前 文 再續 啊 書 接上 一回 。
話 說 韋小寶 見到 沐劍屏 同 曾 柔 跟 住 大家 更換 衣服 ， 不過 就 唔 見到 雙兒 ， 就 連忙 問曾 柔 嘞 。
曾 柔話 ： 雙兒 妹妹 見 你 入宮 咁 耐仲 唔 返 嚟 ， 歸二俠 佢 哋 入 宮 行刺 ， 又 冇 到 消息 ， 佢 好 放心 唔 落 ， 就 跟 埋風 大爺 出去 探聽 消息 喇 。
沐劍屏 話 ： 佢 兩個 人食 完晏 晝飯 就 出去 㗎 喇 ， 點解 呢 個 時候 仲 唔 返 嚟 呢 ？
韋小寶 皺起 眉頭 ， 好 掛住 雙兒 。
雖然 ， 諗 住 風際中 武藝高強 ， 應該 能夠 保護 雙兒 安全 嘅 。
但 係 佢 兩個 人 唔 知道 皇帝 嘅 佈置 啊 ， 如果 眾人 逃走 之後 ， 佢 兩個 人 又 返 嚟 ， 啱 啱 大炮 打 到 嚟 ， 噉 唔 係 死 ？
佢 諗 咗 一 諗 ， 對 錢老本 話 ：
錢 大哥 ， 風 大哥 同 雙兒 出 咗 去 探聽 消息 仲未返 嚟 ， 要 喺 呢 處 做 多 啲 記號 ， 等 佢 哋 見到 之後 呢 即刻 離開 。
錢老本 應 咗 。
因為 時勢 緊迫 啊 ， 就 拔出 短刀 ， 喺 兩名 清兵 大 髀 上面 㓤 咗 兩刀 ， 割 咗 衣服 ， 喺 兩個 人 嘅 傷口 嗰 度 蘸 啲 鮮血 。
喺 各處 門上 面寫 咗 快逃 兩個 大血字 ， 噉 啊 連氣 寫 咗 八 道門 户 。
呢 個 時候 ， 各人 換衣服 呢 已經 換好 晒 嘞 。
韋小寶 帶領 眾人 ， 去 馬廄 裏 便 牽 咗 坐騎 。
四名 天地會 嘅 部屬 呢 假扮 太監 ， 就 抬 住 公主 嘅 翟 轎 ， 押住 阿濟赤 啊 由 伯爵 府 出去 咯 噃。
嗰 五十名 軍士 呢 有 啲 係 穴道 被 封 ， 有 啲 係 手腳 被綁 ， 都 留 喺 伯爵 府 裏 便 。
韋小寶 啊 仍然 同 公主 坐 埋 一頂 轎 ， 出府 之後 ， 歎 一口氣 佢 諗 ：
唉 ， 服侍 我 嗰 啲 門房 啊 、 馬 夫 啊 、 廚子 啊 、 親兵 啊 、 男女 僕人 啊 ， 都 不免 要 畀 大 炮轟 死 嘞 。
不過 如果 叫 佢 哋 一齊 出 嚟 ， 噉 啊實 畀 外 便 嘅 官兵 睇 出 破綻 㗎 。
佢 又 諗 ： 嗰 日 喺 五台山 大家 假扮 喇嘛 ， 救 咗 老皇爺 條命 ， 今日 用 嘅 仲 係 呢 條 計 仔 。
哈 ， 呢 一條 烏龜 脱殼 之計 ， 先救 老皇爺 ， 再救 小桂子 ， 確實 係 有用 啊 。
噉 群豪 擁住 公主 頂 轎 同 阿濟赤 出 到 嚟 胡同 ， 只見 官兵 來回 巡邏 ， 戒備森嚴 到極 ， 但 係 大炮 擺 喺 邊 處 呢 ， 一時 就 睇 唔 到 。
韋小寶 身離險 地 長長 吐 咗 一 啖 氣 。
噉 眼見 師父 同眾位 朋友 都 免 咗 炮火 之災 ， 十分 安慰 。
佢 對 趙齊賢 話 ： 阿 統領 犯上作亂 ， 大逆不道 ， 你 去 將 佢 押 喺 天 牢 ， 除非 皇上 親自 要 提審 啦 ， 否則 ， 等 我 返 嚟 再 嚟 處理 啦 。
趙齊賢 應 咗 。
