前文 再續 啊 書 接 上 一回 。
話說 洪教主 啊 大聲噉 叫 洪夫人 ，但係 洪夫人呢 ，始終 唔 回答 。
韋小寶 等 五 個 人 都 睇住 洪夫人 ，都 喺度 諗 ：
你 點解 唔答 佢 呢 ？教主 喺度 叫 你 啊 ，點解 唔 返去 呢 ？
只見 洪夫人 塊面 ，一陣 嫣紅 ，擰擰頭 ，低聲 話 ：我哋 快啲 走 ，坐船 逃走 啦 ！
韋小寶 又 驚 又 喜 就 問 佢 ：你 ，你 同埋 我哋 一齊 走 啊 ？
洪夫人 話 ：島上 便 只係 得 一隻 船 ，唔 一齊 走 都 唔得 啦 。
教 主 要 殺 我 啊 ，你 唔 知道 咩 ？
講完 ，又 面紅喇 ，行先 就 走 。
噉 大家 向 山下 走咗 幾丈 遠 ，只 聽見 洪教主 又 大聲 噉 叫 ：
夫人 ， 夫人 ！ 阿荃 ， 阿荃 啊 ！ 快 啲 返 嚟 ！
突然 間 有人 大聲 慘叫 ， 顯然 係 臨死 之前 嘅 叫喊 ， 唔 知 係 許雪亭 等 四個 人 之中 嘅 邊 一個 嘞 。
洪教主 大聲 叫 ：你 睇 ，你睇下吖 ，張淡月 呢個 老嘢 畀 我 打死 喇 。
佢 一生一世 都 跟住 我 ，臨到 老 居然 仲 要 反 我 ，真係 糊塗 到 極 喇 。
阿荃啊 ，阿荃 ！你 點解 唔 返嚟 啊 ？
我 唔怪 你 ，呢件事 我 原諒 你 喇 。
哎呀 ，叉叉叉 ，你 斬中 我 喇 ！
嘿！ 哈 ，肥頭陀 ，呢一掌 仲唔攞 你 條命 ？
你 真係 蠢 喇 ，點解 要 跟埋 人哋 ，嚟 向 我 造反 啊 ？
而家 唔係 死嘞 咩 ？哈哈哈哈哈 。
洪夫人 停住 腳步 ，變咗 面色 ，佢 話 ：
佢 已經 打死咗 兩個 喇 。
韋小寶 話 ：噉 我哋 快啲 走 啦 。發腳 就 跑 。
猛然間 聽見 洪教主 話 ：
你 兩個 反賊 ，我 慢慢 再 嚟 炮製 你哋 。
夫人 ，夫人啊 ！快啲 返嚟 ！
聲音 越 叫 越近 ， 竟然 係 由 山上 追落 嚟 喇 。
韋小寶 捩轉頭 一睇 ，只見 洪教主 披頭散髮 ，飛衝過嚟 ，嚇到 佢 魂飛魄散 啊 搏命 咁 跑 。
許雪亭 大叫 ：截住佢 ，截住佢 ！
佢 受咗 重傷 ，今日 非 殺咗 佢 不可 ！
無根 道 人 話 ：佢 走 唔甩 嘅 。
兩個人 揸住 兵器 ，追住 落嚟 。
冇幾耐 ，韋小寶 等人 呢 已經 跑 近 海灘 嘞 。
但係 洪教主 、許雪亭 、無根道人 三個人 嚟得 好快 啊 ，前腳 接 後腳 ，都 已經 跑到 嚟 山腳 嘞 。
三個人 係 身上 同 塊面 都 瀄滿 晒 鮮血 。
洪 教主 大聲 話 ： 夫人 ， 你 點解 唔 答 我 啊 ？ 你 要 去 邊處 啊 ？
許雪亭 話 ：夫人 唔要 你 喇 ，佢 有 咗 個 又 後生 又 英俊 嘅 相好 喇 。
