前文 再續 啊 書 接 上 一回 。
話說 韋小寶 同 各位 將官 解釋 ，噉啊 點解 捉咗 圖爾布青 又 放 佢 走 噉 。
佢 話 ，呢啲 係 皇上 安排 落 嘅 巧計 ，即係 ，諸葛亮 嘅 計策 喇 噉 。
韋小寶 話 ：皇上 啊 心地 仁慈 ，話 諸葛亮 火燒 藤甲兵 啊 太過 殘忍 嘞 ，噉 所以 短命 吖 。
羅剎兵 如果 投降 呢 ，就 放生 佢哋 。
副都統 郎坦 話 ：如果 唔係 大帥 ，使 霞舒尼克 計 ，割咗 十名 羅剎兵 嘅 肉 嚟到 燒烤 ，嚇到 佢哋 魂飛魄散 。
呢啲 羅剎兵 咁 強悍 嘅 ，都 怕 唔 肯 投降 啊 。
呢條 計策 ，真係 勝過 諸葛亮 喇 。
韋小寶 笑 住 話 ： 話 畀 你 哋 知 啦 ， 十名 廚子 呢 ， 已經 收埋 十條 生 牛肉 喺 處 㗎 喇 。
佢哋 不過 喺 十名 羅剎兵 嘅 大髀 上面 割咗 幾刀 ，割到 佢哋 呱呱叫 ，好似 劏豬 咁 嘈 。
炭爐 裏 便 燒烤 嘅 係 上等 牛肉 ，滋味 係 點 呢 ？各位 不妨 試下 啦 。
眾將官 放聲 大笑 啊 ，於是 吩咐 廚子 呈上 十條 牛肉 ，霞舒尼克 。
噉啊切開佢大家食 ，咦 ，果然 又 香 又 嫩 ，非常 窩味 啊 。
噉眾 將官 又 問嘞 ：大帥 既然 捉到 敵人 首領 又 放佢翻去 ，係唔係 亦都 要 七擒七縱 ，叫佢 從此 唔敢 再 反 呢 ？
韋小寶 話 ：噉就唔係噃 ，呢件事 呢 我 喺 北京 嘅 時候 ，亦 請問過 皇上 。
我話 皇上 係 腰腎魚湯 ，寬大為懷 ，噉 我哋 要 唔 要 學下 諸葛亮 ，捉到 羅剎 元帥 呢 就 放 佢 七次 啊 噉 ？
皇上 話 ：噉 就 唔啱 喇 ，學 諸葛亮 呢 要 活學活用 ，唔能夠 死學死用 。
孟獲 係 蠻子 嘅 酋長 ，佢 話 唔 反 呢 ，就 永遠 唔 反 㗎 嘞 。
我哋 捉到 嘅 ，只係 個 羅剎 元帥 將軍 ，佢 話 唔 反 係 冇 用 嘅 。
羅剎國 嘅 沙皇 同 攝政女王 又 會 派 過 第二 個 元帥 ，帶 兵 嚟 侵犯 我哋 疆界 嘅 啫 。
眾將官 都 岌頭 話 係 嘞 。
韋小寶 又 話 ：雅克薩 守兵 兇悍 ，炮火 厲害 。
我哋 如果 殺咗 羅剎元帥 ，城裏 便 嘅 官兵 呢 會 另外 推舉 統帥 同 我哋 猛打 。
而家 ，我哋 剝咗 呢個 羅剎 元帥 光豬 ，牽住 佢 圍城 三周 ，城 裏 便 嘅 羅剎兵 從此 睇 佢 唔起 。
佢 冇 咗 威風 ，以後 發號施令 ，就 唔係 點 靈 㗎 啦 嘛 係唔係 ？
眾將官 都 話 係啊係啊噉 。
林興珠 問 ：係咪 皇上 吩咐 ，要 剝 嗰個 羅剎 元帥 光豬 㗎 ？
韋小寶 哈哈大笑 佢 話 ：哈哈哈哈哈哈 ，皇上 點 會 咁 胡鬧 呢 ？
皇上 只要 我 想法子 ，長 我哋 官兵 嘅 志氣 ，滅 羅剎 兵 嘅 威風 。