噉 韋小寶 又 話 ： 呢 個人 係 欽犯 啊 ， 皇上 嬲 到 佢 入骨 ， 一 聽到 佢 個 名 唧 就要 大 發脾氣 。
你 同 啲 兄弟 講 ， 大家 要 小心 啲 ， 唔 好 畀 皇上 聽到 呢 個 反賊 嘅 名 啊 。
趙齊賢 接 咗 號令 ， 就 帶領 四十名 御前 侍 衞 ， 押住 阿濟赤 去 咗 嘞 。
噉 阿濟赤 陷身 天牢 ， 以後 幾時 先 得出 翻 嚟 呢 ？ 噉 韋小寶 亦 費事 理 咁 多 嘞 。
群豪 都 唔 出 聲 啊 ， 一味 搵 啲 靜僻 嘅 地方 行 。
噉 行 咗 里 幾路 ， 韋小寶 唔 坐轎 改為 騎馬 。
陳近南 又 問 佢 ： 歸二俠 佢 哋 入 宮 行刺 ， 噉 收尾 點樣 啊 ？
韋小寶 話 ： 佢 哋 三個 。
突然 之間 ， 只 聽見 轟轟聲 ， 跟 住 伯爵 府 上空 黑煙 瀰漫 ， 遠遠望 過去 ， 只見 樑 木 磚瓦 喺 空中 亂 咁 飛 啊 。
群雄 只 覺得 腳底 下 土地 震動 。
呢 個 時候 ， 大 炮聲隆隆 不 絕 ， 伯爵 府 中 火焰 上升 ， 成 十幾丈 咁 高 啊 。
群豪 離開 銅 帽子 胡同 就 好 遠 嘞 ， 仍然 感覺 到 一陣陣 熱氣 撲面 而 嚟 。
眾人 都 好 驚 啊 ， 想 唔 到 大炮 嘅 威力 竟然 咁 厲害 嘅 。
呢 你 話 如果 遲 走 一陣 啊 ， 邊度 仲有命 㗎 ？
柳大洪 話 ： 豈有此理 ， 咁 驚天動地 嘅 。
只 聽見 又試 隆隆 炮響 ， 將 佢 下面 嘅 説 話 ， 都 冚 晒 聽 唔 到 嘞 。
遠望 伯爵 府 ， 只見 火焰 上衝 雲霄 ， 燒到 半邊天 都 紅晒 。
韋小寶 諗 ： 呢 啲 炮聲 小 皇帝 一定 聽見 ， 如果 佢 派 人 嚟 叫 我 去 ， 噉 即刻 就 會 穿 煲 㗎 嘞 噃。
佢 對 陳近南 話 ： 師父 ， 我 哋 要 快 啲 出 城 啊 。
等到 消息 一 傳開 ， 城門口 盤查 嚴密 ， 就 唔 容易 出去 㗎 喇 。
陳近南 話 ： 冇 錯 ， 行快 啲 啦 。
噉 公主 即刻 就 落 轎 嘞 。
韋小寶 擰 轉頭 對 公主 話 ：
你 返去 皇宮 先 啦 ， 等到 事情 平靜 之後 ， 我 再 嚟 接 你 啦 。
公主 又 驚 又 嬲 啊 ， 喝 佢 話 ： 你講 咩 嘢 話 ？
韋小寶 又講 咗 一次 。
公主 話 ： 你 過橋抽板 ， 噉 就 想 撇 低 我 唔 理 啊 ？
唔 係 呢 ， 我點會 。
説 話 都 未 講完 唧 ， 啪 一聲 ， 塊面 又 已經 捱 咗 一巴 嘞 。
群豪 人人 都 愕然 啊 。
先頭 炮火 震撼 天地 ， 噉 啊 人人 都 諗 如果 唔 係 韋小寶 設法 子 搭救 呢 ， 各人 而家 早就 化為 飛灰 ， 絕無 逃生 嘅 機會 。
所以 就算 係 平日 對 呢 個 少年 香主 唔 係 點睇 得 起 嘅 人 呢 ， 而家 ， 亦 唔 到 佢 哋 唔 感激 佩服 。
噉 突然 間 見到 公主 出手 就 打 佢 ， 嘩得 了 嘅 ， 噉 就 有人 衝 過 嚟 將 佢 推開 ， 仲 有人 大聲 噉 喝 佢 。
