前文 再續 啊 書 接 上 一回 。
話説中俄兩國 ，簽署完 尼布楚條約 就 鳴放大炮 ，然後 兩國 使臣 互贈 禮物 。
費要 多羅 送畀 韋小寶 等人 嘅 係 時錶 、千里鏡 、銀器 、貂皮 、刀劍 等等 物件 。
韋小寶 送畀 對方 使節 嘅 係 馬匹 、鞍轡 、金杯 、絲綢 衣衫 、絹帛 等等 物件 ；
此外 二百六十 名 哥薩克 騎兵 ，就 各 送 紋銀 二十 兩 ，用嚟 賠償 畀 清兵 割斷 嘅 褲頭帶 啊 。
當晚 ，大排筵席 ，慶賀 訂約 成功 。
噉費 要 多羅 仲 喺度 擔憂 噃 唔知道 前去 偷襲 莫斯科 嘅 清兵 ，係咪 即刻 召翻翻嚟 呢噉 ，就 不停 咁 用 説話 嚟 試探 。
韋小寶 呢 ，一味 充懵 ，詐 假意 唔 懂 嘞 。
過咗 兩日 ，費 要 多羅 得到 報告 ，有 大隊 清兵 由 西方 嚟緊 。
佢 登上 城頭 ，用 千里鏡 一望 ，果然 見到 一隊隊 清兵 ，由 西面 嚟 嘞 ，要 渡過 尼布楚河 以 東 扎營 。
費 要 多羅 好 歡喜 啦 ，知道 西侵 嘅 清兵 已經 召翻嚟 嘞 。
佢 邊度 知道 大隊 清兵 ，只係 喺 尼布楚 之 西 二百 里 之外 駐扎 候命 ，一 聽見 炮聲 ，就 拔隊 慢慢 返嚟 啫 。
又過咗幾日 ，石匠 將 界碑 鑿好嘞 ，碑上 共有 滿 、漢 、蒙 、拉丁 ，同埋 羅剎 五體 文字 。
界碑 就 分別 樹立 喺 格爾必齊 河 東岸 、額爾古納河 南岸 ，以及 極東北 嘅 ，威伊克阿林 大山 各處 。
呢啲 界碑 所處 嘅 地方 ，本應 係 中俄 兩國 萬年 不易 嘅 分界 。
但係 一百 幾十年 之後 ，俄國 乘住 中國 國勢 衰弱 ，竟然 逐步 蠶食 侵佔 ，吞併 中國 大片 膏腴 嘅 土地 。
樹立咗 界碑 以後 ，噉 啊 兩國 欽差 行禮 告別 ，噉 分別 啟程 回京 復命 嘞 。
韋小寶 又 叫 華伯斯基 同 齊洛諾夫 嚟 ，叫 佢 兩個人 呈奉 禮物 畀 蘇菲亞 公主 ，噉 其中 呢 又 有 錦被 ，又 有 繡花 枕頭 。
噉喺 呢啲 咁 荒涼 嘅 北方 ，呢啲 嘢 都 冇 地方 買 嘅 ，就 邊處 嚟 嘅 呢 ？哈 ，係 雙兒 帶嚟 嘅 啫 。
韋小寶 笑住 話 ：公主 如果 真係 想念 我 ，就 抱 下 絲綿被 同埋 枕頭 啦 。
佢 又 叫 親兵 抬 咗 個 大 木箱 出嚟 。
呢個 木箱 啊 長 八尺 ，闊 四尺 ，十足 十一 副 大 棺材 噉 。
噉 八名 親兵 用 大槓 抬起 佢 嚟 行 ，顯然 係 極之 沉重 嘅 。
箱外 ，鐵條 重重 纏繞 ，又 貼咗 封條 ，用 火漆 封好 。
韋小寶話 ：呢件 禮物 係 非同小可 ，你哋 要 好好地 保護 佢 唔好 損壞 啊 。
公主 見到 之後 啊 ，必定 好 歡喜 嘅 。
噉 兩 名 羅剎 隊長 啊 唔 敢 問 咁多 ，就 帶 咗 木箱 返 去 。
