前 文 再續 啊 書 接上 一回 。
話 說 韋小寶 同 雙兒 ， 跟 住 徐天川 就 穿過 三條 胡同 ， 經過 兩條 街 ， 嚟 到 一條 巷仔 ， 巷口 呢 ， 有 兩 樖 高大 嘅 銀杏樹 。
佢 行 入 咗 一條 巷 ， 去 到 第五 間 屋 嘅 前 便 ， 喺 大門 敲 咗 幾下 。
大門 一開 ， 樊綱行 咗 出 嚟 嘞 。
佢 一 見到 韋小寶 打 咗 個 突 ， 跟 住 亦 係 怒容滿面 。
韋小寶 行 上前 笑 住 話 ： 範大哥 ， 你好 吖 嘛 ？
樊綱 哼 咗 一聲 ， 並 冇 回答 。
徐天川 板起 塊 面 佢 話 ： 韋大人 ， 你 係 唔 係 帶 咗 兵馬 嚟 捉 我 哋 啊 ？
韋小寶 連忙 話 ： 咩 ， 咩 徐三哥 ， 點解 開 噉 嘅 玩笑 啊 ？
樊 綱 嗱嗱 聲 行 到 巷口 裝一裝 ， 返入 嚟 屋 ， 閂 翻 埋 大門 。
韋小寶 同 雙兒 跟 住 兩個 人 穿過 院子 嚟 到 大廳 ， 只見 李力世 、 祁彪清 、 玄貞道人 、 高彥超 、 錢老本 等 一班人 都 喺 廳 處 。
眾人 一見 韋小寶 ， 吖 噉 一聲 ， 企晒 起身 。
韋小寶 拱手 話 ： 各位 阿哥 ， 大家 都 好 吖 嘛 ？
玄貞道人 就 好 嬲 噉 話 ： 我 哋 仲未 畀 你 害死 ， 都 算 唔 錯 。
撐 一聲 ， 拔出 腰間 佩劍 。
韋小寶 退後 一步 ， 聲 都 震 晒 噉 話 ：
你 你 ， 你 哋 點解 要 對 我 ， 對 我 噉 唧 ？ 我 又 冇 做 咩 ， 冇 ， 冇 ， 冇 咩 ， 對 唔 住 你 哋 嘅 事 吖 。
玄貞道人 大聲 怒喝 話 ： 總舵主 畀 你 害死 咗 ， 風 二哥 亦 畀 你 害死 咗 ， 前幾日 ， 你 又 殺 咗 茅十八 。
我 哋 呀 ， 恨不得 抽 你 嘅 筋 剝 你 嘅 皮 啊 。
韋小寶 急到 不得了 ， 佢 連忙 話 ： 冇 啊 冇 啊 ， 唔 係 噉 㗎 。
玄貞道人 搶上 一步 ， 左手 揦 住 韋小寶 衣襟 ， 大聲 話 ：
我 哋 正 係 諗 唔 出 法子 嚟 殺 你 ， 你 呢 個 小 漢奸 ， 今日 上門 嚟 送死 ， 真 係 總舵主 在天有靈 啊 。
韋小寶 見到 情況 唔 對 路 喇 ， 捩 轉頭 ， 就 想 施展 神行 百變 功夫 鬆 人 嘞 噃。
點知 見到 徐天川 同樊綱 兩個 人 ， 手執 兵器 企 喺 自己 後 便 ， 噉 啊 只有 話 ：
誒 ， 大家 自己 兄弟 ， 何必 ， 係 何必 咁 性急 呢 ？
玄貞話 ： 邊個 同 你 呢 個 小 漢奸 稱兄道弟 啊 ？
你 呢 個 鬼 仔 花言巧語 冇 咩 好聽 嘅 。
先 劏 咗 你 ，攞 你 嘅 狼心狗肺 出 嚟 ， 祭 咗 總舵主 同風 二哥 再講 。
左臂 一縮 ， 將 佢 拉 埋 身 。
韋小寶 大叫 ： 冤枉 啊 ！ 冤枉 啊 ！
雙兒 睇 見 咁 危急 ， 即刻 攞 出 羅剎 短槍 ， 向 住 屋頂 嘭 噉 一聲 開 咗 一槍 ， 間 廳裏 便 呀 當堂 煙霧瀰漫 ， 跟 住 揦 實 韋小寶 後 心 出力 一 掹。