公主 又 喊 又 嘈 佢 話 ：
你 話 過要 同 我 拜天地 嘅 我 先 至 聽 你 話 ， 將 你 喺 皇宮 裏 便 帶 出 嚟 啫 嘛 ， 又 叫 嗰 個 前鋒 營 統領 救 你 嘅 朋友 。
你 ， 你 呢 個 衰鬼豆 你 乜 你 想 抵賴 啊 ？ 我 ， 我 唔 肯 過 你 嘅 ， 我 肚裏 便 。
韋小寶 怕 佢 把 口 冇 掣 ， 咪 當眾 講出 啲 醜事 連忙 話 ：
好喇好 喇好 喇 ， 你 跟 我 去 就 係 啦 。
大家 出 咗 城 再講 啦 。
噉 公主 破涕 為 笑 翻身 上馬 嘞 。
一行 人 嚟 到 東城 朝陽門 ， 韋小寶 話 :
奉 皇上 密旨 ， 出 城 捉拿 反賊 ， 快 啲 開城 。
驍騎 營 、 護 軍營 、 前鋒 營 三營 嘅 官兵 ， 係 皇帝 嘅 御林軍 親兵 嚟 。
喺 北京城 內 橫衝直撞 ， 文武百官 啊 邊個 都 忌憚 佢 三分 。
守門 官兵 見 係 一隊 前鋒 營 嘅 軍士 ， 邊度 敢 話 唔 聽話 啊 ？
何況 先頭 聽見 炮聲隆隆 ， 城裏 便 確係 出 咗 大事 ， 於是 啊 打開 城門 。
眾人出 咗 城 ， 向 東面 飛跑 。
韋小寶 同 陳近南 一拍 噉 騎馬飛奔 ， 一路 就將 歸辛樹 一家 點樣 行刺 失手 ， 皇帝 又 點樣 發覺 自己 嘅 秘密 等等 嘅 情形 ， 簡單 噉 講 咗 。
陳近南 啊 讚 佢 話 ：
小寶 ， 我 平時 見 你 油腔滑調 好 唔 老實 ， 不過 遇到 呢 個 緊要關頭 ， 居然 能夠 以 義氣 為重 ， 唔 貪圖 富貴 出賣 朋友 ， 實在 難得 。
韋小寶 話 ： 第二 啲 朋友 就 話 啫 ， 大義 滅 師 嘅 事 ， 點都 唔 做 得 㗎 嘛 。
咩 嘢 叫做 第 啲 朋友 就 話 啫 啊 ， 只要 係 朋友 ， 就 邊個 都 唔 能夠 出賣 。
大義 滅師 呢 四個 字 ， 亦 用 得 唔 啱 。
弟子 冇 學問 啊 ， 講錯 咗 説 話 ， 師父 唔 好 見怪 啊 。
想起 往日 同小 皇帝 亂車 亂講 ， 幾 咁 快活 啊 。
經過 今日 呢 一次 ， 以後 就 唔 能夠 再 同 佢 見面 嘞 ， 不由得 ， 傷心 起上 嚟 。
陳近南 話 ： 我 哋 冒充 前鋒 營 嘅 軍士 出 嚟 ， 唔 使 半日 ， 官兵 就 知道 嘞 ， 要 快 啲 換翻 衣服 至 得 。
韋小寶 話 ： 冇 錯 ， 去 到 前面 市鎮 就 買 衣服 嚟 改裝 啦 。
噉 眾人 向 住 東面 跑 咗 二十幾 里 ， 嚟 到 一座 市鎮 ， 但 係 市鎮 冇 故衣 鋪 。
陳近南 對於 行軍 打仗 、 政事 興革 等等 嘅 事情 呢 ， 極之有 才略 ， 不過 對於 呢類 日常 小事 一時之間 係 束手無策 嘞 。
噉 見到 搵 唔 到 地方 買 衣服 唄 就 話 ： 只有 到 前 便 市鎮 再講 啦 ， 能夠 搵 到 一間 故衣 鋪就 好 嘞 。
噉 一行 人 穿過 市鎮 ， 見到 鎮尾 有户 大户人家 ， 高牆 朱門 ， 屋宇 宏偉 。
韋小寶 心念 一動 就 話 ： 師父 ， 我 哋 搵 呢 家人 借 幾件 衣服 嚟 換下 咯 。
