前文 再續 啊 書 接 上 一回 。
話説 費 要 多羅 就 偷聽 韋小寶 佢哋 講嘢 ，只 聽見 韋小寶 用 羅剎 話 話 ：
我哋 同 費 要 多羅 喺 呢處 飲酒 、談話 ，假嘅 ，唔係 真嘅 。
談咗 一個月 、兩個月 ，談來談去 ，都係 ，假嘅嘢 ，大軍 呢 就 偷偷地 向 西 。
羅剎公主 啊 時時 接到 費 要 多羅 ，笨蛋 嘅 報告 ，話 正在 同 我哋 談話 ，佢 唔 怕 ，日日 同 甜心 跳舞 、瞓覺 。
中國大軍 突然間 ，去到 莫斯科 城下 ，進攻 ，奇怪嘅 進攻 ，將 兩個 沙皇 、蘇菲亞 公主 ，捉起身嚟 ，羅剎人 喊喇 ，跪低 ，投降喇 。
嗰個 荷蘭 教士 話 ：行軍 打仗 嘅 事 ，我 係 唔 懂 嘅 。
不過 一便 同 羅剎人 議和 ，一便 就 出兵 偷襲 佢哋 京城 ，噉 唔係 唔講信用 嘞 咩 ？
上帝 嘅 道理 教訓 我哋 唔好 欺詐 ，唔好 説謊 㗎 。
嘿嘿嘿嘿嘿 ，係 羅剎人 呃 人 先 啫 嘛 。
大家 講好咗 ，雙方 衞兵 攜帶 火器 ，唔可以 ，佢哋 身上 都 收埋 槍 ，短嘅 。
佢哋 呃 人 ，我哋 亦 呃 人 啫 嘛 ，佢 咬 我 ，一啖 ，我 咬 佢 ，兩啖 ，好 犀利 嘅 。
嘿 ，我 勸 公爵 大人 仲係 唔好 打仗 好 ，兩國 開戰 死 嘅 都 係 上帝 子民 。
唔 好 講喇 唔 好 講喇 。
我哋 只係 信 菩薩 ，唔 信 上帝 。
嗰個 費 要 多羅 如果 公平 談判 ，等 中國 多佔 一啲 土地 ，本來 ，係 可以 議和 嘅 。
不過 佢 一里 土地 都 唔 讓 ，等 我哋 打落咗 莫斯科 ，羅剎 男人 上 天堂 ，女人 ，做 中國人 嘅 ，老婆 嘅 。
費要 多羅越 聽 就 越 驚 ，佢 諗 ：哎呀 我 嘅 上帝 ，中國 蠻子 真係 無法無天 膽大妄為 啊 。
只聽見韋小寶又話 ：今日 我 派咗 一個 親兵 ，喺 三個 哥薩克 騎兵 隊長 嘅 身處 ，用 手指 督 咗 幾下 ，呢 三名 隊長 呀 ，唔會 逳 ，你 見到 嘛 ？
嗰個 教士 話 ：我 見到 嘞 ，呢啲 係 咩嘢 魔術 真係 奇怪 到 極 嘞 。
中國 魔術 ，成吉思汗 ，傳落嚟 嘅 。
成吉思汗 用 呢個 法子 ，打到 羅剎人 ，跪地 投降 。
我哋 再 用 呢個 法子 去 打 佢哋 ，羅剎國 ，又 死 咯 。
費要多羅諗 ：當年 蒙古人 只係 二萬 人馬 ，一直 打到 波蘭 、匈牙利 ，冇人 擋得住 ，睇嚟 實有 魔術 嘅 。
東方人 古怪 得 厲害 啊 ，佢哋 又 用 呢種 法術 噉 ，哎呀 噉點 好 呢 ？
只聽見 嗰個 教士 話 ：羅剎人 如果 遠遠 就 開槍 ，你哋 嘅 魔術 就 冇用 嘞 。
韋小寶 笑住 話 ：係啊 ，所以 我哋 要 詐假意 喺 呢度 同 佢 談判 啦 嘛 。
軍隊 就 去 打 莫斯科 ，好似 賊仔 一樣 ，偷偷 入 城 。
我 去過 莫斯科 啊 ，城內 嘅 韃靼人 好多 。
我哋 嘅 軍隊 化妝 做 韃靼 牧人 ，混入 去 呀 好 容易 㗎 咋 ，羅剎 守軍 一定 唔會 發覺 嘅 。
費 要 多羅 背脊 出咗 成身 冷汗 ，佢 諗 ：
中國 小鬼 呢條 毒計 ，實在 厲害 啊 。
