前文 再續 啊 書 接 上 一回 。
話 說 韋小寶 問順 天府 知府 ， 關於 馮錫范 失蹤 嘅 事 啊 ， 查到 咩 線索 啊 噉 。
嗰個 知府 話 ：回 公爺 ，馮 伯爵 失蹤 ，事情 係 十分 蹺蹊 啊 。
卑職 連日 督率 捕快 ，明查 暗訪 ，都 冇 得到 絲毫 線索 ，實在 係 急到 不得了 。
今日 得知 皇上 特旨 ， 欽命 韋公爺 嚟 到 主持 ， 卑職 啊 ， 真 係 比 連升 三級 仲要 高興 啊 。
韋公爺 係 本朝 第一位 英明能幹 嘅 大臣 ，上馬 管軍 ，下馬 管民 。
無論 幾咁 棘手 嘅 大事 ，一到 公爺 手上 ，即刻 就 迎刃而解 喇 。
卑職 能夠 侍候 公爺 辦 呢 件 案 ，真係 祖宗 積德 咯 。
卑職 衙門 裏 便 啊 人人 額手稱慶 ，都 話 呢次 好咯 好咯 ，我哋 大樹 底下 好 遮蔭 咯 。
韋公爺 出馬 ，連 羅剎鬼 都 畀 我哋 打到 落荒而逃 ，仲 怕 查唔到 馮伯爵 嘅 下落 咩 ？
韋小寶 聽 呢 個 知府 猛 喺 度 吹捧 自己 ， 講啊 講得 十分 好聽 嘞 ， 其實 係 將 責任 都 推晒 畀 自己 。
佢 諗 ：馮錫范 嘅 屍體 都 唔知 收埋 喺 邊處 ，今晚 要 用 化屍粉 化咗 佢 ，唔好 畀 人哋 揸住 把柄 至 得 。
只要 冇 證據 咯 ，邊個 都 賴 我 唔到 嘅 。
唉 ，其實 呢個 屍體 呢 ，早就 應該 化咗 佢 㗎 喇 ，不過 呢幾日 太過 忙 ，冇 諗到 呢件事 。
但係 皇上 面前 又 點樣 交代 呢 ？
皇上 交 落嚟 嘅 差事 ，我 小桂子 唔係 吹牛 啊 ，真係 從來 都 冇 一件 唔能夠 交差 嘅 。
嗰個 知府 又 話 ：忠誠 伯 夫人 日日 派 人 嚟 卑職 衙門 坐 喺 衙門 裏 便 唔 走 ，等住 要人 ，唉 卑職 啊 真係 難以 應付 喇 。
尋日 ， 馮府 又 嚟 報案 ， 話 伯爵 嘅 一名 妾 侍 叫做 咩 蘭 香 嘅 ， 同埋 一名 馬 夫 逃走 咗 ， 誒 攞 走 咗 唔 少 金銀 首飾 。
如果 仲 搵唔到 忠誠伯 啊 ，怕 屋企 裏 便 啲 妾侍 啊 妹仔 啊 噉 ，都 要 走 到 一個 都 唔 剩 喇 。
哼 ，嗰個 馮錫范 都 唔知 匿埋 喺 邊處 風流快活 ，你 派 多啲 人手 ，去 各間 妓寨 查下 。
佢 嫖賭 飲 蕩 吹 五淫 齊 唔 黐 家 ，啲 妾侍 跟 人哋 逃走 咗 抵 佢 㗎 啦 。
係 ， 係 ， 誒 照理 講 ， 馮伯爵 如果 喺 花街柳巷 裏 便 玩 咁 多日 咯 ， 亦 都 應該 返 屋企 嘅 啦 。
哦 ，噉啊 好難講㗎 。
馮錫范 呢個 嘢 係 老色鬼 ，唔似 老兄 咁 正人君子 ，去 老舉寨 玩 呢 只係 去 一日 半日 嘅 啫 。
誒誒 ，誒誒卑職 不敢 ，誒 卑職 不敢 。