皇上 話 ：羅剎兵 呀 生得 又 高 又 大 ，周身 都 係 毛 ，好似 個 野人 噉 樣 ，火器 呢 又 十分 犀利 。
上陣 交鋒 嘅 時候 ，我軍 見到 佢哋 嗰個 蠻樣 啊 ，多數 個 心 都 會 害怕 㗎 喇 ，噉 鋭氣 一 失 ，打勝仗 就 好 難 喇 。
皇上 話 ：小桂子 ，你 好多 計 嘅 ，總之 要 我 軍 上下 ，大家 都 睇唔起 啲 蠻子 兵 。
噉 我 諗嚟諗去 ，亦 冇 咩 好法子 吖 。
哈 有 一 晚 ，忽然間 諗起 我 細時 賭錢 嘅 事 嘞 。
各將官 都 諗 ：你 細時 賭錢 ，乜 點 會 同 羅剎兵 有關 呢 ？
韋小寶 微微 笑話 ：我 細時 喺 揚州 同 人哋 賭錢 ，賭品 呢 就 唔係 點 好 喇 。
贏咗 錢 呢 就 袋袋 平安 ，輸咗 呢 一味 賴賬 唔肯 畀 。
噉要打交咪就打囉我亦唔怕 。
有一次 呢唉 ，慘咯 ，畀 人哋 整到 啊 真係 都 唔知 幾 慘 。
嗰個 贏家 捉住 我 ，剝咗 我 條 褲 嚟 頂數 噃 ，等 我 打出 個 囉柚 返 屋企 。
街上面啲人 見到 我 就 笑啦 ，拍住手 添 ，嘿 從此之後 ，我嘅 賭品 呢 就 好咗 好多 喇 。
眾將官 聽咗 一齊 哈哈大笑 啊 。
韋小寶 又 笑住 話 ：皇上 話 ，打仗 之 道 要 靈活 變化 。
皇上 只能夠 指示 方略 大計 唧 ，噉 真係 打起上嚟 呢 ，就 要 我 自己 動腦筋 。
噉 我 諗下 ，當年 我 小小年紀 都 怕 人哋 剝 條褲 ，噉 呢啲 羅剎兵 點 會 話 唔 怕 嘅 呢 ？
哈果然 條褲 一剝 ，大家 都 乖乖地 投降 喇 。
眾將官 齊聲 稱讚 ，大為 佩服 啊 。
噉 韋小寶 叫 啲 羅剎 降兵 ，穿戴 清兵 衣帽 ，派咗 一 名 參將 帶領 兩千 清兵 ，押解 降兵 去 北京 向 皇帝 獻俘 。
營裏 便啊 留低 二十 名 聲 大 夾響 嘅 降兵 ，噉啊 要 嚟 喊話 用 嘅 。
師爺 寫咗 道 表章 ，話 撫遠 大將軍 韋小寶 ，遵照 皇上 御授 方略 ，旗開得勝 。
羅剎 兵 仰慕 中華 上 國 洗心 歸順 ， 實乃 我 皇聖 德格 天 ， 化及 蠻夷 等等等等 。
噉 當晚 ，韋小寶 啊 犒賞 三軍 。
第日 朝頭早 親自 帶領 大軍 啊 ，嚟到 雅克薩城 。
只見 城頭 煙火 瀰漫 ，城內 城外 ，雙方 軍士 啊 喊聲 震天 ，槍炮 聲 隆隆 不絕 。
攻城 主將 朋春 嚟到 中軍 帳 稟報 話 ，城中 炮火 猛烈 ，我軍 攻城 士卒 傷亡 唔少 噉 。
韋小寶 話 ：我哋 架起 大炮 ，揈 鬼佢 ！
噉 朋春 傳 落 命令 ，冇 幾 耐 唧 ，東南西北 炮聲 齊 響 啊 ，一炮炮 ，打入 城 裏 便 。
但係 羅剎人 經營 雅克薩 好耐 嘞 ，工事 構築 十分 堅固 。
