前文 再續 啊 書 接 上 一回 。
話說 韋小寶 聽見 帳篷 外 便 ，哥薩克 騎兵 啊 大聲 吶喊 ，哇 嚇到 佢 周身 滴滴 震 ，一蜎 ，就 蜎咗 落去 枱底 。
佟國綱 同 索額圖 你 睇 我 我 睇 你 ， 個心 都 不禁 有 啲 慌 起 上 嚟 嘞 。
突然間 ，帳門 掀開 ，一名 將官 大踏步 行入嚟 ，乃係 帶領 藤牌兵 嘅 林興珠 啊 ，佢 話 ：啟稟 大帥 ，誒 。
咦 ，唔見咗 大帥 噃 。
韋小寶 喺 枱 底下 便話 ： 我 ， 誒 我 ， 我 喺 呢 度 啊 ， 大 ， 大家 ， 大家 快 啲 逃跑 啦 。
林興珠 踎低 個身 ，對住 枱底 嘅 韋大帥 話 ：
啟稟 大帥 ，羅剎 兵 聲勢 洶洶 ，我哋 唔能夠 示弱 ，不如 打鬼佢 啦 。
韋小寶 聽 佢 講得 咁 剛勇 ，心神 一定 ，立即 喺 枱 底 蜎翻 出嚟 。
先頭 事情 嚟得快過頭 啊 ，以致 匿入 枱底 啫 ，其實 佢 亦 唔係 一味 膽怯 嘅 。
佢 拍下 心口 話 ：冇錯 ，打鬼佢 ，老子 身先士卒 ，勇往 ，誒 勇勇往 唔前 ，誒 唔係 唔係 唔係 ，勇往 值錢 ！
佢 諗住 勇往 先至 值錢 ，唔 勇往 就 唔 值錢 嘞 。
佢 拉住 林興珠 隻 手 行 出 帳 外 。
一出帳門 ，只見 二百六十名 哥薩克 騎兵 高舉 長刀 ，騎住 高頭大馬 圍住 帳篷 耀武揚威 ，一圈圈 噉 猛咁 跑 。
費 要 多羅 一 聲 令下 ，噉 眾 騎兵 啊 遠遠 跑開 ，喺 二百 幾 丈 之外 列 成 隊伍 ，二十六 騎 一 行 ，十 行 騎兵 排 得 齊齊整整 。
突然間 ，高聲大叫 ，向住 韋小寶 啊 急衝過嚟 。
哎呀 嚇到 韋小寶 魂飛魄散 ，就 想 走翻 入去 營帳 嘞 噃 ，噉 轉念 一諗 ：
羅剎鬼 如果 要 殺 我 ，匿入 去 營帳 都 會 畀 佢 揪翻出嚟 嘅 啫 ，唔好 丟架 ！
佢 全身 發抖 ，面 如 土色 ，哈 ，但係 居然 企硬 喺 處 唔 逳 噃 。
林興珠 大叫 話 ：藤牌手 保衞 大帥 ，過嚟 ！
二百六十 名 藤牌手 齊聲 應 佢 話 ：係 ！
噉啊 快步 走過嚟 ，企 喺 韋小寶 等 眾 大臣 嘅 前便 。
韋小寶 喺 靴筒 裏 便 掹出 匕首 ，佢 諗 ：
如果 羅剎鬼 真係 要 打 呢 大家 就 鬥 一場 係 啦 。佢 話 ：
索大哥 唔使 怕 㗎 ，我 保護 你 。
佢 衝 到 索額圖 前 便 企 響 處 ，佢 諗 ：
義氣 唔能夠 唔講 啊 。
索額圖 係 個 文官 ，早就 嚇到 魂不附體 喇 佢 話 ：
誒 全全全全 ，誒誒誒 ，全靠 兄弟 㗎喇 ，吓 ，誒誒 ，全靠 兄弟 㗎喇 。
只見 十排 哥薩克 騎兵 急 衝過嚟 ，衝到 離開 清兵 五丈 之外 ，行先 嘅 隊長 長刀 虛劈 ，一聲 呼喝 。
眾騎兵 挺身 勒馬 ，二百六十 匹 馬 同時 停住 腳步 企定 。