正喺 呢個 時候 ，忠誠 伯 馮 夫人 就 派 咗 佢 兄弟 送 咗 八色 禮物 嚟 ，話 要 向 韋 公爺 叩頭 ，多謝 韋 公爺 出力 查案 。
韋小寶 吩咐 擋駕 唔見 ，禮物 亦 唔 收 。
個 親兵 返嚟 報告 話 ：回 大人 ，馮家 嘅 來人 非常 冇 禮 啊 ，臨 去 嘅 時候 不停 咁 冷笑 ，話 咩 有冤 報冤 有仇 報仇 ；
又話 皇上 已經 知道咗 呢件事 喇 ，終歸 會 水落石出 嘅 ，旁人 咪 指意 隻手遮天 ，想 呃 聖明 天子 啊噉 。
回大人 ，呢個 人 膽敢 嚟 我哋 門口 撒賴 ，小人 當時 就 想 摑佢 幾 巴 㗎 喇 。
當日 喺 法場 換 人 啊 ，呢 名 親兵 ，亦 有 份 參與 其事 嘅 。
聽見 馮府 來人 講説話 咁 厲害 ，似乎 已經 估到 內情 噉 ，不由得 個 心 啊 慌起上嚟 。
韋小寶 做 賊 心虛 ，面色 都 變變地 ，佢 諗 ：
噉樣 搞落去 實會 穿煲 啫 。
你 阿爺 吖 ，馮錫范 都 畀 老子 殺咗 ，唔通 老子 仲 怕 你 呢個 死鬼 嘅 老婆 咩 ？
突然間 ，諗到 個 辦法 喇 ，當堂 笑容滿面 ，向 嗰個 知府 話 ：
貴府 唔好 走住 吓 ，你 喺 處 等 一陣 添 。
返入去內堂 ，叫咗 親兵隊長 嚟 ，吩咐佢 如此如此 。
嗰個 隊長 應咗 就 去 喇 。
韋小寶 返到 大廳 佢 話 ：皇上 派 我 辦 呢件事 ，我哋 做 奴才 嘅 ，應當 盡心竭力 報答 聖主 。
而家 我哋 去 馮府 踏勘 一下 啦 。
嗰個 知府 愕然 喇 佢 諗 ：忠誠伯 失蹤 ，噉 佢 屋企 有 咩 好 踏勘 嘅 啫 。
不過 口 呢 就 話 ：好啊 好啊噉 。
韋小寶話 ：呢件案件 十分 棘手 啊 ，我哋 將 馮家 嘅 大小人等 ，一個個 仔細 盤問 ，講唔定 ，會 有 啲 眉目 㗎 。
嗰個 知府 話 ：係 ，公爺 所見 啊 極啱 。
吖 ，卑職 就 愚蠢得 好緊要 ，始終 睇唔到 呢點 。
其實 以 佢 小小 一個 知府 ，又 點 敢 去 忠誠伯府 詳加 查問 呢 ？
同時 順天府 衙門 裏 便 啲 人 啊 從 上 到 下 ，人人 都 知道 馮錫范 係 撫遠 大將軍 韋公爺 嘅 死 對頭 。
呢個人 失蹤 啊 ，十之八九 係 韋公爺 派 人 將 佢 害死 嘅 。
韋公爺 係 當朝 第一 大紅人 ，手掌 兵權 大印 ，邊 一個 膽大 生毛 ，敢 喺 老虎 頭上 釘 虱乸 啊 ？
辦理 呢件案 ，邊個 都 唔會 認真 嘅 ，只係 盼望 拖延 日子 ，最後 啊 不了了之 。
而家 嗰個 知府 諗 ：韋公爺 就 害死 咗 馮伯爵 ，仲要 去 為難 佢 嘅 家人 。
唉 ，嗰個 馮夫人 啊 真係 太過 唔識做 啦 ，派 人 上門 嚟 亂噏 一通 ，亦 難怪 韋公爺 激氣 嘅 。
話説 韋小寶 會 同 順天府 知府 ，坐住 八人 大轎 ，嚟到 忠城 伯府 。
只見 幾百名 親兵 ，早就 四周圍 沊沊𡃈 圍住 嘞 。