玄貞 當年 就 吃過 西洋 火器 嘅 苦頭 ， 父兄 都 死於 火器 之下 嘅 ， 一 聽到 槍聲 ， 心 都 震 晒 ， 韋小寶 呢 就 畀 雙兒 搶 咗 過去 喇 。
雙兒 噗聲 跳 去 屋角 ， 擋住 韋小寶 前 便 ， 用 短槍 對 住 班 人 ， 佢 話 ： 你 哋 講唔 講道理 㗎 ？
玄貞 嬲 到極 啊 ， 佢 話 ： 大家 一齊 上 ， 同 佢 搏 過 。
噉 揸 住 把 劍 就 想 衝上去 。
錢老本 一手 拉 住 佢 話 ： 道長 咪 住 。
然後 向雙兒 話 ： 你 有 咩 道理 吖 ？ 講 嚟 聽 下 。
雙兒 話 ： 好 。
於是 就將 韋小寶 點樣 為 咗 搭救 陳近南 ， 同埋 各路 好漢 而 出走 ；
點樣 畀 神龍教 擄 咗 去 通食島 ， 陳近南 啊 點樣 畀 鄭克 塽 同 馮錫范 兩個 人 殺死 ；
風際中 啊 點樣 陰謀敗露 ， 而 畀 自己 開槍 打死 ；
康熙 啊 點樣 一再 命令 韋小寶 剿滅 天地會 ， 而 佢 係 決 唔 奉命 ；
最近 又 點樣 法場 換人 搭救 茅十八 等等 情形 ， 逐件 逐件 噉 講 畀 大家 聽 。
雙兒 就 唔 係 一個 伶牙利齒 嘅 人 ， 講得 一 啲 都 唔 動聽 。
但 係 群豪 同 佢 相處 咁 耐 ， 知道 佢 為 人 誠實 ， 又 見 佢 隨口 講出 嚟 一 啲 都 冇 躊躇 ， 噉 種種 情形 啊 ， 喺 頃刻之間 絕對 捏造 唔 出 嘅 。
韋小寶 為 咗 救護 眾人 ， 連官 都 唔 做 ， 伯爵 府 畀 大炮 打到爛 晒 ， 眾人 呢 都 係 親自 經歷 過 嘅 ；
噉 再 諗 下 風際中 嘅 行 為 ， 果然 確係 噉 樣 噃， 不由得 都 信 喇 。
玄貞話 ： 既然 係 噉 樣 ， 嗰 個 小 皇帝 嘅 聖 ， 誒 豈有此理 ， 誒 聖旨 裏 便 ， 點解 又 話 韋香主 害死 咗 總舵主 呢 ？
佢 改口 叫 韋小寶 做 韋香主 ， 可見 佢 個 心 呢 ， 已經 信 咗 九成 喇 。
雙兒 擰 擰 頭話 ： 呢 層 我 就 唔 懂 喇 。
祁彪清 話 ： 呢 個 係 清廷 皇帝 嘅 陰謀 ， 要 韋香主 同本會 一刀兩斷 ， 從今 之後 ， 死心塌地 做 佢 哋 嘅 大官 啊 。
徐天川 話 ： 祁 兄弟 嘅 説 話 冇 錯 啊 。
插翻 好 把 刀 ， 就 向 韋小寶 跪 低 佢 話 ：
我 哋 一班 糊塗蟲 ， 魯莽 到極 ， 得罪 咗 韋香主 ， 罪該萬死 ， 甘領 責罰 啊 。
其餘 群豪 跟 住 佢 一齊 跪低 。
袁貞 啊 摑 咗 自己 幾巴鬧 自己 話 ： 該死 ， 該死 ！
韋小寶 同 雙兒 連忙 跪低 還禮 。
韋小寶 話 ： 各位 阿哥 請起 ， 開講 有話 不知者 不罪 吖 嘛 。
一時 誤會 有 咩 緊要 呢 ？
群豪 企翻 起身 又 一再 道歉 。
噉 群豪 細細 聲 商量 咗 一陣 ， 李力世 話 ：
韋香主 ， 總舵主 不幸 畀 奸人 所害 。
