前文 再續 啊 書 接 上 一回 。
話說 韋小寶 啊 問 公主 殿下 要 佢 辦 咩 事 呢噉 ，齊洛諾夫 話 ：
第一件 ，兩國 和好 ，公平 劃定 疆界 ，從此 再不 交兵 。
韋小寶 諗嘞 ：小皇帝 正係 要 噉樣 ，呢一件 辦得到 吖 。
但係 佢 皺起 眉頭 話 ：
你哋 羅剎國 西 便 有 一個 瑞 ，瑞咩 國 嘩 ？誒 派 咗 使者 嚟 ，要 同 我哋 一齊 出兵 ，東西 夾攻 羅剎 ，將 你哋 國家 平分 。
噉嗰個 時候 咩 大俄羅斯 、小俄羅斯 、不大不小中俄羅斯 ，黑俄羅斯 、白俄羅斯 、仲有 五顏六色 花俄羅斯 ，各種 美女 要 幾多 有 幾多 ，亦唔使 你哋 公主殿下 送 啦 。
何況 每樣 只係 送 一名 ，亦 太過 寒酸 小氣 啦 。
兩名 羅剎 隊長 一聽 都 大吃一驚 啊 。
當其時 瑞典 國王 查理 十一世 在位 ，佢 亦 係 個 英明 有為 嘅 少年 君主 ，整軍 經武 ，頗 有 意 東征 羅剎 㗎 ，日來 大隊 兵馬 源源 向 東 開拔 。
噉 莫斯科 朝廷 上下 文武 大臣 呢 ，正在 擔心 ，吖 想唔到 瑞典 竟然 會 諗到 同 中國 聯盟 。
羅剎 雖 係 強大 啊 ，但係 如果 腹背受敵 ，噉 就 大勢 去矣 咯 。
韋小寶 見到 兩個人 嘅 面色 ，哼 ，知道 自己 虛晃一招 ，已經 生效 嘞 ，就 話 ：
但係 我 同 公主殿下 係 甜心 好朋友 ，又 點能夠 應承 瑞咩國 嘅 蠻子 呢 ？
而家 ，我哋 中國 皇帝 仲未 揸得定 主意 ，如果 羅剎國 確實 係 誠心 求和 咯 ，噉 我 可以 趕 瑞咩國 嘅 使者 回國 㗎 。
兩名 隊長 歡喜 到 乜嘢 噉 ，猛咁 話 ：
係啊係啊 ，羅剎國 十分 誠意 ，一啲 都 冇 假 嘅 。
請 中國 細佬 哥 大人 快啲 將 瑞典 國 嘅 使者 趕走 ，欸 最好 呢 ，一刀 斬咗 佢 嘅 頭 。
韋小寶 話 ： 唔 得 ， 使者 嘅 頭 係 唔 斬 得 㗎 嘛 何況 佢 已經 送 咗 我 好多 寶石 ， 十幾個 美女 ， 噉 呢 一刀 都 斬 唔 落 㗎 ， 係 唔 係 ？
兩位 隊長 啊 一味 話 係 係 係 。
個心諗 ：原來 瑞典國 ，仲 加額 遷就 ，先 送貨 後 收錢 ，呢一手 啊 漂亮過 我哋 喇 。
好在 中國 細佬 哥 大人 係 我哋 公主 嘅 甜心 唧 ，如果 唔係 呀 ，哼 呢件事 就 𢰸晒 喇 。
韋小寶 問嘞 ：噉 公主殿下 仲 要 我 辦 咩事 呢 ？
華伯斯基 微微 笑話 ：
公主 殿下 真正 想要 中國 細佬哥 大人 辦 嘅 事 ， 係 要 請 你 去 莫斯科 克里姆林宮 公主 寢室 裏 便 辦 嘅 。
韋小寶 諗 ：嗯 呢啲 係 羅剎 迷湯 ，簡稱 就係 羅剎湯 ，可 飲 不 可信 啊 。
笑住話 ：原來 你哋 羅剎 男人 都 唔 中用 嘅 。
齊洛諾夫 話 ：噉 亦 唔係 羅剎 男人 唔中用 ，不過 公主 殿下 特別 想念 中國 細佬 哥 大人 啫 。
韋小寶 諗 ：嗯 ，又係 一碗 羅剎湯 。佢 話 ：
公主 仲有 咩 第啲事 冇 啊 ？冇啦 嘛 ？