入到 府裏 便 ，親兵 隊長 上前 稟告 話 ：
回大人 ，馮家 家人 男女 ，總共 七十九口 ，都 喺 西廳 侍候 大人 問話 。
韋小寶 岌一岌頭 。
嗰個 隊長 又 話 ：回 大人 ，公堂 設 喺 東廳 。
韋小寶 嚟到 東廳 ，見到 公案 已經 擺好 嘞 ，於是 係 當中 坐落 ，叫 知府 坐 喺 下首 便 。
過咗 一陣 ，親兵 帶咗 一個 年輕 女子 過嚟 ，約莫 係 二十三四歲 啦 ，生得 都 幾 靚 嘅 ，裊裊娜娜 噉 喺 公案 前面 跪低 。
韋小寶 問 ：你 係 邊個 啊 ？
嗰個 女子 話 ：賤妾 係 伯爵 大人 嘅 第五 房 妾侍 。
請起 ，請坐 ，你 跪 我 真係 唔敢當 嘞 。
嗰個 女子 遲遲疑疑 唔 敢 起身 。
韋小寶 企起身 笑住 話 ：你 唔 起身 ，我 就 要 跪翻 你 嘞 噃 。
嗰個 女子 嫣然 一笑 ，企翻 起身 。
噉 韋小寶 噉 先至 坐低 。
嗰個 知府 諗 ：韋公爺 對 馮家 嘅 人 ，都 好好 相與 噃 ，不過 成個 白鼻哥 噉樣 ，太過 唔夠 莊重 唧 。
韋小寶 又 問 ：你 叫做 咩 名 啊 ？
嗰個 女子 話 ：我 叫做 菊芳 。
韋小寶 用 個 鼻 索 咗 幾 索 ，笑住 話 ：吖 ，你 個 名 改得 真係 好 嘞 。
唔怪得知 你 一入嚟 ，呢度 呀 ，就 有 一浸 菊花香 啦 。
菊芳 又試 笑一笑 ， 嬌聲 話 ： 公爺 取笑 我 啫 。
韋小寶 搖頭擺腦 噉 睇咗 一輪 ，佢 就 問 ：聽講 ，貴府 逃走 咗 個 阿奶 係嘛 ？
菊芳話 ：係啊 佢 叫做 蘭香 。
哼 ，呢個 賤人 呀 真係 唔 要 面 嘅 。
哦噉 老公 忽然間 唔見咗 ，佢 跟 第二個 男人 ，嗯 ，噉 都 算係 情有可原 ，未可 ，誒 未可 。
佢 擰轉頭 問 知府 話 ：未可 咩 嘢 非話 ？
嗰 個 知府 話 ： 回 公爺 ， 係 未可厚非 啊 。
韋小寶 哈哈 一笑 啊 佢 話 ：嘿嘿嘿 冇錯 冇錯 ，係 未可厚非 啊 。
阿菊芳姐姐 ，你 點解 又 唔 逃走 呢 ？
知府 一 聽 ，當堂 皺起 眉頭 喇佢 諗 ：
越嚟越唔似樣喇 ，點解 姐姐 兩個字 都 叫埋出嚟 嘅 ？
菊芳 耷低 個 頭 ，向 韋小寶 拋咗 個 媚眼 。
嘩 ，韋小寶 歡喜 到 癲喇 ，十足 去 妓寨 飲 花酒 噉 ，佢 笑住 問 ：誒 你 會唔會 唱 十 。
話到口唇邊 ，總算 佢 縮得快 ，轉頭 吩咐 親兵 話 ：打賞 呢位 菊芳 姑娘 二十 兩 銀 。
幾名 親兵 齊聲 答應 ，大叫 話 ：大人 有 賞 ，謝賞 。
菊芳 盈盈 萬福 ，嬌聲 話 ：多謝 大爺 。
原來 佢 係 妓女 出身 ，人家 一 打賞 呢 ，佢 習慣 成 自然 ，將 公爺 ，叫 成 咗 大爺 喇 。
韋小寶啊 逐個逐個 叫 馮家 嘅 家人 嚟 盤問 ，都 係 女人 嚟 。
年輕 貌美 嘅 呢 ，打輪 牙骹 ；
