前 文 再續 啊 書 接上 一回 啊 。
話説 眾人 一陣 衝殺 ，清兵 啊 四散 咁 逃跑 。
陳近南 啊 單戰 施瑯 ， 一時 難分難解 啊 。
馮錫范 同 風際中 呢 ，卻 係 將 眾兵 將 殺到 好似 斬瓜切菜 一樣 。
唔使 一餐飯 時間 唧 ，八十幾 名 清兵 已經 死傷咗 五六十 人 嘞 ，殘兵 敗將 啊 紛紛 趯 入 大海 。
佢哋 係 水軍 嚟 ，水性 熟練 ，連忙 向 大船 游翻去 。
呢一便 天地會 嘅 兄弟 死咗 兩個 人 ，重傷 一個 人 ，噉 其餘 嗰啲 呢 ，將 施瑯 沊沊𡃈 噉 圍實 。
施瑯鋼刀翻飛 ，同 陳近南 手上 嘅 長劍 鬥得 極之 激烈 ，雖然 係 身陷重圍 啊 ，不過 一啲 都 唔怕 噃 。
鬥到 興起 ， 陳近南 一聲 呼嘯 連刺 三劍 ， 刺 第三 劍 嘅 時候 ， 已經 同施 瑯 嘅 鋼刀 黐 埋 一齊 嘞 。
佢 手腕 抖動 急轉 咗 兩個 圈 ，施瑯 吖噉 大叫 一 聲 ，鋼刀 甩手 飛 咗 去 。
陳近南 劍尖 一起 ，指住 佢 喉頭 ，喝 佢 話 ：仲有 咩 講 ？
施瑯 話 ：你 打贏咗 ，殺 我 就係 嘞 ，有 咩 説話 好 講 啊 ？
喺 呢個 時候 你 仲 喺 處 自逞 英雄 好漢 ？
你 背主賣友 ，英雄好漢 係 噉樣 嘅 行為 咩 ？
施瑯 突然 個身 一昂 ，趢低 喺 地 。
噉樣 一趢 啊 ，就 擺脫咗 喉頭 嘅 劍尖 ，跟住 雙腳 連環 ，踢 陳近南 嘅 小腿 。
陳近南 長劍 一豎 ，擋住 雙腿 。
施瑯 呢 兩腳 如果 踢到嚟 ，即係 將 自己 嘅 雙腳 啊 送到 劍鋒 上 便啫 。
危急 之中 ， 左手 喺 地下 一撐 ， 兩隻 腳 夾硬 向上 虛踢 ， 一個 倒 翻 關斗 向 後 跳開 ， 等到 企翻 起身 嘞 ， 陳近南 嘅 劍尖 ， 又 指 住 佢 喉頭 。
施瑯 知道 自己 嘅 武功 唔係 佢 對手 ，突然間 問 ：
軍師 ，你 話 國姓爺 待 我 點 吖 ？
呢句 說話 一 問 呀 ，大 出 陳近南 意料 之外 啊 。
剎那之間 ，鄭成功 同 施瑯 之間 嘅 恩怨 糾葛 ，喺 陳近南 腦海 之中 一晃而過 啊 。
佢 歎 一口氣 就 話 ：唉 ，平心而論 ，國姓爺 的確 有 對唔住 你 嘅 地方 。
但係 我哋 受 國姓爺 大恩 ，縱使 受咗 冤屈 ，又 有 咩嘢 法子 吖 ？
唔通 要 我 學 岳飛 含冤 而 死 嘞噃 ？
就算 你 唔能夠 做 岳飛 ，不過 亦 唔可以 做 秦檜 。
你 逃跑咗 ，得翻 條命 噉咪 就算囉 。
男子漢大丈夫 ，點能夠 投降 敵人 去 做 豬狗不如 嘅 漢奸 呢 ？
我 父母 兄弟 ，妻子 兒女 又 犯 有 咩 罪 ，為咩 國姓爺 將 佢哋 殺到 一個 唔剩 吖 ？
佢 殺 我 全家 ，我就要 殺 佢 全家 報仇 ！
報仇 事 小 做 漢奸 事 大 。
今日 我 殺咗 你 ，睇 你 有冇 面目 去 見 國姓爺 ？
你 殺咗 我 啦 。
怕係 國姓爺 冇 面見 我 ，唔係 我 冇 面見 佢 啊 。
