前文 再續 啊 書 接 上 一回 。
話説 過咗 幾日 ，韋小寶 吩咐 準備 祭品 ，去 鄭成功 嘅 祠堂 啊 拜祭 ，要 睇下 呢位 名震天下 嘅 國姓爺 到底 係 點樣 嘅 。
嚟到 祠堂 ，擔高頭 睇下 ，只見 鄭成功 嘅 塑像 ，坐 喺 張 椅 處 ，鵝春 口面 ，上唇 、下唇 ，同埋 下爬 都有 短短 嘅 黑鬚 。
兩隻耳仔 好大嘅 ，但係 眼睛 細小 ，眉毛 彎彎 ，睇起上嚟 ，都 幾 慈祥嘅 ，並冇 威猛 豪邁 嘅 英雄氣概 。
韋小寶 有 啲 失望 嘞 ， 佢 問 林興珠 話 ：
國姓爺 嘅 相貌 ，真係 噉樣 㗎 ？
林興珠 話 ：呢個 塑像 同 國姓爺 本人 係 好似 嘅 。
國姓爺 係 讀書人 出身 ，雖然 係 大英雄 、大豪傑 ，相貌 係 好 文雅 嘅 。
哦 ，原來 噉嘅 。
韋小寶 見到 塑像 兩便 ，各有 一座 比較 細小 嘅 塑像 ，左 女 右 男 ，就 問 ：嗰 兩個 係 咩 人 啊 ？
林興珠 話 ：女嘅 係 董太妃 ，男嘅 係 嗣王爺 啊 。
咩嗣王爺啊 ？
就係 國姓爺 嘅 公子 ，繼任 做 王爺 嘅 。
哦 ，就係 鄭經 嘞 。
吖 同 鄭克塽 呢個 嘢 都有 啲 似樣 噃 。
我 師父 陳 軍師 嘅 像 呢 ？
陳 軍師 冇 像 啊 。
哼 ，呢個 董太妃 啊 好壞㗎 ，快啲 將 佢 搬走 ，趕緊 叫 人 去 塑 陳軍師 嘅 像 ，放 喺 呢度 陪伴 國姓爺 。
林興珠 歡喜 到 乜嘢 噉 ，親自 爬入去 神龕 ，將 董太妃 嘅 塑像 搬咗 落嚟 。
韋小寶 向 鄭成功 嘅 神像 跪低 ，叩咗 幾個 頭 佢 話 ：
國姓爺 ，你 係 英雄豪傑 ，我 叩頭 畀 你 ，睇嚟 你 亦 受得起 。
呢個 老虔婆 啊 搞壞咗 你 嘅 事業 ，仲 日日 陪住 你 ，你必定 好 嬲 㗎 喇 ，而家 我 幫 你 趕走 佢 ，等 我 師父 陳軍師 嚟 陪 你 啦 。
想起 師父 慘死 ，不禁 流起 眼淚 啊 。
全台灣 百姓 對 董太妃 恨之入骨 。
而 陳永華 屯田 辦學 、興利 除弊 ，有 遺愛 於 民 ，百姓 啊 ，稱 佢 做 台灣 諸葛亮 。
鄭克塽 掌權 嘅 時候 ，邊個 都 唔敢 講 董太妃 一句 壞話 ，唔敢 講 陳永華 一句 好話 。
而家 ，韋小寶 下咗 搬走 董太妃 ，同 陳永華 塑像 嘅 命令 ，人心 大快 啊 。
又 聽講 佢 喺 國姓爺 像 前面 叩頭 流淚 ，眾 百姓 就 更加 感激 嘞 。
雖然 ，呢位 韋大人 要 錢 呢 ，未免 厲害咗啲 ，但係 一來 佢 係 陳軍師 嘅 弟子 ，台灣 軍民 ，不免 亦 擁護 佢 ；
二來 施瑯 帶領 清兵 攻取 台灣 ，滅咗 大明 流傳 喺 海外 嘅 一片 江山 。
因此 雖然 施清韋 貪 啊 ， 眾 百姓 反而 覺到 呢 位 少年 韋大人 啊 和藹可親 ， 寧可 佢 鎮守 台灣 ， 最好 施瑯 呢 永遠 唔 好 返 嚟 嘞 。
不過 事 與 願 違 ，過咗 個 幾月 ，施瑯 帶住 水師 又 返到 嚟 台灣 嘞噃 。
韋小寶 喺 岸邊 迎接 ，只見 施瑯 陪同 一位 身穿 一品 大員 服飾 嘅 大官 ，喺 船 裏 便 出嚟 。