又老又醜樣 嘅 鬧 佢哋 一餐 ，話 佢哋 冇 好好地 侍候 伯爵 ，以致 佢 出門 去 風流快活 啊 唔肯 返歸 。
問咗 細半個 時辰 ，親兵隊長 行 入嚟 ，喺 韋小寶 身後 一 企 。
噉韋小寶 又 求其 問咗 兩個人 就 企起身 話 ：我哋 去 各處 睇下 啦 。
噉啊 帶埋 知府 、順天府 嘅 文案 、捕快 頭目 、親兵 ，去 一間間 廳堂 、房間 查過去 嘞 。
查到 第三進 西偏房 嘅 時候 ，眾 親兵 啊 照例 翻箱倒籠 噉 搜查 。
一名 親兵 突然間 ，吖噉 叫咗 一聲 ，喺 箱底 啊 摸出 一把 刀 ，刀上面 有 唔少 乾咗 嘅 血跡 。
佢 一膝半跪 ，雙手 舉 刀 話 ：回 大人 ，查到 凶器 一把 。
韋小寶 話 ：嗯 ，再 查 。
對知府話 ：老兄 ，你 睇下 ，把 刀 上 便 嘅 係唔係 血跡 呢 ？
知府 接過 把 刀 ，聞咗 一 聞 ，嗯 ，果然 有啲 血腥𡃴 ，就 話 ：回 公爺 ，好似 係 血 啊 。
韋小寶 話 ：呢把刀 個 刀頭 上面 有 個 窿 ，係 咩嘢 刀 啊吓 ？
順天府 嘅 一名 文案 仔細 睇咗 一陣 就 話 ：
回公爺 ，呢啲 係 切草料 嘅 鍘刀 ，係 馬廄 裏 便 用 嘅 。
韋小寶 岌一岌頭 話 ：哦 ，原來如此 。
親兵隊長 又 吩咐 下屬 ，去 擔 一擔 水 嚟 潑 喺 地下 。
韋小寶 問 佢 話 ：噉 做咩 啊 ？
嗰個 隊長 話 ：回 大人 ，如果 邊處 地方 掘過 咯 ，泥土 唔 實 ，就 會 好快 滲水 入去 嘅 。
話猶未了 ，床底下 嘅 水 迅速 滲入 去 泥土 裏 便 。
眾親兵 啊 齊聲 歡呼 ，噉 啊 抬開 鋪床 ，用 鶴嘴鋤 同埋 鐵鏟 掘泥 ，一陣 咁耐 唧 ，就 掘出 一具 屍首 出嚟 喇 。
嗰具屍身 冇 人頭 嘅 ，已經 腐臭 嘞 ，顯然 係 死咗 好多 日 ，身上 着 嘅 係 伯爵 公服 。
嗰 個 知府 一見 就 叫 喇 ： 呢 呢 ， 呢 個 係 馮 爵爺 啊 。
韋小寶 問話 ：係 馮錫范 啊 ？你 點 認得 㗎 ？
嗰 個 知府 話 ： 係 ， 係 ， 誒 需要 搵 到 個人 頭先 能夠 定案 嘅 。
噉啊 轉頭 問 身邊 嘅 捕快 頭目 話 ：呢間 房 ，係 邊個 人 住 㗎 ？
嗰個 頭目 話 ：小人 即刻 去 問下 。
去 西廳 叫 一名 馮家 嘅 人 嚟 一 問 ，原來 呢間 房 係 逃走 嘅 蘭香 住 嘅 。
嗰個 捕快 頭目 話 ：啟稟 公爺 、府台 大人 ，兇刀 係 馬廄 裏 便 切 草料 嘅 鍘刀 ，拐帶 蘭香 逃走 嘅 係 本府 嘅 馬夫 邢 四 ，等 小人 去 馬廄 查 下 。
眾人 去到 馬廄 裏 便 一查 ，果然 喺 馬槽 下 便 笪 地 掘出 一個 人頭 。
噉啊 請 馮夫人 嚟 認屍 嘞 ，的的確確 係 馮錫范 無疑 喇 。
仵作 驗屍 之後 確定 ：馮錫范 為 人 刀傷 ，身首異處 而 死 。
