前文 再續 啊 書 接 上 一回 。
話説 有 一日 ，韋小寶 坐 喺 海邊 大石 上面 釣魚 。
釣釣下 ，瞌起眼瞓 ，朦朦朧朧 覺得 魚鉤 一沉 ，咦 ，有魚到 。
雙手 一擢 ，條 釣絲 啊 飛起 上嚟 ，釣魚鉤 呢 ，勾住 佢 條 後領 。
佢 出力 咁 猛 ，魚鉤 入 肉 ，痛 到 佢 不得了 。
突然間 ，聽到 大海 嗰便 就 轟噉 一聲 ，嚇 佢 一跳 。
韋小寶 擔 高個頭 一 睇 ，只見 十幾隻 大戰船 ，張帆 乘風 ，正在 向 島 上 疾駛 過嚟 。
韋小寶 見勢頭唔對路嘞 ，掹 個 魚鉤 又唔甩 ，嘿唔理 咁多 喇 ，即刻 飛快 咁 跑翻去 ，噉 由得 支 釣魚竿 拖住 喺 後 便 。
佢 諗 ：實係 鄭克塽 呢個 衰仔 帶 兵 嚟 還債 定 嘞 ，還債 本來 極之 好 嘅 ，不過 欠債 嘅 上門 ，先 放 幾炮 ，來勢 洶洶 ，嗯 ，實唔係 好兆頭 啊 。
佢 都 仲未 跑到 自己 間 屋 ，彭參 將 已經 氣急敗壞 噉 跑到嚟 喇 ，佢 話 ：
誒 ， 誒 ， 誒 韋 ， 誒 ， 韋爵爺 ， 誒 ， 弊 ， 弊 傢伙 喇 ， 台灣 兵船 ， 打過 嚟 喇 。
韋小寶 問 ：你 點知 係 台灣 兵船 啊 ？
誒 ，卑職 ，嗯 ，啱先 用 千里鏡 照過 喇 ，船 ，船尾 ，啊 唔係 唔係 唔係 ，船頭 啊 ，上面 畫住 一個 太陽 ，一個 月亮 ，呢個 係 台灣 鄭 ，鄭逆 嘅 徽號 。
一隻 戰船 ， 如果 係 裝 五百 兵將 呢 ， 兩隻 係 二千 ， 三隻 就 有 ， 就 有 七八千 啊 。
韋小寶 攞起 佢 嗰個 千里鏡 ，對住 來船 一望 ，數一數 ，總共 十三 隻 大船 。
再仔細睇下船頭 ，果然 依稀 畫住 個 太陽 同 月亮 嘅 徽記 ，就話 ：
快啲 帶兵 去 布防 ，喺 岸邊 守住 ，敵人 坐 小艇 登陸 ，就 放箭 啦 ，去啦 。
彭參將 應咗 ，就 飛奔 而去 嘞 。
蘇荃 等 都 聽到 炮聲 出嚟 ，只 聽見 來 船 又 嘣嘣嘣 噉 放炮 。
公主 話 ：阿珂 妹妹 ，你 去 台灣 嘅 時候 ，帶 唔 帶埋 虎頭 一齊 去 啊 ？
阿珂 嬲 喇 ， 佢 話 ： 你 ， 你仲開 咩 玩笑 唧 ？
韋小寶 更加 唔 高興 啦 ，就 鬧 公主 話 ：
等 公主 呢個 衰人 帶埋 佢 嘅 雙雙 去 台灣 啦 。
蘇荃 忽然間 話 ：咦 ？點解 啲 炮彈 落海 ，冇 打起 水柱 嘅 ？
只聽見嘭嘭兩響 ，炮口煙霧瀰漫 ，但係冇炮彈打上岸 ，亦冇跌落海 。
韋小寶 一 諗 ，哈哈 大笑話 ：呢啲 係 禮炮 啊 ，唔係 嚟 打 我哋 㗎 。
公主 話 ：先 禮 後 兵 啫嘛 。
韋小寶 嬲 嘞 ：雙雙 呢 ？快啲 過嚟 ，老子 要 打 佢 pat pat 。
好地地 ，為咩事 要 打個 女唧 ？