兵將 都 匿埋 喺 堡壘 裏 便 ，清軍 大炮 呢 雖然 好多 啊 ，炮火 打冧 咗 唔少 房屋 ，但係 羅剎 兵 堅守 唔出 ，噉 真係 奈佢哋 唔 何 喇 。
攻咗幾日 ，何佑 率領 一千 勇士 逼近 爬城 ，噉 城頭 上 火槍 一排排 打落嚟 ，噉 清兵 當堂 畀 佢哋 打死 咗 三四百 人 。
朋春 眼見 不利 嘞 ，就 鳴金 收兵 。
羅剎 兵 企 喺 城頭 拍手 大笑 ， 仲有 幾十名 羅剎 兵 解開 條褲 ， 向 城下 屙 尿 ， 嘿極 之 傲慢 啊 。
黑龍江 將軍 薩布素 嬲 到 不得了 ，噉 啊 親自 率領 軍隊 攻城 。
城頭 上 一排 槍 射落嚟 ，薩布素 中槍 落馬 ，清軍 當堂 亂晒 大龍 。
噉 城門 一 開 ，幾百 名 羅剎 兵 啊 衝出嚟 咯噃 。
林興珠 率領 藤牌 手 轆地 埋去 ，大刀 揮舞 ，噉 羅剎兵 啊 連忙 跳躍 閃避 。
呢隊 藤牌兵 啊 ，係 林興珠 親手 教練 嘅 ，練熟咗 地堂 刀法 ，喺 地下 轆動 向前 ；
左手 呢 ，用 藤牌 擋住 敵人 嘅 火槍 鉛彈 ，右手 大刀 就 將 羅剎 兵 啲 腳 呢 一一 隻 斬落嚟 。
圖爾布 青 見到 情勢 不妙 唄 ，噉 啊 連忙 下令 收兵 嘞 。
林興珠 將 薩布素 救咗 返嚟 。
噉薩布素 右額 中彈 ，好彩 都 未曾 深入 頭腦 ，受傷 啊 雖然 係 重 啊 ，但係 性命 無 礙 。
呢一仗 雙方 都 各有 損折 ，不過 呢 仲係 清軍 死傷 比較 多 。
韋小寶 帶埋 軍醫 ，親自 去 薩布素 嗰度 慰問 療傷 ，又 重賞 林興珠 。
佢 下令 退軍 五里 安營 ，噉 當晚 ，喺 中軍 帳 啊 會 聚 諸 將 ，商量 攻城 嘅 方法 嘞 。
噉 各 將官 有 啲 話 ：藤牌兵 今日 立咗 大功 ，聽日 呢 再 氹 鬼子兵 出 城 ，以 藤牌兵 斬 佢 鬼 腳 ；
噉 有 啲 話 鬼子 兵 啊 折咗 鋭氣 ，就 怕 唔 敢 出戰 ，不如 築起 長壘 ，四面 圍困 ，將 佢哋 夾 生 餓死 仲 好 啦 噉 ；
有人 話 ：可以 挖掘 地道 ，喺 地底 進攻 啊 。
地道攻城 呢 ，本來 係 中國 古法 。
呢句説話 提醒咗 韋小寶 ，佢 諗起 雅克薩城 啊 本來 有 地道 嘅 ，當年 自己 就 喺 地道 裏 便 抱住 赤裸裸 嘅 蘇菲亞公主 。
而家 佢 已經 貴為 攝政女王 ，執掌 羅剎國 嘅 軍政 大權 ；自己 呢 ，卻 係 喺 呢度 同 佢 嘅 部下 兵馬 打仗 。
佢 又 諗 ：如果 呢個 時候 ，佢 喺 雅克薩城 親自 指揮 。
我 由 地道 蜎 入城 ， 爬 上 佢 張 床 ， 摸 到 佢 全身 痠軟 ， 哎呀 呢 個 嘢 啊 ， 非 大叫 投降 不可 啊 。