嗰個 大官 仲 喺 跳板 上 便 ，就 大聲 咁 叫 ：韋 兄弟 你好嘛 ？阿哥 想 你 啊 想到 心肝 都 爛 喇 。
原來 係 索額圖 。
韋小寶 好 歡喜 ，快步 上前 ，噉 兩位 人 喺 跳板 上面 拉住 手 哈哈 大笑 。
索額圖 笑 住 話 ： 兄弟 ， 恭喜 恭喜 ！ 皇上 降旨 ， 要 你 上 北京 啊 。
韋小寶 個 心 就 一 喜 一 憂 ，佢 諗 ：我 如果 肯 去 北京 呀 ，早 就 去咗 啦 。
小皇帝 好 固執 嘅 佢 決 唔 會 向 我 投降 嘅 ，我 唔 應承 打 天地會 ，佢 就 唔 會 見 我 嘅 面 。
施瑯 笑 騎騎噉 話 ：皇恩浩蕩 真係 冇得講 㗎嘞 。
皇上 已經 答允 撤銷 台民 內遷 嘅 旨意 啊 。
台灣 眾 軍民 喺 呢個 幾月 以嚟 ，日日夜夜 都 喺度 擔憂 ，慌怕 皇上 堅持 要 放棄 台灣 ，噉 大家 都 話 ：
皇帝 嘅 口 係 金口 ，講過 個 説話 ，決 唔會 反悔 嘅 。
所以 而家 施瑯 呢 句 説 話 一 出口 ， 岸上 眾 官員 聽到 咗 ， 忍 唔 住 大聲 歡呼 ， 一齊 叫 ： 萬歲 ， 萬歲 ， 萬萬歲 ！
呢 個 消息 啊 即刻 傳開 晒 ， 到處 都 係 歡呼 嘅 聲音 ， 跟 住 就 乒乒 嘭 嘭 猛燒 炮仗 ， 嘿仲 熱鬧 過 過年 啊 。
索額圖 傳 下 旨意 ，對 韋小寶 啊 頗 有 獎勉 ，命令 佢 克日 赴京 另有 任用 。
噉韋小寶 謝恩 之後 ，兩個人 入去 內堂 傾密偈 嘞 。
索額圖話 ：兄弟 ，你 呢次 真係 大面 嘞 ，皇上 怕 你 仲 有 顧慮 ，因此 欽命 我 前嚟 促駕 。
你 知唔知道 皇上 要 派 你 做 乜嘢 啊 ？
韋小寶 擰頭 話 ：皇上 嘅 神機妙算 ，我哋 做 奴才 嘅 一啲 都 估唔到 㗎 。
索額圖 將 個 嘴 哄 埋 佢 耳邊 ，低聲 話 ：打 羅剎鬼 。
韋小寶 一 聽 成個 跳起 ，大叫 話 ：好嘢咯 ！
索額圖 話 ：皇上 話 你 知道 咗 之後 呢 ，一定 十分 歡喜 嘅 ，果然 冇 錯 。
兄弟 ，羅剎鬼 自從 順治 年間 起 ，就 佔咗 我 黑龍江 一帶 十分 猖獗 。
先帝 同 皇上 寬洪大量 ，冇計較 佢 ，點知 羅剎鬼 啊 得寸進尺 ，佔地 越嚟越多 。
遼東 係 我 大清 嘅 根本 所在 ，點 能夠 任由 啲 羅剎鬼 威逼 㗎 ？
而家 三藩 叛逆 同 台灣 鄭氏 都 已經 蕩平 ，天下 無事 嘞 ，皇上 就 決意 對 羅剎 用兵 嘞 。
韋小寶 喺 通食島 閒居 幾 年 ，呢陣時 聽到 呢個 消息 呀 ，開心 到 合唔埋嘴 啊 。
索額圖 又 話 ：皇上 為咗 息事寧人 ，曾經 向 羅剎國 大汗 下咗 幾道 諭旨 ，對方 就 始終 冇 答覆 。
收尾 荷蘭 國 使臣 轉告 ，話 羅剎國 雖然 係 好大 啊 ，卻 係 蠻夷 之 邦 ，全國 都 冇 一個 人 識得 中華 上國 文字 ；
接到 皇上 嘅 御旨 完全 莫名其妙 ，因此 只好 唔 回答 喇噉 。