邊個 叫 佢 阿媽 咁 討厭 啊 。
啲 大船 漸漸 駛近 嘞 ，喺 千里鏡 裏 便 睇得 好 清楚 ，船上 升起 嘅 ，竟然 係 大清 黃龍旗 ，並非 台灣 日月旗 。
韋小寶 又 驚 又 喜 ，將 千里鏡 交畀 蘇荃 話 ：你 睇下 ，真係 奇怪 喇 。
蘇荃 睇咗 一陣 就 微笑 話 ：
佢哋 係 大清水師 ，唔係 台灣 嘅 。
韋小寶 接過 千里鏡 又 睇 ，佢 話 ：冇錯冇錯 ，果然 係 大清水師 。
哎呀 ！ 哎呀 做 咩 點解 咁 痛 嘅 ？
捩轉頭一睇 ，原來 阿珂 抱住 個仔 韋虎頭 揦住 支 釣竿 ，出力 咁 掹 。
魚鉤 仲 勾住 韋小寶 條 頸 噉 啊 梗係 掹到 好 痛 定 啦 。
阿珂 忍住 笑 連忙 輕輕 幫 佢 整甩 個 魚鉤 ，笑住 話 ：對唔住 啊 ，你 唔好 嬲 噃 。
韋小寶 笑起嚟 話 ：乖仔 ，小小年紀 就 有 姜太公 嘅 手段 ，你 好嘢 。
公主 哼咗 一 聲 鬧 佢 話 ：偏心鬼 啊 。
只見彭參將 快步 跑過嚟 佢 話 ：韋爵爺 ，船上 打 嘅 係 大清 旗號 ，怕 係 有 詭計 噃 。
韋小寶 話 ：冇錯 ，只准 一隻 小艇 載人 上 島 ，問 清楚 再 講 。
係 ！彭參將 應咗 就 去 嘞 。
公主 話 ：實係 鄭克塽 嗰個 嘢 假打 大清 旗號 啫 ，呢啲 啊 明明 係 台灣 船 嚟 嘅 。
韋小寶 話 ：哈 好極喇 ，公主 ，你 近來 個 樣 啊 好靚噃 。
公主 打個 特 ，不過 聽 丈夫 稱讚 自己 ，亦 忍唔住 歡喜 ，就 微笑 話 ：
仲唔係 一樣 有 咩 靚唧 ？
你 唇紅 面白 ，眉毛 彎彎 好似 月裏 嫦娥 下凡 ，鄭克塽 見到 你 啊 實係 鐘意 到 死 啊 。
公主 就 呸咗 佢 一聲 。
冇 幾耐 ，啲 戰船 駛 近 嘞 ，拋錨 停泊 喇 。
六七名 水兵 扒 一隻 艇仔 ，駛向 岸邊 。
彭參將啊 指揮 士兵 彎弓搭箭 對住 小艇 。
小艇 駛到 近嘞 ，艇 裏頭 有人 攞起 話筒 放 喺 口邊 佢 話 ：
聖旨 到 ！水師 提督 施 軍門 向 韋爵爺 傳 旨 。
韋小寶 歡喜 到 乜嘢 噉 ，佢 話 ：
豈有此理 ， 施瑯 搞 咩 嘢 古怪 啊 ？ 開住 台 灣 嘅 戰船 嚟 傳旨 ？
蘇荃話 ：可能 佢 喺 海上 遇到 台灣 水師 ，打咗 勝仗 ，將 台灣 嘅 戰船 捉咗 過嚟 啦 。
韋小寶話 ：實係噉樣嘅 ，荃姐 料事如神 啊 。
公主 仲唔 服氣 噃 ，佢 話 ：
我呀 ，估係 施瑯 投降咗 台灣 ，鄭克塽 派 佢 假 傳 聖旨 啊 真 。
韋小寶 個 心 一 歡喜 ，就 唔 鬧 佢 嘞 ，喺 佢 囉 柚 搣 咗 一下 拍 咗 一巴 ，興沖沖 行 去 沙灘 接 旨 嘞 。
喺 小艇 上岸 嘅 果然 係 施瑯 。