中國兵 喬裝 改扮 做 韃靼 牧人 ，混咗 入 我哋 京城 ，施展 起 魔術 上嚟 ，噉 點 抵擋得住 啊 ？
佢 唔 知道 雙兒 嘅 點穴術 ，係 一 門 高深 武功 ，必須 要 內功 練到 上乘 境界 先至 能夠 使用 嘅 。
清軍官兵 幾萬人 ，會 點穴 功夫 嘅 ，只係 得 雙兒 一個人 而已 。
費 要 多羅 以為 呢種 魔術 ，只要 有人 教 ，就 人人 會 使 嘞 。
噉就噉樣 手指 一碰 ，對方 就 唔逳得 。
幾萬 中國 兵 用 呢種 方法 去 偷襲 莫斯科 ，羅剎 啊 恐怕 要 亡國 滅種 咯 。
只聽見 嗰個 教士 話 ：
公爵大人 如果 派遣 二萬 中國 兵 混入 莫斯科 ，用 成吉思汗 傳落嚟 嘅 魔術 制住 羅剎 軍 ，要 俘虜 兩位 沙皇 同 攝政女王 的確 係 可以 成功 嘅 。
不過 ， 不過 呢 件 事 必須 十分 機密 ， 大軍 西行 嘅 時候 ， 唔 能夠 畀 羅剎 人 知道 啊 。
公爵大人 ，今日 嘅 羅剎國 已經 十分 強大 ，同 當年 同 成吉思汗 打仗 嘅 羅剎人 係 大 不相同 㗎喇 。
我 去過 莫斯科 啊 ，羅剎國 嘅 情形 我 都 清清楚楚 嘅 。
我哋 聽朝 一早 ，放咗 費 要 多羅 返去 ，然後 同 佢 談判 ，都係 假嘅 ，佢 唔肯 應承 嘅 。
我哋 喺 呢處 多談 一日 ，中國 大軍 就 近 莫斯科 一日 路程 喇 。
係嘅 ，係嘅 。
大人 一切 仲要 小心啲 ，呢件事 ，係 好 危險 嘅 。
知道喇 ，你 唔能夠 講出去 啊 ，唔能夠 令 費 要 多羅 起 疑心 㗎 ，記得嘛 ？
知道喇 ，知道喇 。
嗰個 教士 答應咗 就 扯咗 嘞 。
韋小寶 又 話 ：傳 王八 死 雞 、豬玀 懦夫 。
噉啊 親兵 出去 ，帶咗 華伯斯基 同 齊洛諾夫 入嚟 。
韋小寶 對 佢 兩個 人 話 ：聽日 ，我 派 兩隊 人 去 莫斯科 ，禮物 好多 好多 ，送 畀 蘇菲亞 公主 。
一路 盜賊 好多 ，多啲 派 官兵 保護 。
華伯斯基 話 ：由 呢處 到 莫斯科 只係 有 啲 小股 嘅 韃靼 強盜 ，亦 唔算 好 厲害 嘅 ，公爵 大人 放心 啦 。
韋小寶話 ：你唔知㗎喇 ，韃靼 強盜 ，八九千人 一隊 ，有啲 係 二十個 一千人 ，三十個 一千人 都有啊 。
華伯斯基 同 齊洛諾夫 對望 咗 一眼 ，都 唔係 點 信 。
韋小寶話 ：我 呢 兩隊 人 ，分 南北 兩路 去 莫斯科 。
王八 死雞 係 率領 北路 嘅 ，豬玀 懦夫 你 係 率領 南路 嘅 。
噉 兩條 路 點樣 㗎 ？
華伯斯基 話 ：由 北路 走 ，呢處 向 西 到 赤塔 ，經 烏斯烏德 ，繞過 貝爾加 大湖 嘅 南端 ，向 西 經 托木斯克 、鄂木斯克 等 城 去到 莫斯科 。
齊洛諾夫 話 ：南路 起初 嘅 行法 ，係 一樣 嘅 ，過咗 貝爾加湖 分路 ，向 西南 經過 哈薩克人 居住 嘅 地方 ，一路 向 西 ，經 奧斯克 、烏拉爾斯克 等 地 去到 莫斯科 啊 。
韋小寶 岌頭 話 ：冇錯 ，係 噉樣 行 嘅 。
我嘅 禮物 、信 ，由 中國 使者 交畀 公主 ，你哋 兩個 帶路 。
帶得好 ，有賞 ，好多嘅 。
帶得唔好 ，帶兵 嘅 中國 將軍 ，斬 你哋 嘅 頭 。