噉嗰個隊長 又 試 一聲 呼喝 ，眾騎兵 從 中 分為 兩 隊 ，一百三十 騎 向 北 ，一百三十 騎 就 向 南 。
跑咗 幾十丈 ，兜咗 個圈 ，又 返到 離開 帳篷 二百幾丈 遠 嗰處 企定 ，隊形 啊 一啲 都 冇 亂 。
二百六十 騎 人馬 就 好似 係 一人 一騎 噉 ，果然 係 訓練 有素 嘅 精兵 啊 。
費 要 多羅 哈哈大笑 ，高聲 大叫 話 ：
公爵大人 ，你 睇 我哋 啲 羅剎兵 點 啊 ？
韋小寶 呢陣時 先至 知道 佢 不過 係 炫耀 武力 嚟到 示威 ，嬲到 佢 不得了 就 話 ：
你呢啲 係 馬戲班 玩 馬騮戲 啫嘛 ，打起仗上嚟 一啲 用處 都 冇 嘅 。
費 要 多羅 亦 嬲 嘞 ：我哋 再 嚟 ！
佢 諗 ：呢 一次 直衝 到 你 面前 ，我 睇 你 逃走 唔 逃走 。
就 大叫 話 ：將 中國兵 嘅 帽 ，都 削落嚟 ！
哥薩克 騎兵隊長 叫 出 號令 ，二百六十 名 騎兵 ，又 飛跑 過嚟 喇 。
韋小寶 話 ：藤牌手 ，斬 佢 馬腳 ！
林興珠 話 ：得令 ！斬 佢 馬腳 ，唔好 傷人 。
只聽見 蹄聲 如 雷 ，二百六十 匹 馬 越 跑 越 近 嘞 。
哥薩克 騎兵 嘅 長刀 喺 太陽光 之下 閃閃發光 。
眼見 跑到 身前 三十丈 、二十丈 、十丈 仲未停步 ，又 跑近咗 四五丈 。
林興珠 大喝 ：滾堂刀 ，上前 ！
二百六十 名 藤牌手 一 跳 衝 上前 ，喺 地下 就 轆過去 。
呢 二百六十 人 ， 都 係 林興珠 親手 教練 出 嚟 嘅 地 堂 刀 好手 ， 身法 刀法 非常 熟練 ， 翻滾 上前 ， 藤牌 護身 ， 唔 見 露出 刀光 嘅 。
哥薩克 騎兵 突然間 見到 清兵 喺 地下 轆過嚟 ，都 大為 詫異 嘞 。
雅克薩城 守軍 啊 曾經 吃過 藤牌手 嘅 苦頭 ，但係 嗰啲 守軍 死 嘅 死 被俘 嘅 被俘 ，早就 全軍 覆沒 。
呢隊 哥薩克 騎兵 呢 ，就 新新 喺 莫斯科 護送 費 要 多羅 嚟 東方 嘅 ，從來 未 見過 藤牌兵 嘅 打法 。
都 諗 你哋 喺 地下 轆嚟轆去 ，太過 蠢 咯 ，畀 馬 踩 死咗 就 唔怪得 人 。
好快脆 ，第一列騎兵 ，已經 同 藤牌兵 碰埋一齊嘞 ，猛然間 啲 馬 叫起上嚟 ，紛紛 𢴈低 。
藤牌 兵 利刃 揮出 ， 一刀 就 斬 甩 一兩隻 馬腳 ， 噉 藤牌 護身 啊 停 都 唔 停 噉 斬 過去 。
喺 羅剎 兵人 喊 馬 嘶聲 中 ，藤牌兵 啊 已經 轆過 十行 騎兵 ，斬低 一百 七八十 隻 馬腳 ，喺 哥薩克 騎兵 陣 後排 好 隊形 嘞 。
林興珠 率領 藤牌兵 快步 跑 翻轉頭 ，又 排列 喺 韋小寶 前 便 。
二百六十 人 當中 ，只有 十幾個 人 畀 馬 踩傷 壓傷 ，噉 傷勢 都 好 輕 ，傷員 忍住 痛楚 ，仍然 企 喺 隊伍 裏 便 啊 。