你 到咗 呢個 時候 ，仲係 振振有詞 ？
陳近南啊 想 一劍 刺入 佢 咽喉 ，但係 不由得 想到 往日 打仗 嘅 時候 同 佢 同生共死 之 情 啊 。
施瑯 喺 國姓爺 部下 身先士卒 ，浴血 苦戰 ，功勞 確實 係 好大 㗎 。
如果 唔係 董夫人 干預 軍務 ，侮辱 大將 ，此人 今日 一定 會 係 台灣 嘅 棟樑 。
雖然 投敵 叛國 ，絕無 可恕 ，但係 佢 全家 無辜 被殺 ，實在 亦係 好 可憐 嘅 。
就話 ：我 畀 你 一條 生路 。
你 如果 發誓 歸降 ，重歸 鄭王爺 麾下 ，今日 我 就 放生 你 條命 。
今後 ，你 將 功贖罪 ，努力 恢復 大業 ，仍 不失為 一條 堂堂 漢子 。
施兄弟 ，我 好心 勸 你 ，希望 你 回頭 啊 。
我 如果 返去 台灣 ，豈不是 變咗 反覆無常 嘅 小人 ？
陳近南 插翻 好把 劍 行埋去 握住 施瑯 隻手 ，佢 話 ：
施兄弟 ，做人 最緊要嘅 係 大義大節 ，只要 你 今後 赤心 為國 ，過去 一時 糊塗 ，又 有 邊個 敢 嚟 笑 你 呢 ？
就算係 關王爺 啊 ，當年 亦 投降過 曹操 啦 。
突然後 便 有人 話 ：呢個 惡賊 話 我 阿爺 殺 佢 全家 ，我 台灣 點 都 容 佢 唔 落 㗎 喇 。
你 快啲 殺咗 佢 啦 。
陳近南 捩過頭 一望 ，原來 係 鄭克塽 ，佢 就 話 ：
二公子 ，施將軍 善於 用兵 ，當年 國姓爺 嘅 軍隊 裏 便 ，冇人 叻得過 佢 。
佢 投降 過嚟 ，對 我哋 反清復明 大業 有 極大 嘅 好處 。
我哋 應該 以 國家 為 重 ，過去 嘅 私人 恩怨 ，都 唔好 再 放 喺 心上 嘞 。
鄭克塽 冷笑話 ：
哼哼 ，呢個 人 到咗 台灣 ，掌握咗 兵權 ，我哋 鄭家 仲 有 命 咩 ？
陳近南話 ：只要 施將軍 立下 重誓 ，我 以 全家 性命 擔保 佢 決無 異心 。
鄭克塽 冷笑話 ：
等到 佢 殺咗 我 全家 性命 ，你 嘅 身家 性命 賠得起 咩 ？
台灣 係 我 鄭家 嘅 ， 唔 係 你 陳 軍師 陳家 嘅 。
陳近南 啊 激到 手腳 冰冷 ，噉 夾硬 忍住 憤怒 ，仲 想要 講 。
施瑯 突然間 發腳 飛奔 佢 話 ：
軍師 ，你 對 我 義氣 深重 ，兄弟 永遠 不忘 。
鄭家 嘅 奴才 ，兄弟 做不了 。
陳近南 叫 佢 話 ：施兄弟 你 返嚟 ，我 有 説話 。
突然 背心 上 一 痛 ，一把 利劍 喺 佢 背後 刺入去 ，由 胸口 出翻嚟 。
呢一劍 ，係 鄭克塽 喺 佢 背後 忽然間 暗算 佢 。
以 陳近南 嘅 武功 啊 ，就係 十個 鄭克塽 都 殺佢 唔到 。
只係 陳近南 眼見 施瑯 已經 有 投降 嘅 意思 嘞 ，點知 畀 鄭克塽 激走 佢 。
陳近南 啊 知道 此人 將才 難得 ， 希望 能夠 挽回 ， 點都 諗 唔 到 ， 企 喺 佢 背後 嘅 鄭克 塽 竟然 會 突然 間 下毒手 。
當年 ，鄭成功 攻克 台灣 之後 ，派 個 仔 鄭經 駐守 金門 、廈門 。