洪教主 嬲 到 極 嘞 佢 話 ：你 亂講 ！
飛身過去 ，左掌 向 許雪亭 頭頂 猛力 擊落 。
許雪亭 左手 還咗 一筆 ，無根道人 呢 亦 都 趕到嚟 喇 ，揮刀 向 洪教主 腰間 斬去 。
呢陣時 洪 教咗 嘅 對手 只係 剩低 兩個 人 ，但係 佢 左腳 跛下跛下 ，身手 呢 已經 遠遠 唔係 先頭 咁 靈活 嘞 。
洪教主 話 ：阿荃 ，你 睇住 我 ，即刻 就 將 呢 兩個 反賊 殺死 。
嗰 四個 小賤人 ，你 殺咗 佢哋 先 啦 。
只係 留低 嗰個 賊仔 唔好 殺 ，等 佢 帶 我哋 去 取 寶藏 。
佢 一邊 講 一邊 打 ，出 掌 仍然 係 雄渾 有力 。
許雪亭 同 無根道人 啊 難以 埋身 啊 。
洪夫人 微微 冷笑 ，向 沐劍屏 等人 逐個逐個 噉 睇過去 。
韋小寶 話 ：夫人 ，呢 四個 女仔 你 只要 殺 一個 ，我 即係 就 自殺 ，做鬼 都 唔 放過 你 。
大丈夫 一言既出 ，咩 ，誒咩 馬 難追 。
佢 情急之下 ，連 死馬 難追 都 想唔起 嘞 。
突然間 ，啪噉 一聲 ，許雪亭 腰間 中掌 ，佢 個 身 岌咗 幾 岌 ，𢴈咗 喺 地 。
洪教主 哈哈大笑 ，飛腳 踢過去 。
許雪亭 跳起 急撲 ，呢一腳 呢踢 正 佢 心口 ，咔喇 一聲 ，胸前 肋骨 都 當堂 斷咗 幾條 。
不過 洪教主 嘅 右腳 啊 ，已經 畀 佢 抱 到 實一實 嘞 。
洪教主 出力 掙扎 ，吖 竟然 捹 佢 唔甩 噃 。
無根 道人 飛快 衝上去 ，揮刀 斬落 。
洪教主 側頭 避開 ，反手 擊出 ，啪噉 一聲 ，無根道人 小腹 中 掌 ，但係 呢一刀 啊 ，已經 斬入 洪教主 嘅 右膊 。
無根 道 人 口中 狂噴 鮮血 ，冚𠾴 唥 瀄晒 喺 洪 教主 條 頸 處 。
噉 想話 提刀 再 斬 啦 ，不過 雁瓴 刀 已經 斬入 洪教主 嘅 膊頭骨 ，手上 冇 力 ，點 都 拔唔出 把 刀 喇 。
洪教主 話 ：快啲 ，快 ，快啲拉開佢 。
洪夫人 都 唔知 係 嚇到 傻咗 呢 ，定係 有意 唔幫 佢 嘞 ，眼 睇住 三個人 糾纏 狠鬥 ，竟然 企 響 處 逳 都 唔 逳 。
許雪亭 執起 地下 一支 判官筆 ， 奮力 向上 一 㓤， 就 插 咗 入洪 教主 條腰 。
洪教主 狂呼大叫 ，左腳 踢出 ，將 許雪亭 踢到 直飛 出去 啊 ，跟住 左踭 向 後 猛撞 ，無根道人 嘅 身 就 慢慢 跌倒 嘞 。
洪 教主 哈哈大笑 ， 佢 話 ： 呢 啲 ， 呢 啲 反賊 ， 邊 一個 係 我 嘅 敵手 啊 ？
佢哋 ，哼 ，佢哋 想 造反 ？
仲 唔 係 ， 仲 唔 係 都 畀 我 殺 咗 。
擰 轉身 ， 向 住 洪夫人 話 ： 你 ， 你 點解 唔 幫 我 ？
