前文 再續 啊 書 接 上 一回 。
話說 康熙 同 韋小寶 捐錢 嚟 賑濟 台灣 災民 ，韋小寶 話 康熙 節衣縮食 嚟 捐錢 ，真係 唔容易 啊噉 。
康熙 擰擰頭 話 ：你 噉 講 就 唔啱 嘞 。
我 宮 裏頭 嘅 一切 使用 ，每 一兩 銀 都 係 來自 天下 百姓 。
百姓 供養 我 錦衣玉食 ，我 君臨 萬民 ，就 應當 盡心竭力 為 百姓 辦事 。
你 食 君 之 祿 ，就 應當 忠 君 之 事 吖 。
我 食 民 之 祿 呢 ，就 應當 忠 民 之 事 嘞 。
古書 上面 話 ：四海 困窮 ，則 天祿 永 終 。
如果 百姓 窮困 ，噉 就係 皇帝 唔好 ，上天 震怒 ，我 呢個 皇帝 亦 做唔成 嘞 。
韋小寶 話 ：噉 唔會 嘅 ，點 都 唔會 啦 。
你 做 大臣 ，係 出於 我 嘅 恩典 。
我 做 皇帝 呢 ，係 出於 上天 嘅 恩典 。
你 辦事 不忠 ，我 斬 你嘅 頭 。
我 唔 做好 皇帝 ，上天 亦 會 另外 換 一個 人 嚟 做 嘅 。
尚書 裏 便 講 ：皇天 后土 ，改 厥 元子 。
元子 就係 皇帝 ，皇帝 做得 唔好 ，上天 會 趕走 佢 㗎 。
係啊係啊 ，你 叫做 小玄子 吖 ，原來 元子 就係 皇帝 。
呢個 元字 同 嗰個 玄字 唔同 。
哦 ，係 ，係 。
韋小寶 諗 ：橫掂 都係 圓沊沊 嘅 都係 差唔多 嘅 啫 嘛 。
佢 元首 個 元 字 同 玄妙 個 玄 字 都 唔 識 ，所以 呢 亦 都 冇 嘥 心機 去 分辨 嘞 。
康熙 喺 枱 上 攞起 一本 書 嚟 佢 話 ：
浙江 巡撫 進呈 咗 一本 書 叫做 明夷待訪錄 ，係 一個 浙江人 黃黎洲 新近 做 嘅 。
浙江 巡撫 話 書 裏 便 有 好多 大逆不道 嘅 説話 ，要 嚴加 查辦 。
我 啱先 睇完 呢本 書 ，卻係 覺得 好 有 道理 ，已經 批示 浙江 巡撫 不必 多事 嘞 。
康熙 一便 講 ，一便 掀開 本書 佢 話 ：
佢 書 裏 便 講 ：為君 ，係以 一人 奉 天下 就 唔係 天下 奉 一人 。呢個 意思 講得 非常 好 啊 。
佢 又 話 ：天子 所是 未必 是 ，天子所非 未必 非 。呢點 亦 好啱 。
邊個 冇錯 嘅 呢 ？天子 亦 係 人 。
邊度 有 話 一 做咗 皇帝 就 乜嘢 都係 啱 永遠 唔會 錯 嘅 道理 呢 ？
康熙 講 咗 一陣 ， 見 韋小寶 雖然 一味 話 係 啊 係 啊 係 啊 噉 ， 不過 表情 就 懵 盛盛 ， 不由得 笑 起 上 嚟 喇 佢 諗 ：
我 同 呢個 小流氓 講 大道理 佢 邊度 識 吖 ？再 講落去 ，怕 佢 一味 打 喊 路 啦 。
於是 左手 一揮 話 ：你 去 啦 。
右手 仍然 攞住 嗰本 書 ，個口 喺 處 讀 。
以為 天下 利害 之 權 皆 出於 我 ，我 以 天下 之 利 盡 歸 於 己 ，以 天下 之 害 盡 歸 於 人 ，亦 無 不可 。