陳近南 有 啲 遲疑 話 ： 怕 佢 哋 唔 肯 噃。
我 哋 係 官兵 嚟 㗎 嘛 ， 官兵 唔 食 啲 有錢 佬 ， 着 有錢 佬 ， 又 去 食 邊個 嘅 着 邊個 嘅 呢 ？
韋小寶 跳 落馬 ， 搦 起 門上 嘅 銅環 噹噹 聲亂 咁 敲 。
噉 有 個 男僕 出 嚟 開門 ， 眾人 一擁而入 ， 見 人 就 剝 衣服 。
戶主 係 個 告老 回鄉 嘅 京官 ， 見到 呢 班 前鋒 營 官兵 如狼似虎 就 猛 咁 話 ：
嘿 ， 誒 眾位 總爺 唔 使 噉 嘅 唔 使 噉 嘅 ， 誒 等 兄弟 吩咐 安排 酒飯 ， 請 各位 食完 喇 ， 再 奉 上 旅費 使用 。
説 話 都 未 講完 ， 已經 畀 人 哋 一手 揪住 ， 身上 嘅 長袍 、 褲 ， 當堂 畀 人 剝 咗 。
佢 嚇 到 驚 晒 啊 ， 哎呀 ， 誒 誒 誒 兄弟 年紀 咁 老 喇 ， 呢 樣 嘢 唔 得 嘅 呢 ， 唔 得 嘅 呢 。
群豪 嘻嘻哈哈 ， 一陣 間 就 剝 咗 上下 人 等 幾十 套 衣服 。
嗰 個 官 同 內眷 啊 個個 魂不附體 。
吖 ， 又 好 彩 噃， 呢 一隊 前鋒 營 官兵 嘅 性情 古怪 ， 只 係 剝 男人 衣服 ， 就 唔 侮辱 女眷 嘅 。
剝完 男人 衣服 之後 ， 亦 冇 做 第樣 勾當 啊 ， 一哄 而 出 騎馬 走 咗 咯 。
嗰 個 大户 全家 男人 赤身露體 ， 大家 都 愕然 嘞 。
群豪 去 到 一 笪 靜僻 嘅 地方 ， 噉 分別 改換 咗 裝束 。
公主 、 沐劍屏 、 曾柔 三個 人 ， 亦 換上 男裝 。
噉 各人 上馬 又行 嘞 。
韋小寶 一味 掛住 雙兒 ， 佢 話 ：
風 大哥 同 我 個 丫鬟 ， 唔 知 喺 北京城 裏頭 點樣 呢 ？
我 想 唔 該邊 一位 外省 嚟 面生 嘅 兄弟 ， 返去 北京 打聽一下 唧 。
噉 兩名 喺 廣西 嚟 嘅 天地會 兄弟 接 咗 命令 就 去 嘞 。
群豪 見到 冇 官兵 追 嚟 ， 噉 啊 稍 為 放心 嘞 。
又行 咗 一段路 ， 沐劍屏 吖 咁 驚呼 一聲 ， 跟 住 咭 咭 聲 笑 起 上 嚟 。
原來 曾柔 騎 嗰 匹 馬 突然 間 屙 咗 一 㞘 爛屎 ， 爭 啲 瀄 喺 沐劍屏 腳 上 便 。
行 咗 冇 幾耐 ， 又 有 幾匹馬 屙 咗 爛屎 。
跟 住 玄貞道人 騎 嗰 匹 馬 呢 一聲 嘶叫 跪 咗 喺 地 嚟 ， 點都 唔 肯 起身 。
錢老本 話 ： 道長 ， 我 哋 兩個 合騎 一匹 啦 。
玄貞話 ： 好 ！ 噉 啊 飛身 上馬 坐 喺 佢 後 便 。
韋小寶 突然 間 醒覺 ， 不由得 大吃一驚 啊 佢 話 ：
哎呀 師父 ， 報應 啊 報應 啊 呢 下 弊 喇 。
陳近南 問 佢 ： 咩 啊 ？
吳 ， 吳 ， 吳應熊 嗰 隻 鬼魂 嚟 搵 我 啊 ， 佢 嬲 我 ， 嬲 我 捉 佢 返 去 ， 又 搶 佢 嘅 ， 嗯 佢 嘅 。
下 便 老婆 兩個 字 實在 唔 好意思 講 出口 嘞 。