天地會 群龍 無首 ， 十 堂兄弟 一直 喺 度 商量 推舉 總舵主 嘅 。
我 哋 青木堂 兄弟 ， 想 推薦 你 做 總舵主 。
只 係 怕 其餘 九堂 嘅 兄弟 們 不服 ， 又 或者 係 個 心有 疑忌 ， 所以 ， 大家 想 請 你 去 立 一件 大功 啊 。
韋小寶 猛 咁 耍 手 擰 頭 佢 話 ： 總舵主 我 係 點都 唔 做 㗎 喇 。
但 係 又 好奇 啊 ， 就問 ： 誒 ， 唔 知要 我 去 立 一件 咩 大功 呢 ？
李力世 話 ： 而家 三藩 已經 平定 ， 台灣 又 畀 清廷 佔 咗 ， 北方 羅剎 人 呢 亦 畀 韋香主 打退 ， 我 哋 反清復明 嘅 大業 ， 就 越 嚟 越 難 嘞 。
韋小寶 歎 一口氣 話 ： 唉 ， 係 啊 。
個心 就 話 ： 既然 好難 ， 大家 就 偷 下 懶 ， 唔 搞 反清復明 咪 得 囉 。
李力世 話 ： 當今 皇帝 年紀 雖然 係 輕 ， 不過 係 十分 精明能幹 ， 又 會 收羅 人心 。
噉 天下 百姓 對於 前朝 已經 漸漸 唔 記得 嘞 。
再 噉 樣 拖 得 幾年 ， 恐怕 清廷 嘅 江山 就 坐 穩 嘞 。
韋小寶 又 歎 一口氣 話 ： 唉 ， 係 啊 。
個心 就 話 ： 小玄子 坐穩 江山 亦 冇 咩 唔 好 啊 。
李力世 話 ： 韋香主 好 得 皇帝 寵信 ， 大家 想 請 你 諗 個計 ， 帶住眾 兄弟 混入 去 皇宮 ， 刺死 嗰 個 小 皇帝 。
韋小寶 大吃一驚 ， 佢 話 ： 吖 ， 誒 ， 誒 呢 件 事 ， 我 係 做 唔 嚟 喇 。
樊綱話 ： 請問 韋香主 ， 有 咩 嘢 咁 為 難 呢 ？
韋小寶 話 ： 皇宮 裏 便 嘅 侍 衞 好多 㗎 ， 又 有 驍騎 營 、 前鋒 營 、 護 軍營 、 火器 營 、 健 鋭 營 、 虎槍營 等等 保駕 ， 哎呀 不得了 啊 。
淨 係 侍 衞 呢 ， 就 有 御 前 侍 衞 ， 乾清門 侍 衞 、 三旗 侍 衞 。
當日 神拳 無敵 歸辛樹 大爺 咁 英雄 喇 ， 尚且 失手 畀 侍 衞 打死 ， 何況 係 我 哦 ？
要 行刺 皇上 呀 ， 真 係 難上加難 喇 。
群豪 聽 佢 一口 拒絕 ， 已經 唔 高興 嘞 ， 又 聽 佢 口稱 皇上 ， 奴氣 十足 ， 噉 人人 都 嬲 啊 。
樊綱 向眾 兄弟 睇 咗 一眼 ， 對 韋小寶 話 ：
韋香主 ， 行刺 嗰 個 小 皇帝 當然 極之難 啦 ， 不過 由 你 主持 大局 ， 亦 唔 係 絕無 成功 嘅 希望 嘅 。
我 哋 兄弟 入 咗 皇宮 ， 就 冇 一個 人 諗 住 有 命出 嚟 㗎 喇 ， 但 係 無論如何 要 保住 韋香主 平安 。
你 曾經 為 本會立 咗 唔 少 大功 ， 本會 十幾萬 兄弟 之中 ， 實在 冇 一個 人及 得 上 你 。
天地會 同 清廷 不共戴天 。
今後 反清復明 嘅 重擔 ， 全靠 韋香主 嚟 擔 㗎 喇 。
韋小寶 擰 頭話 ： 呢 件 事 啊 我點 都 唔 會 做 㗎 喇 。