呢個 大木箱 啊 超過 成千斤 ，由 尼布楚 萬里迢迢 噉 運到 莫斯科 ，一路 之上 都 好 辛苦 啊 。
噉啊蘇菲亞公主 收到之後 ，打開 個 箱 一睇 ，哈 ，竟然 係 一座 韋小寶 嘅 裸體 石像 ，笑容可掬 ，栩栩如生 。
原來 韋小寶 又 叫 雕鑿界碑 嘅 石匠 ，鑿成 呢個 像 ，又 請 荷蘭 教士 寫咗 我 永遠 愛 你 幾個 羅剎 文字 ，喺 個 石像 胸口 。
蘇菲亞公主 一見到 哈 真係 啼笑皆非 嘞 ，不過 諗起 呢個 中國 細佬 哥 古靈精怪 ，羅剎 男子 都 唔 及得 佢 ，不由得 情意綿綿 神馳萬里 嘞 。
噉呢個 石像 呢 ，就 收埋 喺 克里姆林宮 之 內 。
收尾 ，彼得大帝 發動 政變 ，將 蘇菲亞 公主 啊 驅逐 出 宮 ，將 呢個 石像 都 𢱕爛埋 ，唉 真係 可惜 到 極 咯 。
話説 韋小寶 凱旋 回京 。
呢一日 ，大軍 嚟到 北京 城外 ，朝廷 大臣 都 喺 城門口 迎接 。
韋小寶 率 同 佟國綱 、索額圖 、馬拉 、阿爾尼 、馬齊 、朋春 、薩布素 、郎坦 、巴海 、林興珠 等 朝見 康熙 。
皇帝啊獎勉一番啦 ，封韋小寶為一等鹿鼎公 ，佟國綱、索額圖等大臣 以及軍官士卒 就各有升賞 。
以後 嗰 幾日 ，康熙 連氣 召見 韋小寶 ，詢問 攻克 雅克薩 ，劃界 定約 嘅 經過 詳情 。
韋小寶 又 據實 奏告 ，居然 冇 咩 誇張 吹牛 噃 。
康熙 極之 歡喜 啦 ，稱讚 佢 大有 長進 ，對 佢 七 名 夫人 ，同 兩 個 仔 ，都 有 賞賜 啊 。
呢一日 ，康熙 賜宴 撫遠 大將軍 、鹿鼎公 韋小寶 ，暨 此役 有功 大臣 。
康熙 喺 席上 題咗 兩 首 詩 ，陪宴 嘅 翰林 學士 ，人人 都 作 詩 嚟 和佢 ，慶功 紀盛 啊 。
宴會 完喇 ，韋小寶 捧住 御賜 珍物 ，得意洋洋 噉 出咗 皇宮 ，隨從 前 呼 後 擁 啊 打道 回 府 。
忽然間 ，聽見 大街 旁邊 有人 大叫 ：韋小寶 ，你 呢個 忘恩負義 嘅 狗賊 ！
韋小寶 吃咗 一驚 ，聽見 把聲 呢 頗為 熟悉 。
佢 打側 個 頭 一 睇 ，只 見 一 條 大漢 喺 屋檐 下 便 飆 到 街心 ，指住 佢 破口 大罵 ：
韋小寶 ，你 呢個 千刀萬剮 嘅 賊仔 ！好地地 嘅 漢人 ，走去 投降 清廷 ，做 敵人 嘅 走狗 奴才 。
你 害死咗 自己 師父 ，殺害 好 兄弟 ，今日 ，小皇帝 封咗 你 做 公 做 侯 ，你 榮華富貴 啊 神氣活現 。
叉叉叉 你嘩 ，老子 白刀入 ，紅刀出 ，喺 你個 賊仔 身上 ，㓤鬼 你 十七八刀 ，睇 你 仲 做唔做得成 龜公 吖嗱 。
呢個 大漢 上身 就 打 赤肋 ，心口 生 毛 ，濃眉 大眼 神情 兇狠 ，正係 當年 帶 韋小寶 嚟 北京 嘅 茅十八 啊 。