鄭經啊 好得 軍心 ，不過 行為 呢 就 唔檢點 ，同 奶媽 通姦 生咗 個 仔 。
鄭成功 知道 之後 憤怒 異常 ，派人 揸住 令箭 去 廈門 殺 鄭經 。
啲 將官 認為 係 亂命 ，就 唔肯 奉命 ，聯名 寫信 畀 鄭成功 ，噉 其中 有 報恩 有 日 ，侯闕 無期 等等 嘅 説話 。
鄭成功 見到 部將 拒絕 自己 嘅 命令 ，更加 憤怒 啦 ，噉 冇 幾耐 ，就 病死 嘞 ，死 嘅 時候 先至 係 三十九 歲 。
台灣 統兵 將領 ，就 擁立 鄭成功 嘅 細佬 鄭襲 為 主 。
鄭經 由 金廈 回師 台灣 ，打垮 台灣 守軍 ，就 接掌 延平王位 嘞 。
鄭成功 個 夫人 董夫人 ， 認為 屋企 發生 禍變 ， 王爺 早死 ， 都 係 因為 奶媽 生仔 而 引起 嘅 。
所以 對 奶媽 所 生 嘅 克 臧 ， 非常 痛恨 ， 極力 主張 立 嫡孫 克 塽 為 世子 。
不過 鄭經 就 唔 聽 母親 嘅 説話 。
陳近南 一向 對 鄭經 忠心耿耿 ，佢 個 女 呢 ，又 嫁 畀 克臧 做 老婆 。
董夫人 同 馮錫范 等人 呢 暗中 密謀 ，知道 要 擁立 克塽 啊 ，必定 要 先 殺 陳近南 ，以免 佢 從中 作梗 ，但係 幾次 害 佢 ，都 畀 佢 避過 。
誰知 佢 救咗 鄭克塽 條 命 ，反而 畀 呢個 壞人 害 翻轉頭 。
呢一劍 突然而來 ，邊個 都 出其不意 。
馮錫范 正話 要 追 施瑯 ，見到 韋小寶 揸住 匕首 向 鄭克塽 刺過去 。
馮錫范 即刻 回劍 擋格 ，撐 一聲 ，把 長劍 斷為 兩截 。
但係 佢 呢 一 劍 內勁 渾厚 ，韋小寶 把 匕首 呢 亦 都 甩手 飛 咗 嘞 。
馮錫范 跟住 一腳 ，將 韋小寶 踢咗 個 關斗 ，噉 再 想 上前 打 佢 嘅 時候 ，雙兒 衝 上去 攔住 。
風際中 同埋 兩名 天地會 兄弟 上前 夾攻 。
韋小寶 爬翻 起身 ，執起 匕首 ，大聲 噉嗌 ：
呢個 惡人 害死咗 總舵主 ，大家 同 佢 搏命 啊 ！
向 鄭克塽 衝 過去 。
鄭克塽 側身 避開 ，挺 劍 刺向 韋小寶 後腦 。
佢 武功 啊 叻過 韋小寶 好多 㗎 ，呢 一劍 又 頗為 巧妙 ，眼見 韋小寶 難以 閃避 㗎 嘞 ，點知 忽然間 打斜 一刀 伸過嚟 格開 佢 ，原來 係 阿珂 。
佢 話 ：唔好 傷 我 師弟 ！
跟住 兩名 天地會 兄弟 攻向 鄭克塽 。
馮錫范 力敵 風際中 同 雙兒 等 四個人 ，仲係 佔到 上風 ，啪噉 一掌 ，將 一名 天地會 兄弟 打到 口 噴 鮮血 而 死 。
忽然 聽到 鄭克塽 哇哇 大叫 ，馮錫范 拋開 對手 ，向 鄭克塽 身邊 跑過去 ，揮掌 又 打死 一名 天地會 兄弟 。
佢 知道 陳近南 已經 死咗 ，呢班人 啊 ，以 韋小寶 為 首 ，所以 一定 要 殺死 呢個 小鬼 先 ，就 一掌 向住 韋小寶 頭頂 拍落去 。
雙兒話 ：相公 ，快啲 走 ！飛身 踢向 馮錫范 後心 。