佢 企 喺 沙灘 上 便 大聲 宣讀 聖旨 。
原來 康熙 派 施瑯 攻打 台灣 ，澎湖 一戰 ，鄭軍 水師 大敗 ，施瑯啊 乘勝 攻入 台灣 。
明延平郡王 ，鄭克塽 啊唔 打 就 投降 嘞 ，台灣 從此 歸 於 大清 版圖 。
康熙 論功行賞 ，以 施瑯 當年 閒居 北京 唔用 啊 ，得 韋小寶 保薦 ，而 立咗 呢個 大功 ，噉 啊 特 升 韋小寶 為 二等 通食侯 ，加 太子 太保 銜 ；
長子 韋虎頭 呢 ，蔭 一等 輕車 都尉 。
韋小寶 謝完恩 ，茫然 若失 ，想唔到 台灣 居然 畀 施瑯 平定 咗 。
佢 同 鄭克塽 一 見面 就 結落 仇怨 ，師父 陳近南 呢 畀 佢 害死 ，更加 係 嬲 到 佢 入骨 。
但係 台灣 一平 啊 ，大明 天下 從此 啊 一寸 土地 都 冇 嘞 ，亦 不禁 有 啲 惆悵 。
佢 年紀 幼小 ，從來 冇 讀過 書 ，咩 滿漢 之 分 ，國族 之 仇 ，從來 都 唔 放 喺 心上 。
只係 喺 天地會 日子 耐 咯 ，平日 聽 會眾 兄弟 講得 多 嘞 ，自然而然 噉 ，亦 覺得 滿洲人 佔 我 漢人 江山 係 非常之 唔應該 。
呢個 時候 ，聽講 施瑯 將 鄭克塽 捉咗 去 北京 ，並 唔 覺得 歡喜 。
又 想 師父 一生 竭盡 心力 ，只係 希望 恢復 大明 天下 ，就算 呢件 大事 做唔成 啊 ，亦 要 保住 海外 大明 呢 一片 土地 。
點知 師父 被害 冇 幾耐 ，鄭克塽 就 投降 嘞 ，唉 ，師父 喺 陰間 得知 啊 ，亦 必定 痛哭流涕 啊 。
韋小寶 想到 嗰日 師父 被害 ，亦係 因為 同 施瑯 力戰 之後 太過 疲倦 喇 ，先至 會 畀 鄭克塽 喺 背後 暗算 。
而家 睇見 施瑯 一 副 得意洋洋 嘅 神氣 ，不由得 唂到 成肚 氣 ，佢 就 話 ：
施大人 立咗 呢個 大功 ，一定 係 封咗 大官 定 嘞 。
施瑯 微笑 話 ：蒙 皇上 恩典 ，賜封 卑職 為 三等 靖海侯 。
恭喜 ，恭喜 。
韋小寶 諗 ：我 本來 係 一等 通食 伯 ，升 一級 呢 ，係 三等 通食 侯 。
小皇帝 就 連 升 我 兩級 ，原來 係 要 我 高級 過 施瑯 ，免致 大家 都 做 三等侯 ，滋味 唔係 點 好 啊 。
但係 諗到 施瑯 大戰 平定 台灣 ，幾咁 熱鬧 風光 啊 ，而 自己 喺 呢個 荒島 上 便 成日 發吽豆 ，唉 真係 又 妒忌 又 嬲 嘞 。
施瑯 請咗 個 安 ，恭恭敬敬 噉 話 ：
皇上 召見 卑職 ，勉勵 咗 一番 。
最後 皇上 話 ：施瑯 ，你 呢次 出師 立功 ，知唔知道 係 得到 邊個 栽培 提拔 啊 ？
以前 你 喺 北京 ，邊個 都 唔理 你 ，係 邊個 保薦 你 㗎 ？
卑職 回答 話 ：回 皇上 ，係 韋爵爺 嘅 保奏 提拔 ，皇上 加恩 。