佢 想到 嗰 日 奉旨 追人 ， 噉 皆 因 吳應熊 一行 人 所 騎 嘅 馬匹 ， 都 餵 咗 大量 巴豆 ， 噉 啊 沿途 不停 咁 屙 爛屎 跟 住 就 紛紛 倒斃 ， 噉 先 至 冇 法子 趯 得 遠 將 佢 捉 咗 返 嚟 。
如果 吳應熊 嗰 次 趯 咗 返 去 雲南 ， 噉 皇帝 當然 殺 佢 唔 到 嘞 。
其實 講 嚟 講去 ， 係 自己 派 人 向 佢 嘅 馬匹 放 咗 毒 啫 。
而家輪 到 自己 逃跑 喇 ， 一匹 匹馬 ， 亦 都 係 噉 樣肚 屙 倒斃 。
噉 唔 係 吳應熊 隻 鬼魂 作怪 又 係 乜嘢 呢 ？
何況 自己 帶 埋 佢 個 妻子 一齊 逃跑 ， 吳應熊 做 咗 鬼 之後 ， 頭上 仲戴 一頂 碧綠 翡翠 頂子 一品 大 綠帽 ， 噉 實 係 唔 甘心 定 嘞 。
佢 越 想 就 越 怕 ， 不由得 周身 滴滴 震 。
只 聽見 幾聲 鳴叫 ， 又 有 兩匹馬 跌 咗 喺 地 嘞 。
陳近南 亦 睇 到 情形 唔 對 路 ， 就 連忙 問 佢 點解 。
韋小寶 又講 咗 當日 捉拿 吳應熊 嘅 情形 ， 佢 話 ：
誒 ， 吳應熊 陰魂不散 ， 今日 嚟 報仇 喇 ， 呢 ， 呢 呢 個 ， 誒 呢 呢 。
公主 話 ： 吳應熊 呢 個 嘢 ， 在 生 嘅 時候 一 啲 都 冇 用 ， 死 之後 亦 係 個 冇 用 鬼 ， 你 怕 佢 咩 嘢 唧 ？
陳近南 皺住 眼眉 話 ： 青天白日 ， 有 咩 鬼 吖 ？
嗰 日 你 毒 咗 吳應熊 嘅 馬匹 ， 小 皇帝 知 唔 知道 㗎 ？
韋小寶 話 ： 知道 啊 ， 佢 仲 讚 我 係 福將 添 。
噉 就 係 喇 ， 小 皇帝 以 福將 之道 還治 福將 之 身 啊 。
佢 怕 你 逃走 ， 早就 派 人 餵 咗 巴豆 畀 你 啲 馬 食 嘞 。
韋小寶 即時 醒悟 啊 佢 話 ： 吖 冇 錯 喇 冇 錯 喇 。
嗰 日 捉 到 吳應熊 ， 小 皇帝 十分 開心 ， 賞 咗 個 官仔 畀 我 個馬夫 做 ， 派 佢 去 兵部 車馬 司 辦事 。
呢 次 啊實 係 叫 佢 嚟 毒 我 嘅 馬匹 啫 。
陳近南 話 ： 係 定 啦 ， 佢 熟門熟路 ， 每匹 馬 嘅 性情 都 知道 晒 ， 要 放毒 當然 係 百發百中 啦 。
唉 ， 下次 我 捉 到 呢 個馬夫 呢 ， 呢 度 咁 多爛 屎 ， 都 塞 晒 落 佢 嘅 嘴 處 。
説 話 未 講完 ， 突然 間 覺得 騎 住 嗰 匹 馬向前 一衝 就 跪 低 嘞 。
韋小寶 跳 咗 落地 ， 見 嗰 匹 馬 掙扎 住 想 企翻 起身 ， 噉 啊 掙扎 咗 幾下 ， 哈連 後腳 都 跪 低 埋添 。
陳近南 話 ： 啲 馬 都 唔 中 用 㗎 喇 ， 要 去 前面 市鎮 買過 至 得 。
柳大洪 話 ： 一下 買 幾十匹 馬 就 唔 容易 噃。
陳近南 話 ： 係 噃， 噉 大家 仲 係 分散 罷啦 。
正 喺 呢 個 時候 ， 忽然間 聽見 來路 上 隱約 有 馬蹄聲 。
玄貞話 ： 係 官兵 追 嚟 喇 。
我 哋 殺死 佢 哋 ， 噉 啊 搶 晒 佢 啲 馬 噉 咪 啱 囉 。