使 天下 之 人 不敢 自私 ，不敢 自利 ，以 我 之 大私 為 天下 之 公 。
始而慚焉 ，久而安焉 ，視 天下 為 莫大 產業 ，傳之 子孫 ，受享 無窮 。
韋小寶 聽到 莫名其妙 ，但係 皇帝 正在 讀書 啊 ，又 猛咁 讚好 ，點 可以 話 唔 捧場 呢 ？
見康熙放低本書就問喇 ：皇上 ，唔知 呢本書 裏 便 講 啲 係 咩 嘢 呢 ？有 咩 咁 好 啊 ？
佢 話 做 皇帝 嘅 人 啊 ，叫 天下 嘅 人 唔好 自私 唔好 自利 ，就係 佢 皇帝 一個 人 可以 自私 自利 。
而 皇帝 嘅 大私 呢 ，居然 話 係 天下 嘅 大公 。
噉呢個 做 皇帝 嘅 初時 嘅 心 亦 覺得 唔啱 ，有啲 慚愧 。
到咗 收尾 ，習慣 成 自然 嘞 ，竟然 以為 自己 好啱 ，旁人 都 錯 嘞 。
呢個人 講 嘅 係 壞 皇帝 啫 ，好似 皇上 噉樣 腰腎 魚湯 ，佢 講 嘅 就 唔啱 嘞 。
嘿嘿 ，做 皇帝 嘅 人人 都 自以為 係 腰腎魚湯 ，邊 一個 係 自認 桀紂 昏君 㗎 ？
何況 每個 昏君 身邊 ，一定 有 好多 歌功頌德 嘅 無恥 大臣 ，將 昏君 呀 都 捧 成為 腰腎魚湯 嘅 。
吖好彩 皇上 係 貨真價實 ，劃一不二 嘅 腰腎魚湯 唧 ，否則 呀 ，奴才 就 成為 無恥 大臣 喇 。
康熙 用 左腳 喺 地下 一 𨂽， 笑 住 話 ： 你好 有恥 啊 ， 躝 屍 趷 路 啦 你 。
韋小寶 話 ： 皇上 ， 奴才 向 你 求個 恩典 ， 請 皇上 准 奴才 嘅 假 ， 返去 揚州 探下 我 阿媽 啊 。
你 有 呢番 孝心 ，係 應該嘅 。
再講 ，富貴 不 歸 故鄉 如 衣錦 夜行 。
你 應該 返去 風光 下 至 係嘅 。
你早去早回 ，將 你阿媽 接嚟 北京 住 啦 。
我 吩咐 人 寫 旨 ，畀 你 阿媽 一品 太夫人 嘅 誥封 。
你 死咗 嘅 父親 叫做 咩嘢 名 ？去 呈報 畀 吏部 ，一併 追贈 官職 。
呢件事 上次 你 返 揚州 就 應該 辦 㗎喇 ，噉 啊 啱啱 遇到 吳三桂 造反 就 耽擱 咗 落嚟 唧 。
康熙 諗住 韋小寶 多數 唔知 佢 父親 嘅 名字 點樣 寫法 ，所以 亦 不必 追問 嘞 。
康熙 啊 雖然 英明 啊 ， 呢 件 事 只 係 知其一 就 不知其二 。
韋小寶 固然 唔 知道 父親 嘅 名字 點樣 寫 啦 ，其實 啊 連 父親 係 邊個 佢 都 唔 知 啊 。
韋小寶 謝咗 恩 ，出咗 皇宮 返到 屋企 攞咗 一百五十 兩 銀票 ，去 户部 銀庫 繳納 ；
去兵部 啊 繳咗 撫遠 大將軍 嘅 兵符 印信 。
又 請 蘇荃 幫 自己 父親 改個名 ，佢 啊 連 祖宗 三代 啊 一齊 由 妾侍 改名 ，噉 啊 繕寫 清楚 交咗 畀 吏部 。
辦妥晒 各種 事情 喇 ，就 執拾 起程 。