噉 皇上 話 ：你 冇 忘本 噉 就 啱喇 。
你 即日 去 通食島 向 韋小寶 宣旨 ，加恩 晉爵 ，獎佢 有 知人之明 ，為 朝廷 立功 。
所以 ，卑職 專程 趕嚟 啊 。
韋小寶 歎咗 口氣 ，佢 諗 ：
我 提拔 嘅 人 係 個個 立功 ，就 只有 我 自己 ，畀 人 監禁 喺 呢個 荒島 上 便 ，寸步 難行 。
小皇帝 不停 咁 加 我 官爵 ，其實 我 就算 封咗 通食王 啊 ，又 有 咩 稀罕 唧 ？
佢 話 ：施大人 ，你 坐 呢啲 台灣 戰船 嚟到 嚇咗 我 一跳 啊 ，仲 以為 係 台灣 嘅 水師 打過嚟 添 ，邊度 想得到 原來 係 你 耀武揚威 。
施瑯 連忙 請安 謝罪 佢 話 ： 不敢 ， 不敢 ！
卑職 奉咗 聖旨 ，急住 要 嚟 見 爵爺 ，因為 台灣 戰船 建造 得 好 ，行駛 起嚟 快得多 ，所以 就 坐 台灣 船 嚟 唧 。
哦 ，原來 台灣 戰船 行駛 得 快 ，係 因為 船上 畫咗 有 太陽 月亮 嘅 徽號 。
我 先頭 仲 喺 處 諗 啊 ，以為 施大人 自己 想 喺 台灣 自立為王 ，真係 有啲 擔心 啊 。
施瑯 大吃一驚 啊 連忙 話 ：卑職 認真 糊塗 ，大人 指點 得啱 。
卑職 辦事 疏忽 ，冇 將 台灣 戰船 上 嘅 徽號 鏟咗去 。
其實 ，呢啲 啊唔係 佢 疏忽 ，佢 打平咗 台灣 得意 萬分 ，因此 就 坐住 俘獲 嘅 台灣 戰船 北上 天津 ，又 南嚟 通食島 。
故意 唔鏟去 船頭 台灣 嘅 徽號 ，等 人 見到 喇 就 指指點點 ，講述 戰船 嘅 來歷 ，佢 直情 係 炫耀 戰功 啦 。
估唔到 韋小寶 話 疑心 佢 想 喺 台灣 自立為王 喎 ，嘩 呢件事 係 皇上 最 忌 嘅 ，不由得 滿身 都 係 冷汗 。
佢 諗 ：小皇帝 對 呢個 少年 始終 十分 恩寵 ，自己 血戰 平定 台灣 ，佢 舒舒服服 噉 喺 島 上 閒居 ，功勞 竟然 仲係 佢 大 。
佢 封咗 二等侯 ，自己 不過 係 三等侯 唧 。
如果 佢 返去 北京 ，喺 皇上 面前 講 幾句 閒話 ，自己 就 弊弊 冇 咁 弊 喇 。
施瑯 個 心 一慌 ，即時 收起 初初 上岸 嗰陣 嗰副 趾高氣揚 嘅 神氣 ，命令 下屬 官員 上前 拜見 。
噉 其中 有 一個 人 ， 係 韋小寶 識 嘅 ， 就 係 當年 跟隨 陳近南 喺 柳州 見 過 嘅 地 堂 門 好手 林興珠 。
韋小寶 打個特 ：佢 係 台灣 嘅 將領 ，點解 會 喺 施瑯 手下 呢 ？
噉聽佢自報職銜啊係水師都司 。
林興珠 上岸 之後 見到 韋小寶 ，個心 就 諗嘞 ：
佢 係 陳 軍師 嘅 小 徒弟 ， 點解 做 咗 朝廷 大官 ， 連施 提督 見到 佢 都 咁 恭敬 呢 ？