不過 羅剎兵 ，嚟 侵佔 我國 地方 ，始終 冇 停過 。
皇上 話 ：我 中華 上國 ，講究 仁義 ，唔能夠 對 蠻夷 不教 而 誅 。
要 先 令 佢哋 知 錯 ，有 個 幡然悔改 嘅 機會 ，如果 訓諭 之後 ，仍然 蠻橫 唔服 教化 ，嗰陣時 ，就 只有 加以 誅戮 咯 。
朝中大臣 ，精通 羅剎國 言語 嘅 ，就係 得 韋 兄弟 你 一個 人 唧 。
韋小寶 諗 ：原來 因為 我 識 羅剎鬼 話 ，小皇帝 先至 向 我 投降 嘅 。
不禁 手舞足蹈 非常 得意 啊 。
索額圖 笑住 話 ：韋 兄弟 精通 羅剎 話 ，固然 係 十分 了不起 ，不過 仲有 一件 大本事 ，真係 人所莫及 嘅 。
聽講 羅剎國 嘅 攝政 女王 ，係 大汗 嘅 家姐 ，呢位 女王 乃係 兄弟 嘅 老相好 ，係唔係 啊 ？
韋小寶 哈哈大笑話 ：羅剎國 嘅 女人 啊 周身 都係 金毛 ，呢個 蘇菲亞 攝政女王 嘅 相貌 呢 ，好 就係 真係 好好 嘅 ，不過 身上 嘅 皮膚 啊 ，摸落去 好 粗糙 㗎 。
皇上 就係 要 兄弟 出馬 ，勉為其難 ，再 去 摸 佢 幾 摸 。
唔得冇胃口 ，冇胃口 啊 。
兄弟 一摸之下 ，兩國 交好 ，從此 就 免咗 刀兵 之 災 ，呢個 係 安邦 定國 嘅 一件 奇功 啊 。
原來 皇上 唔係 派 我 去 帶兵 打仗 ，係 要 我 去 施展 十八摸 神功 ，哈哈哈哈哈哈哈哈哈 。
兩個人 都 哈哈大笑 嘞 。
噉 韋小寶 問咗 羅剎國 侵佔 黑龍江 嘅 詳情 ，索額圖 就 詳詳細細 噉 講畀佢聽 。
原來 喺 明朝 萬歷 年間 ，羅剎人 就 決意 東侵 嘞 。
先後 喺 西伯利亞 嘅 托木斯克 、葉尼塞斯克 、雅庫茨克 、鄂霍茨克 等 地 築城 。
順治 六年 ，羅剎人 喺 鹿頂山 築城 ，叫做 阿爾巴青 ，中國 就 叫做 雅克薩城 。
同時 順流 東 下 ，沿途 劫掠 。
順治 九年 ，清廷 寧古塔 都統 海色 ，帶領 士兵 二千 ，喺 黑龍江 岸 將 羅剎 兵 趕走 。
噉 收尾 又 喺 松花江口 大戰 ，清廷 都統 明安達哩 奮勇 作戰 大破 羅剎 軍 。
噉羅剎兵啊 向 西 撤退 ，喺 尼布楚 築城 ，並且 派 人 去 莫斯科 請求 援兵 。
使者 沿途 散佈 流言 ，話 黑龍江 一帶 金銀 遍地 、牛馬 成群 ，居民 房屋 ，都係 畀 黃金 鑲嵌 嘅 噉 。
羅剎人 夢想 大發洋財 啦 ，就 成群結隊 噉 東來 ，沿途 劫掠 ，殘害 百姓 ，哥薩克 騎兵 啊 尤其是 殘暴 。
清廷 寧古塔 都統 ，沙爾呼達 ，寧古塔 將軍 巴海 就 帶 兵 御敵 。
喺 順治 十六年 、十七 年間 ，連勝 幾仗 ，打死咗 羅剎兵 嘅 統軍 大將 ，將 哥薩克 騎兵 ，殺死 成 半 有多 。
於是 羅剎人 呢 ，唔敢 再 到 黑龍江 畔 嘞 。
到咗 康熙 初年 ，羅剎 軍民 又 試 大班 大班噉 東來 嘞噃 ，以 雅克薩 城 為 根據地 。
康熙 年紀 漸漸 長大 之後 ，知道 羅剎人 野心 啊 極之 大 嘅 ，就 嚴加 防守 ，並且 派 吉林 水師 去 黑龍江 駐防 。
