前 文 再續 啊 書 接上 一回 。
話 説 當晚 ， 大家 喺 韋小寶 往日 嘅 中軍帳 茅屋 嗰 瞓 咗 一 晚 。
第 日 ， 八個 人 一直 瞓 到 日上三竿 先至 起身 。
韋小寶 率領 七個 女子 ， 掩埋 陳近南 嘅 遺體 ， 眼見 黃土 埋 咗 師父 嘅 身體 ， 唉 忍 唔 住 又 放聲大哭 。
七個 女子 一齊 跪 低 喺 墳 前 行禮 。
公主 個心 就 好 唔 願 嘅 佢 諗 ：
我 係 堂堂 大清 公主 ， 點 能夠 向 你 呢 個 反賊 跪拜 呢 ？
但 係 佢 心中 明白 ， 佢 自己 雖然 係 金枝玉葉 啊 ， 不過 喺 韋小寶 心目 之中 呢 ， 怕 地位 反而 最低 。
親厚 唔 及 雙兒 ， 美貌 唔 及 阿 珂 ， 武功 又 唔 及 蘇荃 ， 機巧 唔 及 方怡 ， 天真 純善 唔 及 沐劍屏 ， 温柔 斯文 又 唔 及 曾 柔 ， 噉 自己 叻 過 佢 哋 嘅 呢 ， 不過 係 蠻橫 潑辣 而已 唧 。
如果 唔 拜 呢 一拜 啊 ， 呵呵 ， 只怕 韋小寶 從此 要 另眼相看 嘞 。
所以 亦 都 委 委屈 屈 噉 跪 低 ， 個心 呢 ， 就 禱告 話 ：
反賊 啊 反賊 ， 我 公主 殿下 拜 你 呢 一拜 ， 你 無福消受 ， 到 咗 陰間 呀 ， 怕 要 捱 多 啲 苦 啊 。
噉 眾人 拜 完企 起身 ， 一 擰 轉便 ， 方怡 突然 間 叫 起 上 嚟 話 ： 哎呀 ， 船 呢 ？ 隻 船 去 咗 邊度 啊 ？
眾人 一 聽 即刻 望 下個 海 ， 只見 停泊 喺 度 嗰 隻 大船 已經 唔 見 咗 喇 ， 嘩好 驚 啊 ， 只見 碧海 無際 ， 遠遠 同 藍天 相接 ， 海面 上 幾十隻 白鳥 上下 飛翔 。
蘇 荃 嗱嗱 聲 走上 懸崖 向 四圍 瞭望 ， 東南西北 ， 都 唔 見 嗰 隻 船 嘅 蹤跡 。
方怡 啊 走 去 山洞 一睇 ， 不出所料 啊 ， 原先 收藏 嘅 船帆 、舦、 船具 等等 果然 不知去向 。
眾人聚 埋 一齊 ， 大家 你 睇 我 我 睇 你 都 怕 起 上 嚟 。
尋晚 八個 人 喺 度 玩 ， 直到 深夜 先 至 瞓 ， 就 唔 記得 咗 輪值 守夜 ， 竟然 畀 船夫 偷 咗 船 具將 船駛 走 。
從此 就 困 喺 孤島 嚟 ， 都 唔 知 點樣 走 啊 。
韋小寶 諗 住 施瑯同 鄭克 塽 一定 會 帶兵 嚟 到 復仇 嘅 ， 噉 自己 八個 人 點樣 同 佢 哋 打 呢 ？
就算 蘇荃 、 公主 、 阿珂 ， 快 啲 生 咗 三個 細路 ， 亦 不過 係 十一個 人 而已 啫 。
蘇荃 安慰 大家 話 ： 事情 到 咗 噉 嘅 地步 咯 ， 急 都 冇 用 㗎 啦 ， 我 哋 慢慢 再 想法子 啦 。
噉 返到 間 屋 ， 大家 梗 係 異口同聲 啊 大鬧個 船夫 啦 ， 但 係 鬧 咗 個 把 時辰 ， 亦 鬧 唔 出 咩 新鮮 花樣 嘞 。
蘇荃問 韋小寶 話 ： 而家要 防備 清兵 再 嚟 過 ， 小寶 你 話點 做好 呢 ？