華伯斯基 話 ：公主殿下 要 請 中國 皇帝 陛下 准許 ，兩國 商人 可以 來往 兩國 國境 自由 通商 。
齊洛諾夫 話 嘞 ： 兩個 商人 來往 密切 嘞 ， 公主 就 時時 可以 寫信 送禮 畀 大人 啦 。
韋小寶 諗 ：豈有此理 又 嚟 一碗 。佢 話 ：
噉樣講 ，兩國 通商 公主 係 為 私 不為 公 嘞噃 ？
齊洛諾夫 話 ： 係 ， 係 ， 完全 係 為 咗 中國 細佬哥 大人 。
韋小寶 話 ：而家 我 唔係 細佬哥 嘞 ，你哋 唔好 再 叫 我 咩 中國 細佬哥 大人 喇 ，吓 。
兩個人 一齊 深深 鞠躬 話 ：係 ，係 ，中國 大人 閣下 。
好 ，你哋 去 休息 啦 。
我哋 要 去 尼布楚 ，你哋 跟埋 一齊 去 就係 喇 。
兩個人 都 吃咗 一驚 噃 互相 望咗 一眼 佢哋 諗 ：
中國大軍 去 尼布楚 做 乜嘢 呢 ？唔通 係 去 攻城 ？
韋小寶話 ：你哋 放心 啦 我 應承咗 公主 兩國 和好 ，唔再 打仗 就係 喇 。
噉 兩個人 又 一齊 鞠躬 話 ：多謝 中國 細 ，誒唔係 ，大人 閣下 。
噉 兩個 人 呢 就 告辭 走咗 嘞 。
話説 呢一日 ，羅剎 欽差 大臣 費 要 多羅 喺 尼布楚 城 得到 報告 ，話 清朝 大軍 嚟到 嘞 ，連忙 派 人 送信 ，請 清軍 喺 原地 駐扎 ，佢 立即 過嚟 會面 。
韋小寶 話 ：唔使 咁 客氣 喇 ，仲 係 我哋 嚟 拜客 罷 啦 。
噉 清軍 浩浩蕩蕩 直到 尼布楚 城下 。
薩布素 、 朋春 、 馬拉 ， 分別 統率 人馬 繞 到 尼布楚 城北 、 城南 、 城西 把守 住 要道 ， 既 截斷 咗 尼布楚 羅剎 軍 嘅 退路 ， 又 阻止 住 由 西 便 嚟 嘅 援軍 。
韋小寶 啊 親自 統率 中軍 駐扎 喺 城東 。
噉中軍流星炮射上天空 ，四面號炮齊響啊 。
尼布楚城 裏 便 嘅 羅剎 大臣 、軍官 、士卒 ，望見 清軍 雲集 圍城 ，軍容 壯盛 啊 人人 都 驚晒 。
費 要 多羅 準備咗 禮物 ，派 人 送去 清軍 嗰處 ，並且 寫 信 畀 中國 欽差 大臣 。
話 兩國 皇帝 已經 決定 罷兵 議和 嘞 ，呢次 會晤 呢 ，係 專門 係為咗 簽訂 和約 嘅 ，雙方 軍隊 就 不宜 相距 過近 ，以免 引起 衝突 ，有失 兩國 交好 噉 。
韋小寶 同 眾 大臣 商量 ，噉 大家 都 話 中華 上國 啊 不宜 橫蠻 ，應該 先 禮 後 兵 。
噉 韋小寶 於是 下令 退兵 幾里 ，駐扎 喺 什耳喀河 以 東 ；
又 命令 尼布楚 城 北 、城西 、城南 三面 嘅 清軍 ，退 入 山中 候命 。
費 要 多羅 見到 清軍 後撤 就 稍為 放心 嘞 ，噉 又 再 寫咗 一 封 文書 ，提出 四 點 相會 嘅 條件 ：
一 ，會見 地方 設 喺 尼布楚城 ，同 什耳喀河 之間 嘅 中央 ；
二 ，會見 嗰日 ，兩國 欽差 各 帶 隨員 四十 人 ；
三 ，兩國 各 出兵 五百 ，俄軍 啊 列 於 城下 ，清軍 啊 列 於 河岸 ；
四 ，兩國 使節 嘅 護衛 親兵 ，各 以 二百六十 人 為 限 ，除 刀劍 之外 ，唔准 攜帶 火器 。