當 韋小寶 打 個 特 嘅 時候 ，早就 有 幾十 名 親兵 圍 上去 嘞 。
茅十八 喺 綁腿 裏 便 拔出 短刀 ， 想話 要 抵抗 啦 噉 ， 眾 親兵 一齊 出手 ， 將 茅十八 捉起 嚟 ， 將 佢 綁住 。
茅十八 仲 喺度 鬧 噃 ，佢 話 ：
韋小寶 ，你 呢個 老舉仔 吖 ，當年 老子 帶 你 嚟 北京 ，真係 錯盡錯絕 咯 。
我 對唔住 陳近南 陳總舵主 啊 ，對唔住 天地會 嘅 眾位 英雄 好漢 啊 ！
老子 今日 就係 唔想 做人 喇 ，要 等 天下 人人 都 知道 ，你 韋小寶 係 賣友求榮 ，忘恩負義 嘅 狗賊 ！
你 只係 想 升官 發財 ，做 清廷 皇帝 嘅 走狗 。
眾親兵 啊 掌 佢 個 嘴 ，但係 佢 始終 罵 不絕口 。
韋小寶 連忙 喝啲 親兵 ，唔准 打佢 。
一名 親兵 攞 條 手巾 出嚟 ，塞入去 茅十八 嘅 嘴處 。
茅十八 呢 就 嗚嗚聲 ，睇嚟 呢 仲 喺度 鬧 㗎 。
韋小寶 吩咐 親兵 話 ：將 呢個人 帶翻 去 屋企 ，好好地 看守 ，唔好 難為 佢 ，酒食 款待 ，等 一陣 我 親自 審問 。
韋小寶 回府 之後 ，喺 書房 裏 便 呢 就 擺咗 一圍 酒 ，請 茅十八 見面 。
噉又怕佢逳手啊 ，噉啊要 蘇荃 同 雙兒 兩個人 假扮 親隨 ，喺 旁邊 侍候 。
無耐 ，親兵 押住 茅十八 入嚟 嘞 。
韋小寶 吩咐 除咗 茅十八 身上 嘅 鐐銬 ，叫 親兵 退出去 。
韋小寶 滿面 笑容 噉 話 ：茅大哥 ，好耐 冇見 喇 你好 吖嘛 ？
茅十八 好嬲 噉話 ：我 有 咩 好唔好 啊 ？
自從 識得 你 呢個 賊仔 之後 ，本來 好地地 嘅 都 變得 唔好啦 。
茅大哥 請坐啦 ，等 兄弟 敬 你 三杯 酒 ，順下條氣 先 。
兄弟 有 咩 地方 得罪 咗 茅大哥 咯 ，你 飲完 酒 之後 再 鬧 我 都 唔 遲 吖 。
茅十八 大踏步 上前 ，喝佢 話 ：我 打死 你 呢個 賊仔 先至 飲酒 。
講完 ，伸出 缽頭 咁大嘅 拳頭 ，拂 一聲 ，迎面 向 韋小寶 打過去 。
蘇荃 衝上前 ，用 左手 捉住 茅十八 嘅 手腕 ，輕輕 一扭 ，右手 喺 佢 膊頭 拍咗 兩下 。
茅十八 當堂 半身麻痹 ，不由自主 噉 啊 坐落 張 椅 處 。
佢 又 驚 又 嬲 ，出力 跳起身 佢 話 ：你 個 賊仔 ！
蘇荃 企 喺 佢 背後 ，雙手 捻住 佢 兩便 膊頭 嘅 肩貞穴 ，又 輕輕 向 下一撳 ，茅十八 頂唔順 嘞 ，只有 重新 坐低 。
佢 身材 魁梧 ，差唔多 有 蘇荃 兩個 咁 大 。
但 畀 蘇荃 高深 嘅 武功 所 制服 ，只有 乖乖地 坐 喺 處 嘞 ，噉 更加 火滾 啦 佢 ，大聲 話 ：
老子 今日 當街 鬧 你 呢個 小 漢奸 ，本來 係 唔想 做人 㗎喇 ，只要 天下 人人 都 知道 你 賣 師 賣 友 嘅 卑鄙 無恥 。