洪夫人 擰擰頭 佢 話 ：你 武功 天下 第一 ，何必 使 人 嚟 幫兇 唧 ？
咩嘢話 ？你 都 反 我 ？你 都 係 本教 嘅 叛徒 ？
冇錯 ，你 就只係 顧住 自己 。
我 如果 幫 你 ，終歸 仲係 畀 你 殺死 嘅 。
我 捻 死 你 ， 我 捻 死 你 呢 個 叛徒 ！
講完 ，向 洪夫人 撲過嚟 。
洪夫人 吖噉 一聲 ，急忙 閃避 。
洪教主 重傷 之後 啊 ，行動 仍然 係 迅速 到 極 ，左手 揦住 洪夫人 右臂 ，右手 就 捻住 佢 條 頸 喝 佢 話 ：
你講 ，你講 ，你仲 反唔反 我 ？你話唔反 ，我就 放生 你 。
洪夫人 慢慢 話 ：喺 好耐 好耐以前 ，我 喺 個 心處 就 反 你 嘞 。
自從 你 逼 我 做 你 妻子 嗰 日 起 ， 我 就 嬲 到 你 入骨 。
你 ， 你 捻 死 我 啦 。
洪教主 嘅 身上 啲 鮮血 不斷 噉 流 喺 佢 頭上面 上 ，洪夫人 睩 大 雙眼 望 實 佢 眨 都 唔 眨 下 。
洪教主 大叫話 ：叛徒 ，反賊 ！
你 哋 個個 人 都 反 我 ， 我 ， 我 另外 招過 新人 ， 重組 神龍教 ！
噉 啊 右手 運力 ， 洪夫人 當堂 喘 唔 過氣 啊 ， 伸出 條 脷 。
韋小寶 喺 旁邊 睇到 佢 怕到 要死 。
眼見 洪夫人 話 咁快 就會 畀 佢 捻死 嘞 ，喺 沙灘 上面 執起 一嚿 大 鵝春石 ，出力 向 洪教主 背背 掟過去 ，啪 一聲 ，正中 背心 。
洪教主 眼前 一黑 ，噉 捻住 洪夫人 條 頸 嘅 手 呢 就 鬆開 嘞 ，佢 轉身 話 ：
你 ，你呢個 賊仔 ，我 寶藏 唔要 喇 我 殺咗 你 再 講 ！揮掌 向 韋小寶 打過去 。
韋小寶 飛快 逃走 啊 。
洪教主 又 搏命 咁 追佢 ，身後 喺 沙灘 上面 拖住 一條 長長 嘅 血跡 。
韋小寶 知道 呢 一次 畀 佢 捉到 呀 ，一定 冇 命 㗎 喇 ，只有 搏命 咁 跑 。
突然間 嗤一聲 ，背上 嘅 衣服 ，畀 洪教主 扯 咗 一窟 。
如果 唔係 韋小寶 着住 護身寶衣 呀 ，唉 ，講唔埋 呀 ，背脊 肌肉 亦都 畀 佢 扯 咗 一 條 去 啊 。
佢 大吃一驚 跑得 更加快 嘞 ，施展 九難 教 佢 嗰種 神行百變 輕功 ，喺 沙灘 上面 東 一 彎 西 一 轉 噉 亂咁 走 。
洪教主 幾次 爭啲 捉到 佢 㗎嘞 ，都 畀 佢 喺 千鈞一髮 嘅 時候 啊 ，走甩咗 。
洪教主 又 猛咁 狂叫 連發 幾掌 。
韋小寶 避開咗 兩掌 ，第三掌 呢 終於 閃避 唔到 嘞 ，啪 一聲 ，正中 後心 ，兩個 關斗 跌 出去 。
好 在 洪 教主 重傷 之後 啊 ， 掌力 大減 ， 韋小寶 又 有寶衣 護身 ， 雖然 畀 佢 打 到 昏天黑地 啊 ， 不過 都 冇 受傷 。