二百六十 名 哥薩克 騎兵 呢 大半 𢴈咗 落馬 ，有 啲 啊 畀 隻 馬 矺住 ，癱 喺 地下 呻吟 呼號 。
噉 只有 幾十人 呢 騎住 馬 趯開 ，大部分 係 企 喺 地下 手足無措 。
呢啲 騎兵 一生 喺 馬背 過日 ，只有 騎 喺 馬 上 呢 ，先至 彪悍 驍勇 ，噉 雙腳 一掂 地 就 好似 係 游魚 出水 ，無所 憑藉 嘞 。
韋小寶 話 ：分兵 一半 ，圍住 羅剎 大官 。
林興珠 發出 號令 ，即刻 就 有 一百名 藤牌手 將 費 要 多羅 等 十幾名 官員 圍住 。
一把把 大刀 組成 一個 刀圈 ，刀鋒 就 向住 圈內 。
只要 一聲令下 ，呢 一百 把 大刀 斬落去 ，費 要 多羅 嗰 班 人 呀 ，嘿 仲 有 話 唔 變成 羅剎 肉餅 咩 ？
哥薩克 騎兵 嘅 正 副 隊長 見到 噉樣 嘅 情形 就 飛跑過嚟 大叫 話 ：唔好 傷人 ，唔好 傷人啊 ！
韋小寶 擰轉頭 對着 住 親兵 裝束 嘅 雙兒 話 ：過去 點咗 佢哋 嘅 穴道 。
好！ 雙兒 縱身而出 ，去到 哥薩克 騎兵 隊長 身後 ，用 手指 點咗 佢 後腰 穴道 ，跟住 ，又 點咗 副隊長 嘅 穴道 。
有個 小隊長 喺 懷內 拔出 一支 短槍 佢 話 ：唔准 逳 ！
雙兒 揦住 身邊 一名 羅剎兵 ，擋住 自己 前便 ，推 佢 行 前 幾步 。
噉嗰個小隊長呢就唔敢開槍 ，又叫咗一聲 ：唔准逳啊 。
雙兒 揦起 嗰個 羅剎兵 向 佢 掟過去 。
嗰個 小隊長 吃咗 一驚 ，閃身 避開 啦 。
雙兒 已經 跳埋 去 喇 ，點 咗 佢 胸口 同 腰間 嘅 穴道 ，一手 搶 佢 支 槍 ，向 天 嘭 一 聲 ，開咗 一 槍 。
韋小寶 大聲話 ：好啊 ，雙方 講好 唔准 攜帶 火器 嘅 ，你哋 羅剎鬼 太過 唔講信用 喇 ！
行前幾步 ，對 費 要 多羅 話 ：
喂 ，你 叫 手下人 拋低 刀劍 ，一齊 落馬 排好隊 ，身上 攜帶 火器 嘅 都 繳出嚟 。
費 要 多羅 眼見 無可抗拒 ，就 傳出 號令 嘞 。
哥薩克騎兵 只有 拋低 刀劍 落馬 排隊 。
韋小寶 吩咐 一百六十名 藤牌手 四面 圍實 ，噉啊 搜查 羅剎兵 。
二百六十 人 嘅 身上 ，竟然 摷出 二百八十幾 支 短槍 。
原來 有 啲 係 一個 人 係 帶 咗 兩支 嘅 。
尼布楚城 下 羅剎兵 見到 情況 有變 唄 就 慢慢 行過嚟 。
東便 清軍 亦都 開步 行過去 。
兩軍 距離 幾百步 遠 ，就 列陣 對峙 。
羅剎兵 望見 主帥 被圍 ，只有 暗暗 叫苦 啦 ，就 唔敢 再 逳 嘞 。
韋小寶 問 費 要 多羅 話 ：侯爵 大人 ，你 帶咗 咁多 槍 嚟 ，做咩 啊 ？吓 ？玩 啊 ？
費 要 多羅 耷低 個 頭 ，佢 話 ：非常 對唔住 。
我 個 衛兵 唔 聽 命令 暗中 帶咗 槍 嚟 ，等陣 返去 我 重重 責罰 佢哋 。