韋小寶 話 ：你 自己 都 要 小心 啊 。
拔腳 就 走 嘞 。
馮錫范 諗 ：我 如果 去 追 呢個 小鬼 ，公子 就 冇 人 保護 㗎 嘞 。
於是 用 左手 抱起 鄭克塽 ，向住 韋小寶 又 追 嘞 噃 。
佢 雖然 抱住 一個 人 啊 ，仲係 跑得 快過 韋小寶 嘅 。
韋小寶 擰轉頭 一 睇 ，嚇咗 一跳 ，噉 就 想 去 撳 含沙射影 嘅 機關 嘞 。
就係噉樣 腳步 就 慢咗 嘞 ，馮錫范 嚟得 好快 啊 ，右掌 已經 拍到 嘞 。
喺噉嘅時候 ，如果 發出 暗器 ，多數 就 畀 佢 打到 腦漿 迸裂 ，唯有 打斜 個身 急急 閃開 ，用 神行百變 方法 就 逃走 。
馮錫范 呢下 衝過咗 頭 ，連忙 停步 ，擰轉身 又 追 。
韋小寶 話 ：我 師父 隻 鬼 啊 追緊 你 喇 ，摸 你 嘅 頭殼 喇 。
講咗 呢 兩句 説話 ，鬆咗 啖氣 ，馮錫范 又 追近 一步 嘞 。
後便 雙兒 同埋 風際中 跟住 佢 猛咁 追 ，想 去 截住 馮錫范 。
韋小寶 啊 東竄西奔 變幻莫測 ，馮錫范 抱住 鄭克塽 ，身法 呢 到底 唔夠 靈便 喇 ，一時 追佢 唔到 。
雙兒 同 風 際中 只 喺 後 便 距離 幾 丈 遠 唧 。
追咗 一陣 ，韋小寶 漸漸 氣喘嘞 ，佢 急起上嚟 ，就 走咗去 懸崖 噃 。
馮錫范 歡喜喇 ，諗住 你 自己 走入 絕路 ，反而 追得 冇咁急喇 。
韋小寶 呢 ，喺 條 狹窄 嘅 山路 上面 奔跑 ，神行百變 功夫 就 使唔出 。
佢 啱啱 上到 崖頂 ，馮錫范 已經 追到嚟 喇 。
韋小寶 大叫 ：大老婆 、中老婆 、小老婆 ，大家 快啲 嚟 幫手 啊 ，你哋 再唔 出嚟 大家 都 要 做 寡婦 㗎 喇 。
當 韋小寶 走 上 懸崖 嘅 時候 ，懸崖 上面 五 個 女子 呢 早 就 睇見 嘞 。
蘇荃 啊 揸住 把 刀 埋伏 喺 崖邊 ，等 馮錫范 追到嚟 ，嚓 一刀 ，攔腰 猛 斬 過去 。
馮錫范 先頭 聽 韋小寶 大呼小叫 ，以為 佢 喺度 擾亂 人心 啫 ，點都 估唔到 呢處 果然 有人 埋伏 喺 處 。
見到 呢一刀 招數 精奇 ，好使得 嘅 稍為 吃咗 一驚 ，退後 一步 ，大喝 一聲 ，左腳 一逳 ，右腳 突然間 飛出 ，踢正 蘇荃 手腕 。
蘇荃吖 一聲 ，柳葉刀 甩手 飛咗 上天 嘞 。
韋小寶 就要 爭取 呢啲啲 時間 ，個 身體 對準 馮錫范 ，右手 喺 腰間 含沙射影 嘅 機關 上面 出力 一撳 ，一蓬 絕細 嘅 鋼針 急射 而出 ，冚𠾴唥 打 喺 馮錫范 同 鄭克塽 身上 。
馮錫范 呱呱聲 慘叫啊 ，鬆手 放開 鄭克塽 。
噉 兩個 人 噼里啪喇 ，喺 山路 上面 轆 落去 。
雙兒 同 風際中 啊啱啱 跑到 條 窄路 嘅 一半 ，見到 兩個 人 轆 緊 落嚟 ，就 跳起嚟 避開 佢哋 。
鄭馮 兩個人 轆 到 懸崖 腳 ，鋼針 上面 嘅 毒性 呢 已經 發作 嘞 ，兩個人 嗌 到 好似 劏豬 噉 ，猛 咁 典嚟典去 。