你哋 可以 走 喇 。
兩名 羅剎 隊長 退出 之後 ，韋小寶 攞起 金 批令箭 發號施令 ，一個個 中國 大將 躬身 接令 。
費要 多羅 就 唔知 佢 而家 講 啲 咩 嘢 喇 ，不過 見到 所有 接令 嘅 中國 大將 ，都 係 神情 慷慨激昂 ，指天 誓日 ，顯然 係 向 主帥 保證 ，點 都 要 成功 。
有啲呢 ，用 手掌 喺 自己 條 頸 處 一斬 ，有啲 又 拔出 匕首 喺 自己 心口 上面 虛刺 ，個 口 啊 不停 噉 話 ：
莫斯科 ，莫斯科 ！
估計 係 話 如果 攻唔落 莫斯科 就 寧可 自殺 嘞 。
韋小寶 嘰哩咕嚕 講咗 一輪 ，噉 四名 親兵 呢 ，喺 枱 上 攞起 一張 大地圖 ，啱啱 啊 對正 費 要 多羅 嘅 。
只見韋小寶嘅手指 由 尼布楚城 啊 一路 向 西 移動 ，沿着 一條 紅色 粗線 ，一直 指到 一個 紅色 圓圈 。
費 要 多羅 雖然 係 唔識得 圖上 嘅 中國 文字 啊 ，但係 一 睇 方位 ，就 知道 係 莫斯科 嘞 。
韋小寶 講咗 一番 説話 ，手指 呢 ，又 沿住 另一 條 線 直到 莫斯科 。
費要多羅諗 ：呢啲 中國 蠻子 真係 可惡 ，原來 佢哋 處心積慮 ，早就 已經 預備 攻打 莫斯科 喇 。
韋小寶 又 講咗 一番 説話 ，連 氣 講到 費 要 多羅 個 名 ，眾 將官 一 聽到 唧 都 大笑 起 上嚟 。
費要多羅諗 ：哼 ，你哋 一定 喺度 笑 我 係 傻瓜 ，呃得 我 談判 劃界 拖延 時日 ，暗中 呢 就 去 偷襲 莫斯科 。
哼 ， 我 先 至 唔 上 呢 個當 啊 。
佢 慢慢 企起身 佢 諗 ：上帝 保佑 ，畀 我 發現咗 中國 蠻子 呢個 大 陰謀 ，可見 我 俄羅斯 帝國 得 上帝 眷顧 ，必定 係 國運 昌隆 嘅 。
橫掂 聽日 就要 放 我 嘞 ，今晚 就 唔使 冒險 逃跑 嘞 。
呢個 時候 ，只見 西邊 巡邏兵 啊 來來去去 ，東便 呢 ，就 黑𠵼𠵼 冇人 ，就 靜雞雞 返去 咯 ，好彩 清兵 並 冇 發覺 。
嚟到 自己 帳篷 ，只見 看守 嗰 三個 衞兵 仲 喺度 瞓到 淰淰 ，於是 呢 就 返入 帳篷 就 瞓嘞 。
第二 朝早 ，費 要 多羅 食完 豐富 嘅 早餐 ，就 跟住 親兵 嚟到 中軍 帳 。
韋小寶 笑住 問佢 ：侯爵 大人 尋晚 瞓得 好唔好 啊 ？
費 要 多羅 哼咗 一 聲 話 ：你 嘅 衞兵 保衞 周到 ，我 當然 瞓得 好好 啦 。
韋小寶話 ：今日 你 唔再嬲 啦嘛 ？我哋 嚟 談下 劃界 嘅 條款 呢 ，點啊 ？
費要 多羅 唔 回答 ，扲 條 手巾仔 出嚟 又 綁住 個 嘴 。
韋小寶 好嬲啊 ，大聲噉話 ：你 咁 硬頸 ，我 立刻 殺咗 你 ！
費 要 多羅 毫不畏懼 ，佢 諗 ：
你 都 預定 今日 要 放 我 嘅 ，噉樣 裝腔作勢 ，邊個 怕 你 啊 ？
韋小寶 大發咗 一輪 脾氣 ，見 佢 始終 不屈 ，噉 啊 無可奈何 只有 話 ：
好啦好啦 ，你 咁 勇敢 ，我 佩服 你 喇 ，放 你 返去 啦 。
你 返去 請 好好 休息 ，十日 之後 ，我哋 再 另 商 地點 ，談判 劃界 。
費要多羅諗 ：你搏命拖延時間 ，呢個時候啊 ，恐怕 偷襲 莫斯科 嘅 軍隊 已經 出發 嘞 。