佢 正 話 想 爬起身 唧 ，突然間 覺得 膊頭 一緊 ，就 已經 畀 洪教主 雙手 揪住 。
嘩 ，佢 個 心 啊 ，真係 驚到 要 跳出嚟 噉 。
真係 飢不擇食 啊 慌不擇路 ，一 低頭 ，就 喺 洪教主 褲𧜛 蜎 咗 過去 。
噉 突然間 想到 ，呢一招 ，係 洪教主 當年 教 佢 嘅 救命 三招 之一 嘅 上半闕 。
呢一招 叫做 貴妃 騎 牛 呢 定係 西施 騎 羊 ，而家 邊度 記得起 吖 ，只係 知道 奮力 一 跳 ，就 翻身 騎上 洪教主 條 頸 。
呢 一招 ， 本來 佢 都 未 練 熟 嘅 ， 就算 練到 熟熟 啊 ， 要 嚟 打洪 教主 呢 啲 一等一 嘅 大 高手 ， 亦絕 冇 可能 。
但係 洪教主 奮戰 神龍教 四個 高手 之後 ，喺 發現 洪夫人 要 拋棄 自己 嘅 時候 心神 慌亂 ，連 氣 受傷 ；
呢陣時 膊頭 嘅 雁瓴刀 啊 斬到 入骨 ，小腹 又 插入 一支 判官筆 ，急跑咗 幾百丈 之後 啊 流血 無數 ，內力 都 冇晒 嘞 。
噉 雙手 捉住 韋小寶 個 時候 啊 早就 痠軟 無力 ，畀 佢 一 掙扎 就 走甩 ，騎 上 咗 自己 膊頭 。
韋小寶 騎咗 上去 ，就 怕 自己 跌翻落嚟 啊 ，噉 自然而然 噉就 伸手 攬實 佢 嘅 頭 ，雙手 中指 呢 ，啱啱 撳實 佢 雙眼 上 便 。
洪教主 腦海裏 便 突然間 好似 電光 一閃 噉 ，記得 當年 自己 曾經 教過 佢 呢 一招 。
一騎上 敵人 嘅 膊頭 啊 ，立即 就 要 挖出 敵人 雙眼 。
唉 ，想唔到 自己 一世 英雄 ，到頭來 竟然 死 喺 呢個 小頑童 之手 。
而佢 所使 嘅 招數 ，又 係 自己 教 嘅 ，真係 報應 不爽 咯 。
想起 自己 一生 殺人 無數 ，受 呢個 報應 亦都 唔算 冤枉 ，不禁 長歎 一聲 ，垂低 雙手 。
呢啖氣 一鬆 啊 ，再 支持唔住 嘞 ，成個人 仰面朝天 ，噼啪 一聲 就 𢴈低 。
韋小寶 仲 以為 佢 使 咩 厲害 招數 噃 ，連忙 跳開 躲避 。
只 聽見 洪 教主 喘住氣 噉 話 ： 阿荃 ， 阿荃 ， 你 ， 你過 嚟 。
洪夫人 向 佢 行埋 幾 步 ，但係 離開 佢 仲 有 丈 幾 遠 呢 就 企定 嘞 。
洪教主 話 ：你 肚裏頭 ，嗰個 ，嗰個 細路 ，究竟 ，究竟 係 邊個 㗎 ？
洪夫人 話 ：你 何必 一定要 知道 呢 ？
講完 ，忍唔住 打斜眼 向 韋小寶 睇咗 一眼 ，面上 又 紅嘞 。
洪教主 又 驚 又 嬲 ，佢 話 ：唔通 ，唔通 係 呢個 小鬼 ？
洪夫人 咬住 下唇 唔 出聲 嘞 ， 唔 出聲 ， 噉 就 係 默認 啦 。
洪教主 大叫 ：我 殺咗 你個 小鬼 ！
噉啊 跳起嚟 ，向 韋小寶 撲過去 。