費要 多羅 所以 提 呢 四個 條件 啊 ，因為 清軍 勢 大 就 俄軍 人 少 ，如果 雙方 唔限 人數 ，就 俄軍 必 處 下風 。
但係 羅剎兵 火器 厲害 啊 ，如果 雙方 兵員 相等 ，俄兵 就 佔 優勢 嘞 ，噉 估計 對方 唔肯 嘅 ，因此 先行 提出 ，規定 衛兵 ，只 可以 攜帶 刀劍 唧 。
文書 裏 便 ，又 建議 聽日 相會 。
韋小寶 同埋 眾 大臣 商量 之後 認為 可行 ，就 接納咗 條件 ，漏夜 派兵 搭起 帳篷 作為 會所 嘞 。
第日 朝早 ，韋小寶 、索額圖 、佟國綱 等 欽差 帶同 隨員 ，率領 二百六十 名 藤牌手 就 嚟到 會所 。
只見 尼布楚 城 城門 打開 ，二百幾 騎 哥薩克 兵 手執 長刀 ，簇擁住 一群 羅剎 官員 跑過嚟 。
呢隊 騎兵 人 高 馬 大 威風凜凜 ，清軍 嘅 藤牌 手 呢 都 係 步兵 ，相形之下 ，聲勢 呢 大大 唔 及 佢哋 嘞 。
佟國綱 話 ：豈有此理 ，羅剎鬼 好 狡猾 啊 ，第一步 我哋 就 上咗 當 喇 。
講好話 大家 只係 帶 二百六十 名 衞兵 嘅 啫 ，就 唔 記得 咗 講明 係 騎兵 吖 抑或 步兵 。
噉佢哋就 多咗 二百六十 匹馬 啦 。
索額圖 話 ： 呢 件 事 提醒 咗 我 哋 啊 ， 同 羅剎 鬼 打交道 呢 ， 真 係 要 打醒 十二萬分 精神 至 得 ， 稍為 疏忽 一 啲 啲 啊 ， 就 要領 嘢 㗎 喇 。
正喺度傾緊 ，羅剎兵 跑到 近喇 。
佟國綱 話 ：我哋 遵照 皇上 囑咐 ，事事 要 顧全 中華 上國 係 禮義 之 邦 ，大家 落馬 啦 。
韋小寶 話 ：好 ，大家 落馬 。
噉啊眾人 一齊 落馬 ，拱手 肅立 。
羅剎欽差費 要 多 羅 見到 噉嘅 情形 ，一聲 令下 ，眾 官員 亦都 落馬 ，鞠躬 行禮 。
噉啊 雙方 行埋 去 嘞 。
費要多羅 話 ： 俄羅斯 國 欽差 費要多羅 ， 奉 沙皇 之命 ， 敬祝 大清國 皇帝 聖躬 安康 。
韋小寶啊 有樣學樣 ，佢 亦 話 ：
大清國 欽差 韋小寶 ，奉 大皇帝 之 命 ，敬祝 羅剎國 沙皇 聖躬 安康 。
又 祝 攝政 女王 蘇菲亞 公主 殿下 美麗 快樂 。
費 要 多羅 微微 一 笑 佢 諗 ：
大清 皇帝 祝 我哋 公主 美麗 快樂 ，呢句 誦詞 ，真係 稀奇古怪 嘞 ，不過 公主 如果 聽到 ，實 歡喜 啫 。
噉 兩個人 互致 誦詞 ，介紹 副使 ，由 雙方 譯員 就 傳譯 。
韋小寶 見 啲 羅剎 官員 肅立 恭聽 ，噉 倒 是 禮貌 周到 。
但係 二百六十 名 哥薩克 騎兵 昂然 騎 喺 馬上 便 ，手持 長刀 列 成 隊形 ，一副 居高臨下 嘅 神情 ，隱隱 有 威脅 嘅 意思 ，越 睇 越 激氣 啊 ，佢 就 話 ：
你哋啲 衞兵 太過 冇禮 嘞 ，見到 中國 大人 閣下 ，點解 唔 落馬 嘅 ？
佢 講 羅剎話 文法 顛倒 ，詞句 錯漏 ，但係 嬲起上嚟 呢 ，都 等唔切 譯員 譯出嚟 嘞 ，就 羅剎話 衝口而出 。
費要多羅話 ：敝國 嘅 規矩 ，騎兵 喺 部隊 裏 便 就 係 見到 沙皇 陛下 ，亦 唔使 落馬 嘅 。