我 決唔會 上 你 呢個 當 嘅 。就話 ：
你 放 我 翻去 ，非常 多謝 。
為咗 表示 我哋 嘅 誠意 ，我 建議 ，今日 下午 就 可以 開始 談判 ，不必 等到 十日 之後 喇 。
韋小寶 笑住 話 ：誒 呢件事 唔使 咁急 ，大家 休息下 ，慢慢 談判 啦 。
兩國 君主 都 盼望 談判 早日 成功 ，仲係 先 簽咗 劃界 條約 ，再 休息 都 唔遲 。
我 哋 皇上 就 唔 係 點急唧 ， 噉 啦 ， 誒 ， 我 哋 五日 之後 再談 啦 。
不必 耽擱 嘞 ，就係 今日 談 。
再隔 三日 呢 ？
唔好 ，今日 。
聽日 啦 。
今日 。
韋小寶 歎 一口氣 話 ：唉 ，你 咁 堅決 ，我 只有 讓步 嘞 。
嗱 ，不過 我 警告 你 啊 ，等陣 談到 劃分 國界 嘅 時候 ，我 係 決唔會 隨便 讓步 㗎 。
我哋 一尺一尺 、一寸一寸 噉 嚟到 討價還價 。
費要多羅諗 ：劃分 國界 都 要 一尺一寸 噉 詳細 談 ，等到 談妥 啊 ，你哋 早就 打入 莫斯科 喇 ，我 估 真係 大傻瓜 咩 ？
就企起身嚟 話 ：噉 敝人 告辭 嘞 ，多謝 公爵大人 嘅 酒飯 。
韋小寶 送 佢 去到 帳篷 口 ，派遣 一 隊 藤牌 兵 護送 佢 返 去 尼布楚 城 。
嗰 二百六十 名 哥薩克 騎兵 呢 就 冇 釋放 。
費 要 多羅 出咗 帳篷 ，只見 尋日 樹立 軍營 嘅 地方 呢 ，都 已經 空蕩蕩 嘞 。
大隊 清軍 已經 拔營 離開 ，佢 心驚 喇 ：
中國 蠻子 話 做 就 做 ，確實 厲害 啊 。
費要 多羅 一行人 嚟到 尋日 會談 嘅 帳篷 前 便 ，只見 嗰 三名 哥薩克 隊長 ，傻咗 噉 企 響 處 。
企嘅姿勢 呢 ，仍然 同 尋日 一模一樣 ，一啲 都 唔逳得 。
呢個 時候 ，喺 清軍 裏 便 一 名 瘦小 嘅 軍官 行 出嚟 ，嚟到 三 名 隊長 前 便 ，個口 呢 大聲 唸咒 。
佢 話 ：成吉思汗 ，成吉思汗 。
然後呢 ，喺 三個人 身上 推拿 咗 幾下 ，噉 三名隊長 就 慢慢 能夠 逳嘞 。
不過 企咗 半日 連 一晚 ，實在 係 疲倦到 極 ，雙腳 麻木 ，一齊 坐 喺 地 。
六名 藤牌兵 啊 上前 扶起 佢哋 。
行咗 幾十丈 之後 呢 ，三名 隊長 先 能夠 自己 行走 。
費 要 多羅 更加 害怕 喇 佢 諗 ：
成吉思汗 傳 落嚟 嘅 魔術 ，果然 厲害 啊 ！難怪 當然 佢 縱橫 天下 ，無人 能 敵 啦 。
好彩 而家 已經 發明咗 火器 ，可以 唔畀 敵人 近身 唧 。
否則呀 ，中國 異教徒 又 要 統治 全世界 ，我哋 信 上帝 嘅 正教徒 都 要 變成 奴隸 喇 。
清軍 藤牌手 ，一直 護送 費 要 多羅 去到 尼布楚 城 嘅 東門 前 便 ，噉 先至 翻轉頭 。
費要多羅 問 嗰 三名 哥薩克 隊長 中 咗 魔術 嘅 情形 嘞 ， 嗰 三名 隊長 都 話 ：
當時 只係 覺得 後心 同 腰間 一 麻痹 ，就 全身 唔 能夠 逳 喇 。
費要 多羅話 ：你哋 身上 有冇 帶咗 十字架 啊 ？
三名 隊長 啊 解開 衣襟 ，露出 掛 喺 頸處 嘅 十字架 ，其中 ，有 個 仲 掛 多 一個 耶穌 聖像 添 。