只見 洪教主 滿面 鮮血 ，擘開 個 大口 ，露出 殘缺不全 嘅 焦黃 牙齒 ，雙手 呢 亦係 鮮血淋漓 。
噉嘅樣 撲過嚟 嚇到 韋小寶 啊 魂不附體 ，縮埋 個身 一飆 ，又 喺 洪夫人 褲𧜛 蜎咗 過去 ，匿埋 喺 佢 後便 。
洪夫人 雙臂 張開 ，正 面對住 洪教主 ，佢 話 ：
你 威風咗 一世 ，都 應該 夠 啦 。
洪教主 個 身 喺 半空中 嚟 ，聽見 洪夫人 噉樣 講 ，最後 一啖 真氣 都 消失 到 無影無蹤 ，噼啪 一聲 𢴈 喺 洪夫人 腳邊 。
佢 話 ：我 係 教主 ，你哋 ，你哋 都 應該 ，聽 ，聽 我 嘅 説話 。
點解 ， 點解 都 要 反 我 ？
你 哋 ， 你 哋 都 唔 啱 ， 只有 ， 只有 我 ， 只有 我 啱 。
我 要將 你 哋 一個個 都 殺 晒 ， 只有 我 一個 人 ， 先至 ， 先至 仙 福永享 ， 壽 ， 壽與天 ， 天 ， 天 。
最後 呢個 齊字 終於 講唔出嚟 嘞 ，擘大 個 口 ，就 噉 氣絕 身亡 ，雙眼 仍然 係 擘到 大大 。
韋小寶 躝 開 幾 步 ，一 翻身 跳起嚟 ，又 趯 咗 幾 丈 遠 ，噉 先至 擰轉 身 。
只見 洪教主 癱喺 地下 逳 都 唔 逳 喇 ，過咗 好耐 ，佢 行 前 兩 步 ，整定 隨時 發腳 奔跑 嘅 姿勢 就 問 ：喂 ，佢 死咗 未 啊 ？
洪夫人 歎 一口氣 好 細聲 噉 話 ：死咗 喇 。
韋小寶 又 行 前 兩 步 佢 問 ：佢 ，佢 點解 唔 眯埋 眼 嘅 ？
突然間啪噉一聲 ，塊面 又 畀 人 出力 摑咗 一巴 ，跟住 右耳 又 畀 人哋 扭住 ，邊個 呢 ？係 建寧公主 。
佢 又 喺 韋小寶 囉 柚處 踢 咗 一腳 ， 鬧 佢 話 ：
你 呢個 龜蛋 吖 ，佢 唔 眯埋眼 ，因為 你 勾咗 佢 老婆 吖 嘛 。
你 ， 你 點解 又 同 呢 個 咁 唔 要 面 嘅 女人 勾搭 上唧 ？
洪夫人 哼咗 一聲 ，一手 揸住 建寧公主 條 頸 ，啪噉 一聲 ，出力 摑咗 佢 一巴 ，一揮手 ，公主 就 跌倒 嘞 。
嘿 呢 一下 韋小寶 就 苦 咯 。
因為 公主 右手 啊 仲 係 扭住 佢 耳 仔 嘅 ， 公主 個人 向後跌 ，掹 到 韋小寶 隻 耳 仔 都 唔 知幾痛 ， 就 趴 喺 佢 身上 。
洪夫人 喝 佢 話 ：你 講嘢 仲係 咁 冇規矩 ，我 即刻 就 殺咗 你 。
公主 啊嬲 到不得了 ，跳起身 就 向 洪夫人 衝過去 。
洪夫人 左腳 一勾 ，噼啪 一聲 ，公主 又 試 跌低 嘞 。
公主 第三次 衝起嚟 再去 打 ，又 畀 洪夫人 𢴈咗 個 關斗 ，啊 終於 知道 自己 武功 同 人哋 實在 差得太遠 ，就 坐 喺 地下 又 喊 又 鬧 。