呢度 係 中國 地方 ，嚟到 中國 ，就要 用 中國 規矩 啦嘛 。
對唔住 ，閣下 錯咗 喇 。
呢度 係 俄羅斯 沙皇 嘅 領地 ，唔係 中國 嘅 地方 。
呢度 明明 係 中國 地方 ，係 你哋 夾硬 佔咗 去 嘅 。
對唔住 ，中國 欽差大臣 閣下 誤會 咗 喇 。
呢度 係 俄國 沙皇 嘅 領地 。
尼布楚城 ，係 俄羅斯人 起 嘅 。
兩國 呢次 會議 本來 係 劃定 邊界 ，當地 屬於 中國 抑或 屬於 俄國 就係 關鍵 嘅 所在 。
兩個 欽差大臣 啱啱 見面 ，仲未 入 帳篷 開始 談判 唧 ，就 爭執 起上嚟 嘞 。
韋小寶 話 ： 你 哋 羅剎 人 喺 中國 地方 起 咗 一座 城池 ， 噉 呢 笪 地方 就算 係 你 哋 㗎 喇 ， 天下 邊度 有 噉 嘅 道理 㗎 ？
費要多羅話 ：呢度 係 俄國 地方 ，俄羅斯人 喺 呢度 築城 ，中國人 唔 喺 呢度 築城 ，噉 啊 證明 呢度 係 俄國 地方 。
中國 欽差大臣 閣下 話 係 中國 嘅 地方 ，唔知 有 咩 嘢 證據 呢 ？
尼布楚 一帶 向來 係 冇人管 ，中俄 兩國 疆界 ，亦 至今 未曾 劃分 ，噉 到底 係屬 中 屬 俄 ，本來 邊個 都 冇 證據 。
韋小寶 聽 佢 噉 問 ，不禁 口啞嘞 ，噉 想話 強辯 啦 ，但係 講 羅剎 話 啊 詞不達意 ，一般 對答 已經 唔 容易 嘞 ，要 巧言 舌辯 ，又 點得 呢 ？
嬲起上嚟就話 ：呢度 係 中國 地方 ，證據 多到 極 。
跟住 就 用 揚州話 鬧 佢 十八代祖宗 ，一鬧開 呀 ，揚州 嘅 鬧人 粗口 就 流水 一樣 滔滔不絕 。
將 費 要 多 羅 嘅 高祖母 、曾祖母 ，以至 祖母 、母親 、姐妹 、外婆 、姨媽 、姑媽 ，人人 都 鬧 到 狗血淋頭 ，總之 羅剎國 費家 女性 啊 無一 倖免 。
中俄 雙方 嘅 官員 ，見到 中國 欽差大臣 發惡 ，人人 都 驚晒 。
不過 佢 講説 話 呢 就 好似 一 長串 炮仗 噉 ，莫 講話 費 要 多 羅 莫名其妙 啊 ，連 中國 官員 同 雙方 嘅 譯員 都 係 茫然 不解 。
韋小寶 呢啲 鬧人 嘅 説話 ，冚𠾴唥 都係 揚州 市井 ，最 粗俗 低賤 嘅 俗語 。
揚州 嘅 紳士 淑女 啊 ，都 未必 能夠 聽懂 兩三成 嘅 。
索額圖 、佟國綱 佢哋 唔係 旗人 就係 久居 北方 嘅 武官 ，噉 你 話 佢哋 點 識 聽 呢 ？
韋小寶 痛罵 一場 之後 ，哈條 氣順 翻晒 ，忍唔住 哈哈大笑 。
費 要 多羅 雖然 就 唔識 佢 講 乜 ，但係 揣摩 神情 語氣 ，估計 必定 係 發嬲 嘞 。
噉 而家 忽然間 見到 佢 又 放聲 大笑 ，更加 摸唔着 頭腦 ，就 問 佢 話 ：
請問 貴使 長篇大論 係 咩 指教 呢 ？
貴使言辭深奧 ，敝人 學識 淺陋 難以 通解 ，請你 逐句 慢慢咁 再講一次 ，以便 領教 。
韋小寶 話 ：我 先頭 話 ，你 太過 唔講道理 喇 ，我 要 你 嘅 祖母 嚟 做 甜心 做 老婆 啊 。
費要多羅微笑話 ：我 祖母 係 莫斯科城 出名 嘅 美人 ，佢 係 彼得洛夫斯基 伯爵 嘅 女 。