韋小寶 話 ：茅大哥 ，我 同 皇上 辦事 ，係 去 打 羅剎鬼 ，又 唔係 去 殺 漢人 ，點 能夠 話 我 係 漢奸 呢 ？
噉 噉 ， 噉 你 為 咩 殺死 你 師父 陳近南 啊 ？
我點 會害 我 師父 呢 ？ 我 師父 明明 係 畀 鄭克 塽 嗰 個 衰仔 殺死 嘅 。
你 呢個 時候 ，仲 想 抵賴 ？
小皇帝 喺 佢 嘅 聖旨 裏 便 ，講得 都 唔知 幾 清楚 。
皇上 嘅 聖旨 裏 便 ？點 ，點 ，點 會話 我 害死 師父 啊 ？
韋小寶 個 心 迷迷惘惘 ，擰轉 頭 望住 蘇荃 。
蘇荃 話 ： 皇上 前幾日 升 你 做 一等 鹿鼎公 ， 頒 下 嘅 誥命 裏 便 敘述 你 嘅 功勞 。
都唔知誥命係邊個寫嘅 ，其中話你舉薦良將 ，蕩平吳逆 ，收台灣於版圖 ；
提師出征 ，攻克 紅城 ，揚國威 於 域外 。呢啲 呢 係 啱嘅 。
不過 ，又 有 兩句 説話 係 噉 講 嘅 ：擒斬 天地會 逆首 陳近南 、風際中 等 ，遂 令 海內 跳樑 一蹶不振 ；匪黨 亂 眾 ，革面 洗心 。噉 就係 唔啱 喇 。
韋小寶 皺住 眉頭 話 ： 咩 洗面 割心唧 ？ 到底 ， 到底 係 講 啲 咩 嘢 唧 佢 ？
蘇荃話 ：誥命裏 便 話 你 捉住 陳近南 、風際中 等人 殺咗 ，嚇到 天地會 啲 人 ，再 唔 敢 造反 喇 噉話 。
韋小寶 跳起身 大叫 話 ：邊 有 噉嘅事 呢 ？噉咪 冤枉 人 ？
蘇荃 慢慢 擰 下個 頭話 ：風際中 做 奸細 ，確係 我哋 殺咗 嘅 。
聖旨 裏 便 嘅 説話 冇 錯 ，就 只係 多咗 陳近南 三個 字 唧 。
韋小寶 話 ：陳近南 係 我 個 恩師 ，我 ，我 點會 害 佢 老人家 呢 ？
皇上 ， 皇上 呢 道 聖旨 ， 唉 ， 你 見到 聖旨 點解 唔 同 我講 呢 ？
我 哋 商量 過 㗎 喇 ， 聖旨 裏 便 多 咗 陳近南 三個 字 ， 你 如果 知道 咗 一定 好 唔 高興 嘅 。
韋小寶 知道 所謂 我哋 商量過 呢 ，就 即係 七個 夫人 一齊 商量過 嘞 。
佢 擰 轉頭 睇 下 雙兒 ， 雙兒 啊 岌一岌頭 。
韋小寶 話 ：茅大哥 ，我 師父 的的確確 唔係 我 害 嘅 。
嗰 個 風際中 呢 係 天地會 嘅 叛徒 ， 佢 ， 佢 暗中 向 皇帝 通風報信 。
茅十八 冷笑話 ：哼 ，噉 你 係 好人 咯噃 ？
韋小寶 喪晒 噉 坐低 佢 話 ：
我 去 同 皇上 講 ，請 佢 改翻 ，改翻 ，改翻 。
佢 連氣 講咗 三個 改翻 ，不過 佢 知道 康熙 決 唔會 因為 聖旨 裏 便 多咗 陳近南 三個 字 ，會 特登 另外 發 上諭 修改 ，佢 諗 ：
都唔知 係 邊個 狗賊 咁多嘴 ，去 同 皇上 話 我 害死 師父 嘅 。
在 皇上 睇上嚟 ，呢啲 係 我 忠心 啦 ，不過 ，不過 。