韋小寶 喺 朝 上 人緣 又 好 ，又係 皇帝 嘅 寵愛 大臣 ，王公大臣 送行 宴會 梗係 非常 熱鬧 定 啦 。
佢 臨行 嘅 時候 諗起 一百五十萬 兩 銀 捐得 好 肉赤 ，又 派 親兵 去 搵 鄭克塽 ，追 咗 一萬 幾 兩 銀 嘅 舊 債 噉 先至 離開 北京 。
話説 韋小寶 一行 啊 ，由 旱路 去到 通州 ，轉車 換船 ，由 運河 向 南 行 ，經 天津 、臨清 ，渡過 黃河 經濟 寧 。
呢一日 ，上下 到 淮陰 嘞 ，官船 泊 喺 泗陽 集 過夜 。
韋小寶 喺 船 上 同 七個 夫人 食過 晚飯 之後 呢 傾 閒偈 。
蘇荃話 ：小寶 ，聽日 我哋 就 到 淮陰 喇 。
古時候 有 個人 ，封做 淮陰侯 嘅 。
韋小寶 話 ：嗯 ，佢 嘅 官 都 冇 我 咁 大 。
蘇荃 話 ：噉 就 唔係 喇 。
佢 封過 王 㗎 ，封嘅 係 齊王 。
收尾 皇帝 怕 佢 造反 ， 削 咗 佢 嘅 王爵 ， 改封 做 淮陰 侯 啫 嘛 。
呢個人 姓 韓 名 信 ，好 有名 㗎 。
韋小寶 拍下 大髀 話 ：噉呢 我 啊 知喇 ，蕭何 月下 追 韓信 ，十面埋伏 ，霸王 別 虞姬 ，大戲 都有得 做 啦 。
蘇荃 話 ：冇錯喇 。
呢 個人 本事 好大 ， 功勞 亦 好 大 ， 連 楚霸王 噉 嘅 大 英雄 都 敗 喺 佢 手上 。
只可惜 佢 下場 唔好 呢 ，畀 皇帝 同 皇后 殺咗 。
唉真係可惜喇 ，吖 ，皇帝 點解 要 殺佢 ？佢 想 造反 啊 ？
冇 ，佢 冇 造反 。
不過 皇帝 忌 佢 本事 使得 ，怕 佢 造反 啫 嘛 。
好彩 我 個 本事 就 認真 麻麻唧 ，皇上 咩嘢 都 叻過 我 嘅 ，所以 又 唔會 忌 我 啫 。
吖 ，我 只有 一件事 叻過 皇上 ，除此之外 ，咩嘢 都係 萬萬 唔及 佢 。
阿珂 就 問 喇 ：你 邊 件事 叻過 皇帝 啊 ？
韋小寶 話 ：我 有 七個 如花似玉 嘅 夫人 ，天下 再 搵唔到 第八個 咁 靚 嘅 女仔 㗎 喇 。
皇上 洪福齊天 ，我 韋小寶 係 豔福齊天 。
我哋 君臣 兩個人 係 各齊各嘅 ，各有所齊 啊 。
佢 面皮 厚 亂咁 吹牛 ，七個 夫人 就 笑聲 不絕 。
方怡 笑住 話 ：皇帝 係 洪福齊天 ，你啊 ，係 齊天大聖 。
韋小寶話 ：冇錯冇錯 ，我 係 水簾洞 裏 便 嘅 美猴王 ，帶住 一班 猴婆 猴子 猴孫 ，過 逍遙自在 嘅 日子 啊 。
正喺度講笑 ，艙外 家人 就 高聲 話 ：啟稟 公爺 ，有 客人 求見 。
跟住 丫鬟 就 攞住 四張 拜帖 入嚟 。
蘇荃 接過嚟 睇咗 就 話 ：
客人 係 顧炎武 、査繼佐 、黃黎洲 同 呂留良 四位 啊 。
韋小寶 話 ：啊 係 顧 先生 佢哋 嚟 ，啊 非 見 不可 喇 。
就吩咐 家丁 招呼 客人 喺 大船 船艙 裏 便 奉茶 ，就 即刻 換過 衣服 ，過去 相見 嘞 。