皇上 要 我滅 咗 天地會 我 唔 肯做 ， 噉 係 講義 氣 。
你 哋 要 搵 我 去 刺殺 皇帝 ， 我 亦 唔 做 ， 噉 亦 係 講義 氣 啫 。
玄貞好 嬲 噉 話 ： 你 係 漢人 ， 去 同 清廷 皇帝 講義 氣 ， 噉 唔 係 ， 噉 噉 唔 係 漢 。
佢 係 本來 想話 漢奸 嘅 ， 終於 夾硬 忍住 。
樊綱話 ： 呢 件 事情 十分 重大 。
韋香主 難以 即刻 應承 噉 亦 係 情理 之 常 嘅 。
請 你 仔細 考慮 ， 再 吩咐 大家 啦 。
韋小寶 連忙 話 ： 好 ， 好 。 我 返去 仔細 考慮 下 ， 仔細 考慮 下 。
徐天川 見 佢 毫無誠意 就 話 ：
希望 韋香主 唔 好 忘記 總舵主 嘅 遺志 ， 唔 好 忘記 亡國 嘅 慘禍 啊 。
凡 係 我 哋 漢人 ， 決 唔 能夠 做滿 人 嘅 奴才 㗎 。
韋小寶 話 ： 冇 錯 冇 錯 ， 係 唔 能夠 忘記 嘅 。
群豪 知 佢 言不由衷 ， 都 唔 出 聲 嘞 。
韋小寶 睇 下 呢 個 又 望 下 嗰 個 ， 笑 住 話 ： 各位 阿哥 點解 唔 講 嘢 啊 ？
群豪 仍然 係 唔 出 聲 。
韋小寶 覺得 好 冇 癮 ， 佢 就 話 ：
噉 我 哋 今日 就 分別 先 啦 ， 等 我 返去 仔細 考慮 下 ， 再同 各位 大哥 商量 啦 。
講完 企 起身 。
噉 啊 群豪 送 佢 去 巷口 ， 恭恭敬敬 噉 行禮 分別 喇 。
話 說 韋小寶 返到 公爵 府 ， 坐 喺 廂房 裏 便 發 吽 豆 。
到 咗 下午 ， 宮裏 便 有 聖旨 嚟 ， 話 皇上 傳見 。
韋小寶 嗱嗱 聲 去 上 書房 叩見 。
噉 康熙 問 佢 話 ： 馮錫范 忽然間 失 咗 蹤 ， 到底 係 咩 回事 啊 ？
韋小寶 吃 咗 一 驚 佢 諗 ： 點解 問起 我 嚟 呢 ？
就 回答 話 ： 回 皇上 ， 馮錫范 失蹤 嗰 一 晚 ， 奴才 一直 同多 總管 ， 同埋 御前 侍 衞 喺 一齊 玩 㗎 。
噉 收尾 聽講 前鋒 營泰 都統 ， 搵 咗 馮錫范去 ， 唔 知 點解 ， 噉 馮錫范 就 冇 咗 影 嘞 。
呢 啲 台灣 投降 過 嚟 嘅 人 呀 ， 個個 都 係 鬼鬼 鼠鼠 ， 行為 好 古怪 嘅 。
嗯 ， 千祈 唔 好 暗中 圖謀不軌 啊 ， 等 奴才 去 仔細 查下 啦 。
康熙 微微一笑 佢 話 ： 好 ， 馮錫 范 嘅 下落 ， 就 責成 你 去 查問 清楚 ， 克日 回報 。
我 應承 過台灣 投降 過 嚟 嘅 人 ， 維護 佢 哋 嘅 安全 。
呢 個人 忽然間 不明不白 噉 失 咗 蹤 ， 如果 冇 個 交代 ， 就 使 到 我 失信 於 天下 喇 。
韋小寶 額頭 飆汗 喇 ， 佢 諗 ： 皇上 呢 句 話 好 重 啊 ， 唔 通 佢 知道 我 殺 咗 馮錫范 ？
噉 啊 只有 話 ： 係 ， 係 。
康熙 又 問 佢 ： 今朝 早 你 去 銀杏 胡同 ， 好 唔 好玩 啊 ？
韋小寶 打個 特 ： 銀杏 胡同 ？