韋小寶 話 ：藤牌手 ，解開 自己 衣服 ，畀 佢哋 睇下 ，有冇 攜帶 火器 。
二百六十 名 藤牌 手 拋開 藤牌 ，用 左手 解開 衣服 ，右手 呢 仍然 係 高舉 大刀 ，就 防備 對方 逳手 。
噉 各人 解開 衣服 ，袒露 胸膛 ，噗噗噗 噉 跳 幾下 ，果然 冇 一個人 攜帶 火器 。
費 要 多羅 嘅 心中 好 慚愧 ，耷低 個 頭 唔 出聲 嘞 。
韋小寶 用 羅剎話 大聲 話 ：
羅剎人 做事 都 唔 要 面 嘅 ，將 佢哋 嘅 衫褲 ，冚𠾴唥 除落嚟 ，睇下 佢哋 仲 有 冇 帶 槍 。
費要多羅 大驚 啊 連忙 話 ： 哎呀 ， 公爵 大人 ， 請 你 開恩 ， 你 ， 你 如果 剝 我 條褲 我 ， 我 ， 我 唯有 自殺 嘞 。
條褲 呢 係 非剝不可 嘅 。
請你 饒恕 一次 啦 ，其他 嘅 事情 ，一切 都 照 你 吩咐 做 。
先頭 你 嘅 騎兵 衝過嚟 啊 ，嚇到 我 蜎入 枱底 ，大失 公爵 大人 嘅 面子 ，呢件事 又 點算 啊 ？
費 要 多 羅 個 心 諗 ：係 你 自己 膽小 啫 我 有 乜 法子 喎 ？
但 係 見到 身邊 清兵 刀 光閃閃 就 只有 話 ： 敝 人 願意 賠償損失 ， 願意 賠償損失 。
韋小寶 歡喜 喇 佢 諗 ：羅剎 竹槓 送 上 門 嘞 喂 。
但 一時 又 諗唔出 要 佢 賠償 乜嘢 啊 ，就 傳下 命令 ：將 羅剎 大官 小兵 嘅 褲頭 帶 冚𠾴 唥 都 割斷 佢 。
藤牌手 大叫 話 ：得令 ！
噉舉起利刀 ，插入 羅剎人 條 腰處 ，刀口 向外 一拉 ，褲頭帶 係 當堂 斷晒 。
由費 要 多羅 數起 ，所有 羅剎人 啊 人人 都 嚇到 魂飛天外 ，雙手 啊 緊緊 拉住 褲頭 ，慌死 條 褲 跌咗 落地 。
韋小寶 哈哈大笑 傳令 話 ：押住 羅剎人 得勝 回營 。
呢陣時 ，羅剎 官兵 啊 人人 擔心 嘅 只係 條 褲 跌落嚟 唧 ，所以 就 毫不 抗拒 ，跟住 清兵 啊 列隊 向 東 。
佟國綱 笑住 話 ：哈哈哈哈 ，韋大帥 嘅 妙計 ，真係 令人 佩服 啊 。
割斷咗佢哋條褲頭帶 ，等於 喺 頃刻之間 ，將 二百六十名 羅剎 官兵 冚𠾴 唥 雙手 反綁 嘞 。
韋小寶 笑住 話 ：羅剎 男人 呢 就 最 怕 甩褲 噃 ，羅剎 女人 呢 反而 唔 怕 哈 你 話 古怪 唔 古怪 呢 。
佟國綱 等人 都 咭咭聲 咁 笑啊 。
一行人 同 大軍 會合 ，清軍 啊 推出 四百幾 門 大炮 除咗 炮衣 ，炮口 啊 對準 羅剎軍 。
當其時 羅剎國 雖然 係 火器 犀利 ，但係 喺 東方 呢 ，就 比唔上 康熙 呢次 有備而戰 嘞 。
康熙 以 全國 所有 大炮 嘅 半數 ，調到 尼布楚 前線 。
所以 無論 兵力 火力 ，都係 清軍 強大 幾倍 。