之佢唔敢鬧洪夫人嘞噃 ，口口聲聲只係 ：王八蛋 ！死烏龜 ！死太監 ！小畜生 ！臭小桂子 ！猛咁鬧 。
韋小寶 摸住 隻 耳仔 ，哎吖 ，成手 都係 血 ，原來 隻耳仔 啊 已經 畀 公主 掹 到 損咗 。
洪夫人 低聲 話 ：
我 同 佢 總算 係 夫妻 一場 吖 ，我 將 佢 安葬 呢 好唔好 啊 ？
聲音 溫柔 ，竟然 係 向 韋小寶 懇求 准許 一樣 。
嘩 ，韋小寶 又 驚 又 喜 連忙 話 ：好啊好啊 ，梗係 將 佢 葬咗 好啦 。
執起 地 下 一 支 判官筆 ，同 洪夫人 兩個 喺 沙灘 上面 掘 個 坑 ，方怡 同 沐劍屏 都 過嚟 幫手 ，將 洪教主 嘅 屍體 埋好 。
洪夫人 跪低 叩咗 幾個 頭 ，細細聲 噉 話 ：
你 雖然 強迫 我 嫁 你 ， 但 係 ， 但 係 成親 之後 ， 你 自始至終 對 我 都 好好 嘅 。
我 呢 ，卻 係 從來 都 冇 真心 待 你 。
你 死而有知 ，亦 唔使 再 放 喺 心上 喇 。
講完 企起身 ，啲 眼淚 不禁 滴滴答答 噉 猛咁 流落嚟 。
佢 定定噉 企咗 一陣間 ，抹乾 眼淚 ，問 韋小寶 話 ：
我哋 就 喺 呢處 住落去 呢 ？定係 返去 中原 啊 ？
韋小寶 撓 下 個 頭 話 ：呢 笪 地方 呀 千祈 唔好 住 啊 ，洪 教主 、陸 先生 佢哋 嘅 鬼魂 呀 ，非 搵 我哋 索命 不可 。
不過 返去 中原 呢 ， 小 皇帝 又 要 捉 我 殺頭 ， 最好 ， 最好 搵 個 太平 啲 嘅 地方 匿 埋起 嚟 喇 。
吖 ，有喇有喇 ，我哋 去 通食島 ，嗰度 又 冇 惡鬼 ，小皇帝 又 搵 我 唔到 嘅 。
洪夫人 問 ：通食島 喺 邊處 啊 ？
韋小寶 向 西 便 一 指 笑住 話 ：嗰 便 有 個 小島 ，我 叫 佢 做 通食島 。
洪夫人 話 ：你既然 鐘意 去 咯 ，噉 就 去啦 。
唔知點解 ，洪夫人 對 佢 竟然 係 千依百順 噃 。
韋小寶 歡喜 到 癲喇 ，佢 話 ：去咯 去咯 ，大家 一齊 去咯 。
噉 行過去 扶起 公主 話 ：大家 一齊 上船 咯 。
公主 揮手 就 一巴 升過去 ，韋小寶 打 側 個 頭 避開 。
公主 發惡話 ：你 有 你去 ，我 唔去 。
韋小寶 話 ： 呢 個島 啊 有 好多好多 惡鬼 㗎 ， 有 冇 頭鬼 、 斷腳 鬼 ， 有 畀 大炮 炸到腸 都 流出 嚟 嘅 拖 腸 鬼 ， 有 啲 專摸 女人 大肚 嘅 多 手 鬼 。
聽到 公主 怕到 不得了 ，佢 𨂽起 腳 噉 話 ：
仲有 你 呢 個 專門 亂 噏 廿四 嘅 多嘴 鬼 添 噃。
公主 左腳 飛起 ，喺 韋小寶 囉柚 上 便 ，出力 一腳 。
韋小寶吖 一聲 ，成個 跳起身 。
洪夫人 慢慢 行過去 ，公主 啊 退開 幾步 。