總算 何惕守 入咗 華山派 門下 之後 ，聽從 師父 教訓 ，一切 陰險 劇毒 ，都 唔用 喇 ，含沙射影 鋼針 上面 所 餵 嘅 只係 麻藥 唧 。
否則 ，以 當年 五毒教 教主 所傳 嘅 餵毒 暗器 ，見血 封喉 ，馮 鄭 兩個 都 未 轆到 懸崖 腳 啊 早就 氣絕 喇 。
噉雖然係噉啊 ，鋼針 入咗 身體 之後 ，仍然 係 又麻又癢 ，兩個人 周身 就 好似 有 幾百 隻 蠍子 、百足 一齊 咬 自己 一樣 。
馮錫范 啊 雖然 係 硬朗 啊 ，亦 忍唔住 猛咁 嗌 。
韋小寶 、雙兒 、風際中 、蘇荃 、方怡 、沐劍屏 、公主 、曾柔 、阿珂 都 先後 趕到嚟 ，見到 馮鄭 兩個人 嘅 情形 ，都 吃咗一驚 。
韋小寶 定 一定神 ，喘咗 幾口氣 ，衝到 陳近南 身邊 。
只見 鄭克塽 嗰 把 長劍 穿 胸 而過 ，仲 插 喺 身上 ，但係 仲 未 斷氣 。
不由得 放聲 大哭 ，抱起咗 佢 個 身 。
陳近南 功力 深湛 ，仲有 氣 ，佢 低聲 話 ：
小寶 ，一個人 ，總係 要 死嘅 。
我 ，我一生 為國為民 ，無愧於 天地 。
你 ， 你 你 你 ， 你 唔 使 難過 。
韋小寶 一味 叫 ：師父 ，師父 ！
佢 同 陳 近南 相處 嘅 時候 ，其實 好 短暫 。
每次 相會 ， 總 係 擔心 師父 查考 自己 武功 嘅 進步 情形 ， 個心 成日 都 惴惴不安 。
想來想去 ， 都 係 想 點樣 搪塞 推諉 ， 掩飾 自己 不求上進 ， 噉 啊 極少 有 咩 感激 師恩 嘅 想法 嘅 。
但係 此時此刻 ，眼見 佢 就嚟 要死 嘞 ，師父 平日 種種 對待 自己 好似 父親 噉 嘅 恩情 愛護 ，當堂 湧上 心頭 ，真係 恨不得 代 佢 死咗 ，佢 話 ：
師父 ，我 對 ，我 對 ，我 對唔住 你 。
你 傳畀 我 個 武功 ，我 ，我 ，我 一啲 都 冇 學 啊 。
你 只要 做好 人 ， 師父 就 好 歡喜 ， 學 唔 學武 功 ， 噉 ， 噉 唔 要緊 嘅 。
我 ， 我 一定 聽 你 嘅 説 話 ， 做好 人 ， 唔 做 ， 唔 做 壞人 。
好 ，你 一向 都 係 好好 嘅 。
鄭克 塽 呢 個 惡賊 害 你 ， 誒 ， 誒 ， 師父 ， 我 已經 捉 到 佢 喇 ， 一 定將 佢 斬 為 肉醬 ， 幫 你 報仇 ！
佢 一邊 喊 一便 講 ，淚水 直流 啊 。
陳近南 個 身 一震 ，連忙 話 ：唔得 ，唔得啊 ！
我 係 鄭 王爺 嘅 部屬 。
國姓爺 ，待 我 恩重如山 ，我哋 無論如何 ，唔能夠 殺害 國姓爺 嘅 骨肉 。
寧可 佢 冇 情 ，不能 我 無 義 。
小寶 ，我 就要 死嘞 ，你 唔好 敗壞 我 忠義 嘅 名聲 。
你 ， 你 ， 你千祈 要 聽 我 話 。
小寶 ， 你 應承 我 ， 一定 要 放 佢 返 去 台 灣 ， 否則 ， 否則 ， 我 死不瞑目 。
韋小寶 無可奈何 喇 唯有 話 ：
既然 師父 放過 呢個 惡賊 ，我 ，我 聽 你 嘅 説話 就係 啦 。
