前 文 再續 啊 書 接上 一回 啊 。
話說 林興珠 繼續 同 韋小寶 講 ，鄭成功 收復 台灣 嘅 經過 。
林興珠 話 ：鄭太師 去世 嘅 消息 傳到 台灣 ，國姓爺 怕 動搖 軍心 ，話 係 謠言 ，唔好 信 喇噉 。
不過 根據 親兵 話 ，國姓爺 時時 喺 半夜 喊喊得 好 淒涼 。
國姓爺 又 對 陳軍師 同 幾位 大將 話 ：黃梧 呢 幾條 計策 ，真係 毒辣 。
好彩 係 東征 台灣 唧 ，否則 十幾萬 大軍 點 都 唔能夠 喺 金門 、廈門 立腳 。
嗰陣時 我哋 圍攻 已經 好 長 時間 嘞 ，紅毛兵 幾次 想 突圍 ，都 畀 我哋 打翻轉頭 。
於是 國姓爺 傳下 將令 ，過年 之前 ，一定 要 攻下 熱來遮城 。
佢 問 洪朝 話 ： 係 十一月 廿二 嗰 日 總攻 嘅 係 唔 係 啊 ？
洪朝話 ：係 。
嗰日 大風大雨 ，我軍 各處 土壘 嘅 大炮 一齊 猛轟 ，打爛咗 一角 城牆 ，城東 城西 嘅 堡壘 ，亦 畀 我哋 打爛咗 。
噉 紅毛鬼 啊 搏命 衝出嚟 ，死咗 幾百 人 之後 ，仲係 退翻 返去 。
於是 紅毛 太守 揆 一 ，豎 白旗 投降 嘞 。
當其時 台灣 嘅 中國人 都 要 報仇 ，要 將 紅毛鬼 殺到 乾乾淨淨 。
國姓爺 就 向 呢 百姓 開導 ，話 我哋 中國 係 禮義 之 邦 ，敵人 投降 咗 就 唔能夠 再 殺 㗎 喇噉 。
准許 紅毛 太守 ，簽署 降書 總共 十四 款 ，噉啊 率領 殘兵 敗將 ，上船 離開 台灣 ，走去 巴達維亞 。
紅毛鬼 由 明朝 天啟 四 年 佔據 台灣 ，總共 係 佔咗 三十八 年 。
到 呢 一年 永歷 十五 年 ，即係 大清 順治 十八 年 十一月 廿九 ，台灣 就 重歸 中國 版圖 喇 。
林興珠 話 ：噉 國姓爺 就 下咗 將令 ，唔准 殺 已經 投降 嘅 紅毛兵 ，但係 中國 百姓 啊 實在 嬲過頭 喇 ，就 紛紛 對 佢哋 吐口水 ，掟 石頭 。
呢 細佬 哥 啊 仲 編咗 歌仔 嚟 唱 添 。
紅毛兵 啊 個個 都 斷手斷腳 ，垂頭喪氣 ，一句 鬼話 都 唔敢 講 咯 。
佢哋 兵船 開走 嘅 時候 ，升起 旗 又 落翻 ，再 放 禮炮 ，話 係 向 國姓爺 拜謝 不殺 之 恩 喎 。
韋小寶 話 ： 好 ！ 我 哋 中國 人真 係 夠晒 威風 啊 。
紅毛鬼 啲 炮火 咁 厲害 ， 打下 台灣 ， 實在 唔 容易 啊 ， 真 係 唔 容易 啊 。
洪朝話 ：嗰個 熱來遮城 ，國姓爺 改名 做 安平鎮 ，普羅民 遮城 改名 做 承天府 ，一直 係 台灣 嘅 重鎮 啊 。
路副將 插口 話 ：施軍門 取 台灣 ，走嘅 亦係 當年 國姓爺 嘅 老路 ，喺 鹿耳門 入去 。
韋小寶 揮手 叫 佢 唔好 講 嘞 ，打咗 個 喊路 話 ：