韋小寶 話 ： 清兵 再 嚟 ， 人數 一定 係 唔 少 嘅 ， 打 係 打 唔 過 㗎 嘞 。
我 哋 唯有 匿起 上 嚟 ， 希望 佢 哋 搵 我 哋 唔 到 ， 以為 我 哋 早就 坐船 走 咗 啦 。
蘇荃 話 ： 講得 啱 ， 清兵 點都估 唔 到 我 哋 隻 船會 畀 人 偷走 嘅 。
噉 韋小寶 高興 翻 喇 佢 話 ： 如果 我 係 施瑯 就 唔 會 再 嚟 㗎 喇 。
佢 估 我 哋 早就 走 咗 㗎 嘞 ， 邊度 會 咁 傻 仲 踎 喺 度 ， 等 佢 嚟 捉 我 哋 咁 笨 㗎 。
公主 話 ： 如果 佢 稟告 咗 皇帝 哥哥 ， 皇帝 哥哥 就 會派 人 嚟 睇 下 。
噉 就算 我 哋 已經 逃走 咗 ， 都 會 搵 啲 線索 睇 下 我 哋 去 咗 邊處 㗎 嘛 。
韋小寶 擰 頭話 ： 施瑯 唔 會 稟告 皇上 嘅 。
點解 啊 ？
嗱， 佢 如果 稟告 咗 ， 皇上 自 不然 就會問 ： 點解 唔 將我 哋 捉住 啊 ？ 佢 只有 承認 打敗仗 咯 ， 噉 豈不是 自己 攞 嚟 衰 ？
蘇荃笑 住話 ： 冇 錯 喇 ， 小寶 做官 嘅 本事 高明 ， 瞞 上 不 瞞 下 ， 係 做官 嘅 要訣 吖 嘛 。
韋小寶 笑 住 話 ： 嘿 ， 荃 姐 ， 如果 你 做官 呀 ， 包 你 升 大官 發大財 啊 。
嗱， 施瑯 一講出 嚟 ， 皇上 就 怪 佢 冇 用 ， 噉 都 仲 唔 緊要 噃， 皇上 必定 仲 會派 佢 帶兵 嚟 捉 我 哋 。
施瑯 諗 住 我 哋 早就 逃走 咗 喇 ， 邊度 仲捉 得到 吖 ？
噉 豈不是 自己 同 自己 過唔 去 ？ 唔 出 聲 就 好過 啦 嘛 。
大家 聽 咗 都 覺得 有 道理 ， 就 冇 咁 憂愁 嘞 。
公主 話 ： 鄭克 塽 嗰 個 衰仔 呢 ？ 佢 呢 啖 氣 啊 怕 吞 唔 落 㗎 噃。
講完 ， 向 阿珂望 咗 一眼 。
大家 都 知道 佢 呢 句 説 話 嘅 含義 ， 噉 即 係 話 ： 阿珂 如花似玉 咁 靚 ， 佢 點 肯 放手 啊 ？ 梗 係 會 帶兵 搶 翻 去 嘅 。
阿珂 滿面 通紅 耷低 個頭 話 ：
佢 如果 再 嚟 ， 我 ， 我 就 自殺 ， 點都 唔 跟 佢 去 。
語氣 非常 堅決 。
韋小寶 好 歡喜 啊 ， 佢 諗 阿 珂 對 自己 向來 無情 嘅 ， 係 自己 使 盡 詭計 偷 呃 拐騙 先至 搞 到手 嘅 。
而家 聽 佢 噉 樣 講 ， 真 係 好過 畀 十隻 大船 過 自己 啊 。
情不自禁 ， 就 一手 抱住 阿 珂 喺 佢 塊 面 啜 一聲 吻 咗 一下 。
噉 大家 議論 咗 一輪 ， 都 係 束手無策 。
眾人 只有 聽 蘇荃 指揮 ， 喺 島上 樹林 裏 便 搵 到 個 大 山洞 ， 打掃 佈置 嚟 居住 。
嗰 間 茅屋 呢 就 唔 要 喇 ， 希望 施瑯 或者 鄭克 塽 再 嚟 嘅 時候 ， 見到 島上 人跡 杳然 ， 以為 韋小寶 佢 哋 早就 扯 咗 嘞 就算 嘞 。
噉 初時 呢 ， 各人 仲 係 提心吊膽 ， 日夜 輪流 向 海面 瞭望 。