陳近南 話 ： 天地會 兄弟 埋伏 喺 大路 左便 ， 沐 王府 同 王屋山 兄弟 埋伏 喺 右 便 。
等 官兵 嚟 到 嘞 ， 攻 佢 個 出其不意 。
咦 ？ 唔 對 路 。
只 聽見 蹄聲 漸漸 近 嘞 ， 地面 隱隱約約 有 啲 震動 ， 追 嚟 嘅 官兵 至少 都 有 一二千 人 。
群豪 都 不禁 變 咗 面色 。
群豪 只 係 幾十人 ， 武功 雖然 係 不 弱 啊 ， 但 係 日光 日 白 喺 平地上 同 大隊 騎兵 交鋒 ， 敵軍 重重疊疊 噉 圍 上 嚟 ， 噉 武功 高 嘅 呢 ， 或者 能夠 走 得 甩 ， 噉 其餘 大半 呢 勢必 冇 命 。
陳近南 當機立斷 佢 話 ：
官兵 人數 唔 少 ， 我 哋 唔 能夠 打硬仗 ， 大家 分散 入 鄉村 山林 啦 。
只 係 講得 呢 幾句 説 話 ， 蹄聲 又 近 咗 啲 。
放眼 望 過去 來路 上塵頭 高揚 ， 好似 大片 烏雲 噉 湧緊 嚟 啊 。
韋小寶 大叫 話 ： 死喇死 喇 ！ 發腳 就 跑 。
公主 話 ： 喂 ， 你 去 邊度 啊 ？ 緊緊 噉 跟 住 佢 。
韋小寶 話 ： 你 仲 係 返去 皇宮 先罷 啦 ， 跟 住 我 冇 好處 㗎 喇 。
你 嘅 臭 小桂子 ， 想 趯 更 啊 ？ 冇 咁 容易 。
韋小寶 猛 咁 叫苦 啦 ， 佢 諗 ： 唉 ， 要 避開 公主 ， 真 係 比 避開 追兵 仲 難得 多 啊 。
噉 眼見 東北角 啊 有 一片 高粱 地 ， 啲 高粱 呢 已經 高 過人 嘞 ， 就 搏命 噉 跑 過去 。
跑 到 近 嘞 ， 見 高粱 地後便 呢 有 兩間 農舍 ， 呢 度 更 冇 藏身 嘅 地方 ， 佢 諗 ： 追兵 馬 快 轉眼 就 到 。
唔 理 咁 多 喇 就 向 高粱 地 蜎 入 去 咯 噃。
忽然間 ， 佢 一下 畀 人 哋 捉住 ， 跟 住 聽見 公主 笑 嘞 ： 你仲走 得 甩 ？
韋小寶 冇 法子 啦 唯有 擰 轉頭 苦笑 話 ： 你 匿 埋 喺 嗰 便 ， 等 追兵 過 咗 再講 啦 。
唔 得 ， 我要 同埋 你 匿 埋 喺 一齊 。
就 躝 入 去 高粱 地 ， 同 韋小寶 坐 埋 一 拍 。
兩個 人仲未匿 好 ， 又 聽見 有 腳步聲 嘞 。
曾柔 嗌： 韋香主 ， 韋香主 。
韋小寶 一望 ， 見 係 曾 柔同 沐劍屏 一拍 噉 行過 嚟 。
韋小寶 話 ： 我 喺 呢 度 啊 快 啲 入 嚟 啦 。
噉 佢 哋 兩個 聽 佢 話 就 蜎 埋入 去 嘞 。
四個 人 走入 高粱 叢裏 便 ， 枝葉 遮掩 ， 估計 追兵 啊 難以 發現 噉 啊 稍 為 放心 。
過 咗 冇 幾耐 ， 就 聽見 一隊 隊 騎兵 喺 大 路上 跑過 。
忽然間 ， 聽到 遠處 有人 呼喝 傳令 ， 跟 住 一隊 騎兵 勒住 馬 ， 馬蹄 沓雜 ， 竟然 向 呢 便 搜索 過 嚟 噃。
公主 驚 嘞 ： 佢 哋 見到 我 哋 喇 。
韋小寶 話 ： 唔 好 出 聲 啊 見 唔 到 嘅 。
公主 話 ： 佢 哋 唔 係 嚟 緊 嘞 咩 ？
只 聽見 有 個人 叫住 話 ： 反賊 啲 馬 都 倒斃 喺 呢 處 ， 一定 趯 唔 遠 嘅 ， 大家 仔細 搜查 。