跟 住 就 諗 起 ， 天地會 群豪 落腳 嘅 地方 嗰 條 巷口 ， 有 兩 樖 大 銀杏樹 嘅 ， 睇 嚟 ， 呢 條巷 就 叫做 銀杏 胡同 喇 。
皇帝 連 胡同 嘅 名 都 知道 咗 咯仲有 咩 好 隱瞞 嘅 呢 ？
更加 嚇 到 全身 飈 冷汗 ， 雙腳 痠軟 ， 即刻 跪低 ， 叩頭 話 ：
皇上 明見萬里 ， 總而言之 呢 ， 奴才 對 你 係 一片 忠心 嘅 。
康熙 歎 咗 一口氣 佢 話 ： 唉 ， 呢 班 反賊 逼 你 嚟 害 我 ， 你 係 點都 唔 肯 應承 ， 你 同 我極 之 講義 氣 。
不過 ， 不過 小桂子 啊 ， 你 一生一世 ， 就 始終 噉 樣 腳踏 兩條船 啊 ？
韋小寶 一味 叩頭 話 ： 皇上 明 鑒 ， 天地會 嘅 總舵主 ， 奴才 係 堅決 唔 做 嘅 ， 請 皇上 放心 啦 。
康熙 又 歎 咗 口氣 ， 擔高 個頭 諗 咗 一陣 ， 然後 慢慢 噉 話 ：
我 做 中國 皇帝 ， 雖然 ， 講唔 上 咩 堯舜禹湯 ， 但 係 愛惜 百姓 ， 勵精圖治 ， 喺 明朝 嘅 皇帝 裏 便 ， 有 邊 一個 比 我 更加 好 嘅 呢 ？
而家 三藩 已經 平定 ， 台灣 已經 攞 翻 ， 羅剎 國又 唔 敢 嚟 侵犯 疆界 ， 從此 天下太平 ， 百姓 安居樂業 。
天地會 嘅 反賊 ， 一定 要 規復 朱明 ， 唔 通 百姓 喺 姓朱 嘅 皇帝 管治 之下 ， 日子 會 好 得過 今日 咩 ？
韋小寶 諗 ： 呢 層 我 就 唔 知 噃。
佢 話 ： 奴才 聽過 打 鳳陽花鼓 嘅 人 唱歌 話 咩 嘢 ， 誒 自從 出 了 朱皇帝 ， 十年 倒 有 九年 荒 。 大戶人家 賣 田地 ， 小戶人家 賣 兒郎 。
而家 風調雨順 ， 國泰民安 ， 皇上 係 腰 腎 魚湯 ， 朱皇帝 同 你 呀 ， 爭 咗 十萬八千里 ， 拍馬 都 追 唔 上 啦 。
康熙 微微一笑 話 ： 你 起身 啦 。
康熙 離開 座位 ， 喺 書房 裏 便 走 嚟 走 去 佢 話 ：
父王 係 滿洲 人 ， 我 親生 母 后 孝 康皇后 ， 係 漢軍旗 人 ， 我 有 一半 係 漢人 。
我 對 天下 百姓 一視同仁 ， 啲 咁 多 都 冇 虧待 咗 漢人 吖 ， 噉 為 咩 佢 哋 咁 嬲 我 ， 非殺 咗 我 不可 呢 ？
韋小寶 話 ： 嗰 啲 反叛 呀 大逆不道 ， 太過 糊塗 喇 ， 皇上 唔 使 將 佢 哋 放 喺 心上 嘅 。
康熙 擰 擰頭 ， 忽然 有 啲 淒涼 寂寞 嘅 表情 ， 過 咗 好 耐 下 佢 就 話 ：
滿洲 人 有好有壞 ， 漢人 ， 亦 有好有壞 。
世上 嘅 壞人 ， 好多好多 ， 殺 係 殺 唔 完 嘅 ， 要 感化 佢 哋 行 上 正途 ， 我 亦 冇 咁 大 嘅 本事 。
唉 ， 做 皇帝 ， 都 幾難 㗎 。
向 韋小寶 睇 咗 一陣 就 話 ： 你 去 啦 。
韋小寶 叩頭 拜別 咗 康熙 ， 出 咗 上 書房 ， 只 覺得 全身 啊 涼浸浸 。