陳近南 安心嘞 ，佢 慢慢噉 話 ：
小寶 ，天地會 ，反清復明 大業 ，你 要 好好 做 。
我哋 漢人 齊心合力 ，終歸 能夠 恢復 江山 ，只係 可惜 ，可惜 我 見 ，見 ，見唔到 咯 。
聲音 越 講 越 低 ，噉 就 死咗 嘞 。
韋小寶 抱住 佢 ， 大叫 ： 師父 ！ 師父 ！
叫到聲嘶力竭 ，陳近南 唔會 應 佢 咯 。
蘇荃 等人 一直 企喺 佢 身邊 ，見到 陳近南 已經 死咗 嘞 ，韋小寶 又 咁 淒涼 ，人人 都 好 難過 。
蘇荃話 ：小寶 ，你 師父 過咗身 喇 。
韋小寶 喊住 話 ：
師父 死咗 咯 ，佢 死咗 喇 。
佢 從來 冇 父親 ，佢 個 心底 ，早就 將 師父 當成 係 父親 ，嚟 彌補 呢個 缺陷 ，只係 佢 自己 亦 唔 知道 而已 。
而家 師父 逝世 ，佢 心中 嘅 傷痛 ，就 好似 洪水 決堤 ，難以 抑制 。
原來 自己 終歸 係 個 冇 父親 嘅 野仔 。
蘇荃 要 引開 佢 ，等 佢 唔好 咁 悲哀 ，就 話 ：
害死 你嘅 師父 嘅 兇手 ，我哋 點樣 處置 佢 啊 ？
韋小寶 噗聲 跳起身 ，破口大罵 ：
嗰 個 死 龜 蛋 ， 我 師父 係 你 鄭家 部屬 啫 ， 我 韋小寶 就 冇 食過 你 鄭家 一 啖 飯 ， 使過 你 鄭家 一文錢 。
豈有此理 你話 ，你 仲 欠 我 一萬兩 銀 都 未 還 啊 。
師父 要 我 放生 你 啫 ，好 ，條命 就 放生 你 ，嗰 一萬兩 銀 快啲 還 喇 。
你 還唔出 啦嘛 ，我 就 割 你 一刀 ，就算 一兩 銀 啦 。
佢 把 口 啊 猛 咁 鬧 ，揸住 匕首 行到 鄭克塽 身邊 ，用 腳 啊 亂咁 踢 佢 。
鄭克塽 身上 中 嘅 毒針 呢 少過 馮錫范 好多 嘅 ，呢個 時候 傷口 痛癢 冇 咁 緊要 嘞 。
聽見 陳近南 放生 自己 ，真係 歡喜到 乜嘢 噉 ，不過 債主 要 追 債 噃 ，身邊 啊 冇 帶 銀 ，就 哀求 話 ：
誒我 ，我 返到 台灣 之後 ，一定 加 十倍 ，誒唔係唔係 ，加 一百倍 奉還 你 。
韋小寶 喺 佢 頭殼 踢咗 一 腳 ，鬧 佢 話 ：
你呢個狼心狗肺忘恩負義嘅臭賊 ，講嘢啊好似放屁噉 ，呢一萬刀啊非割不可 。
揸住 匕首 ，喺 佢 塊 面 處 啊 磨咗 兩 磨 。
鄭克塽 啊 嚇到 魂飛天外 ，望住 阿珂 希望 佢 幫下口 啦 。
突然間諗起 ：哎呀 唔得啊唔得啊 。
呢個 賊仔 最深愛 嘅 就係 阿珂 ，呢個時候 佢 開聲 為 我 講説話 ，呢個 賊仔 只有 更加 嬲 我 個 啫 ，呢一萬刀 啊 就 一刀 都 唔會 少 㗎 嘞 。
於是 佢 話 ：誒 一百萬 兩 銀 ，我 一定 還 嘅 。
誒韋香主 ，韋相公 如果 唔信 。
韋小寶 又 踢咗 佢 一腳 ，佢 話 ：我 梗係 唔信 啦 ！
我 師父 信 咗 你 你 就 害死 咗 佢 。
越講啊越悲憤 ，舉起 匕首 就要 刺落 佢 塊面 處 。
嗱 各位 ，欲知 後事 如何 ，且 聽 下回 分解 。