費 要 多羅 皺起 眉頭 佢 諗 ：
成吉思汗 嘅 魔法 ，真係 厲害 ，連 耶穌基督 嘅 十字架 都 辟唔到 邪 。
於是啊 寫咗 三道 奏章 ，派遣 十五名 騎兵 分為 三路 ，向 莫斯科 告急 。
話 中國 軍隊 ，已經 出發 前 嚟 偷襲 ，將會 化妝 為 韃靼 牧人 混入 京城 ，務須 嚴加 防備 噉 。
到咗 中午 時分 ，三路 信差 啊 先後 返嚟 嘞 。
話 去 莫斯科 嘅 道路 ，都 已經 畀 中國兵 截斷 ，一 見 羅剎 騎兵 ，就 遠遠 就 射箭 過 嚟 ，冇法子 通過 啊噉 。
費 要 多羅 好 擔心 喇 ，佢 諗 ：
只有 盡快 同 中國 蠻子 ，擬定 劃界 條約 ，噉 佢哋 就 會 撤回 兵馬喇 。
到咗未 時 ，即係 下午 一至三點 呢個 時候 ，費 要 多羅 帶住 十幾名 隨員 ，去到 兩國 會議 嘅 帳篷 。
呢次 佢 完全 唔 帶 哥薩克 騎兵 嘞 ，表示 決 無 他意 。
何況 就算 帶咗 衞隊 啊 ，招架 唔到 中國兵 嘅 成吉思汗 魔術 ，亦都係 冇用 嘅 。
費要 多羅 學識 淵博 ，辦事 幹練 ，本來 絕 唔係 咁 容易 畀 人哋 呃 嘅 。
但係 羅剎人 心目之中 啊 ，對 成吉思汗 嘅 畏懼 呢 根深蒂固 。
雙兒 嘅 點穴 又 十分 精妙 ，佢 親眼 睇住 嘅 ，唔到 佢 唔信 。
佢 係 先 到 帳篷 。
冇幾耐 ，韋小寶 、索額圖 、佟國綱 等 清方 大臣 亦都 到嘞 。
韋小寶 見到 對方 唔 帶 衞隊 ，於是 命令 護衞 嘅 藤牌手 亦 退翻翻去 。
噉 雙方 講咗 幾句 客套話 ，完全 冇 提 尋日 嘅 事 ，就 開始 談判 劃界 。
費要 多羅 但 求 談判 促成 啊 ，所以 事事 讓步 ，同 尋日 嘅 態度 完全 唔同晒 。
韋小寶 個 心 偷笑 嘞 ，知道 尋晚 周瑜 群英會 戲 蔣幹 嘅 計策 已經 成功 。
佢 對於 劃界 嘅 事 呢 一竅不通 㗎 ，就 由 索額圖 經由 教士 傳譯 ，同 對方 商議 條款 。
只見 索額圖 同 費 要 多羅 兩個人 ，將 一張 大地圖 鋪 喺 枱 上 。
索額圖 嘅 手指 呢 ，不停 噉 向住 北便 猛指 。
費 要 多羅 皺起 眉頭 ，手指 啊 一寸一寸 噉 向 北 退讓 。
呢隻手指 喺 地圖 上 便 向 北 讓得 一寸 ，噉 就係 百幾里 嘅 土地 歸屬 咗 中國 嘞 。
韋小寶 聽咗 一陣 ，就 唔耐煩 喇 ，就 坐去 另外 一張 枱 ，叫 侍從 攞 個 食盒 嚟 ，翹起 隻 腳 ，慢慢 歎 其 糕餅 點心 嘞 。
費 要 多羅 決心 退讓 ，索額圖 呢 ，亦 怕 有 變化 ，所以 就 唔 敢 過分 。
條約嘅 文字 嚴謹 ，噉 雙方 教士 將 條約 譯成 拉丁文 ，反覆 商議 ，亦都 幾 嘥 時間 嘅 。
到咗 第四日 傍晚 ，尼布楚 條約 條文 六條 全部 商談 妥善 。
噉索額圖 同 佟國綱 解 畀 韋小寶 聽 ，話 條約 內容 對於 中國 甚為 有利 。
割歸 中國 嘅 土地 就 極為 廣大 ，比起 康熙 要求 嘅 多得多 嘞 。