啊 ， 嗯 ， 中國 人 打 到 紅毛鬼 落海 而 逃 ， 噉 至 聽 得 過癮 嘅 啫 ， 自己 人 打 自己 人 ， 叻 極亦 冇 咁 好聽 嘅 。
施將軍 ，我哋 酒 亦 飲得 差唔多 嘞 ，散席 啦 。
施瑯 企 起身 話 ：係 ，多謝 爵爺 賜飯 ，卑職 告辭 。
韋小寶 返入去 內堂 ，噉啊 講起 點樣 攔住 施瑯 嘅 説話 ，總之 就 唔 畀 佢 自己 誇耀 取 台 嘅 戰功 ，六位 夫人 聽咗 都 覺得 好笑 嘞 。
只有 阿珂 係 默默無言 ，佢 諗 ：
當年 如果 嫁咗 鄭克塽 ，勢必 同埋 佢 一齊 被俘 去咗 北京 ，亡國 妾婦 ，難免 大受 屈辱 。
當日 眼見 鄭克塽 坐住 小艇 離開 通食島 ，對於 佢 嘅 生死存亡 就 已經 毫不 關心 ，而家 聽到 佢 失國 降敵 ，更加 係 毫不 在乎 啦 。
不過 回憶 前塵 ，自己 竟然 會 噉樣 畀 佢 嘅 風采 容貌 迷住 。
明知 呢個 人 係 冇 骨頭 冇 出息 嘅 紈绔子弟 ，自己 偏偏 呢 就 好似 盲咗 眼 噉 ，對 佢 一往情深 ，而家 想起 上嚟 ，真係 深感 慚愧 啊 。
公主 話 ：皇帝 哥哥 待人 呢 太過 寬厚 喇 。
鄭克塽 呢個 嘢 投降咗 ，居然 仲 封 佢 做 個 一等 公 ，爵位 仲 喺 小寶 之 上 喎 ，真係 唔 忿氣 嘅 啫 。
韋小寶 話 ：唔緊要 唔緊要 。
國姓爺 係 一位 好大好大 嘅 英雄好漢 ，皇上 係 睇在 國姓爺 嘅 份上 ，先至 封 佢 個 孫 做 個 一等 公 啫 嘛 。
如果 淨係 以 鄭克塽 自己 嘅 本事 呀 ，哼 ，至多 唔係 封 一個 ，一等 狗毛蟲 。
第日中午 ，韋小寶 淨係 請 林興珠 、洪朝 兩個人 小宴 ，就 問起 施瑯 攻取 台灣 嘅 經過 。
原來 清軍 同 台軍 ，喺 澎湖 牛心灣 、雞籠嶼 血戰 咗 幾 日 。
施瑯 ，第一日 打咗 敗仗 ，收尾 呢 ，清軍 水師 援兵 開到 又 試 大戰 。
台灣 船隻 就 畀 火 燒 咗 ，大敗 一場 ，將士 死傷 萬幾 人 ，戰艦 啊 損失 三百幾 隻 。
劉國軒啊 率領 殘兵 退翻 去 台灣 。
噉 跟住 施瑯 率領 水師 攻打 台灣 。
鹿耳門 啊 水淺 ，戰船 唔能夠 駛入去 ，喺 海上 泊咗 十二 日 。
噉正話無計可施嘅時候 ，忽然 大霧彌天 ，潮水大漲 ，清軍 戰船 一齊 湧入 。
台灣 人人 都 驚 晒 啊 都 話 ：
當年 百姓爺 ，因為 鹿耳門 漲潮 就 得到 台灣 。
而家 鹿耳門 潮水 又 漲 咯 ，天險 已經 冇 咗 嘞 ，呢啲 係 天意 啊 ，再 打 亦 冇 用 㗎 喇 噉 。
鄭克塽 知道 清軍 戰船 開入 鹿耳門 ，嚇到 手足無措 。
馮錫范 勸 佢 投降 ，梗係 一啖 應承 定嘞 。
噉只係 怕 施瑯 要 報 私仇 ，為難 鄭氏 子孫 ，就 好 躊躇 。
噉劉國軒就寫信畀施瑯 ，話投降可以 ，但係 國姓爺嘅子孫必須保存 。
