程度 嘅 好奇心 ，我 唔 同 佢 正面 衝突 ，但 我 望下 佢 係 邊個 都 應該 唔 成問題 掛 。
我 慢慢 行入 停車場 ，首先 經過 時租 位 嗰 邊 ，因為 個 停車場 實在 太 多 彎 位 嘅 關係 ，我 唔 可以 一眼 望 哂 所有 嘅 車 ，我 一路行 一路 搵 ，搵 咗 好 耐 都 係 見 唔 到 架 車 。
我 再 轉過 去 月租 嗰 邊 ， 因為 月租 多數 係 老闆 嘅 車 嘅 關係 ， 大部份 嘅 車 都 係 貴 嘢 ， 法拉利 、 瑪莎拉蒂 、 【 林保 堅尼 】 仲有 我 成日 睇 雜誌 睇 到 嘅 賓利 ， 個 情景 就 好似 一個 流浪漢 去 咗 睇 車展 咁 ， 到底 一個 人 一個月 要 搵 幾多 錢先 可以 渣 呢 款車 ？ 聽講 呢 個 級數 嘅 車條 死氣 喉 係 噴 五蚊 銀 ，唔知 屯門 出 一轉 中環 又 要 幾多 錢 ？
行到 最尾 ，我 終於 見到 架車 ，可惜 個 司機 已經 走咗 ，我望咗 一陣 ，個腦 唔知 點解 念過 以娜 拎住 個 LV 走上 呢 架 車 嘅 畫面 ，我 感覺 呢度 唔係 屬於 我 ，我 轉身 走 ，行咗 唔夠 半分鐘 ，我 突然 聽到 後面 有人 開 防盜 嘅 聲 ，我 望一望 ，原來 架 波子 嘅 司機 返 轉頭 拎 嘢 ，我 終於 見到 個 司機 係 邊個 ，原來 就 係 佢 。
趙 子樂 ，FrankieChui，以娜 公司 嘅 出名 二 世祖 ，同 我 公司 嘅 Jeffrey 一樣 ，又 係 黃馬褂 關係 ，平時 喺 公司 又 係 訓 多過 做 嗰 隻 。
個 司機 ，原來 就 係 佢 。
但 同 Jeffrey唔 同 ，呢 個 Frankie 係 屬於 極度 靚仔 ，極度 女人 湯 丸 嗰 個 類型 ，身高 六 呎 有 多 ，個樣 十足 十奇洛 李維斯 咁 ，點解 ？ 因為 佢 係 混血兒 囉 。 仲有 另 一個 同 Jeffrey 完全 唔 同 嘅 分別 ， 就 係 佢 極度 有 禮貌 ， 死 返書仔 上次 去 以娜 公司 個 大 食會 ， 見 人 拎 支叉 比 佢 佢 都 會 Thx 人 哋 十幾聲 ， 講 嗰 時 又 懶 型 咁 露 哂 齒 ， 班死港 女仲點 會 唔 起 痰 。
只不過 係 我 自己 太有 自信 ， 唔 相信 以娜 都 係 死 港 女 之一 而 出事 。
不過 唔 好話 女人 ，如果 我 係 基 嘅 我 都 第一 時間 吉 佢 。
我 見過 佢 嘅 次數 唔 多 ，就 正正 係 大食會 嗰 一次 咁 大 把 ，點解 會 咁 深 印象 ？ 就 好似 劉德華 如果 同 鄭中基 喺 中環 相遇 對 望 ，永遠 都 只有 鄭中基 認得 劉德華 ，而 唔 會 係 劉德華 認得 鄭中基 。
但 係 佢 一定 唔 會 唔 認得 我 ，佢 溝 咗 我 條 女 ，我 打 過 佢 部 車 ，等 佢 望 過 嚟 ，我 就 會 報以 一個 兇悍 嘅 眼神 畀 佢 。