顧 、查 、黃 三個人 ，當年 喺 揚州 畀 吳之榮 逮捕 ，爭啲 冇命 ，好彩 得到 韋小寶 搭救 。
呂留良 呢 係 初次 見面 ，佢 後便 有 兩個 二十幾歲 嘅 後生仔 ，係 呂留良 嘅 仔 呂葆中 同 呂毅中 。
噉行過 禮 之後 分 賓主 坐落 ，呂葆中 同 呂毅中 呢 企 喺 父親 嘅 背後 。
顧炎武 低聲 話 ：韋香主 ，我哋 幾個人 呢次 嚟 拜訪 你 ，有 一件 大事 同 你 商量 。
誒泗陽集 呢個 地方 耳目眾多 ，言談 不便 。
好唔好 請 你 吩咐 將 隻 船 駛開 幾里 ，泊 喺 僻靜 無人 嘅 地方 然後 再 談 呢 ？
顧炎武 當年 喺 河間 府 殺 龜 大會 之中 ， 曾經 被 推舉 為 各路 英雄 嘅 總 軍師 ， 喺 江湖 上 聲譽 好 高 嘅 。
韋小寶 對 佢 一向 好 佩服 ，就 應承咗 返去 向 蘇荃 等人 講 。
蘇荃 話 ：防人之心 不可 無 啊 。
我哋 嘅 船 跟住 一齊 去 啦 ，有 咩 事情 接應 都 方便 啦 。
韋小寶 諗住 要 跟埋 顧炎武 等 去到 僻靜 無人 嘅 地方 ，個 心 呢本來 有啲 不安 嘅 ，而家 有 七個 夫人 隨後 保駕 就 穩陣 得 多 喇 ，就 一味 話 好啦 噉 。
佢 吩咐 船夫 將 兩隻 船 撐 去 南便 ，話 要 喺 運河 上 風景 清雅 嘅 地方 飲酒 賞月 。
講唔定 ，雅興 一到 ，仲要 做翻 幾首 詩 ，噉 其餘 嘅 船 呢 ，仍然 泊 喺 泗陽集 等候 。
韋小寶 又 返去 大船 陪 客 ，噉 兩 隻 船 呢 就 向 南 駛 咗 七八里 。
眼見 兩岸 平野 空闊 ，皓月 在 天 ，四望 無人 。
韋小寶 吩咐 拋錨 停泊 ，噉啊 叫 大船 嘅 船夫 同埋 侍從 啊 ，都 去 後便 嗰隻 船 處 ，以免 妨礙 韋公爺 同 六位 才子 嘅 詩興 啊 。
等到隻船冇其他人喇 ，顧炎武 等又 再次 多謝 韋小寶 當年 搭救 嘅 大德 。
韋小寶 謙遜 一番 ，跟住 又 講起 吳六奇 同 陳近南 先後 遇害 嘅 經過 ，噉 大家 相對 唏噓 。
顧炎武話 ：江湖上 流言紛紛 ，都話 韋香主 貪圖 富貴 殺師 求榮 。
黃兄 、查兄 同 兄弟 幾個 人 ，點 都 唔 信 。
我哋 三個人 同 韋香主 素不相識 嘅 ，韋香主 竟然 肯 甘 冒 奇險 ，殺咗 吳之榮 ，救翻 我哋 條 性命 。
以噉樣 義薄雲天 嘅 性情 ，又 點 能夠 去 殺害 恩師 呢 ？
査繼佐 話 ：我哋 聽 江湖 上 朋友 講起 呢件事 嘅 時候 ，總係 竭力 為 韋香主 分辯 嘅 。
佢哋 就 話 ：連 皇帝 聖旨 裏 便 都 噉樣 講 咯 ，唔通 仲 有 假 嘅 咩 噉 ？
不過 韋香 主 身在 曹營 心在 漢 ，種種 作為 ，唔能夠 同 外人 講明白 嘅 。
從來 英雄 豪傑 ，都 要 任勞任怨 。
以 周公 大聖 大賢 ，仲有 管蔡 嘅 流言 ，噉 何況 旁人 呢 ？