否得 全台 軍民 ，感念 國姓爺 嘅 恩義 ，寧可 打到 最後 一個 人 嘅 啫噉 。
施瑯 立即 答復 ，保證 決唔計較 舊怨 ，否則 天人共棄 ，絕子絕孫 。
於是 鄭克塽 、馮錫范 、劉國軒 ，率領 台灣 文武百官 就 投降 嘞 。
明朝 宗室 ，寧靖王 朱術桂 自殺 殉國 ，五個 妾侍 亦都 陪埋佢一齊 自殺 ，噉 明朝 嘅 宗室 啊 就 絕咗 後 喇 。
林興珠 又 話 ，施瑯 帶兵 登陸 之後 ，都 好 守信用 ，並 冇 為難 鄭氏 子孫 ，仲 親自 去 鄭成功 嘅 延平王廟 致祭 喊咗 一場 噉 。
洪朝話 ：佢 祭文 裏邊 ，有 幾句 説話 係 噉樣 講 嘅 ：
自 同安侯 入 台 ，台地 始 有 居人 。
逮賜 姓 啟土 ，始 為 岩疆 ，莫 敢 誰 何 ？
今瑯賴天子威靈 ，將帥之力 ，克有茲土 ，不辭滅國之誅 ，所以忠朝廷 ，而報父兄之職分也 。
獨瑯 起 卒伍 ，與 賜姓 有 魚水之歡 ，中間 微 嫌 ，釀成 大戾 。
瑯 與 賜 姓 翦 為 仇讎 ，情 猶 臣主 。
蘆中義士 ，義所不為 。
公義 私恩 ，如此 而已 。
誒噉佢 呢 幾句 説話 呢 ，都 傳誦 一時 嘅 。
韋小寶 問 ：噉 佢 嘰喱咕嚕 講 啲 咩 嘢 唧 ？
洪朝話 ：蘆中義士 ，就係 伍子胥 。
當年 伍子胥 滅咗 楚國 ，將 楚平王 嘅 屍體 ，喺 墳 裏 便 掘出嚟 ，鞭屍 三百 ，報咗 佢 殺父 殺兄 之 仇 。
施瑯 話 ，佢 決 唔 做 呢種 事 喎 。
韋小寶 冷笑話 ：哼 ，佢 敢 至得 㗎 。
國姓爺 雖然 係 死咗 喇 ，佢 仲係 怕到 不得了 。
佢 敗咗 鄭家基業 ，只怕 國姓爺 嘅 英魂 搵 佢 為難 ，於是 去 國姓爺 間 廟 叩頭 求情 啫嘛 。
呢個人呀 好 奸猾 㗎 ，你哋 千祈 唔好 上 佢 當 啊 。
林洪 兩個人 ，都 話 係 啊噉 。
韋小寶 話 ：伍子胥 嘅 故事 呢 ，我 睇 戲 係 睇過 㗎 啦 。
有 一齣戲 叫做 伍子胥 過 昭關 ，一夜之間 將 頭髮 嚇到 白晒 係 唔係 啊 ？
洪朝話 ：係 ，爵爺 記性 真係 好喇 。
韋小寶 好耐 冇 聽 人 講 故事 喇 ，噉 就 問起 伍子胥 嘅 前後 事蹟 。
難得 洪朝 當年 考過 秀才 ，雖然 考唔到 啊 ，但係 肚裏 便 嘅 墨水 呢 ，確係 有啲 嘅 ，於是 一五一十 噉 詳詳細細 噉 講畀 韋小寶 聽 。
韋小寶 聽到 津津有味 佢 話 ：
我 喺 呢個 荒島 上面 呀 真係 無聊 嘞 ，好在 兩位 嚟到 講古仔 畀 我 聽 。
最好呢 你哋 住 多 幾日 ，唔好 咁快 走 啦 。
林興珠 話 ：我哋 係 台灣 降將 ，尋日 講説 話嘅 時候 ，得罪 咗 施將軍 。
施將軍 要 對付 我哋 ，就 好似 捻死 兩隻 蟻仔 噉 ，隨便 加 一個 心懷反復 、圖謀不軌 嘅 罪名 ，立刻 就 可以 先斬後奏 。