眾將官 見到 韋小寶 吟吟沉沉 唔出聲 ，微微笑 ，噉啊 以為 佢 有咗 妙計 嘞喎 ，即刻 收聲 ，靜候 大帥 吩咐 嘞 。
誰 知道 佢 而家 呢 喺度 諗緊 點樣 撫摸 蘇菲亞 公主 ，只見 佢 蒙埋 雙眼 ，吟吟沉沉 噉 話 ：
咁鬼姣嘅 你 ，嘿 真係 頂佢唔順 啊 好犀利啊 。
眾將官 互相 望下 ，又 聽見 大帥 話 ：
豈有此理 ，一腳 將 我 喺 床上面 踢咗 落地 都有 嘅 。
眾將官 更加 摸唔着 頭腦 嘞 。
又聽佢話 ：呢個 羅剎 姣婆 雖然 係 厲害 ，老子 啊 總 有 對付 佢 嘅 法子 嘅 。
朋春 就 話 喇 ：大帥 講得 啱 啊 ，羅剎 鬼子 更 厲害 都 好 ，我哋 總 有 法子 對付 佢 嘅 。
韋小寶 打個 特 ，擘開 雙眼 佢 好奇怪 噉 話 ：咩話 ？你 都 嚟 啊 ？
跟住 又 哈哈大笑 話 ：嘿 ，嘿嘿嘿嘿嘿嘿 ，誒冇錯 ，冇錯 。
嗰條 地道 太過 窄 喇 ，只能夠 一個人 躝入去 嘅 啫 。
出口 呢 ，又 喺 將軍 間 房 裏 便 ，估計 而家 早 就 塞 咗 嘞 ，我哋 要 另外 挖過 至 得 。
眾將官 啊 更加 莫名其妙 不知所云 嘞 。
韋小寶 企起身 佢 話 ：眾位 將軍 嘅 計策 都 好好 ，啊 非常之好 。
誒 ，聽朝 一早 ，大家 分別 去 築墻 圍 、挖 地道 ，同時 又 放 大炮 ，氹佢哋 出 城 ，派 藤甲兵 去 斬 鬼腳 。
眾將官 聽見 自己 所建議 嘅 計策 ，都 畀 大帥 採納 唄 ，好 歡喜 噉 就 散 嘞 。
第日 ，個 天 蒙蒙光 ，眾 將官 啊 各 領 部屬 分頭 辦事 嘞 。
朋春 就 指揮 啲 兵擔 泥築圍 ， 郎坦 就 指揮 放炮 ， 巴海 挖掘 地道 ；
洪朝 率領 五百 士兵 ，向 羅剎 降兵 學咗 啲 鬧人 嘅 説話 ，喺 城下 大聲 叫罵 。
羅剎兵 啊 尋日 吃過 斬腳 嘅 苦頭 ，見到 清兵 勢盛 唄 ，就 堅守 唔出 ，匿 喺 城頭 土墻 後 便 就 鬧 翻轉頭 。
清軍 大炮 啲 炮彈 就 射入 城裏 便 ，不過 呢 損傷 亦 唔係 好 大 。
因為 點解 呢 ？當時 嘅 大炮 火藥 啊 ，就 裝 喺 炮筒 裏 便 嘅 ，噉 點火 燒着 啲 火藥 ，只係 將 鐵彈 鉛彈 就 射 出去 。
直接 命中 呢 ，固然 打到 人 筋 折 骨 斷 啊 ；但係 如果 落 喺 地下 就 不足為患 嘞 。
附近 百姓 啊 十多年 嚟 ，慘受 羅剎兵 虐待 殺害 ，家破人亡 嘅 都 唔知 幾多 。
噉 知道 皇上 發兵 嚟 打 羅剎 鬼子 唄 ，噉 個個 都 歡喜 到 極 。
呢 個 時候 呀 ， 有 啲 攞 住 燒酒 食物 嚟 慰問 官軍 ， 有 啲 係 攞 住 鋤頭 扁擔 ， 幫助 構築 土圍 。
消息 傳開咗 ，連 幾百里 之外 嘅 百姓 啊 ，都 嚟 助攻 啊 。