公主 諗 ： 唔 怪 得 啦 ， 呢 啲 死 馬 真 係 害人不淺 喇 。
就 伸手 緊緊 噉 握住 韋小寶 隻 手 。
遼東 關外 地廣人稀 ， 土地 肥沃 ， 高粱 一種 啊 往往 就 係 千畝 百頃 一望無際 。
噉 高粱 一長 高 ， 就 稱 為 青紗帳 起 ， 匿 埋 喺 裏 便 就 好 難 搵 嘅 。
但 係 北京 近郊 嘅 高粱 地 呢 ， 只 係 稀稀落落 。
韋小寶 等 四個 人匿入 去 高粱 地 只有 二三十畝 ， 大隊 官兵 係 噉 樣 搜索 過 嚟 ， 轉眼 就 會 束手 成擒 㗎 嘞 。
聽住 啲 官兵 越 逼 越近 ， 韋小寶 低聲 話 ： 去 嗰 便 間 屋 啦 。
噉 啊 拉 一拉 沐劍屏 嘅 衫袖 ， 當先 向 兩間 農舍 過去 。
噉 啊 三個 女 仔 喺 後 便 跟 住 佢 。
過 咗 籬笆 ， 推開 道 板門 ， 見 屋裏 便 冇 人 ， 角落 頭呢 就 堆 咗 唔 少 農具 。
韋小寶 衝過去 攞 咗 幾件 蓑衣 ， 交 畀 三個 女 仔 佢 話 ： 快 啲 褸 起 佢 啦 。
噉 自己 呢 亦褸 咗 一件 ， 頭上 啊 戴 一頂 斗笠 ， 噉 坐 喺 角落 頭 嚟 。
公主 笑 住 話 ： 我 哋 啊 都 做 咗 鄉下人 真 係 好玩 喇 。
沐劍屏 噓 咗 一聲 ， 低聲 話 ： 嚟 喇 ， 嚟 喇 。
板門 嘭 一聲 推開 ， 有 七八名 官兵 入 咗 嚟 。
韋小寶 等 連忙 擰 歪面 。
隔 咗 一陣 ， 只 聽見 有 個人 大聲 話 ：
呢 度 冇 人 啊 ， 啲 鄉下佬 都 出 咗 去 落田 嘞 。
韋小寶 聽 呢 個人 口音 好 熟 ， 喺 斗笠 之下 打 斜眼 一望 ， 原來 係 趙良棟 。
一名 軍士 話 ： 總兵 大人 ， 呢 四個 人 。
趙良棟 喝 佢 話 ： 大家 通通 出去 ， 我 嚟 仔細 搜查 。
間屋 咁 細 ， 你 哋 都 逼 埋 喺 度 ， 連個 身都轉 唔 過 嚟 嘞 ， 出去 出去 ！
噉 眾 軍士 走 都 走 唔 切 啊 都 退 翻出去 。
趙良棟 大聲 噉 問 ： 呢 度 有 冇 生 面 人 嚟 過啊 ？
行到 韋小寶 面前 ， 伸手 入 懷裏 便 ，扲 咗 兩隻 金元寶 ， 三錠 白銀 輕輕 放 喺 佢 腳 邊 ， 大聲 話 ：
原來 嗰 班 人 向 住 北 便 逃走 咗 啊 。
佢 哋 知道 皇上 大 發脾氣 ， 捉住 咗 實要 斬 頭 嘅 ， 因此 啊 有 咁 遠 趯 咁 遠 嘞 ， 趯 得 越快越好 ， 呢 次 呀 真 係 唔 得 了 啊 。
護低 個 身 ， 抱住 韋小寶 輕輕 搖 咗 幾下 ， 就 轉身 出門 ， 喝 啲 兵話 ：
反賊 向北 便 逃跑 咗 ， 大家 快 啲 追 ！
韋小寶 歎 一口氣 ， 佢 諗 ： 唉 ， 趙總兵 對 我 總算 係 夠 義氣 。
呢 件 事 畀 人 知道 咗 啊 ， 佢 自己 人頭 就 保 唔 住 喇 。
只 聽見 蹄聲 雜沓 ， 眾 官兵 上 馬向北 便 追過去 嘞 。
嗱 各位 ， 欲知 後事 如何 ， 且 聽 下回分解 。