羅剎軍 突然間 見到 咁多 大炮 ，大家 都 互相 望下 都 好 驚啊 。
統軍 將官 啊 連忙 傳令 回城 ，緊閉 城門 。
不過 清軍 呢 ，亦 冇 攻城 。
呢陣時 ，哥薩克 騎兵 嘅 隊長 、副隊長 同埋 一名 小隊長 啊 畀 雙兒 點 咗 穴道 ，唔 逳得 。
三個人 好似 泥塑木雕 一樣 ，企 喺 空地 嗰處 。
羅剎眾兵將 返 入 尼布楚城 嘅 時候 啊 十分 匆忙 ，並 冇 留意到 。
而家 喺 城頭 望見 ，都 好 驚奇 啊 ，但係 呢 都 唔 敢 出 城 救翻 佢哋 。
過咗 半個 時辰 ，見 呢 三個 人 仍然 企 響 處 唔逳得 ，噉 就 有 一隊 哥薩克 騎兵 啊 出 城 嚟 救 佢哋 嘞噃 ，只係 行得 十幾 丈 遠 ，清軍 大炮 就 轟 過 嚟 喇 。
守城將軍 啊 連忙 叫 號兵 吹起 退軍號 ，將 呢隊 騎兵 召翻嚟 。
佢 怕 清兵 湧過嚟 ，連 出城 嘅 救兵 啊 亦 損失 埋 啊 。
噉啊城上城下 ，兩軍 遙遙 望見 三個人 定住 唔逳 ，姿勢 古怪 。
清兵 啊 鼓噪 大笑 ，羅剎兵 啊 人人 都 慌到 死死下 。
韋小寶 將 費 要 多羅 佢哋 請 入 中軍 帳 內 ，分 賓主 坐落 。
韋小寶 一味 笑 騎騎噉 唔出聲 。
費 要 多羅 好嬲 噉 話 ：公爵 大人 ，你 唔使 同 我 耍把戲 ，你 鐘意 殺 就 殺啦 。
韋小寶 笑住 話 ：你 同 我 係 朋友 ，為 咩事 要 殺 你 唧 ？
我哋 仲係 嚟 談 下 劃界 嘅 條款 啦 。
佢 諗 而家 對方 議界 大臣 ，已經 落入 自己 掌握 之中 咯 ，噉 無論 自己 提出 咩 嘢 條件 ，對方 都 難以 拒絕 嘅 。
誰知 費 要 多羅 係 軍人 出身 ，性情 十分 倔強 ，佢 昂然 話 ：
我係 你嘅 俘虜 ，唔係 對等 議界 嘅 使節 。
我 處喺 你 嘅 威脅 之下 ，咩嘢 條款 都 唔 能夠 談 。
就算 談妥嘞 ，簽咗 字 ，亦係 無效嘅 。
韋小寶 話 ：點解 冇效 呢 ？
一切 條款 都係 你 定 嘅 仲 談 咩 啊 ？
你 唔能夠 逼 我 同 你 談判 。
吖 為咩嘢 唔能夠 逼 你 談判 呢 ？
我 決不屈服 。
你 一刀 殺 咗 我 ， 或者 開槍 打死 我 啦 ， 即 管 逳 手 啦 。
噉 如果 我 叫 人 剝 咗 你 條 褲 呢 ？
費 要 多 羅嬲 到 極 啊 ，噗聲 企 起身 ，佢 話 ：你 。
只係 講咗 一個 你字 唧 ，條 褲 突然間 瀡落去 ，急忙 一手 揦翻住 。
佢 條褲頭帶 已經 畀 人哋 割斷咗 ，坐 喺 張 椅 處 呢 ，就 唔 使用 手 揦住 啦 ，發起 惡 嚟 企 起身 ，就 一時之間 啊 唔記得咗 噃 ，好彩 及時 搶救 先至 冇 出 醜 。
帳內 清方 大官 侍從 人人 哈哈大笑 。
費要 多羅 激到 面 都 白晒 ，雙手 揦 實 褲頭 神情 極之 狼狽 。