圖爾布 青 喺 城頭 上面 望落嚟 ，只見 人頭 湧湧 ，紛紛 擔 土 築 圍 ，噉 城外 一條 長 圍 就 越 築 越 高 ，嘿 ，睇嚟 ，實 畀 困死 不可 。
噉佢 一味 希望 西方 尼布楚城 裏 便 嘅 羅剎兵 啊 嚟到 救援 ，內外 夾攻 ，先 有 打勝 嘅 希望 。
嘿 ，佢 邊處 知道 康熙 呢 早就 估到 咗 呢一着 喇 ，已經 另外 派遣 一隊 騎兵 ，向 尼布楚 嘅 羅剎 兵 佯攻 作為 牽制 。
守衞 尼布楚城 嘅 守將 ，每 日 亦都 盼望 ，圖爾布青 啊 帶 兵 嚟 幫 佢哋 。
羅剎兵 槍炮 呢 可以 打得 好遠 嘅 ，清兵 呢 ，就 唔 敢 逼近 攻城 。
雅克薩城 係 羅剎 經營 東方 嘅 基地 。
羅剎人 啊 野心勃勃 ，準備 侵佔咗 黑龍江 、松花江 一帶 廣大 土地 之後 ，就 逐步 向南 侵犯 ，將 整個 中國 都 收歸 版圖 ，要 千千萬萬 人 ，都 變咗 佢哋 嘅 農奴 。
因此 雅克薩城 呢 ，城牆 堅厚 ，城 裏 便 彈藥 充足 ，糧草 啊 堆積如山 ，就算 係 困守 三年 五載 啊 ，亦 唔使 憂 嘅 。
城 裏 便 又 開鑿 深井 ，飲水 又 唔會 缺乏 。
圖爾布 青啊 怕 城裏 便 嘅 中國人 作亂 內應 ，就 將 中國 男人 都 拉到 城牆 上面 殺死 ，將 屍首 啊 拋落 城外 。
城外 中國 軍民 見咗 啊 ，憤恨 到 不得了 。
噉呢一日 ，地道 啊 已經 漸漸 掘到 城邊 嘞 。
韋小寶 諗住 鹿鼎山 係 皇帝 龍脈 嘅 所在 ，如果 掘 斷 龍脈 ，害死 咗 康熙 就 非常 唔妥 嘞 。
佢 下令 ，地道 唔好 掘 入 城裏 便 喇 ，只要 喺 城牆 下 便 埋藏 炸藥 ，炸毀 城牆 ，大軍 就 可以 衝入 去 嘞 。
呢一日 ，城裏 便 啊 幾個 井 忽然間 水 乾 噃 。
圖爾布青 啊 善於 用兵 ，得到 報告 之後 一 諗 ，嗯 ，知道 敵軍 喺度 挖掘 地道 ，以致 地下 嘅 水源 ，由 地道 啊 流咗 出去 。
就 測定咗 方位 ，喺 清兵 地道 上面 施放 炸藥 ，轟噉 一聲 ，將 挖掘 地道 嘅 清兵 啊 炸死 咗 百幾 人 。
地道 ，即刻 就 塞死咗 嘞 。
話說 雅克薩城 一時 攻打 唔落 ，天氣 ，卻 係 一日 冷過 一日 。
呢啲 極北 苦寒 嘅 地方 ，一到 秋深 ，就 已經 冷到 非同小可 啊 。
到咗 冬季 ，直情 係 滴水成冰 ，稍為 防護 唔夠 周到 ，鼻哥 耳仔 都 會 凍甩 喇 。
噉至於 手腳 凍壞 就 更加 平常 啦 。
落咗 幾日 大雪 ，助攻 啲 百姓 啊 已經 頂唔住 嘞 ，就 紛紛 向 官兵 告別 ，話 明年 初夏 開凍 ，再嚟 助攻 啦 噉 。
又勸 官軍 啊 撤走 先 ，以免 喺 冰天雪地 之中 啊 凍到 僵晒 。