因此 韋香主 亦 不必 放喺 心上 。
韋小寶 聽唔懂 佢 講 咩 周公 管 蔡 ，只有 唯唯諾諾 嘞 。
呂留良話 ：韋香主 苦心孤詣 ，謀幹大事 ，本來 亦 不必 喺 呢個 時候 求 天下人 諒解 。
只要 最後 做咗 驚天動地 嘅 大事業 出嚟 咯 ，大家 就 會 明白 以前 係 錯怪咗 你 㗎 喇 。
韋小寶 諗 ：我 會 有 咩 驚天動地 嘅 大事業 做出嚟 唧 ？
哎呀弊 ！佢哋 又 嚟 勸 我 行刺 皇上 定 嘞 。
嗯 ，點樣 同 佢哋 推三推四推五推六 好 呢 ？
咪拘 ，我 去 將 道門 閂埋 佢 先 。
佢 就 話 ：兄弟 嘅 本事 呢 係 冇 嘅 ，學問 就 更加 冇 啦 ，做 出 事 嚟 呢 總 係 兩面 不 討好 。
唉 兄弟 非常 灰心 啊 。
呢次 呢 係 告老還鄉 ，以後 係 咩嘢 事 都 唔 做 㗎 喇 。
呂毅中 見 佢 年紀 仲 細過 自己 幾 歲 ，居然 講 咩 告老還鄉 ，噉 忍唔住 咭 噉笑咗 一 聲 。
顧炎武 等 呢 亦 都 覺得 好笑 。
黃黎洲 微笑話 ：韋香 主 英雄 年少 ，前途 不可 限量 啊 。
無知之徒 嘅 一時 誤會 ，亦 不必 計較 喇 。
韋小寶 話 ：吖噉 又 唔係 啊 ，呢個 較 係 一定 要 計 一計 嘅 。
黃先生 ， 你 做 咗 一部 好書 叫做 ， 叫做 明 ， 明 咩 咩 花花綠綠 嘅 。
黃黎洲 非常 奇怪 喇 ：呢個 人 目不識丁 ，點會 知道 我 呢部 書 呢 ？就 話 ：
係 明夷 待訪錄 。
冇錯冇錯 。
誒 你 呢部 書 裏 便 ，有 好多 説話 係 痛罵 皇帝 嘅 係唔係 啊 ？
黃黎洲 等 都 吃咗 一驚 啊 都 諗 ：
連 呢個 人 都 知道 喇 ，恐怕 又 係 一場 極大 嘅 文字獄 咯 。
顧炎武 話 ：亦唔係 鬧 皇帝 。
黃兄 呢部 著作 見解 精闢 ，説明 為君之道 ，應該 係 點樣 嘅啫 。
韋小寶 話 ：係咯 。
皇上 呢 輪 呢 日日夜夜 都 讀 黃 先生 呢 部 書 ，不停 咁 讚 你 寫得 好 ，頂呱呱 。
講唔定呀 ，要 請 你 去 做 狀元 做 宰相 啊 。
黃黎洲話 ：韋香主 取笑 我 啦 ，邊度 有 噉 嘅 事 唧 ？
韋小寶 於是 將 康熙 點樣 大讚 明夷待訪錄 講 畀 大家 知 ，噉 眾人 噉 先至 放心 。
黃黎洲話 ：原來 嗰個 小皇帝 都 能夠 分辨 是非 㗎 。
韋小寶 乘機 話 ：係啊 。
小皇帝 話 ，佢 雖然 唔係 腰腎魚湯 ，但係 同 明朝 嗰啲 皇帝 比較 ，亦 唔見得 差咗 去邊 啦 ，講唔定 呀 仲要 好啲 添 。
佢 做 皇帝 ，噉 天下 百姓 嘅 日子 都 過得 比 明朝 嘅 時候 好啊 。
兄弟 係 冇 學問 冇 見識 ，亦 唔 知道 佢 嘅 説話 啱唔啱 。