噉 過 咗 幾個 月 ， 唔 見 清廷 同台 灣 嘅 戰艦 ， 連 漁船 都 唔 見 一隻 。
噉 大家 漸漸 放心 ， 諗 住 施瑯 啊 唔 敢 多事 ， 而 鄭克 塽 坐 嗰 隻 艇 仔 呢 ， 一定 喺 大海 裏頭 遇到 風浪 沉沒 咗 嘞 。
噉 八個 人 喺 島上 捕魚 打獵 ， 射鳥 摘果 ， 成日 忙忙碌碌 啊 太平無事 。
好 在 島上 鳥獸 唔 少 ， 海 裏頭 魚蝦 好多 ， 噉 八個 人 都 有 武功 ， 捕魚 打獵 都 好容易 唧 ， 所以 糧食 無缺 啊 。
秋去冬 來 ， 天氣 一日 冷過 一日 。
蘇荃 、 公主 、 阿珂 三個 人 嘅 肚 呢 亦 一日 大過 一日 。
方怡同 雙兒 啊 忙 住 剝 製 獸皮 ， 幫 八個 人 縫製 冬衣 ， 三個 蘇 蝦 嘅 衣服 ， 亦 一件件 做起 嘞 。
又過 咗 半個 月 ， 忽然 落起 大雪 ， 一日 一夜之間 啊 ， 島上 都 係 皚皚 白雪 。
八個 人 早就 有 準備 喇 ， 魚乾 鹹肉 、 柴草 乾果 等等 啊 ， 山洞 裏頭 儲藏 得 十分 充足 。
噉 日常 閒談 ， 話題 當然 係 不 離 嗰 三個 即將 出世 嘅 蘇 蝦 仔 啦 。
呢 一 晚 ， 雪 已經 停止 嘞 ， 北風 好 猛 啊 ， 寒風 不停 噉 喺 山洞 板門 裏 便啡啡聲 吹入 嚟 。
雙兒 喺 火堆 處加 咗 乾柴 ， 韋小寶 攞 出 骰 仔 ， 畀 大家 擲 。
正 喺 度 擲 緊 骰 仔 ， 一陣 北風吹 嚟 ， 風聲 之中 ， 隱隱約約 好似 有人 聲 噉 。
咦 呀 ， 大家 當堂 變 咗 面色 。
蘇荃 本來 已經 瞓 低 㗎 嘞 ， 突然 坐 起身 ， 八個 人 你 望 我 ， 我望 你 ， 霎時間 人人 面無血色 。
過 咗 一陣 間 ， 風聲 之中 傳 嚟 叫喊聲 ， 呢 次 聽 得 好 清楚 喇 ：
小桂子 ， 小桂子 ， 你 喺 邊度 啊 ？ 小玄子 掛住 你 啊 ！
韋小寶 啪 聲 跳 起身 ： 小 ， 小玄子 嚟 搵 我 啊 。
公主 話 ： 小玄子 係 邊個 啊 ？
係 ， 係 。
小玄子 三個 字 ， 只有 韋小寶 一個 人 知道 就 係 康熙 ， 佢 從來 冇 同 人 講過 ， 康熙 自己 呢 更加 唔 會 畀 人知 啊 。
忽然 有人 叫 起 上 嚟 而 聲音 又 咁 響亮 ， 佢 全身 都 震 晒 ， 覺得 呢 件 事實 在 古怪 到極 喇 。
實 係 康熙 死 咗 ， 佢 嘅 鬼魂 掛住 自己 ， 搵 到 嚟 通食島 啊 。
霎時之間 不禁 熱淚盈眶 ， 喺 山洞 走 出去 外便 大叫 話 ：
小玄子 ， 小玄子 啊 你 搵 我 啊 ？ 小桂子 喺 呢 處 啊 ！
只 聽 嗰 個 聲音 又 叫 嘞 ： 小桂子 ， 小桂子 ， 你 喺 邊 處 啊 ？ 小玄子 掛住 你 啊 ！
聲音 嗰 啲 大法 呀 簡直 唔 似 係 一個 人 嗌 嘅 ， 直情 好似 係 一千幾百 人 一齊 嗌 噉 。
但 係 一千幾百 人 一齊 嗌， 唔 能夠 嗌 得 咁 齊整 㗎 ？