羅剎軍 呢 ，亦 不斷 增兵 ，將 雅克薩城 建築得 十分 牢固 。
同時 ，喺 通去 羅剎國 本部 嘅 交通 要道 沿途 設站 ，決心 將 黑龍江 一帶 廣大 嘅 土地 全部 佔領 。
嗰陣時 ，康熙 正在 全力 對付 吳三桂 ，噉 冇 力 分兵 抗禦 羅剎 嘅 侵略 。
直到 三藩 削平 ，台灣 鄭氏 歸降 ，更 無 後顧之憂 喇 ，噉 先至 專心 應付 。
佢 想起 韋小寶 曾經 去過 莫斯科 ，不但 熟悉 羅剎國 嘅 情形 ，而且 同 羅剎國 掌握 大權 嘅 攝政女王 關係 不同尋常 。
噉 曾經 獻計 幫助 佢 脱困 奪權 ，受過 佢 嘅 封爵 。
韋小寶 係 手上 嘅 一 着 厲害 嘅 棋子 ， 點解 唔 用 呢 ？
知道 佢 去咗 台灣 ，就 命令 索額圖 前 去 宣召 嘞 。
韋小寶 帶 咗 妻子兒女 ， 命令 差役 抬 咗 喺 台 灣 所發 嘅 請命 財 ， 兩袖 金風 ， 上船 北 行 。
臨行嘅時候 ，問 施瑯 要咗 原來 台灣 鄭氏 嘅 將領 何佑 、林興珠 、洪朝 ，以及 五百 名 藤牌兵 。
施瑯 知 佢 呢 次 去 北京 呢 ， 必定 得到 重用 嘅 ， 自己 喺 朝廷 裏 便 ， 正要 佢 鼎力 維持 ， 自然 一 啖 應承 啦 。
噉 對 佢 同 索額圖 ，又 都 送咗 一份 重禮 。
台灣 百姓 知道 朝廷 所以 撤銷 成個 台灣 百姓 內 遷 嘅 旨意 ， 呢 位 少年 韋大人 啊 有 極大 嘅 功勞 㗎 ， 所以 人人 感激 ， 萬民 傘 啊 、 護民旗 啊 送 咗 無數 咁 多 。
韋小寶 上船 嘅 時候 ， 兩名 父老 除低 韋小寶 嘅 靴 ， 高高 捧起 ， 話 係 留為 紀念 噉 。
呢種 脫靴 嘅 禮 呢 ，本來 係 地方官 為 官 清正 ，百姓 愛戴 喇 ，噉 先至 有 呢個 儀節 嘅 。
韋小寶 呢個 贓官 ，居然 亦 享受 呢種 殊榮 ，不但 前 無 古人 ，恐怕 亦 係 後 無 來者 嘞 。
歡送嘅 炮仗 啊 大放特放 ，更加 不在 話下 啦 。
話説 呢一日 ，船 到 塘沽 ，韋小寶 、索額圖 等 一行人 上岸 ，由 陸路 行 ，經 天津 就 到達 北京 。
韋小寶 重入 都門 ，唉 ，真係 恍如 隔世 ，心花怒放 啊 飄飄欲仙 ，立刻 就 去 謁見 皇帝 嘞 。
康熙 喺 上書房 傳見 。
韋小寶 行到 康熙 面前 ，跪低 叩頭 ，都 仲 未 起身 啊 ，心裏頭 ，悲喜交集 ，忍唔住 伏喺地 放聲 大哭 。
康熙 見到 韋小寶 返到嚟 ，個 心 有 一 大半 歡喜 ，亦 有 一 細半 嬲 ，佢 想 ：
呢個 衰仔 無法無天 ，竟然 膽敢 一再 違旨 。
呢次 雖然 派 佢 差使 ，不過 都 要 好好地 懲戒 佢 一番 ，免得 呢個 衰仔 恃 寵 而 驕 ，管 都 管 佢 唔住 。
點知道韋小寶一見面 ，竟然 會 放聲大哭 ，哈 ，康熙 嘅 心 都 軟晒 ，就 笑住 話 ：
叉叉叉 ，你 呢個 衰仔 見到 老子 ，乜 喊起上嚟 做咩 啊 ？
韋小寶 喊住 話 ：
奴 ，奴才 以為 今生今世 ，唔會 見到 皇上 㗎 嘞 。