顧 、 查 、 黃 、 呂 四個 人 ， 你 望 下 我 我 望 下 你 ， 想起 明朝 各 朝 嘅 皇帝 ， 由 開國 嘅 明太祖 直至 末代皇帝 崇禎 ， 唔 係 殘忍 暴虐 ， 就 係 昏庸 糊塗 ， 有 邊 一個 及 得 康熙 呢 ？
佢 四個人 係 當代 大儒 ，即係 高級 知識分子 嘞 ，熟悉 歷史 ，唔願 揞住 良心 講説話 ，不由得 都 默默 點頭 啊 。
韋小寶話 ：所以啊 ，皇帝 係 好嘅 ，天地會 眾兄弟 亦係 好嘅 。
皇帝 要 我 去 滅 天地會 ，我 堅決 唔 做 。
天地會 眾 兄弟 要 我 去 行刺 皇帝 ，我亦 堅決 唔做 。
噉 結果 呢 ，兩邊 都 怪 我 。
兄弟 左思右想 ，只好 決定 告老還鄉 喇 。
顧炎武話 ：韋香主 ，我哋 呢次 嚟 ，唔係 要 你 行刺 皇帝 啊 。
韋小寶 噉 就 好 歡喜 喇 佢 話 ：噉就 好極 喇 ，只要 唔係 行刺 皇帝 ，其他 嘅 事情 兄弟 義不容辭 。
唔知道 四位 老先生 、兩位 小先生 有 咩嘢 吩咐 呢 ？
顧炎武 推開 個 船窗 ，睇下 外便 ，只見 四圍 一片 寂靜 ，就 擰翻 轉頭 話 ：
我哋 嚟 勸 韋香 主 自己 做 皇帝 啊 。
乒乓 一聲 ，韋小寶 揸住 喺 手 嗰 隻 茶杯 跌 咗 落地 跌到 粉碎 。
佢 大吃一驚 啊 就 話 ： 誒 ， 誒 ， 你 ， 你 噉 樣 開玩笑 啫 。
査繼佐 話 ：決唔係 開玩笑 。
我哋 幾個人 商量咗 幾個月 ，都 覺得 大明 氣數 已盡 ，天下 百姓 已經 唔係 歸心 於 前明 嘞 。
實在係 前明 嘅 歷朝 皇帝 將 百姓 害得 太過 苦 ，人人 諗起嚟 就 痛恨 。
不過 滿清 佔咗 我哋 漢家 江山 ，要 天下 漢人 剃頭 留辮 ，改着 夷狄 嘅 衣冠 ，呢啖 氣 總係 吞唔落去 。
韋香主 手握 兵符 ，又 得 當今 皇帝 信任 ，只要 係 高舉 義旗 ，自立 為 帝 ，天下 百姓 一定 望風景從 嘅 。
韋小寶 猛 咁 耍 手話 ： 我 我 ， 我 冇 呢 個 福分 ， 皇帝 我 係 做 唔 嚟 嘅 。
顧炎武話 ：韋香主 為人 仗義 ，福澤 更加 係 深厚 到 極 。
環顧天下 ，如果 唔係 你 嚟 做 皇帝 ，漢人 之中 再 冇 第二個 有 噉 嘅 福氣 喇 。
呂留良 又 話 ：我哋 漢人 比 滿洲人 多 成百倍 ，一百 人 打 佢哋 一個 ，點 會 話 唔 贏 㗎 ？
當日 吳三桂 造反 ，皆因 佢 係 斷送 大明 江山 嘅 大 漢奸 ，天下 漢人 個個 對 佢 切齒 痛恨 ，噉 先至 唔能夠 成功 啫嘛 。
韋香主天 與 人 歸 ，最近 又 平定 咗 羅剎 ，為 中國 立 咗 不世 奇功 ，聲望 之 隆 ，如 日 中 天 。
只要 韋香主 一岌頭 ，我哋 就 去 聯絡 江湖 好漢 ，共圖 大事 。
韋小寶 個 心 啊 嘣嘣 聲 亂 咁 跳 ，佢 發夢 都 估唔到 竟然 有人 會 嚟 勸 佢 做 皇帝 ，佢 傻咗 噉 過咗 一陣 先至 話 ：