而 一個 人 嗌 呢 ， 任 佢 內力 點樣 高強 法 啊 ， 亦 決 唔 能夠 咁 大聲 嘅 ， 噉 實 係 康熙 嘅 鬼魂 喇 。
韋小寶 個 心裏 頭 難過 到極 ， 眼淚 奪眶而出 。
佢 諗 ： 小玄子 對 我 果然 義氣 深重 ， 死 咗 之後 ， 鬼魂 仲 嚟 搵 我 。
呢 陣時 ， 點都 要 同 小玄子 嘅 鬼魂 見 一見 啊 ， 就 向 住 聲音 傳 嚟 嘅 方向 搏命 咁 走 出去 ， 一便 走 一 便 叫 ：
小玄子 ， 你 唔 好 走 啊 ， 小桂子 喺 呢 處 啊 ！
滿地 冰雪 滑溜 非常 ， 佢 連 氣 跌 咗 兩 跤 ， 爬起 嚟 又 跑 。
噉 啊 轉過 咗 山坡 ， 只見 沙灘 上面 火光 點點 好似 啲 星 噉 。
幾百人 手執 燈籠 火把 ， 齊齊整整 噉 排住 隊 。
韋小寶 大吃一驚 啊 ， 哎 吖 噉 叫 一聲 ， 轉身 就 走 。
喺 人叢 之中 ， 有 個人 衝出 嚟 佢 話 ： 韋都統 ， 搵 到 你 喇 。
韋小寶 走 咗 兩步 ， 聽 嗰 個人 把 聲 似乎 有 啲 熟悉 ， 就 唔 走 嘞 ， 硬住 頭皮 慢慢 擰 轉頭 。
嗰 個人 話 ： 韋都統 ， 大家 都 好 掛住 你 啊 ！ 謝天謝地 ， 終於 搵 到 你 喇 。
聽 把 聲 係 好 歡喜 嘅 。
嗰 個人 手執 火把 高高 舉起 快步 行過 嚟 ， 行到 近 喇 ， 啊 原來 係 王進寶 。
韋小寶 諗 起 嗰 日 喺 北京 郊外 ， 佢 奉旨 嚟 捉 自己 ， 就 故意 詐諦 唔 睇 見 。
拼住 前程 同條命 都 唔 要 就 放走 咗 自己 ， 的 確係 義氣 深重 。
今日 係 佢 帶隊 ， 就算 係 有 兇險 啊 ， 亦 有 商量餘地 吖 ， 就 微笑 話 ：
王三哥 ， 你 條計 仔 啊 真 係 叻 喇 ， 呃 咗 我 出 嚟 。
王進寶 掉 低支 火把 佢 躬身 話 ： 屬下 點都 唔 敢 呃 都統 ， 都統 喺 島上 屬下 確實 係 唔 知 嘅 。
韋小寶 微笑 話 ： 呢 啲 係 皇上 畀 你 嘅 錦囊妙計 呢 係 咪 呢 ？
嗰 日 ， 皇上 知道 都統 趯 咗 去 海外 ， 就 派 屬下 帶住 三隻 海船 ， 奉 咗 聖旨 ， 一個個 小島 逐個 咁 搵 。
上 島 之後 呢 ， 就 依照 皇上 嘅 聖旨 ， 好似 先頭 噉 嗌 啊 。
呢 個 時候 雙兒 、 蘇荃 等 都 趕到 嚟 嘞 ， 企 喺 韋小寶 後 便 。
又過 咗 一陣 ， 方怡 、 公主 、 阿珂 三個 人 亦 嚟 到 嘞 。
韋小寶 捩 轉頭 向 公主 話 ： 你 皇帝 哥哥 真 係 有 本事 嘞 ， 終於 搵 到 我 哋 喇 。
王進寶 認出 公主 ， 跪低 行禮 。
公主 話 ： 皇上 係 咪 派 你 嚟 捉 我 哋 去 北京 啊 ？
王進寶 連忙 話 ： 唔 係 啊 ， 唔 係 啊 。
皇上 只 係 派 小將 出海 嚟 搵 韋都統 ， 完全 唔 知道 公主 殿下 都 喺 呢 處 。
公主 耷 低頭 睇 一眼 自己 突起 嘅 大肚 ， 面紅 起 嚟 嘞 。