薩布素 、巴海 等 軍官 呢 ，喺 北方 駐扎 好耐 ，都 知道 入冬 之後 啊 ，局面 十分 兇險 。
如果 夜晚 遇到 咗 寒潮 侵襲 ，一夜之間 ，官兵 凍死 一半 亦 唔係 稀奇 嘅 。
羅剎兵 啊 住 喺 房屋 裏 便 ，磚墻 啊 擋得住 寒氣 。
而 清軍 呢 ，係 住 喺 野外 營帳 ，就算 係 生火 取暖 啊 ，亦 無濟於事 嘅 。
於是 向 韋小寶 建議 ，暫行 南 退避 寒 。
韋小寶 諗 ：皇上 派 我 出征 ，連 一個 城池 都 攻唔落 就 要 退兵 ，未免 太過 衰牌 啦 。
噉 猶豫咗 好幾日 ，始終 揸唔定 主意 。
呢一日 ，部將 嚟 報告 話 有 幾十名 傷兵 頂唔住 寒冷 凍死 咗 。
韋小寶 正係 喪氣緊 ，忽然間 有 聖旨 嚟到 嘞 。
康熙 嘅 聖旨 話 ：撫遠 大將軍 韋小寶 出師 得利 ，殊堪 嘉尚 。
今 已遣 羅剎 降將 奉領 大清 敕書 ， 前 赴 莫斯科 宣諭 羅剎 君主 ， 囑其 罷兵 退師 ， 兩 國 永遠 和 好 。
比來 天時 嚴寒 ，兵將 勞苦 ，露宿 冰雪 ，朕 心惻然 。
韋小寶 可 率 師 南 退 ，駐 璦琿 、呼瑪爾 二 城 休 卒 養士 。
來春 羅剎 兵 如 仍 頑抗 ，不服 王化 ，再 行 進軍 ，一舉 蕩平 。
茲賜 撫遠 大將軍 ，暨 所屬 將軍 、都統 、副都統 以下 官兵 衣被 、金銀 、酒食 等等 。
諸統兵將軍 須 遵 體 朕 意 ，愛 護 士卒 ，不 貪 速 功 ，王師 北 征 ，原 為 護 民 ，而 兵 亦 民 也 。欽 此 。
韋小寶 同埋 眾 將官 接 旨 謝恩 。
噉 眾 將官 都 話 喇 啊 萬歲爺 ，愛惜 將士 皇恩 浩蕩 啊 。
只係 想到 呢次 一 撤退 ，不免 前功盡棄 ，又 都 感覺到 好 可惜 。
傳旨嘅欽差 ，到 各營 去 宣讀 聖旨 ，頒發 賞賜 ，噉 啊士卒 就 歡聲雷動 定啦 。
第日 ，韋小寶 命令 薩布素 帶兵 先 退 ；
又 命令 巴海 ，同 林興珠 領軍 斷後 ，噉 羅剎兵 如果 敢 出城 嚟 追 呢 ，就 殺 佢 一個 落花流水 。
羅剎兵 見到 清兵 撤退 唄 ，都 高興 到 大聲 歡呼 ，千幾 名 羅剎兵 又 企 喺 城頭 ，向下 屙尿 喎 。
韋小寶 嬲 到 極 啊 ，下令 眾軍 一齊 向住 城頭 小便 。
噉啊 清軍 萬尿 齊發 嘿 真係 壯觀 喇 。
噉啊 城上 城下 ，轟 笑聲 、叫罵聲 啊 響成 一片 。
不過 羅剎兵 啊 居高臨下 ，啲 尿 呢 ，能夠 射到 城下 ，清軍 卻 係 射唔上去 ，呢一場 尿仗 係 輸 咗 嘞 。
城下 遍地 係 尿 ，寒風 一 吹 ，眨下 眼 唧 ，就 結成 一層 黃澄澄 嘅 尿冰 。
韋小寶 呢啖 氣 真係 吞唔落 喇 ，指住 城頭 ，破口大罵 。