原來 中國 大人 閣下 亦 聽過 我 祖母 嘅 艷名 ，敝人 實在 係 不勝榮幸之至 啊 。
不過 ，可惜 我 祖母 已經 死咗 三十八 年 啦 。
韋小寶話 ：噉 ，我就要 你嘅 母親 做 我嘅 甜心 ，做 我嘅 老婆 。
費 要 多羅眉開眼笑 更加 歡喜 嘞 ，佢 話 ：
我嘅 媽媽 出身於 名門望族 ，皮膚 又 白又嫩 ，佢 會 做 法國 詩 。
莫斯科城 裏 便 ，有 唔少 王公 將軍 好 崇拜 佢 嘅 。
我哋 俄國 有 一位 大詩人 ，寫過 幾十 首 詩 讚揚 我 嘅 媽媽 。
佢 今年 雖然 已經 六十三歲 喇 ，相貌 仲係 同 三十幾歲 嘅 少年婦人 一樣 。
中國 大人 閣下 將來 去 莫斯科 ，敝人 一定 介紹 你 同 我 媽媽 相識 。
不過 想 結婚 呢 恐怕 唔得 喇 ，做 甜心 呢 ，只要 我 媽媽 肯 ，噉 啊 完全 係 可以 嘅 。
原來 洋人 風俗 啊 ，如果 有人 讚 佢 嘅 母親 、妻子 美貌 ，不但 唔會 唔高興 ，反而 深感 榮幸 ，比 稱讚 佢 自己 仲要 高興 。
韋小寶 就 以為 佢 係 怕咗 自己 ，居然 肯 將 母親 嚟到 奉獻 ，噉 有意 拜 自己 做 契爺 ，噉 就 滿腔 怒火 當堂 化為 烏有 。
佢 笑住 話 ：好極喇 好極喇 。
以後 如果 去 莫斯科 ，一定 係 你 府上 嘅 常客 。
講完 ，拖住 佢 隻手 行入 帳篷 。
雙方 副使 、隨員 就 跟住 都 行 入 帳篷 。
韋小寶 等 一行 坐 喺 東 便 ，費 要 多羅 等 一行 就 坐 喺 西 便 。
費要 多羅話 ：敝國 攝政 女王 公主 殿下 吩咐 ，呢次 劃界 談和 ，我哋 係 有 極大 嘅 誠意 ，雙方 必須 公平 ，邊個 都 唔能夠 欺負 對方 。
因此 ，敝國 提出 ，兩國 以 黑龍江 為 界 ，江南 屬於 中國 ，江北 屬於 俄羅斯 。
劃定 疆界 之後 ，俄羅斯 兵 再 唔 能夠 渡江 去 南便 ，中國 兵 亦 唔 能夠 渡江 去 北便 。
韋小寶 問 ：雅克薩城 ，係 喺 江南 定係 江北 啊 ？
係喺 江北 。
呢座 城 ，係 我哋 俄羅斯人 起 嘅 ，可見 黑龍江 江北 嘅 地方 ，都 係 屬於 俄國 嘅 。
韋小寶 一 聽 又 撞火 喇 佢 話 ：
雅克薩城 外 有 座 山 ，你 知唔知 佢 叫做 咩嘢名 啊 ？
費 要 多羅捩 轉頭 ，問咗 隨員 就 回答 話 ：叫做 高助略山 。
韋小寶 懂得 羅剎話 裏 便 高助 略 即係 鹿噉 嘅 意思 ，就話 ：我哋 中國話 叫做 鹿鼎山 。
你 知唔知道 我 封 嘅 係 咩 爵位 呢 ？
費要 多羅話 ：閣下 係 鹿鼎公 ，用 我哋 羅剎話 嚟 講 ，就係 高助略山公爵 嘞 。
你噉樣做法啊 ，即係 存心 同我過唔去啫 。
明知 我 係 鹿鼎公 ，卻 係 要 將 我 嘅 鹿鼎山 佔咗 去 ，豈唔係 要 我 做唔成 公爵 囉 ？
吖唔係唔係 ，絕無此意 ，絕無此意 。
你 係 咩嘢 爵位 呢 ？
敝人 係 洛莫諾沙伐侯爵 。
好 ，噉 洛莫諾沙伐 係 屬於 中國 嘅 地方 。
費 要 多羅 吃咗 一驚 ，跟住 就 微微 笑話 ：
敝人 嘅 封邑 洛莫諾沙伐 喺 莫斯科 嘅 西便 ，點 能夠 係 中國 嘅 地方 呢 ？