呢個 時候 ，馮府 家人 都 喺 西廳 裏 便 放翻 出嚟 ，噉 啊 府內 哭聲 震天 ，人人 都 痛罵 邢四 同 蘭香 狠心 害死 主人 。
噉啊 消息 傳咗 出去 啊 ，唔到 大半日 ，北京 城內 到處 已經 講到 含含聲 嘞 。
嗰個 知府 又 慚愧 又 感激 ，諗住 如果 唔係 韋公爺 迅速 破案 ，只怕 自己 嘅 前程 係 咁上下 㗎 喇 。
喺 多謝 之餘 ，一面 發出 海捕 公文 ，捉拿 殺主 逃亡 嘅 邢四 同 蘭香 ，一便 呢 就 申報 上司 。
只有 嗰個 捕快 頭目 個 心思 疑 嘞 。
因為 佢 見到 屍身 斷頸 嘅 地方 啊 切得 好 齊整 ，似 係 快刀 斬斷 嘅 ，唔 似 係 用 切草料 嘅 鍘刀 嚟到 切 嘅 。
又見 藏屍 同 藏頭 個 地方 啲 泥土 好 新鮮 ，顯然 係 啱啱 鋤過 嘅 噉 ，唔係 已經 埋咗 十幾日 嘅 樣 。
但係 韋公爺 同 佢 破咗 件 大案 ，上頭 啊 犒賞 極之 豐厚 ，馮府 呢 又 畀 咗 佢 唔少 銀 ，要 佢 盡快 結案 ，唔好 令到 馮府 親人 喺 衙門 裏 便 出乖露醜 。
佢 就算 有天 大 嘅 疑心 啊 ，又 點 敢 吐露 半句 呢 ？
只係 自己 喺度 諗 ：喺 馮府 查案 嘅 時候 ，韋公爺 嘅 親兵 啊 把守 各處 地方 邊個 都 唔准 走動 ，佢哋 要 移屍 栽證 係 非常 容易 嘅 啫 。
咪話 要 喺 地下 埋 一具 屍首 啊 ，就係 埋 一百 幾十 啊 ，都係 唔難 嘅 。
韋小寶 攞咗 順天府 知府 結案 嘅 公文 去 見 康熙 ，稟報 破案 嘅 詳情 。
康熙 微微 一笑話 ：小桂子 ，你 破案 嘅 本事 好叻噃 ，人哋 都 讚 你 係 包龍圖 轉世 啊 。
韋小寶 話 ：呢啲 係 託 皇上 嘅 洪福 ，奴才 撞啱 破獲 而已 啫 。
康熙 哼咗 一 聲 ，睩咗 佢 一 眼 ，冷冰冰 噉 話 ：
移花接木嘅事 同 我 嘅 洪福 一啲 都 冇 關係 。
韋小寶 嚇咗 一跳 佢 諗 ：皇上 點 會 又 知道 呢 ？
一轉念即時明白喇 ，哦 ，喺 我 親兵 裏 便 ，皇上 當然 亦 派咗 密探 啦 。
噉正係唔知點樣回答先至好 ，康熙 歎咗口氣 佢 話 ：
唉 ，噉樣 了結 都 好 ，亦 免咗 外便 咁多 議論 。
只不過 你 噉樣 大膽妄為 ，我 真係 冇 你 修 。
韋小寶 個 心 當堂 鬆番 ，知道 皇帝 又 原諒 咗 自己 呢 一次 嘞 ，就 跪低 一味 噉 叩頭 。
康熙話 ：而家 四海 升平 ，兵革 不興 ，你 呢個 撫遠 大將軍 嘅 銜頭 可以 免去 嘞 。
係 ，係 。
韋小寶 知 呢個 係 皇帝 懲罰 自己 嘅 胡鬧 ，佢 話 ：
奴才 呢個 一等 鹿鼎公 亦 可以 降 一 降級 嘞 。
好 ， 就 降 做 二等 公啦 。
奴才 胡鬧 得 好 緊要 啊 ，個 心 好唔安樂 ，請 皇上 降 為 三等 啦 。