誒 點知 今日 ， 誒 ， 點知 今日 終於 見到 ， 誒 ， 歡喜 過頭 啫 嘛 。
康熙 笑 住 話 ： 起身 ， 起身 ！ 等 我 睇 下 你 。
韋小寶 爬翻 起身 ，成面 眼淚 鼻涕 ，不過 嘴角 邊邊 呢 ，就 露出 微笑 。
康熙 笑住 話 ：叉叉叉 你個 衰仔 吖 ，高大咗 噃 。
講完 ，離開 御座 佢 話 ：我哋 度下 ，到底 係 你 高 定 係 我 高 。
行 過去 同 韋小寶 背脊 貼 背脊 噉 企響 處 。
韋小寶 眼見 同 康熙 一樣 高 ，但係 皇上 要 比 高矮 噃 ，點能夠 高過 皇上 㗎 ，於是 係 輕輕 彎低 膝頭 哥 。
康熙 用 手 喺 兩個 人 頭上 比 一比 ，噉 自己 高咗 約莫 一寸 就 笑住 話 ：
我哋 一樣 咁 高矮 。
噉佢 轉身 行開 幾步 笑住 問 ：小桂子 ，你 生咗 幾個 細路 啊 ？
韋小寶 話 ：奴才 唔 中用 啊 ，只係 生咗 兩個 仔 一個 女 唧 。
康熙哈哈大笑話 ：哈哈哈哈哈哈 ，呢件事呀 我啊叻過你喇 ，我已經有 四個仔 ，三個女喇 。
皇上 雄才大略 ， 梗 係 ， 梗 係 使得 啦 。
唉 ，幾年 冇見 ，你 嘅 學問 仲係 冇啲 長進 ，生仔女 嘅 事 同 雄才大略 有 咩 關係 唧 ？
有 關係 定 啦 ， 從前 周文王 有 一百個 仔 ， 凡 係 好 皇帝 啊 ， 必定 係 仔 多 嘅 。
你 又 知道 ？
皇上 派 奴才 去 釣魚 ，我哋 兩個 好比 周文王 同 姜子牙 。
噉 關於 周文王 嘅 事 ，奴才 梗係 要 問清楚 至 得啦 ，免致 見到 皇上 嘅 時候 ，皇上 問起 上嚟 回答 唔出 吖嘛 。
呢 幾年 嚟 康熙 忙於 同 吳三桂 打仗 ， 晝夜 辛勞 策劃 國事 ， 身邊 少 咗 韋小寶 呢 個 少年 臣子 講 笑話 解悶 ， 有時 實在 無聊 。
而家 君臣 重逢 ，極之 開心 噉 啊 傾咗 好耐 ，問咗 佢 喺 通食島 嘅 生活 ，又 問起 台灣 嘅 風土人情 。
韋小寶話 ：台灣 土地 肥美 ，氣候 温暖 ，出產 好多 㗎 ，百姓 日子 啊 過得 好快活 。
知道 皇上 准許 佢 哋 喺 台 灣 住 落 去 ， 個個 都 感激 皇恩浩蕩 ， 都 話 皇上 呀 ， 係 不折不扣 嘅 腰 腎 魚湯 啊 。
康熙 岌一岌頭 話 ：施政 ，以 不擾民 為 先 。
百姓 既然 喺 台灣 安居樂業 ，噉 夾硬 要 佢哋 遷 入 內地 ，實在 係 大大 擾民 。
朝中大臣 唔 了解 台灣 實情 ，妄發 議論 ，爭啲 誤咗 大事 。
你 同 施瑯力加 勸諫 ，功勞 唔 細 啊 。
韋小寶 噗聲 跪低 叩頭 話 ：
奴才 多次 違旨 ，殺 十七八次 頭 都 係 應該 嘅 。
無論 有 咩 功勞 ，皇上 都 不必 放 喺 心上 。
但求 皇上 開恩 ，放生 奴才 ，准許 我 喺 你 身邊 服侍 就好嘞 。
康熙 微笑 話 ：你 都 知道 殺 十七八 次 頭 亦 係 應該 啦 嘛 ？
就可惜 你 冇 十八 個 人頭 唧 ，否則 呀 ，我 一定 要 斬咗 你 十七 個 。