唉 我 韋小寶 仲 算 係 人 咩 ？
佢 個 心 好 焦急 ，突然間 就 搲搲聲 噉 喊起上嚟 ，大叫 話 ：
茅大哥 ，荃姐 ，我 冇 害死 我師父 啊 ！我冇啊 我冇啊 ！
三個人 見到 韋小寶 忽然間 喊起 上嚟 都 吃咗 一驚 。
蘇荃 連忙 走過去 攬住 佢 膊頭 ，安慰 佢 話 ：鄭克塽 喺 通食島 害死 你 師父 ，我哋 都 係 親眼 見到 嘅 。
講完 ，攞 條 手巾仔 幫 佢 抹咗 啲 眼淚 。
茅十八 呢陣時 先至 睇出嚟 呢個 武功 高強 嘅 親兵 ，原來 ，竟然 間 係 個 女子 ，不禁 好奇怪 。
韋小寶 想起 一件事 佢 話 ：
茅大哥 ，鄭克塽 嗰個 衰仔 呢 ，亦 喺 北京 嚟 ，我 同 佢 當面 去 對質 ，諒 佢 唔敢 抵賴 嘅 。
冇錯冇錯 ，我哋 即刻 就 去 啦 。
正話 講到 呢處 ，忽然 聽見 門外 親兵 大聲 話 ：聖旨 到 。
御前侍衛 多 總管 ，奉敕 宣旨 。
韋小寶 企起身 ，想話 去 門口 迎接 ，只見 多隆 已經 笑吟吟 噉 行入嚟 嘞 。
韋小寶 向 北 跪低 叩頭 恭請 聖安 。
多隆 等 佢 拜完 就 話 ：皇上 吩咐 ，要 提 嗰個 喺 街上 鬧人 嘅 反賊 親自 審問 啊 。
韋小寶 個 心頭 一震 ，佢 話 ：
誒 ， 嗰 ， 嗰 ， 嗰 個人 啊 ？ 誒 ， 兄弟 捉 咗 佢 嚟 ， 已經 詳細 審問 過喇 ， 原來 係 個 神經 佬 。
呢個人 呀 一味 玉皇大帝 啊 、太上老君 啊 亂噏 一通 ，兄弟 問唔出 乜嘢 就 搏命 打咗 佢 一餐 ，已經 放咗 佢 喇 。
皇上 點會 知道 呢 件 事 嘅 呢 ？ 其實 冇 乜嘢 嘅 唔 緊要 嘅 。
茅十八 聽到 呢處 點 都 忍唔住 嘞 ，出 猛力 喺 枱面 一拍 ，震到 啲 碗碗碟碟 都 跳起嚟 兵乒乓乓 ，喺 地下 跌爛晒 ，佢 大聲 噉 鬧 ：
韋小寶 ，邊個 係 神經佬 啊 ？今日 喺 大街 上面 鬧 嗰個 小皇帝 嘅 係 老子 。
老子 千刀萬剮 都 唔怕 ，唔通 仲 怕 見 個 小皇帝 咩 ？
韋小寶 個 心 話 死喇 死喇 。
佢 係 希望 呃過 康熙 同 多隆 ，跟住 就 放咗 茅十八 。
誰知 佢 完全 唔明 自己 嘅 一番 回護 嘅 意思 ，噉樣 嚟到 公然 辱罵 皇上 ，茅十八 真係 有 十八 個 人頭 啊 亦都 保唔住 啦 。
多隆 歎 一口氣 ，對 韋小寶 話 ：唉 兄弟 ，你 對 江湖 上 嘅 朋友 好 夠 義氣 ，我 亦都 好 欽佩 。
呢件事 ，你 已經 出咗 力 嘞 ，算得 係 仁至義盡 嘞 。
我哋 走啦 。
茅十八 大踏步 行到 門口 ，突然間 捩轉頭 ，一㞘口水 ，噗噉 向 韋小寶 塊面 吐過去 。
韋小寶 正在 想緊 心事 嚟唔切 閃避 ，啪 一聲 ，吐 正 佢 鼻樑 。