誒 我 係 個 小流氓 出身 ，拿手 嘅 本事 只係 鬧人 同 賭錢 ，做咗 將軍 大官人 哋 嘅 心 已經 唔 服 咯 ，仲 邊度 能夠 做 皇帝 吖 ？
真命天子啊 ，係 要 好大好大福氣㗎 。
我 個 八字 唔啱 ，算命 先生 都 算過 咯 ，我 如果 係 做咗 皇帝 啊 ，嘿 ，三日 我 就 瓜老襯 㗎 喇 。
呂毅中 聽 佢 亂噏 一通 ，不免 又 試 笑 起上嚟 嘞 。
査 繼佐話 ： 韋香主 嘅 八字 係 點 㗎 ？ 我 哋 攞 去 搵 一個 高明 嘅 算命先生 嚟 到 推算 下 啦 。
佢 知道 韋小寶 冇 咩 知識 ，要 曉以 大義 佢 只係 講 小義 ，唔 講 大義 。
要 同佢 講 大勢 ，佢 又 只係 明白 小勢 唔 明白 大勢 。
但係 如果 買通 一個 算命先生 ，話 佢 係 真命天子 命中 要 坐 龍庭 ，講唔埋 佢 反而 信噃 。
誰知韋小寶話 ：我嘅時辰八字 只有 我阿媽 知道 ，等我 返去 揚州 我 問 阿媽 啦 。
眾人 知道 佢 言不由衷 ，只係 推託 唧 。
呂留良話 ：但凡 英雄 豪傑 ，多數 係 不拘小節 嘅 。
漢高祖 豁達大度 ，比起 韋香主 更加 隨便 得多 喇 。
佢 個 心 呢 係 噉 講 嘅 ：你 係 小流氓 出身 啫 嘛 噉 亦 唔 緊要 。
漢高祖 係 大流氓 出身 ，佢 鬧人 啊 賭錢 啊 ，胡鬧 過 你 多多聲 啦 ，啊 終於 唔係 做 咗 漢朝 嘅 開國 嘅 皇帝 。
韋小寶 一味 又 耍手 又 擰頭 佢 話 ：
大家 係 好朋友 ，我 同 你 講 老實話 啦 。
一便 講 ，一便 就 摸下 自己 嘅 頭殼 ，佢 話 ：
我 呢個 食飯 傢伙 呢 ，仲 想 留翻嚟 食 佢 幾十年 飯 。
呢個 傢伙 上便 呢 生咗 對 眼 ，就 要 嚟 睇戲 睇 靚女 嘅 。
噉啊 生咗 一雙 耳仔 ，要 嚟 聽 講古 、聽 小曲 。
我 如果 想 做 皇帝 呢個 傢伙 多數 啊 保唔住 㗎 咯 ，一刀 斬落嚟 ，乜嘢 都係 一塌糊塗 啦 。
再講 ，做 皇帝 亦 冇 咩 開心 嘅 啫 。
台灣 遇到 風災 佢 又 擔心 嘞 ，雲南 有 人 造反 佢 又 要 傷腦筋 。
嘿 做 皇帝 嘅 事 呀 又 辛苦 又 唔好玩 ，我 係 點 都 唔 做 㗎 喇 。
顧炎武 等 大家 互相 睇 下 ，佢哋 諗 ：佢 噉 講 亦 啱 嘅 。
佢 既 胸 無 大志 ，又 唔 肯 為 國 為 民 挺身而出 ，點樣 先至 講得 佢 逳 呢 ，實在 係 一件 難事 嘞 。
過咗一陣 ，顧炎武 話 ：
呢件 大事 ，一時之間 當然 唔 容易 揸定 主意 嘅 。
正話 講到 呢處 ，忽然 聽見 馬蹄聲 ，有 幾十 騎馬 沿住 西邊 河岸 由 北 便 嚟緊 。
夜深人靜 ，聽起嚟 加倍 清晰 啊 。
嗱 各位 ，欲知 後事 如何 ，且 聽 下回 分解 。