原來 先頭 嚇 到 全身 都 係 汗 ， 內衣 內褲 都 濕 晒 。
出 咗 皇宮 ， 佢 先 至 吐 翻 一 啖 氣 ， 佢 諗 ：
天地會 嘅 兄弟 裏 便 又 出 咗 奸細 。
殺 咗 個 風際中 ， 另外 又 出 咗 一個 。
如果 唔 係 ， 佢 要 我 嚟 行刺 皇上 皇上 又 點會 知道 呢 ？
吖 ， 不過 唔 知 邊個 做 咗 奸細 呢 ？
返到 屋企 坐落 嚟 ， 仔細 噉 諗 ， 諗 來 諗 去 始終 諗 唔 到 一 啲 線索 。
佢 又 諗 ： 皇上 責成 我 查明 馮錫 范 嘅 下落 ， 睇 皇上 嘅 神情 ， 係 懷疑 我 殺 咗 佢 ， 只不過 呢 ， 係 話 唔 實 㗎 啫 。
呢 件 事 又 點樣 搪塞 得 過去 呢 ？
先頭 雙兒 喺 銀杏 胡同 講我 法場 換子 ， 搭救 茅大哥 。
嗯 ， 好 在 我 事前 冇 同 佢 講 係 用 馮 錫 范 換 嘅 ， 否則 佢 個人 咁 老實 ， 必定 順口 講出 嚟 ， 噉 嗰 個 奸細 稟報 咗 皇上 ， 我 呢 個 一等 鹿鼎公 如果 唔 連降 十幾 廿級 啊 ， 我 真 係 唔 姓 韋喇 。
東想 西想 好 煩惱 。
又 覺得 以前 入宮 ， 同 康熙 有 講有 笑 ， 兩個 人 都 非常 開心 嘅 。
而家 大家 都 大個 咗 咯 ， 皇上 嘅 威嚴 越 嚟 越 緊要 ， 自己 好多 隨口 亂 噏 嘅 説 話 ， 嚇 到 都 唔 敢講 。
自己 呢 個 撫遠 大將軍 、 一等 鹿鼎公 嘅 大官 ， 做起 嚟 呀 亦 冇 咩 癮 嘅 啫 。
不如 細 個 嗰 陣 ， 喺 麗春院 做 後生 仲 逍遙 快活 。
佢 諗 ： 天地會 班 兄弟 逼 我 行刺 皇上 ， 皇上 啊 逼 我 去 剿滅 天地會 。
皇上 話 ： 小桂子 ， 你 一生一世 ， 就 始終 噉 腳踏 兩條船 喇 ？
佢 阿爺 吖 ， 老子 唔 做 喇 ， 乜嘢 都 唔 做 喇 ！
個 心裏 便 一 出現 老子 唔 做 喇 呢 幾個 字 ， 突然 之間 ， 覺得 唔 知 幾 輕鬆自在 。
就 喺 懷 內 攞 骰 仔 出 嚟 ， 喺 枱面 擲 落 去 ， 把 嘴 就 喝 ：
如果 係 唔 做 嘅 好 ， 擲 個 滿堂紅 。
四粒 骰仔轆 出去 ， 三粒 啊 紅色 朝天 ， 第四粒 呢 卻 係 六點 ， 唉 黑到 唔 能夠 再 黑 嘞 。
佢 擲 骰 仔 嘅 時候 啊 ， 本來 已經 做 咗 手腳 ， 不過 仍然 擲 唔 到 。
佢 鬧 咗 一句 ： 叉叉 叉 。
攞 起 骰 仔 又 擲 ， 噉 啊 一直 擲 到 第八 手 ， 噉 先 擲 到 四粒 全紅 。
佢 好 歡喜 噉 話 ： 哦 原來 天公 老爺 ， 要 我 同 皇上 做 七件 大 事先 噉 先 至 唔 做 啊 。
噉 佢 諗 ： 七件 大事 早就 做 完 嘞 。
殺 鰲拜 係 第一件 ， 救 老皇爺 係 第二件 ， 五台山 擋住 皇上 前 便 救駕 呢 係 第三件 ， 救 太后 係 第四件 ；