王進寶 對 韋小寶 話 ： 屬下 係 四個 幾月 前 出海 嘅 ， 已經 上 過 八 十幾個 小島 呼喊 尋訪 ， 今晚 終於 見到 都統 喇 ， 屬下 嘅 心 呀 好 高興 啊 。
韋小寶 微笑 話 ： 我 係 犯 咗 大 罪 嘅 人 ， 早就 唔 係 你 上司 喇 ， 唔 好 都統 屬下 噉 叫 喇 。
王進寶 話 ： 皇上 嘅 意思 ， 都統 聽 咗 宣讀 聖旨 之後 就 明白 㗎 喇 。
温 公公 ， 請 你過 嚟 啦 。
王進寶 向 住 人群 擪 一 擪 手 。
人群 之中 有 個人 行出 嚟 ， 一身 太監 服飾 ， 此人 原來 係 韋小寶 嘅 老相識 ， 上 書房 嘅 太監 温有方 啊 。
佢 行 埋 嚟 話 ： 有 聖旨 。
温有方 係 韋小寶 初入 宮 嘅 時候 嘅 賭友 ， 擲 骰仔 就 唔 會 作弊 係 個 羊 牯 嚟 ， 都 唔 知欠 咗 韋小寶 幾多 銀 㗎 嘞 。
韋小寶 青雲直上 之後 ， 每次 見到 ， 都 仲 係 一百幾十 噉 打賞 。
韋小寶 聽見 有 聖旨 三個 字 即刻 跪低 。
温有方 話 ： 呢 個 係 密旨 ， 旁人 退開 。
王進寶 一聽 ， 即時 遠遠 噉 退開 。
蘇 荃 佢 哋 亦 都 跟 住 行 開 嘞 。
公主 又 話 ： 皇帝 哥哥 嘅 聖旨 我 都 唔 聽 得 啊 ？
温有方 話 ： 皇上 吩咐 ， 呢 個 係 密旨 ， 只 能夠 講 畀 韋小寶 一個 人 知道 。
如果 洩漏 咗 一字 半句 ， 奴才 滿門抄斬 㗎 。
哼 ， 咁 厲害 喎 ， 你 唔 係 去 滿門抄斬 囉 。
公主 估計 自己 喺 側 跟 佢 點 都 唔 肯 頒 旨 㗎 喇 ， 噉 啊 只有 行開 啦 。
温有方 喺 身邊 攞 咗 兩個 黃紙 信封 。
韋小寶 即刻 跪 低話 ： 奴才 韋小寶 接旨 。
温有方 話 ： 皇上 吩咐 ， 呢 一次 要 你 企 喺 度 接旨 。
唔 准 跪拜 叩頭 ， 亦 唔 准 自稱 奴才 。
韋小寶 好 奇怪 佢 問 ： 點解 啊 ？
皇上 係 噉 樣 吩咐 嘅 ， 我 就 同 你 噉 樣講 。
到底 係 點解 呢 ， 你 見到 皇上 嘅 時候 自己 請問 啦 。
韋小寶 只有 高聲 話 ： 係 ， 謝 皇上 恩典 。
講完 企翻 起身 。
温有方 啊將 一個 黃紙 信封 遞 畀 佢 ， 佢 話 ： 你 拆開 嚟 睇 啦 。
韋小寶 雙手 接過 嚟 ， 拆開 信封 ，扲 出 一張 黃紙 。
温有方 左手 舉起 燈籠 ， 照住 黃紙 。
韋小寶 見 張紙 上面 畫 咗 六幅 圖畫 。
第一幅 ， 畫 嘅 係 兩個 細路 轆 喺 地下 打交 ， 係 自己 同 康熙 當年 摔角 比武 嘅 情形 。
第二幅 圖畫 ， 係 一班 細路 捉拿 鰲拜 ， 鰲拜 撲 向 康熙 ， 韋小寶 刀 刺 鰲拜 。
第三幅 ， 畫 一個 和尚 仔 孭 住 一個 老和尚 飛步 逃跑 ， 後 便 ， 有 六七名 喇嘛 揸 住 刀 追趕 ， 呢 啲 係 佢 喺 清涼寺 搭救 老皇爺 嘅 情形 嘞 。