哈哈哈哈哈哈 ，叉叉叉 ，你 居然 會 個 心 唔 安樂 ？日頭 喺 西 便 出 喇 。
韋小寶 聽 佢 叉叉叉 三字經 一 出口 ，知道 皇帝 已經 唔嬲 嘞 ，就 企 起身 話 ：
奴才 良心 啊 雖然 唔係 好多 ，有 總係 有嘅 。
康熙 岌一岌頭 話 ： 就 係 睇 在 你 仲有 啲 良心 ， 如果 唔 係 呀 ， 哼 ， 我 早就 斬 咗 你 嘅 人頭 搦 去 埋 喺 你 夫人 阿珂同 雙兒 嘅 床 底下 喇 。
吖 千祈 唔好 啊 。
點解 唔好 啊 ？
阿珂 同 雙兒 呀 ，係 決唔會 跟 馬夫 逃走 㗎 。
唔 跟 馬夫 就 跟 。
康熙 講到 呢處 ，就 即刻 收口 嘞 ，諗住 再 講落去 未免 輕薄 無聊 。
何況 韋小寶 雖然 係 無法無天 ，終歸 對 自己 忠心 。
君臣之間 講笑 就 可以 ，不過 就 唔能夠 侮辱 佢 。
一時 難以 轉口 啊 ，就 唔 去 理 佢 喇 ，耷低 頭 睇 枱面 嘅 奏章 。
韋小寶 恭恭敬敬 噉 喺 旁邊 侍候 ，只見 康熙 皺住 眉頭 ，表情 好 憂慮 ，佢 諗 ：
皇上 亦都 時時 唔快活 嘅 。
皇帝 雖然 威風厲害 ，如果 真係 做咗 啊 ，亦都 唔見得 有 咩 好玩 嘅 啫 。
康熙 睇咗 一輪 奏章 ，擔 高 個 頭 長長 噉 歎 一口氣 。
韋小寶 話 ：皇上 有 咩 事情 ，派 奴才 去 做 啦 。
奴才 將 功 贖罪 報 主 隆恩 啊 。
康熙話 ：呢一件事 就 唔能夠 派 你 嘞 。
施瑯 上奏 ，話 台灣 打颱風 ，平地 水深 四尺 ，百姓 嘅 房屋 損壞 ，家破人亡 ，災情 好重 啊 。
韋小寶 見到 佢 講話 嘅 時候 ，眼淚 都 混晒 瓊 ，佢 諗 ：
我 哋 從細 係 好 朋友 ， 唔 能夠 唔 幫 佢 呢 個 忙 㗎 就 話 ： 奴才 有個 法子 。
康熙話 ：咩嘢 法子 啊 ？
唔怕 同 皇上 講 吖 ，奴才 喺 台灣 做官 嘅 時候 ，發咗 一 筆 小財 ；
最近 ，又 向 一個 台灣 財主 追翻 一筆 舊債 。
奴才 雙手 捧住 皇上 恩賜 ，打爛 過 翻新 嘅 金飯碗 ，呢一世人 呀 ，係 唔會 捱 肚餓 㗎 嘞 。
啲錢 多過 頭 亦 冇用 嘅 啫 ，不如 獻出嚟 ，請 皇上 去 撫恤 台灣 嘅 災民 啦 。
受災嘅 人數 好多 ，你 呢一筆 小財 ，亦 頂唔到 咩 用嘅 。
我 即刻 下旨 ， 宮內 裁減 宮女 太監 ， 減衣 減膳 ， 叫 內務府 籌劃 一下 ， 慳 佢 四五十萬 銀去 救濟災民 。
奴才 罪該萬死 ， 奴才 係 真 係 唔 得 了 啊 。
咩啊 ？
奴才 做官 貪污 ，喺 台灣 啊 貪咗 一百萬 兩 銀 。
最近 呢筆 債 呢 ，係 問 鄭克塽 攞翻 嘅 ，又 有 一百萬 兩 。
康熙 吃咗 一驚 喇 就 話 ：有 咁多 啊 ？