噉 想話 講 一番 慷慨激昂 嘅 説話 啦 ，但係 雙手 唔 能夠 揮舞 嚟 加強 聲勢 啊 ，想 點樣 慷慨激昂法 亦係 勢必 有限 㗎 喇 。
於是 出力 呸咗 一 聲 ，就 坐翻低 佢 話 ：
我 係 羅剎國 沙皇 陛下 嘅 欽使 ，你 唔能夠 侮辱 我 。
韋小寶 話 ：你 唔使 擔心 ，我 唔會 侮辱 你 。
我哋 仲係 好好地 嚟 談 下 劃分 國界 啦 。
費 要 多羅 喺 衫袋 裏 便 攞咗 條 手巾仔 出嚟 ，包住 自己 嘅 嘴 ，喺 後枕 打咗 個 裂 ，意思 即係 話 呢 ，點 都 唔 談 㗎 喇 。
韋小寶 吩咐 親兵 攞 美酒 佳餚 嚟 擺 喺 枱 上 ，又 喺 酒杯 裏 便 斟 咗 酒 ，笑住 話 ：請 ，唔使 客氣 㗎 。
費 要 多羅 聞到 酒菜 香味 ，佢 忍耐 唔住 嘞 就 解開 手巾仔 ，舉杯 就 飲 。
韋小寶 笑住 話 ：嘿嘿 ，侯爵 又 用 把 嘴 喇 。
費要多羅 飲酒 食 餸 ， 不過 呢 就 唔 回答 ， 表示 個 嘴 啊 ， 只 係 用 嚟 食 嘢 嘅 啫 ， 唔 做 第樣 嘢 嘅 。
韋小寶 啊 猛咁 勸佢 飲酒 ，諗住 將佢 灌醉咗 ，或者 能夠 令佢 屈服 。
誰知 費 要 多羅 飲咗 十幾 杯 酒 ，食咗 幾件 牛肉 ，將 手巾仔 抹 下 個 嘴 ，又 將 自己 嘅 嘴 綁 翻 實 喇 。
韋小寶 見到 噉嘅 情形 ，亦都 覺得 好好笑 啊 ，就 叫 親兵 帶 佢 去 後帳 休息 ，嚴加 看守 。
自己 就 同 索額圖 、佟國綱 等人 啊 商量 對策 。
佟國綱 話 ：呢個 人 咁 硬頸 ，堅決 唔肯 談和 ，但係 就 噉 放 佢 返去 ，又 於心不甘 啊 。
索額圖話 ：韞得佢 十日八日 ，每日 喺佢面前 ，殺啲 羅剎鬼 ，睇佢 仲 硬頸 唔硬頸 吖嗱 ？
佟國綱 話 ：如果 將 佢 逼死咗 ，呢件事 就 會 搞到 僵晒 。
我哋 用 武力 俘虜 對方 嘅 議和 劃界 大臣 ，皇上 講 唔埋 會 降罪 㗎 噃 。
索額圖話 ：係噃 ，佟公爺 講得啱啊 ，同 佢 一味 夾硬 嚟 呢 亦唔係 辦法 嘅 。
噉班 大臣 商量咗 好耐 都 冇 好 嘅 辦法 。
今日 捉到 費 要 多羅 ，雖然 ，係 一場 勝仗 ；
不過 就 唔係 皇上 謀和 嘅 本意 ，可以話 ，已經 違背 咗 朝廷 大計 ，一旦 處理 唔妥 ，就 會 成為 違旨 嘅 重罪 。
所以 講到 收尾 呢 ，班 大臣 都 勸 韋小寶 仲 係 放翻 費 要 多羅 。
韋小寶 話 ：好啦 ，我哋 扣留 佢 一晚 先 ，聽朝早 放 佢 走 啦 。
韋小寶 返入去 寢帳 ，踱來踱去 喺度 諗計 。
忽然間諗起 ：以前 學 諸葛亮 啊 火燒盤蛇谷 ，喺 雅克薩 打咗 個 大勝仗 ，老子 而家 再嚟 學下 周瑜 群英會 戲 蔣幹 至得 。
噉仔細 諗度咗 一輪 ，已經 有計嘞 。