係 ， 係 。 奴才 嘅 人頭 呢 亦 唔 要 多 ， 只要 留翻 一個 ， 有 把 口 講 説 話 食 飯 就 心滿意足 喇 。
你嘅 人頭 留唔留 呢 ，噉 就 要 睇 你 今後 忠心 唔 忠心 ，係咪 仲 敢 違旨 喇 ？
奴才 忠字 當頭 ，忠心耿耿 ，赤膽忠心 ，盡忠 報國 㗎 。
你 呢個 忠字 嘅 成語 都 記得 好多 噃 ，仲有 冇 添 啊 ？
奴才 個 心裏 便 ， 只有 一個 忠字 ， 梗 係 記得 多 啲 啦 ， 仲有 ， 誒 ， 仲有 忠君愛國 ， 忠臣 不怕死 ， 怕死 不 忠臣 ， 仲有 忠厚老實 。
起身啦 ！你 如果 忠厚老實 呀 ，天下 就 冇 一個 刁頑狡猾 之徒 咯 。
韋小寶 企 翻 起身 佢 話 ：
回皇上 ，我 只係 對 你 一個人 忠心 㗎 咋 ，對 第二個人 就 唔係 咁 忠 㗎 嘞 ，有時 講 唔埋 呀 ，仲 會 奸 佢 一 奸 添 。
奴才 生出嚟 係 有啲 小滑頭 嘅 ，呢點 皇上 亦都 好 明白 啦 。
不過 我 對 皇上 啊 講究 忠心 ，對 朋友 啊 講究 義氣 ，忠義 唔能夠 兩全 嘅 時候 ，噉 奴才 只有 縮頭縮腦 ，喺 通食島 上面 釣魚 喇 。
你 唔使 擔心 ，將 説話 講定 先 ，我 冇 要 你 去 打 天地會 。
康熙 孭住 雙手 ，踱咗 幾步 佢 慢慢 噉 話 ：
你 對 朋友 講 義氣 ，嗰啲 係 美德 ，我 亦 唔怪 你 。
聖人 講究 忠恕之道 ，呢個 忠字 呢 ，亦 唔單單 係 指 事君 而言 ，對 任何人 盡心竭力 ，噉 就係 忠嘞 。
忠義 兩個 字 ，本來 一而二 二而一 嘅 。
你 寧死 都 唔肯 對唔住 朋友 ，唔肯 為咗 榮華富貴 出賣 朋友 ，亦 算 十分 難得 ，好 有 古人 之 風 。
你既然 唔肯 對唔住 朋友 嘞 ，自然 亦 唔會 對唔住 我 啦 。
小桂子 ，我 赦免 你 嘅 罪 ，並 唔係 完全 係 為咗 你 以前 嘅 功勞 ，亦 唔 完全 係 為咗 你 我 兩個 人 ，從 細 就 十分 投緣 ，亦 係 為咗 你 重視 義氣 ，呢啲 唔係 壞事 嚟 。
唉 ，韋小寶 真係 感激涕零 啊 ，佢 哽噎住 話 ：
奴才 ，奴才係 咩嘢 都 唔懂 㗎 ，只係 覺得 ，人哋 真心 對 我 好 ，我就 實在 ，實在唔能夠 ，唔能夠 對佢哋 唔住 啫 。
康熙 岌一岌 頭 佢 話 ：
嗰個 羅剎國 嘅 攝政女王 對 你 都 好 唔錯 㗎 ，我 派 你 去 打 佢 又 點 啊 ？
韋小寶 咭 一 聲 笑 起 上嚟 ，佢 話 ：嘻 ，佢 畀 人 韞 起 上嚟 ，爭啲 連 命 都 冇 埋 。
奴才 教 佢 鼓動 火槍手 作亂 ，奪到咗 大位 ，都 算 對得住 佢 啦 。
佢 派兵 想 嚟 奪 皇上 嘅 錦繡 江山 ，噉 點得 㗎 ？
呢個 女人 呀 ，水性楊花 ，今日 啊 勾搭 呢個 男人 ，聽日 啊 勾搭 嗰個 ，唔 當得真 嘅 。
唉就可惜 羅剎國 實在 太遠 唧 ，否則 奴才 帶 一支兵 去 ，將 呢個 女王 捉翻嚟 請 皇上 睇下 㗎喇 。
嗱 各位 ，欲知 後事 如何 ，且 聽 下回 分解 。