就算 斬 而 不奏 啊 ，亦 唔會 有人 追問 嘅 。
韋大人 ，請 你 同 施將軍 講下 ，就 留低 我哋 兩個人 服侍 你 啦 。
韋小寶 好 歡喜 ，佢 問 ：洪大哥 你 又 點 呢 ？
洪朝話 ：尋晚 卑職 同 林大哥 仔細 商量 ，如果 唔 得到 韋大人 救命 ，我 兩個 勢必 死無葬身之地 㗎 。
韋小寶 話 ：噉 兩位 跟住 我 ，一切 要 聽 我 説話 至 好 噃 。
林洪 兩個人 一齊 躬聲 話 ：韋大人 無論 吩咐 乜嘢 ，卑職 唯命是從 。
韋小寶 歡喜 到 乜嘢 噉 佢 諗 ：有 咗 呢 兩個 好 幫手 啊 ，我 就 有 法子 離開 呢 笪鬼 地方 嘞 。
當晚 ，又 宴請 施瑯 ，呢次 只係 請 林興珠 、洪朝 兩個人 作陪 。
傾咗 一陣 閒話 ，韋小寶 話 ：
施將軍 ，你 喺 呢處 都 怕 要 住 翻 一兩個月 㗎 ？
施瑯 話 ：卑職 本來 想 住 耐啲 嘅 ，以便 時時 聽 大人 教誨 。
不過 台灣 初定 ，唔能夠 離開 太 耐 ，聽日 ，就 要 向 大人 告辭 喇 。
你 話 想 住 耐 啲 同 我 喺 一齊 ， 以便 時時 聽 我 嘅 教誨 係 嘛 ？ 唔 知 係 真話 呢 ， 定 係 講 嚟 氹 我 歡喜 嘅 呢 ？
梗係 千真萬確 啦 ，係 卑職 喺 個 心處 講出嚟 嘅 説話 。
當年 ，卑職 追隨 大人 ，兵 駐 通食島 ，炮轟 神龍教 ，每 日 都 恭聆 大人 教導 ，同埋 大人 一齊 飲酒 、賭錢 、講笑話 。
嗰陣時嘅日子啊 ，唉真係 開心到極喇 。
如果 再 能夠 過 嗰啲 咁 好 嘅 日子 ，你 開心 唔 開心 啊 ？
噉梗係 開心 啦 。
日後 皇上 派 大人 軍國重任 嘅 重大 差事 ，卑職 仲係 要 請求 跟隨 大人 㗎 。
噉就 容易 啦 ，你 要 跟隨 我 ，聽 我 講 笑話 ，一啲 都 唔 難 。
我哋 聽日 ，就 一齊 去 台灣 啦 。
施瑯 大吃一驚 ， 企 起身 嚟 聲 都 震 晒 噉 話 ： 誒 噉 噉 ， 誒 ， 呢 件 事 未 奉 皇上 聖旨 ， 卑職 不敢 奉命 ， 誒 請 ， 請 大人 原諒 。
我 又 唔係 去 台灣 想 做 乜嘢 ，不過 聽 你哋 講 得 咁 熱鬧 ，話 國姓爺 喺 台南 、台北 開疆闢土 ，新 造 咗 一個 花花世界 。
我 想 去 親眼 睇下 啫嘛 。
噉到咗台灣咯 ，你咪就可以 時時 聽 我嘅 教誨囉 ？
呢句 説話 你 自己 親口 講 㗎 。
我 不過 睇 你 為 人 好好 ， 以前 呢 又 跟過 我 ， 我 哋 係 老 上司 老 部下 咯 ， 交情 就 唔 同 尋常 吖 嘛 ， 我 噉 先至 勉強 想個 法子 ， 嚟 應承 你 嘅 請求 㗎 咋 。
我 去 台灣 玩 下 ，一兩個月 就 返嚟 喇 ，神不知鬼不覺 ，只要 你 唔 講 ，我 唔 講 ，皇上 亦 唔 會 知道 嘅 。