第四幅 ， 係 白衣 尼 凌空 下 撲 ， 挺劍 行刺 康熙 ， 韋小寶 喺 佢 前 便 擋住 ， 代 佢 受 咗 一劍 。
第五幅 畫 嘅 係 韋小寶 喺 慈寧宮 寢殿 裏 便 ， 將假 太后 踩 喺 地下 ， 喺 床上 扶 起 真太后 。
第六 幅 畫 嘅 係 韋小寶 同一個 羅剎 女子 、 一個 蒙古 王子 、 一個 老 喇嘛 ， 一齊 揪住 一個 老 將軍 條辮 ， 睇 嗰 個 老 將軍 嘅 服飾 ， 乃 係 平西王 。
噉 梗 係 講 韋小寶 用 計 整散 咗 吳三桂 嘅 三路 盟軍 嘞 。
康熙 係 擅長 畫畫 ， 六幅 畫畫 得極 之 生動 。
不過 吳三桂 、 葛爾丹 王子 、 桑結 喇嘛 、 蘇菲亞 公主 四個 人 呢 ， 佢 冇 見 過 ， 相貌 唔 似 。
其餘 嘅 人物 啊 卻 係 個個 都 神情 似到 十足 ， 尤其 是 韋小寶 啊 ， 嗰 個 頑皮 樣 ， 更加 係 惟妙惟肖 。
六幅 畫上 便 ， 冇 寫 一個 字 ， 但 係 韋小寶 當然 明白 ， 畫 嘅 係 自己 所 立 嘅 六件 大功 。
同 康熙 玩耍 比武 本來 唔 算 咩 功勞 嘅 ， 但 係 康熙 嘅 心 啊 卻 係 念念不忘 。
至於 炮轟 神龍教 、 擒獲 假 太后 、 捉拿 吳應熊 等等 功勞 ， 比較 之下 ， 就 唔 算 得 咩 嘢 事 咯 。
韋小寶 睇 啲 畫睇 到 傻 晒 ， 不禁 流 起 眼淚 ， 佢 諗 ：
佢 嘥 咗 咁 多 心機 畫 呢 六幅 圖畫 ， 記低 我 嘅 功勞 ， 噉 佢 個 心 ， 係 唔 怪 我 咯 噃。
温有方 等 咗 好 耐下 就 話 ： 你 睇 清楚 啦 嘛 ？
睇 清楚 喇 。
温有方 拆開 第二個 黃紙 信封 ，攞 咗 一張 紙出 嚟 話 ： 宣讀 皇上 密旨 。
小桂子 ， 叉叉 叉 ， 你 去 咗 邊處 啊 ？
我極 之 掛住 你 啊 ， 你 呢 個 衰 嘢 無情無義 ， 唔 記得 咗 老子 喇 ？
韋小寶 吟吟 沉沉 話 ： 冇 唔 記得 啊 ， 我 冇 唔 記得 啊 。
温有方 停 咗 一 停 ， 又 讀落 去 嘞 ：
你 唔 聽 我 話 ， 唔 肯 去 殺 你 師父 ， 又 拐帶 咗 建寧公主 逃走 ， 叉叉 叉 ， 你 噉 即 係 叫 我 做 你 嘅 便宜 大舅 啫 。
不過 你 嘅 功勞 極大 ， 對 我 又 忠心 ， 有 咩 罪 我 都 饒恕 咗 你 。
我 就要 大婚 喇 ， 你 唔 嚟 飲 喜酒 ， 老子 實在 唔 快活 。
我同 你講 ， 你 乖乖 地 投降 ， 即刻 嚟 到 北京 ， 我 已經 同 你 另外 起 咗 一座 伯爵 府 ， 比 以前 嘅 仲 要 大得多 。
韋小寶 心花怒放 ， 大聲 話 ： 好 啊 ， 好 啊 ， 我 即刻 就 嚟 飲 喜酒 。
温有方 繼續 讀落 去 ： 我 哋 亦 講定 先 ， 從今以後 ， 你 如果 再 唔 聽 我 話 ， 我 非 斬 你 嘅 人頭 不可 喇 ， 你 唔 好話 我 呃 你 嚟 北京 ， 又 嚟 殺 你 。