幾名 親兵 啊 拔出 腰刀 ，向住 茅十八 跑過去 。
韋小寶 擺擺手 話 ：算喇 ，唔好 難為 佢 。
多隆 帶嚟 嘅 部屬 攞出 手銬 ，將 茅十八 鎖住 。
韋小寶 諗 ：皇上 親審 茅大哥 都 怕 問唔得 兩三句 ，就 會 將 佢 推出去 斬頭 嘞 。
嗯唔得 ，我 要 立刻 去 見 皇上 ，無論如何 ，總要 想法子 救人 啊 。
就對多隆話 ：我要 去 求見 皇上 稟明 內情 ，唔好 畀 呢個 粗魯 漢子 衝撞 咗 皇上 。
噉 一行人 嚟到 皇宮 ，韋小寶 聽講 皇帝 喺 上書房 ，就 立即 求見 。
康熙 召 佢 入去 ，噉 啊韋小寶 叩過頭 企 起身 。
康熙話 ：今日 喺 大街 上 鬧咗 你 ，又 鬧埋 我 嗰個 人 ，係唔係 你 嘅 好朋友 啊 ？
韋小寶 話 ：皇上 明見 萬里 ，咩 事情 都 唔使 估 第二次 嘅 。
佢 係 天地會 㗎 ？
佢 冇 正式 入會 ，不過 會裏 便 啲 人 佢 識得 唔 少 ，佢 好 佩服 我 師父 㗎 。
皇上 聖旨 裏 便 話 我 殺咗 師父 ，佢 聽到 之後 好 嬲 ，因此 啊 痛罵 我 一場 。
至於 對 皇上 ，佢 係 萬萬 唔敢 有 半分 唔尊敬 嘅 。
你 同 天地會 已經 一刀兩斷 ，從今之後 唔再 來往 喇 係唔係 啊 ？
係 ，呢次 去 打 羅剎鬼子 ，奴才 就 冇 帶 天地會 嘅 人 去 啊 。
噉 以後 你 天地會 嘅 舊 朋友 再 嚟 搵 你 ， 你點 做 啊 ？
奴才 決 唔見 佢哋 ，免致 大家 唔方便 啊 。
因此 我 喺 嗰道 誥命 裏 便 親筆 加上 陳近南 、風際中 兩個人 嘅 名 ，等 你 日後 免 咗 唔少 麻煩 。
小桂子 ，一個人 唔能夠 一味 腳踏 兩條船 㗎 。
你 如果 對 我 忠心 ，一心一意 噉 為 朝廷 辦事 ，天地會 你 就 唔 能夠 去 撈 嘞 。
你 如果 決心 做 天地會 嘅 香主 ，噉 就 要 一心一意 噉 反 我 先至 得 。
韋小寶 嚇咗 一跳 跪低 叩頭 佢 話 ：奴才 係 決唔會 造反 嘅 。
奴才 細個 嘅 時候 做事 糊糊塗塗 ，唔 懂 道理 ，而家 深明 大義 ，洗面 割心 ，已經 係 完完全全 唔同晒 嘞 。
噉就 好好啦 。
今日 鬧人 嗰個 神經佬 ，聽日 你 親自 監斬 ，將 佢 殺咗 啦 。
韋小寶 叩頭 話 ：皇上 明鑒 ，奴才 嚟到 北京 能夠 見到 皇上 嘅 金面 ，都係 全靠 呢個 人 嘅 啫 。
奴才 對 佢 仲 未曾 報過 恩 ，大膽 求 下 皇上 ，饒恕 咗 呢個 人 。
寧可 ， 誒 ， 寧可 奴才 呢 次 打 羅剎 鬼子 嘅 功勞 ， 皇上 冚𠾴唥 革 晒 去 ， 奴才 再 退 翻 轉頭 做 鹿鼎侯 啦 。
康熙 塊面 一板 佢 話 ：朝廷 嘅 封爵 你 當 係 兒戲 啊 ？