施瑯 神情 極之 尷尬 ，佢 躬身 話 ：韋大人 ，呢件事 實在 好 為難 。
大人 有 命 ，卑職 本當 遵奉 ，只不過 如果 皇上 怪罪 ，實在 有 極之 不便 。
卑職 如果 唔奏告 ，噉 就係 犯咗 欺君 大罪 ，卑職 係 萬萬 不敢 嘅 。
請坐 ，請坐 。
施將軍 ，噉 你既然 唔肯 咯 ，噉 亦係 小事 一件 啫 ，不必 再講 喇 ，吓 ，不必 再講 喇 。
施瑯 如 釋重負 ，猛咁 話 ：係係係 。噉啊 坐翻 喺 處 。
韋小寶 笑住 話 ：
講到 欺君之罪 呢 ，唔怕 同 你 講吖 ，我 欺瞞 皇上 嘅 事 ，都 做過 幾件 㗎 。
不過 皇上 寬洪大量 ，知道咗 之後 ，亦 不過 鬧 我 幾句 ，都 冇 咩 大不了 嘅 。
係 ，係 。
大家 都 話 ，皇上 對待 韋大人 深恩厚澤 ，真係 異數 。
君臣 咁 有 緣分 ，實在 係 曠古 未 有 。
但係 好似 卑職 呢種 冇福分 嘅 小將 外臣 ，就 萬萬 唔敢 同 韋大人 學 㗎 咯 。
施將軍 把 嘴 呢 ，講得 好似 十分 膽小 ，其實 我 睇 啊 ，你 嘅 膽量 係 好大 㗎 。
聽講 施將軍 攻下 台灣 之後 ，做咗 一篇 祭文 去 祭 國姓爺 係 唔係 啊 ？
回大人 ，國姓爺 呢 三個 字 ，係 唔 講得 㗎 ，而家 嘅 國姓 ，係 愛新覺羅 。
我哋 提到 鄭成功 嘅 時候 ，如果 講得 客氣啲 ，只能夠 話 係 ，前明 賜姓 。
因此 卑職 嗰篇 祭文 裏 便 ，只係 話 賜姓 兩個 字 ，決唔敢 大膽 犯忌 。
佢 估計 自己 唔肯 帶埋 韋小寶 去 台灣 ，呢個 小鬼 必定 雞蛋 裏 便 搵 骨頭 ，硬係 要 執 自己 雞腳 。
國姓爺 三個 字 係 大家 都 講慣 嘅 ，但係 鄭成功 得到 明朝 賜姓 朱 ，噉 佢 嘅 國姓 係 明朝 嘅 國姓 ，唔係 清朝 嘅 國姓 噃 。
韋小寶 如果 揸住 呢 三個 字 嚟 大做 文章 ，話 佢 念念不忘 姓 朱 係 國姓 ，申報 朝廷 ，呢件事 啊 可 大 可 小 ，講唔定 會 釀成 大禍 ，因此 呢 就 搶先 辯白 。
其實 韋小寶 一 啲 學問 都 冇 嘅 ， 呢 啲 字眼 上 嘅 關節 ， 佢 點 都 想 唔 到 。
而家 施瑯 自己 一辯白咯 ，吖 ，反而 揸到 把柄 嘞 ，佢 話 ：
施 將軍 曾經 受 明朝 嘅 爵祿 ，念念不忘 前朝 嘅 賜姓 ，噉 亦 唔怪得 。
如果 真係 忠於 我 大清 ，就 應該 稱 鄭成功 做 逆姓 、偽姓 、匪姓 、狗姓 至 啱 啊 。
施瑯 耷低 個 頭 唔 出聲 嘞 。
個 心裏 便 雖然 極之 不以為然 ，但係 覺得 不宜 喺 呢件事 上 便 同 佢 辯論 咁多 。
稱 鄭成功 做 賜姓 ， 果然 仲 係 不免 有 不 忘 前朝 嘅 意思 啊 。
韋小寶 話 ：施將軍 嗰篇 祭文 一定 係 做得 十分 好 㗎喇 ，念畀 我 聽 下 得唔得 啊 ？