洪夫人 話 ：以後 你 再 打 韋公子 一下 ，我 打翻 你 十下 ，你 踢 佢 一腳 ，我 踢 你 十腳 。
我 講過 嘅 説話 從來 算數 嘅 。
公主 啊嬲 到 面色 慘白 ，好嬲 噉 話 ：
你 係 佢 咩 人 啊 ？要 你 噉樣 嚟 幫住 佢 啊 ？
你 ， 你 自己 嘅 老公 死 咗 ， 就 嚟 搶 人 哋 嘅 老公 。
方怡 插口 話 ：你 自己 嘅 老公 又 唔係 死咗 。
公主 啊嬲 到 不得了 ，鬧 佢 話 ：小賤人 ，你 個 老公 夠 死咗 咯 ！
洪夫人 話 ：以後 你 再 敢 講 一句 冇禮貌 嘅 説話 呢 ，我 就 叫 你 一個人 留 喺 呢個 島 上 便 ，冇 一個 人 陪 你 。
公主 個 心 諗 ：呢個 潑婦 講得出 做得到 ，真係 要 自己 一個人 喺 呢個 島 上面 住 呀 ，咁多 拖腸鬼 多手鬼 湧埋嚟 ，噉 點算好 啊 ？
佢 一生 養尊處優 話 乜 就 乜 ，呢個 時候 ，只有 收埋 嗰啲 金枝玉葉 嘅 刁蠻 脾氣 ，乖乖地 唔再 出聲 嘞 。
韋小寶 就 好 歡喜 啊 佢 諗 ：呢個 惡婆 吖 今日 遇到 對頭 喇 ，以後 就 有人 制服 佢 ，免致 佢 一言不合 伸手 就 打 。
佢 摸 下 自己 畀 佢 掹 傷 嘅 耳仔 ，哎 都 仲 好 痛 呢 。
洪夫人 對 方怡 話 ：方姑娘 ，唔該 你 吩咐 船夫 準備 開船 啦 。
方怡 話 ：係 。
夫人 點解 對 屬下 咁 客氣 啊 真係 唔敢當 喇 。
我哋 以後 就 姊妹 相稱 啦 ，唔好 再 用 咩 夫人 屬下 噉 叫法 喇 。
你 叫 我 做 荃姐 ，我啊 叫 你 怡妹 啦 。
嗰啲 毒丸 嘅 解藥 ，上船 之後 我 就 畀 你 食 ，從此之後 ，你 就 唔使 擔心 嘞 。
方怡 同 沐劍屏 啊 都 歡喜 到 極 喇 。
一行人 上咗 船 ，噉 啊 船夫 扯 堂里 向 西 便 行 。
韋小寶 左顧右盼 啊 極之 得意 。
洪夫人 果然 攞出 解藥 ，畀 方怡 食咗 ，又 打開 船上 嘅 鐵箱 ，攞翻 韋小寶 嘅 匕首 、含沙射影 暗器 、銀票 等等 出嚟 還翻 畀 佢 。
噉啊 曾柔 等 人 嘅 兵器 呢 ，亦都 還翻 畀 佢哋 嘞 。
韋小寶 笑住 話 ：以後 呢 我 都 叫 你 做 荃姐 好唔好 啊 ？
洪夫人 好 歡喜 噉 話 ：好啊 。
啊 ，我哋 排 一 排 年紀 ，睇下 邊個 大 邊個 細 啦 。
噉 各人 報咗 生日 嘅 年月 ，噉 梗係 洪夫人 蘇荃 係 最大 啦 ，其次 係 方怡 ，再 其次 係 公主 。
曾柔 、 沐劍屏 同 韋小寶 三個 人 係 同年 ， 曾柔 呢 ， 大過 韋小寶 三個 月 ， 沐劍屏 呢 細過 韋小寶 幾日 。
嗱 各位 ，欲知 後事 如何 ，且 聽 下回 分解 。