前嚟 宣旨 嘅 欽差 勸 佢 話 ：羅剎 兵 野獸 一樣 ，大帥 ，不必 同 佢哋 計較 咁多 嘅 。
韋小寶 話 ：唔得 ！屙尿 都 輸 畀 佢 ，仲 邊度 有 面 啊 ？
吩咐 攞 水龍 嚟 。
水龍 係 救火 嘅 工具 ，軍隊 防備 失火 ，行軍 扎營 啊 必定 帶埋 嘅 。
親兵啊 拉咗 十幾架 水龍 嚟 ，韋小寶 吩咐 將 水龍 拖 上 土纍 。
當其時 江水 結冰 ，冇水用啊 ，於是 又 下令 伙夫 用 大鑊 燒融 冰雪 ，將 熱水 倒入 水龍 。
韋小寶 拉開 條 褲 ，喺 熱水 裏 便 屙 咗 㞘 尿 ，就 叫 啲 親兵 話 ：向 城頭 射 過去 ！
眾親兵 見到 主帥 諗出 呢條 妙計 都 歡喜 到 跳 啊 ，一齊 奮勇 ，將 水龍 上面 嘅 槓桿 ，一放一壓 ，噉 水管 裏 便 嘅 熱水 就 筆直 向 城頭 射 上去 嘞 。
眾親兵 大叫話 ：韋大帥 賜 羅剎鬼子 飲尿 啊 ！
熱水 一 沖到 ，羅剎兵 就 紛紛 叫罵 閃避 啊 。
不過 天時 呢 實在 太 冷 喇 ，水龍 嘅 熱水 過咗 一陣 呢 就 結成 咗 冰 ，又 要 再 加 熱水 。
韋小寶 興高采烈 ，自誇自讚 話 ：
嘿 ，諸葛亮 火燒 盤蛇谷 ，韋小寶 尿射 鹿鼎山 ，吖 都 一樣 咁 威風 啫 。
副都統 郎坦 就 讚 佢 話 ：大帥 呢一㞘尿 呀 ，大大 挫折 咗 羅剎 鬼子 嘅 鋭氣 啊 。
韋小寶 突然間 定咗 神 ，睩大 雙眼 傻咗 噉 。
然後 哇聲 大叫 ，成個人 跳起嚟 哈哈大笑 佢 話 ：哎呀 妙極 ，妙極啊 ！
跟住 韋小寶 吩咐 擊鼓 升帳 ，聚集 眾 將官 ，佢 問 ：
我哋 總共 幾多 架 水龍 啊 ？
掌管軍需嘅參將 話 ：啟稟 大帥 ，總共有 一十八架 。
太少喇太少喇 ，點解 唔 帶 多啲 嚟 呢 ？
係 ，係 。
嗰個 參將 嘅 心諗 ：軍營 火燭 ，唔係 時時 有 嘅 ，一十八架 水龍 亦都 夠 啦 。
韋小寶 話 ：我要 用 一千架 水龍 ，即刻 派人 去 附近 城鎮 征調 ，幾時 可以 齊備 啊 ？
當地 係 極北 邊陲 ，地廣 人稀 ，最近 嘅 城鎮 ，亦 喺 幾百里 之外 。
而 每處 城鎮 係 寥寥 幾百 户 人家 ，居民 ，貧窮 困乏 ，未必 有 水龍 嘅 。
要征集 一千架 水龍 ，係 點 都 冇法子 解決 㗎嘞 。
嗰個 參將 話 ：啟稟 大帥 ，一千架 水龍 ，喺 關外 恐怕 搵唔到 ，要 入 咗 關 去 北京 天津 趕運 返嚟 至 得 。
放 你 個 屁 ！去 北京 天津 調運 水龍 ？噉 要 幾耐 至 得 啊 ？
打仗嘅事 ，半日 都 唔 耽擱得 ！
嗰 個 參 將 猛 話 ， 係 係 係 噉 ， 面色 都 變 晒 喇 佢 諗 ： 哎呀 死 咯 ， 呢 一次 呀 我 冇 命 喇 。
嗱 各位 ，欲知 後事 如何 ，且 聽 下回 分解 。