施瑯 只係 會 帶兵 打仗 ，邊度 會 做 咩 祭文 呢 ？
呢篇 祭文 ，係 佢 一名 師爺 做 嘅 。
呢個 師爺 頗 有 才情 ，呢篇 祭文 做 都 情文並茂 ，辭意 懇切 。
施瑯啊 聽過 唔少人 讚揚 嘞 ，就 好得意 ，將 其中 好幾段 記到 熟晒 ，向 人 炫耀 ，噉 佢 話 ：
卑職 求其 噏 幾句 ，韋大人 唔好 笑 我 。
於是 將 祭文 嘅 幾段 文章 背出嚟 。
韋小寶 聽到 背完 ：獨瑯 起 卒伍 ，與 賜姓 有 魚水之歡 ，中間 微 嫌 ，釀成 大戾 。
瑯 與 賜 姓 翦 為 仇讎 ，情 猶 臣主 。
蘆中義士 ，義所不為 。
公義 私恩 ，如此 而已 呢一段 ，就 讚佢話 ：好文章 ，真係 好文章 。
呢篇 文章 ，咪 講話 殺咗 我 個 頭 亦 做唔出 喇 ，就係 人哋 做好咗 要 我 背翻 出嚟 ，哼 ，我 怕 只要 讀 佢 十日 八日 至 得 。
施將軍 文武全才 ，記性 極好 ，佩服 ，佩服 。
施瑯 塊面 有啲 紅紅地 嘞 ，佢 諗 ：
你 明知 我 做唔出 ，係 人哋 做 嘅 ，我 讀熟咗 背出嚟 嘅 啫 嘛 。
噉樣嚟譏諷我 ，哼 ，我亦不必 同你講咁多嘞 。
韋小寶 話 ：其中 蘆中 義士 ，義所不為 呢 八個字 係 咩 意思 啊 ？
嘿 我 學問 好 水皮 㗎 一啲 都 唔 懂 。
蘆中義士 ，係 講 伍子胥 。
當年 ，佢 由 楚國 逃難 去 吳國 ，嚟到 江邊 ，噉 有 個 漁翁 渡 佢 過江 ，又 去 攞 飯 畀 佢 食 。
伍子胥 怕 追兵 嚟 捉 佢 ，就 匿埋 喺 江邊 嘅 蘆葦林 裏 便 。
漁翁 返到 嚟 ， 見 蘆葦 林 有人 匿 埋 就 嗌： 蘆中人 ， 蘆中人 ， 嗰 個 窮 佬 啊 。
收尾 伍子胥 帶領 吳兵 ，攻破 楚國 ，將 楚平王 嘅 屍首 喺 墳墓 裏 便 掘出嚟 ，鞭屍 三百 ，報 殺 佢 父兄 之 仇 。
賜姓 ，誒 鄭成功 曾經 殺 我 父兄 妻兒 ，台灣人 怕 我 攻破 台灣 之後 ，亦 會 掘屍 報仇 。
卑職 呢篇 祭文 裏 便 講 ，呢種 事 ，我 係 決 唔會 做 嘅 。
鄭成功 在 天之靈 可以 放心 ，台灣 軍民 ，亦 不必 顧慮 。
哦 ，原來 噉嘅 。
施將軍 ，係 喺度 自比 伍子胥 咯 。
伍子胥 係 大英雄 、大豪傑 ，卑職 點 敢 同 佢 比 吖 ？
只不過 伍子胥 全家 遭難 ，佢 孤單 一個人 逃跑咗 出嚟 ，終於 帶兵 返嚟 ，報咗 大仇 。
呢一點 ，同 卑職 嘅 遭遇 亦 差唔多 唧 。
但願 施將軍 將來 嘅 結局 ，同 伍子胥 大 不相同 噉 就好喇 ，否則 呀 ，就 認真 不妙 咯 。
施瑯 即刻 諗起 ，伍子胥 喺 吳國 立 咗 大功 ，收尾 呢 反而 畀 吳王 所 殺 ，不由得 面色 大變 ，揸住 酒杯 嗰 隻 手 亦 不由得 震起 上嚟 。