賞你 做 一等 鹿鼎公 係 我 嘅 恩典 ，你 攞住 爵祿 封誥 嚟 同 我 做 買賣 討價還價 ，你 真 大膽 ！
韋小寶 猛咁 叩頭 佢 話 ：誒 奴才 係 漫天 要價 ，皇上 可以 落地 還錢 啦 。
如果 退到 鹿鼎侯 唔得 咯 ，噉 啊 退翻去 做 通食伯 、通食子 亦都 可以 㗎 。
康熙 本來 想 嚇佢 一下 ，等 佢 知道 啲 朝廷 規矩 。
誰知 此 人生出嚟 係 市井小人 ，雖然 做到咗 一等 公大將軍 啊 ，嗰啲 無賴 脾氣 一啲 都 冇 改 。
不由得 又 好嬲 又 好笑 喝佢 話 ：叉叉叉 啦 ，起身 啦 ！
韋小寶 叩咗 個 頭 企 起身 。
康熙 仍然 板起 塊面 佢 話 ：豈有此理 ，好 ！老子 啊 同 你 落地 還錢 。
你 求 我 饒恕 呢個 叛逆 吖 嘛 ，噉 就 要 攞 你 嘅 人頭 嚟 換 佢 個 人頭 。
韋小寶 愁眉 苦面 噉 話 ： 皇上 嘅 還價 太過 厲害 喇 ， 請 你 升 一升 啦 。
康熙話 ：好 ，我 就 讓 一步 ，你 割咗 嗰件 嘢 入 宮 嚟 做 太監 啦 。
請 皇上 再 升 一升 啦 。
唔升喇 ！你 唔去 殺咗 呢個 人 就係 對 我 不忠 。
一個 人 忠心 就 忠心 ， 唔 忠心 就 唔 忠心 ， 邊度 有 價錢 好 講 嘅 呢 ？
奴才 ，對 皇上 係 忠 ，對 朋友 係 義 ，對 母親 係 孝 ，對 妻子 係 愛 。
哈哈哈哈哈哈哈哈 ，你 呢個 傢伙 居然 忠孝節義 事事俱全 ，好 ，佩服 ，佩服 ！
聽日 呢個 時候 ，攞 一個 人頭 嚟 見 我 ，唔係 嗰個 叛逆 嘅 人頭 就係 你 自己 嘅 人頭 。
韋小寶 冇 法子 喇 ，只有 叩頭 退出去 。
康熙 見 佢 行到 門口 就 話 ：小桂子 ，你 又 想 逃走 喇 係咪 啊 ？
韋小寶 話 ：呢 一次 係 唔 敢 嘞 。
奴才 而家 返 屋企 ，墊高 個 枕頭 ，瞓低嚟 好好 想下 。
最好呢 ，係 既能夠 令 皇上 歡喜 嘅 ，又 顧住 朋友 義氣 嘅 ，而 奴才 自己 呢個人頭 呢 ，仍然 係 穩穩陣陣 嘅 。
康熙 微笑 話 ：好極嘞 。
誒 我 同 建寧 公主 好耐 冇 見 喇 ，好 想念 佢 ，已經 吩咐 接 佢 嚟 皇宮 。
你 其餘 嗰 六個 夫人 、三個 仔女 ，亦都 隨同 公主 一齊 入 宮 嚟 朝見 太后 。
太后 話 你 嘅 功勞 唔 細 ，要 好好 賞 你 嘅 夫人 同 仔女 喎 。
韋小寶 話 ： 多 謝太后 同 皇上 嘅 恩典 ， 奴才 實在 係 粉身 難報 啊 。
佢 退咗 兩步 忍唔住 又 話 ：皇上 ，奴才 以前 講過 嘅 ，你 係 如來佛 我 係 孫悟空 ，奴才 點 都 跳唔出 你 嘅 手掌心 嘅 。
康熙 又 試 微微 笑話 ：你 神通廣大 ，唔使 咁 客氣 喇 。
各位 ，欲知 後事 如何 ，且 聽 下回 分解 。