你 嗰 個 姓 陳 嘅 師父 已經 死 咗 喇 ， 天地會 同 你 再 冇 咩 關係 ， 你 一定 要出 啲 力 ， 消滅 咗 天地會 。
我 再 派 你 去 打 吳三桂 。
建寧公主 就 畀 你 做 老婆 。
日後 封公封 王 ， 升官發財 ， 有 得 你 快樂 㗎 喇 。
小玄子 係 你 嘅 好 朋友 ， 又 係 你 師父 ， 腰 腎 魚湯 ， 講過 個 説 話 ， 死馬難 追 。
你 同 我 快 啲 躝 返 嚟 啦 。
温有方 讀完 密旨 ， 問 韋小寶 話 ： 你 都 聽 明白 啦 嘛 ？
係 ， 都 聽 明白 喇 。
温有方 將 密旨 伸入 燈籠 ， 喺 蠟燭 上面 點着 咗 ，攞 出 嚟 燒成灰 。
韋小寶 睇 住 嗰 道 密旨 着火 之後 燒成 火焰 ， 啲 火 熄 咗 喇 又 變成 灰 。
個心 思潮起伏 ，踎 喺 處 ， 撥 下撥 下 嗰 堆 灰燼 。
温有方 滿面笑容 請 咗 個 安笑 住 話 ：
韋大人 ， 皇上 對 你 嘅 寵愛 ， 真 係 冇 得 好講 㗎 喇 。
小人 今後 全靠 你 提拔 喇 。
韋小寶 好 傷心 噉 擰 擰頭 ， 佢 諗 ：
佢 要 我 去 消滅 天地會 ， 呢 件 事 好 對 唔 住 朋友 㗎 。
如果 我連 呢 種事 都 做 啊 ， 豈不是 同 吳三桂 、 風際中 一樣 噉 ， 亦 都 變成 大 漢奸 、 烏龜王八 蛋 ？
嗯 ， 小玄子 呢 碗飯 啊 真 係 唔 容易 食 㗎 。
呢 一次 佢 饒恕 咗 我 唔 殺 我 ， 不過 又 同 我 講定 先 ， 下 一次 呢 一定 唔 饒恕 我 㗎 喇 。
但 係 我 如果 唔 肯返 去 ， 唔 知 佢 又 點樣 對付 我 呢 ？
於是 佢 問 ： 我 如果 唔 返去 北京 皇上 要點 樣 啊 ？ 係 咪 叫 你 哋 捉 我 返去 ， 抑或 殺 咗 我 啊 ？
温有方 非常 詫異 啊 就 話 ：
乜 韋大人 唔 奉旨 啊 ？ 噉 ， 噉 點解 啊 ？ 噉 ， 噉 唔 係 。
唉 違 旨 嘅 事 ， 講都 唔 講得 㗎 。
韋小寶 話 ：嗱， 你 同 我 老實 講 ， 我 如果 唔 奉旨 噉 又 點樣 。
温有方 撓 下 個頭 佢 話 ： 皇上 只 係 吩咐 小人 辦 兩件事 ， 一件 係 將 一道 密旨 交 畀 韋大人 ；
另 一件 ， 係 等 韋大人 睇 完 第一道 密旨 之後 ， 再 拆開 另 一道 密旨 宣讀 。
呢 封 密旨 裏 便講 咩 嘢 ， 小人 一 啲 都 唔 明白 ， 其餘 嘅 事 ， 就 更加 唔 知道 喇 。
韋小寶 點點頭 ， 行去 王進寶 面前 話 ：
王三哥 ， 皇上 嘅 密旨 係 要 我 返去 北京 辦事 。
不過 ， 不過 你 睇 吖 ， 公主 嘅 肚 咁 大 咯 ， 我 真 係 行 唔 開 。
如果 唔 奉旨 回京 ， 皇上 要 你 點樣 對付 我 啊 ？
佢 諗 住 要 聽 下 對方 個 價錢 先 ， 如果 話 係 格殺勿論 ， 我 就 投降 ， 否則 呀 就 不妨 討價還價 嘞 。
嗱 各位 ， 欲知 後事 如何 ， 且 聽 下回分解 。