施瑯 指住 林興珠 ，以及 一個 叫做 洪朝 嘅 水師 守備 話 ：
林都司 同 洪守備 ，本來 都 喺 台灣 軍隊 ，跟住 鄭克塽 爵爺 同 劉國軒 大人 歸降 朝廷 嘅 。
佢 兩個人 熟悉 海事 ，因此 卑職 呢次 帶埋 一齊 嚟 ，等 佢 兩個人 照料 台灣 嘅 船隻 啊 。
韋小寶 話 ：哦 原來 噉嘅 。
韋小寶 見到 林興珠 同 洪朝 都 耷低頭 ，有啲 慚愧 。
台灣 自從 鄭成功 開府 之後 ，同 日本 、呂宋 、暹羅 、安南 各地 通商 非常 富有 。
施瑯平定台灣 ，攞咗 好多 外洋 珍寶 異物 ，自己 啊 一啲 都 唔 搦 ，全數 呈繳 朝廷 。
康熙 叫 佢 帶咗 一啲 嚟 賜畀 韋小寶 。
此外 施瑯 自己 呢 亦 有 禮物 ，係 啲 台灣 土產 ，竹箱 、草蓆 之類 ，都 係 好 粗陋 嘅 。
韋小寶 一見 ，更加 激氣 啦 佢 諗 ：
張大哥 、 趙二哥 、 王三哥 、 孫四哥 佢 哋 打平 吳三桂 ， 送 畀 我 嘅 禮物 呀 幾 咁 豐厚 啊 。
你就 送 呢啲 乞衣仔 嘅 爛 嘢 畀 我 ，哼 ，你 仲 將 我 放 在 眼內 咩 ？
噉啊當晚韋小寶設宴款待 ，請施瑯坐喺首席 ，此外呢係 四名水師高級武官 ，以及 林興珠 同 洪朝 兩個人 。
酒 過 三 巡 ，韋小寶 問 ：
林都司 ，台灣 延平郡王 本來 係 鄭經 鄭王爺 ，噉啊 點解 變成 鄭克塽 呢個 嘢 呢 ？
聽講 佢 係 鄭 王爺 嘅 第二 仔 啫 應該 輪唔到 佢 做 王爺 㗎 ？
林興珠 話 ：回 王爺 ，鄭 王爺 喺 今年 正月 廿八 去世 ，本來 係 大公子 克臧 接位 嘅 。
大公子 英明剛毅 ，台灣 軍民 ，向來 都 好 敬服 佢 。
不過 太夫人 董國太 呢 就 唔 歡喜 佢 ，派 馮錫范 去 行刺 ，將 佢 殺咗 ，噉 啊 立 咗 二公子 克塽 接位 。
大 公子 嘅 陳夫人 去 見 董國太 ， 話 大 公子 冇 罪 。
董國太 好嬲 啦 ，叫 人 趕佢走 。
陳夫人 抱住 大公子 嘅 屍體 喊咗 一場 ，就 吊頸 死咗 。
嗰位 陳夫人 就係 陳 ，就係 陳軍師 嘅 大小姐 。
呢 件 事 啊 ， 台灣 人人 個心 都 好 唔 服 㗎 。
韋小寶 聽 講 師父 個 女 畀 人 逼死 ，想起 師父 個 心 又 酸 又 痛 ，嘭噉 拍 一拍 張 枱 ，佢 大聲 話 ：
豈有此理 ，鄭克塽 呢個 嘢 ，昏庸糊塗 ，會 做 屁王爺 咩 ？
林興珠 話 ：係 。
二公子 接位 之後 ，封 佢 岳父 馮錫范 做咗 提督 ，所有 嘅 事情 都 由 佢 處理 嘅 。
呢個人呀 ，處事 不公 ，好多 私心 嘅 。
有人 大膽 講 幾句 公道話 都 畀 佢 殺咗 ，因此 文武百官 ，都係 敢怒不敢言 。