韋小寶 輕輕 打咗 自己 一巴 ，鬧 自己 話 ：小桂子 該死 。
點知 康熙 笑起上嚟 佢 話 ：你 搵錢 嘅 本事 真係 好高明 噃 ，我 一啲 都 唔 知道 嘅 。
係 ，小桂子 該死 。
佢 個 心 好 得戚 啊 佢 諗 ：
做官嘅人 伸手 搵錢 ，又 點 能夠 畀 你 做 皇帝 嘅 知 㗎 ？
你 喺 我 手下 啲 人 裏 便 派 咗 探子 ，只能夠 查到 我 敢唔敢 造反 啫 。
你妹夫啊 右手收錢 左手落袋 ，連 你個妹 都 唔 知道 啊 ，你 呢個 大舅 啊 點 都 查唔到 嘞 。
佢 把 口 呢 就 自稱 奴才 ，但係 個 心 呢 ，就 自居 妹夫 嘞 。
康熙 沉吟 咗 一陣 就 話 ：你 呢番 忠君愛民 之 心 都 好 難得 。
噉啦 ，你 捐 一百五十萬 兩 銀 出嚟 ，我 再 慳 五十萬 兩 ，我哋 君臣 夾埋 搞 佢 二百萬 兩 。
台灣災民 ，大約 有 一萬幾千户 ，噉 每家 分佢 一百幾兩 ，噉 都 好 豐裕 㗎 嘞 。
韋小寶 一時 衝動 ，慷慨 捐輸 ，個心啊 正係 覺得 好肉赤 ，已經 後悔 喇 。
聽見 康熙 幫 佢 慳 翻 五十萬 兩 ，當堂 就 歡喜 翻 ，連忙 話 ：
係 ， 係 。 皇上 愛民如子 ， 天公 老爺 保佑 皇上 風調雨順 ， 國泰民安 。
康熙 為咗 台灣 風災 嚴重 ，呢半日 嚟 一直 都 好 難過 ，而家 無 𪐀𪐀 ，得咗 呢 大筆 錢 ，非常 高興 就 微笑 話 ：
亦 保佑 你 升官 發財 ，多 福 多 壽 。
韋小寶 笑住 話 ：多謝 萬歲 金口 。
奴才 升官 發財 ，多福 多壽 ，全靠 皇上 恩賜 嘅 啫 。
再講吖 ，奴才 呢 兩筆 錢 ，本來 都係 台灣人 嘅 ，噉 還翻 畀 台灣 百姓 ，亦 不過 係 完璧歸 ，誒 歸 台 而已啫 。
哈哈哈哈哈哈哈哈哈 ，完璧歸趙 嘅 成語 ，畀 你 改 成 話 完璧歸台 。
誒 呢次 去 台灣 賑災 嘅 事 呢 。
康熙 本來 諗住 順理成章 就 派佢 去 嘅 ，轉念 一諗 ：
佢 捐咗 呢 大筆 錢 出嚟 ，不過 係 同 我 講 義氣 啫 ，未必 真係 有 咩 愛民 之心 嘅 ，就 怕 佢 一 出 宮門 ，即刻 就 要 後悔 嘞 。
佢 去到 台灣 ，散發 咗 二百萬 兩 銀 賑災 ，多數 要 收翻 本錢 以免 損失 嘅 。
講唔埋呀 ，仲要 加 一 加 二 作為 利息 添 。
佢 係 韋小寶 個 知己 ，就 即時 改口 話 ：
嗯 ，都係 好容易 做 嘅 啫 ，唔使 你 去 喇 。
小桂子 ，你嘅 一等 鹿鼎公 呢 ，亦 唔使 降級 喇 。
韋小寶 跪低 謝恩 ，叩完頭 ，企起身嚟 話 ：
奴才 捐 一啲 銀 ，不過 係 完璧歸 ，歸 趙 嘅 啫 ，皇上 就 當 係 功勞 喇 。
皇上 減膳 減衣 ，嗰啲 係 真正 慳出嚟 嘅 ，噉 先至 係 唔容易 啊 。
嗱 各位 ，欲知 後事 如何 ，且 聽 下回 分解 。