韋小寶 話 ：你 話 你 個 封邑 叫做 攞唔攞梳化 。
費 要 多羅話 ：係 洛莫諾沙伐 。
韋小寶 唔理 佢 ，繼續 話 ：
喺 我哋 京城 北京 ，去 攞 唔攞 梳化 總共有 幾多 里路 ，要 行 幾多 日 呢 ？
喺 洛莫諾沙伐 到 莫斯科 ，總共 五百 幾 里 路 ，要 行 五 日 。
喺 莫斯科 去 北京 ，要 行 三個月 啦 。
照噉樣講 ，喺 北京 去 攞 唔 攞 梳化 要 行 三 個 月 零 五 日 ，噉 路程 係 遠 到 極 嘞 。
係 好遠㗎 好遠㗎 。
噉嘅路程 ，攞唔攞 梳化 當然 係 唔會 屬於 中國 㗎 嘞 。
公爵 講得 好啱 啊 。
韋小寶 舉起 酒杯 佢 話 ：請 飲酒 。
羅剎 人 嗜酒如命 ， 酒杯 放 喺 費要多羅 面前 都 好 耐 㗎 喇 ， 嗰 啲 酒 啊 ， 攻鼻 咁 香 ， 不過 主人 冇 舉杯 佢 又 唔 敢 飲 啫 。
而家 見到 韋小寶 舉杯 ， 歡喜 到 乜 噉 啊 連忙 一飲而盡 啊 。
清方隨員 又 同 佢 斟酒 ，喺 食盒 裏 便 攞 啲 菜餚 出嚟 ，都係 北京 名廚 嘅 烹飪 。
費要 多羅 第一次 食 中華美食 ，嘩 ，幾乎 連 自己 條 脷 都 吞埋 落 肚 咁滯 。
韋小寶 陪住 佢 食 勻 每 碟 菜餚 ， 噉 解釋 咩 叫做 魚翅 ， 咩 叫做 燕窩 等等 ， 聽到 費要多羅 歡喜 讚歎 欣羨 不已 啊 。
韋小寶 隨口 問 佢 ：貴使 呢次 係 邊 一日 離開 莫斯科 嘅 呢 ？
費要多羅話 ：敝人 喺 四月 十二日 奉咗 公主殿下 嘅 諭示 ，由 莫斯科 出發 嘅 。
韋小寶話 ：好 ，嚟 ！再 乾 一杯 。
我哋 呢位 佟公爺 呀 酒量 好好㗎 ，你哋 兩位 對 飲 幾杯 啦 。
噉佟國綱 向 費 要 多羅 敬酒 ，噉啊 對 飲咗 三杯 。
韋小寶 話 ：貴使 係 本月 嚟到 尼布楚 嘅 係嘛 ？
費 要 多羅話 ：敝人 係 上個月 十五 到 嘅 。
嗯 ，由 四月 十二 行 到 七月 十五 ，總共 行咗 三個 幾月 嘞 。
係 ，行咗 三個 幾月 。
好在 天時 已經 暖喇 ，條 路 都 唔 難 行 嘅 。
韋小寶 豎起 手指公 ，讚佢話 ：好極喇 ！
貴使 呢次 講咗 真話 ，終於 承認 尼布楚 唔係 羅剎國 㗎喇 。
費要 多羅 飲咗 十幾杯 酒 ，已經 稍為 有啲 醉意 ，愕然 噉 話 ：我 ，我 ，我 幾時 承認咗 啊 ？
韋小寶 笑住 話 ：由 北京 到 攞 唔攞 梳化 要 行 三個 幾月 ，路程 好 遠 ，因此 攞唔攞 梳化 呢 就 唔係 中國 地方 。
由 莫斯科 到 尼布楚 你 亦 行咗 三個 幾月 ，路程 亦都 唔近 ，噉 尼布楚 當然 唔係 羅剎國 㗎 啦 。
費要 多羅 擘大 雙眼 ，一時之間 啊唔知 點講好 ，傻咗 一陣 先至 話 ：
我哋 俄羅斯 國 地方 極之 大 ，噉 係 唔同 嘅 。
韋小寶 話 ：噉 我哋 大清國 地方 都 唔 細 㗎 。
貴使 鐘意 開玩笑 ，呢 ，誒 呢兩件事 係 ，誒誒 唔能夠 一概而論 嘅 。
嗱 各位 ，欲知 後事 如何 ，且 聽 下回 分解 。