佢 返去 中軍帳 ，請咗 傳譯 嘅 荷蘭 教士 嚟 ，同 佢 靜靜 噉 斟 咗 一輪 ；
又要佢 教咗 二十幾句 羅剎話 ，點樣 正確無誤 喇 ，再 傳 四名 將領 同 親兵隊長 嚟 ，吩咐 如此如此噉 。
眾人 得咗 命令 就 去 嘞 。
話 説 費要多羅 喺 後 帳 瞓覺 ， 個心 思潮起伏 ， 一時 驚慌 一時 又 悔恨 ， 又 點樣 瞓 得 着 呢 ？
翻來覆去噉捱到半夜 ，只聽見 帳篷門口 ，噁噁聲 鼻息如雷 ，三名 看守 嘅 親兵 呢 ，吖 竟然 瞓着 晒 噃 。
費 要 多羅 諗 ：如果 唔 應承 中國 蠻子 嘅 條款 ，一定 難以 脱身 嘅 。
聽日 激到 嗰個 小鬼 嬲 起上嚟 將 我 殺 咗 豈唔係 冤枉 ？
好在 呢 三名 衞兵 都 瞓着 晒 ，不如 冒險 逃走 罷啦 。
就 拈手拈腳 起咗 身 ，除咗 件 軍裝 打斜 孭 嘅 皮帶 綁 喺 條 腰 處 ，噉 就 唔使 甩 褲 嘞 ，輕輕 行 到 帳篷 門口 ，只見 三 名 親兵 挨住 帳篷 條 柱 瞓 到 淰淰 。
費 要 多羅 伸手 去 一名 親兵 條 腰處 ，想 拔 佢 個 佩刀 。
嗰個 親兵 突然間 打咗 個 乞嗤 ，費 要 多羅 大吃一驚 啊 連忙 縮手 。
過咗 好耐 ，唔見 有 咩 動靜 ，又 想 去 攞 另外 一名 親兵 嘅 佩刀 。
嗰名 親兵 忽然間 伸 個 懶腰 ，講咗 幾句 夢話 。
費 要 多羅 唔敢 耽擱 嘞 ，就 靜雞雞 出咗 帳篷 門口 ，好彩 三名 親兵 冚𠾴 唥 唔知 唧 。
佢 行 到 帳篷 外 便 ，縮埋 喺 陰影 裏 便 ，見到 外 便 衞兵 啊 挽住 燈籠 ，執刀 巡邏 。
北 、東 、南 ，三面 都有 巡邏 嘅 士兵 ，只係 西 便 黑𠵼𠵼 噉 ，似乎 冇 人 ，於是 一步步 噉 壓過去 。
一 遇到 巡邏 嘅 士兵 行近 ， 就 縮 埋 喺 帳篷 後 便 。
好在 一路 向西 呢 都係 太平 無事 嘅 ，噉 啱啱 行到 一座 大 帳篷 後 便 ，突然間 西 便 有 一隊 巡邏兵 過嚟 。
費要 多羅 連忙 喺 帳篷 後 便 匿埋 ，就 聽見 帳篷裏 便 有人 講説話 ，講 嘅 竟然 係 羅剎 話 。
只聽見 嗰個人 話 ：公爵大人 決心 要 去 攻打 莫斯科 ，亦唔係唔可以 ，不過 ，路途 遙遠 十分 危險 唧 。
費 要 多羅 大驚 啊 ，立即 伏低 個 身 ，掀開 帳篷 嘅 篷腳 裝入去 ，一望 ，哇 個 心 嘭嘭聲 跳 啊 。
原來 帳內 燈火 照耀 如同 白晝 ，韋小寶 全身 披褂 ，着住 軍裝 ，坐 喺 中間 ，兩便 係 十幾 員 大將 企 響 處 ，帳下 幾十 名 親兵 手執 大刀 。
韋小寶 枱邊 啊 企住 嗰 個 做 譯員 嘅 荷蘭 教士 ，正在 同 佢 講緊 嘢 噃 。
嗱 各位 ，欲知 後事 如何 ，且 聽 下回 分解 。