條約 總共 有 四份 ， 中國 文 一份 ， 羅剎 文 一份 ， 拉丁文 兩份 ， 訂明 雙方 文字 之中 ， 如果 有 意義 不符 嘅 ， 以 拉丁文 為準 。
噉啊隨從 磨到 啲墨 濃一濃 ，蘸到 支筆 淰一淰 ，恭請 中國 首席 欽差 大臣 簽字 。
韋小寶 自己 個 名 嗰 三 個 字 呢 ，佢 係 識得 嘅 。
三個 字 聯埋 一齊 呢 ，就 唔係 點 會 搞錯 。
但係 講到 書寫 ，中間 個 小字 勉強 可以 對付 ，其餘 一頭一尾 兩個 字 ，無論 如何 係 寫唔出嚟 。
佢 生平 難得 面紅 啊 ，而家 竟然 塊 面 呢 微微 有啲 朱砂 噉色 ，唔係 嬲怒 亦 唔係 酒意 ，係 有咗 三分 慚愧 啊 。
索額圖 係 佢 知己 ，就 話 ：
呢啲 合同 文字 ，只要 簽 個 花押 就 可以 㗎 喇 。
韋大人 求其 寫個 小字 ，就算 係 簽字喇 。
韋小寶 歡喜 到 乜噉 ，諗住 寫 呢個 小字 我 係 拿手好戲 啦 ，就 攞起 支 筆 嚟 ，左便 ，圓沊沊 一點 ，右便 ，圓沊沊 一點 ，然後 中間 一條 槓 筆直 噉 戙落嚟 。
索額圖 微笑 話 ：得嘞 ，寫得 好 到 極 啊 。
噉 韋小寶 喺 四份 條約 上面 都 畫咗 字 ，喺 羅剎文 嗰 份 條約 上 便 ，中間 嗰 一 戙 呀 畫得 加倍 巨大 。
然後 費 要 多羅 、索額圖 、俄方 副使 等 都 簽署 咗 嘞 。
中俄 之間 嘅 第一份 條約 ，就 噉樣 簽署 完成 。
呢份 ，係 中國 同 外國 所 訂立 嘅 第一 份 條約 。
由於 康熙 籌劃 周詳 全力以赴 ，而 所派 嘅 人員 又 十分 得力 ，所以 尼布楚 條約 劃界 啊 ，中國 大佔 便宜 。
條約規定 ：北方 以外 興安嶺 為 界 ，而家 蘇聯 嘅 阿穆爾省 ，同 濱海省 全部 土地 冚𠾴唥 屬於 中國 ，東方 ，同 東南方 到 海 為止 。
雙方 議 界 嘅 時候 ， 嗰 笪 地區 呢 本來 就 冇 歸屬 嘅 ， 噉 中國 所 佔 嘅 地方 呢 ， 亦 唔 係 屬於 羅剎 。
但係 羅剎 啊 已經 喺 當地 築城 殖民 ，噉 簽約 之後 呢 就 被迫 撤退 ，呢個 啊 ，係 中國 軍事 及 外交 上 嘅 勝利 。
條約裏 便 劃歸 中國 嘅 土地 總面積 ，達到 二百萬 方公里 ，大過 今日 中國 東北 各 省 一倍 有多 。
呢個 條約 訂立 之後 ，使到 中國 東北 邊境 獲得 一百五十幾年 嘅 安寧 ，而 羅剎 就 東 侵 受阻 ，侵略 野心 ，因此 收斂 咗 啲 。
自康熙 、雍正 、乾隆 各朝 以後 ，清廷 同 外國 定約 啊冇 一次 唔係 喪權失地 嘅 。
康熙 同 韋小寶 當年 大振 國威 之 雄風 ，後世 啊 都 再 睇唔到 咯 。
噉 根據 當時 習慣 ，雙方 啊 同時 鳴炮 ，向 天 立誓 ，信守 不渝 。
清方 大炮 有 四百幾 門 ，喺 尼布楚 城 東南西北 四面 同時 響起 ，大地 震動 啊 。
俄方 大炮 只有 二十幾 門 ，炮聲 寥寥 ，一強一弱 ，嘿 ，真係 蚊髀 同 牛髀 嘞 。
費 要 多 羅 個 心 喺 處 大叫 好彩 ，如果 和議 談 唔掂 ，一 開 起 仗 嚟 呀 俄國 非 一 敗塗地 不可 啊 。
嗱 各位 ，欲知 後事 如何 ，且 聽 下回 分解 。