大公子 同 陳夫人 嘅 鬼魂 ，又 時時 顯靈 ，到 咗 四月 間 ，董國太 就 畀 鬼魂 嚇死 咗 嚟 。
抵啊 ，抵啊 ！董國太 去到 陰間 呀 ，國姓爺 實 唔 放過 佢 啫 。
係定啦 。
董國太 畀 鬼魂 嚇死 嘅 事 一 傳出嚟 ，人心 大快 ，全台灣 ，從 北 到 南 ，大家 連 氣 燒咗 三日 炮仗 。
話 係 趕鬼 喎 ，其實 呀 ，係 慶祝 呢個 老虔婆 死得 好 ！
哈 ，真係 過癮 喇 真係 過癮 喇 ！
施瑯 話 ：鬼魂 嘅 事 ，亦 未必 真係 有 嘅 。
睇嚟 ，董國太 殺咗 個 長孫 ，逼死 長孫 新抱 之後 ，個 心 好 唔安樂 ，老年人 疑心 生 暗鬼 ，就 日夜 見 鬼 咯 。
韋小寶 好 嚴肅噉 話 ：噉 又 唔係 啊 ，惡鬼 啊 真係 有 㗎 。
尤其是 係 冤死 屈死 嘅 人 啊 ，變咗 鬼 之後 呀 ，一定 會 嚟 索命 報仇 嘅 。
施大人 ，你 呢次 平定 台灣 殺人 好多 ，喺 呢啲 台灣 戰船 上 便 呀 惡鬼 必定 唔少 嘅 ，施大人 仲係 小心啲 好 。
哈哈哈哈哈 ，上陣 打仗 ，少不免 要 殺人 。
如果 敵人 陣亡 嘅 兵將 都 變咗 鬼 嚟 索命 ，做 武將 嘅 個個 都 冇 好死 咯 。
噉 又 唔係 噃 。
施 大人 本來 係 台灣 國姓爺 部下 嘅 大將 ， 反 轉頭 嚟 打死 台 灣 嘅 兵 將 ， 死 咗 嘅 冤鬼 呀 梗 係 個 心好 唔 服 嘅 。
佢哋 啊 同 第二 啲 兵 將 唔同 啊 。
施瑯 冇 聲 出 嘞 ，個 心 好 嬲 。
佢 係 福建 晉江 人 ，台灣 鄭王 嘅 部屬 ，十之八九 亦 係 福建 人 ，尤其 是 以 閩南 人 最多 。
佢 打 平台灣 之後 ，聽到 唔少 風言風語 ，鬧 佢 係 漢奸 、閩奸 ，仲 有人 寫 咗 文章 、作 咗 詩 嚟 鬧 佢 ，諷刺 佢 嘅 。
不過 當面 公然 諷刺 佢 嘅 ，韋小寶 卻 係 第一個 人 。
佢 對 韋小寶 無可奈何 吖 ，就 遷怒 於 林興珠 ，向 佢 睩 咗 一 眼 個 心 諗 ：
一 離開 呢個 島 呢 ，老子 就 畀 嘢 你 睇 。
韋小寶 話 ：施大人 ，你 真係 好運 咯 。
如為 陳軍師 冇 被害 ，喺 台灣 保護 鄭克臧 ，董國太 、鄭克塽 佢哋 就 篡唔到 位 。
陳軍師 統率 軍民 把守 ，台灣 上下一心 ，你呀 ，未必 能夠 成功 嘅 。
施瑯 又 冇 聲 出 嘞 ，諗起 自己 嘅 才能 同 陳近南 爭 得 遠 ，佢 如果 冇 死 ，局面 當然 大 不相同 啦 。
洪朝 忽然間 插口 話 ：韋爵爺 講得 啱 啊 。
台灣 嘅 兵將 百姓 亦都 係 噉樣 講 嘅 。
人人 都 嬲 鄭克塽 殺害 忠良 ，自毀 長城 ，真係 國姓爺 嘅 不肖 子孫 。
施瑯 鬧 佢 話 ：洪守備 ，你 既然 投降咗 大清 ，點解 仲 講埋 呢啲 大逆不道 嘅 説話 啊 ？