韋小寶 擰擰頭 話 ：聽講 伍子胥 立咗 大功 就 驕傲 起嚟 嘞 ，對 吳王 好 唔 恭敬 。
施將軍 ，你 自比 伍子胥 ，實在 係 非常 唔妥當 啊 。
你 嗰篇 祭文 ，當然 早就 傳到 北京城 嘞 ，皇上 亦 必定 睇到 嘞 。
如果 冇人 幫 你 向 皇上 分辨 ，我 睇 ，嘿嘿 ，吖 ，可惜啊 ，真係 可惜啊 ，呢一場 大功勞 ，只怕 要 付於 流水 咯 。
施瑯 連忙 話 ： 大人 明 鑒 ， 卑職 所講 嘅 ， 係 唔 做 伍子胥 ， 我 唔 敢 話 要 做 伍子胥 啊 ， 呢 啲 係 ， 誒 完全 ， 係 係 完全 唔 同 㗎 。
你 呢篇 祭文 到處 流傳 ，施 將軍 自比 伍子胥 係 天下 皆 知 㗎 喇 。
施瑯 企起身 ，聲 都 震晒 話 ：皇上 聖明 ，恩德 如 山 ，有功 嘅 臣子 個個 保全 。
卑職 服侍 到 一位 好 主子 ，比起 伍子胥 ，運氣 係 好得多 咯 。
你噉講 係 冇錯 嘅 。
伍子胥 嘅 居心 到底 係 點樣 ，我 唔係 點 明白 。
不過 我 啊 睇過 大戲 ，吳王 殺 佢 嘅 時候 ，伍子胥 話 ：
將 我 雙眼 挖出嚟 鑲 喺 城門 上 便 ，等 我 見到 越兵 打入 京城 ，見到 吳國 滅亡 。
收尾 ，好似 吳國 真係 畀 人 滅亡 咗 喇 。
施將軍 文武全才 ，必定 知道 呢隻 古仔 㗎 係咪 啊 ？
哎呀 ，施瑯 不由得 一陣 冰冷 ，由 頭殼 頂 一直 冷到 落 尾 龍骨 。
佢 初時 只係 想到 伍子胥 立 大功 之後 ，畀 吳王 殺死 嘅 不祥事蹟 ，已經 係 好唔安樂 嘞 ，仲 未 想到 伍子胥 臨死 嘅 時候 嗰 幾句 説話 。
自己 嗰篇 祭文 裏 便 話 ：蘆中 義士 ，義 所 不為 。
雖然 係話 唔做 伍子胥 嘅 事 ，但係 自比 伍子胥 嘅 意思 ，卻 係 好 明顯 嘅 。
祭文 裏 便 提到 伍子胥 講 嘅 只係 鞭屍 報仇 ，點估到 韋小寶 竟然 會 扯到 詛咒 亡國 呢件事 上 便 。
呢個 認真 犯忌 嘅 罪名 啊 ，一畀 人 加 到 自己 頭上 ，真係 弊弊 冇 咁 弊咯 。
韋小寶 呢 番 説話 ，只要 畀 皇帝 聽到 ，就算 皇上 聖明 並 唔 加罪 ，個心 啊 一定 唔 高興 嘅 。
自己 仲 想 加官進爵 啊 ，從此 啊 想 都 唔 使 想 咯 。
如果 皇帝 嘅 親信 好似 韋小寶 之流 ，再 火上加油 挑撥 一番 ，話 自己 心存 怨望 ，諷刺 朝廷 ，誅殺 功臣 ，噉 自己 呢個 人頭 呀 ，實在 難保 到 極 啊 。
施瑯 真係 悔恨啊 ，悔恨 千不該萬不該 ，唔應該 祭 鄭成功 ；
更唔應該 叫 師爺 做 呢篇 祭文 ，以致 畀 呢個 精靈 古怪 嘅 小鬼 捉住 雞腳 。
佢 傻咗 噉 企 響住 ，唔 知道 講 啲 乜嘢 嚟 分辯 先至 好喇 。
嗱 各位 ，欲知 後事 如何 ，且 聽 下回 分解 。