第五件 大事 係 聯絡 蒙古 、 西藏 ， 第六件 係 破 神龍教 ， 第七件 係 捉 吳應熊 ；
第八 件 係 舉薦 張勇 、 趙良棟 佢 哋 打敗 吳三桂 ， 第九 件 係 攻克 雅克薩 ， 嘿多 過頭 喇多 過頭 喇 。
啊 小事 唔 算 大事 啊 啱 啱 係 七件 ， 唔 多 唔 少 。
呢 個 時候 佢 亦 懶得 去 計算 邊 七件 先至算 係 大事 喇 ， 總而言之 ， 老子 唔 做 喇 。
一不做 官二 不 造反 ， 噉 老子 做 乜嘢 呢 ？
想來想去 ， 仲 係 返去 揚州 最 開心 。
一 想到 返去 揚州 ， 不由得 心花怒放 啊 ， 大叫 一聲 ： 嚟 人 喇 ！
噉 啊 吩咐 親兵 攞 酒菜 嚟 ， 自斟自飲 ， 諗 下 應該 點樣 做 先 至 冇 後患 ， 要 康熙 唔 會派 人 嚟 捉 ， 天地會 又 唔 會夾 硬逼 自己 一齊 造反 。
要 公主 陪 埋 自己 去 揚州 花天酒地 呢 佢 一定 唔 肯 嘅 ， 不過 要 去 揚州 開 妓院 ， 怕 蘇荃 、 阿珂 、 方怡 、 沐劍屏 、 曾 柔 佢 哋 亦 都 唔 肯 㗎 噃。
好 ， 我 哋 行 一步 算 一步 ， 老子 有 幾百萬兩 銀 嘅 家產 ， 唔 開 妓院 亦 餓 我 唔 死 嘅 不過 就 冇 咁 好玩 啫 嘛 。
噉 當晚 喺 屋企 家宴 ， 七位 夫人 見到 佢 笑眯眯 噉 興致 非常 高 ， 談笑風生 ， 完全 唔 係 近日 嗰 種 愁眉不展 嘅 樣 ， 都問 ： 咩 事 咁 開心 啊 ？
韋小寶 微笑 話 ： 天機不可 洩漏 啊 。
公主 話 ： 皇帝 哥哥 升 咗 你 嘅 官 啊 ？
曾 柔問 ： 賭錢 贏 咗 好多 啊 呢 ？
雙兒 又問 ： 天地會 嘅 事 ， 冇 麻煩 吖 嘛 ？
阿珂話 ： 哼 ， 呢 個 嘢 呀 ， 梗 係 又 睇 中 咗 邊個 姑娘 ， 想 娶 嚟 做 第八 房 夫人 定 喇 。
韋小寶 一味 擰頭 。
眾 夫人 追問 得緊 喇 ， 韋小寶 就 話 ：
嗨 我 本來 都 唔 想 講 嘅 ， 噉 你 哋 一定 要 問咯 ， 只有 講出 嚟 啦 。
噉 七位 夫人 啊 靜耳 聽 佢 講 嘞 喎 。
韋小寶 好 正經 噉 話 ： 我 做 咗 大官 ， 封 咗 公爵 ， 大字 都 唔 識 實在太 過唔 似樣 。
從 聽 日 起 ， 我要 讀書 做文章 ， 考 狀元 做 翰林 喇 。
七位 夫人 你 望 我 我 望 你 ， 跟 住 哄堂大笑 。
因為 大家 都 知道 呢 位 夫君 啊 殺人放火 、 偷 呃 拐騙 咩 嘢 事 都 做 ， 天下 唯一 有 一件 事 係 堅決 唔 做 嘅 ， 就 係 讀書 識字 嘞 。
第 日 一早 ， 順 天府 嚟 拜見 ， 話 接到 上官 指示 ， 知道 皇上 委派 韋公爺 查究 忠城伯 馮錫范 失蹤 呢 件 事 ， 特登前 嚟 侍候 聽候 差遣 。
韋小寶 皺起 眉頭 問 佢 話 ： 你 順 天府 衙門 捕快 公差 好多 㗎 ， 呢 一排 ， 查 到 啲 咩 線索 啊 ？
各位 ， 欲知 後事 如何 ， 且 聽 下回分解 。