洪朝連 忙 企起身 話 ：卑職 糊塗 ，請 大人 包涵 。
韋小寶 話 ：洪老兄 ，你 講 嘅 係 老實話 ，就算 係 皇上 親耳 聽到 啊 ，亦 唔會 怪罪 嘅 。
坐低 飲酒 啦 。
係 。
洪朝 戰戰兢兢 噉 坐 低 ， 捧起 酒杯 ， 雙手 啊 不停 咁 震 ， 將 啲 酒 啊 潑 瀉 咗 大半杯 。
韋小寶 話 ：洪老兄 ，陳軍師 畀 鄭克塽 害死 ，台灣人 都 知道 喇 係唔係 啊 ？
係 。
鄭克塽 返到去 台灣 之後 ，佢 ，佢話 陳軍師 係 ，係 。
洪 朝向 施瑯 睇咗 一 眼 ，唔敢 再 講落去 喇 。
韋小寶話 ：只要 你 講 嘅 係 老實話 ，邊個 都 唔會 怪 你 嘅 。
洪朝話 ：係 ，係 。
鄭克塽 同 馮錫范 兩個人 帶住 幾名 衞士 ，坐 隻 小艇 喺 大海 裏 便 漂流 ，噉 收尾 ，遇到 漁船 ，將 佢哋 救翻 去 台灣 。
鄭克塽話 ，陳軍師 係 畀 施將軍 殺死 嘅 。
鄭 王爺 知道 之後 ，喊咗 好幾日 。
收尾 ，鄭克塽 篡咗位 ，自己 先至 當眾 講出嚟 ，話 陳軍師 係 佢 殺 嘅 。
仲 自吹自擂 話 自己 嘅 武功 點樣 叻法 點樣 叻法 。
陳軍師 嘅 部下 好多人 都 唔服 ，去 質問 佢 陳軍師 犯咗 咩 罪 ，都 畀 馮錫范 派 人 捉起嚟 殺咗 喇 。
韋小寶 聽咗 嬲 到 面紅面綠 。
喺 筵席上 ，有 個 姓 路 嘅 水師 副將 見 韋小寶 咁 嬲 ，佢 就 岔開 話 ：
韋爵爺啊 ，施軍門 呢次 平定 台灣 ，係 全憑 血戰 搏 返嚟 嘅 功勞 。
施軍門 奉咗 聖旨 ，喺 六月 初四 率領 戰船 六百 幾 隻 ，軍士 六萬 幾 人 出征 台灣 。
喺 海上 啊 遇到 額風 ，行咗 十一 日 先 到 澎湖 。
十六 呢 ，就 同 劉國軒 率領 嘅 台灣 兵 大戰 嘞 。
呢一仗呀 ，真係 打到 昏天黑地 、日月無光 啊 ，誒 連 施軍門 自己 都 掛咗彩 。
韋小寶 見到 林興珠 同 洪朝 都 耷低頭 ，啲 表情 啊 有 啲 嬲 ，估計 佢 兩個 人 亦 都 參與 澎湖 之 役 。
諗住 呢一仗 當然 係 施瑯 打咗 勝仗 啦 ，就 唔想 聽 路副將 講 施瑯 嘅 得意 事跡 。
就 話 ： 施將軍 ， 當日 國姓爺 取台灣 ， 係 唔 係 喺 澎湖 攻過去 㗎 ？
施瑯 話 ：係啊 。
韋小寶話 ：嗰陣時 你 喺 國姓爺 部下 ，唔知 當時 打澎湖 係 點樣 打 嘅 呢 ？
施瑯 話 ：紅毛鬼 冇 派兵 守 澎湖 啊 。
韋小寶 又 問 林興珠 話 ：
當年 國姓爺 跨海 東征 ，聽講 林大哥 帶領 藤牌兵 斬 鬼腳 ，唔知 係 點樣 斬法 嘅 呢 ？
各位 ，欲知 後事 如何 ，且 聽 下回 分解 。
