前文 再續 啊 書 接 上 一回 。
話說 公主 畀 韋小寶 一抱一吻 ，當堂 啊 全身 都 痠軟晒 ，佢 話 ：
皇帝 哥哥 殺 咗 額 駙 ， 我 以 為 就 可以 嫁 畀 你 啦 ， 點解 ， 點解 又 搞 出 啲 噉 嘅 事 啫 ？ 佢 點 會 知道 嘅 呢 ？
韋小寶 話 ：實係 你 露咗 口風 啦 ，係唔係 呢 ？
公主 塊面 一 紅 佢 話 ：我 冇 啊 ，我 只係 問過 幾次 你 咩 時候 返嚟 啫 嘛 。
噉咪就係囉 。
唉 不過 唔緊要 咯 ，橫掂 我哋 呢 兩 夫妻 係 做 梗 㗎 嘞 。
我哋 而家 就快啲 逃出 皇宮 啦 。
嗯 ，我 聽日 去 求下 皇帝 哥哥 ，佢 唔會 殺 你 嘅 。
佢 殺咗 額駙 ，同 我 話 佢 好 對 我 唔住 ，應承 另外 幫 我 搵過 一個 好 額駙 。
佢 向來 都 好 歡喜 你 嘅 。
講到 呢 處 ， 只 覺得 間 房裏 便 嘅 血腥味 啊 越 嚟 越濃 ， 聞 咗 兩下 就 話 ： 啲 咩 味 啊 ？
突然間 ，心口 悶起 上嚟 ，噁 一聲 ，扶住 耳 拼 啊 猛咁 嘔 ，不過 呢 ，只係 嘔啲 清水 出嚟 唧 。
韋小寶 輕輕 拍 下 佢 背脊 ， 安慰 佢 話 ： 點啊 ？ 食錯 咗 嘢 啊 ？ 好 啲 未 啊 ？
公主 啊 嘔 咗 兩下 ， 忽然 反手 啪 噉 一聲 ， 出力 打 咗 佢 一 巴 鬧 佢 話 ：
我 食錯 咗 嘢 ？ 都 係 你 唔 好 ， 都 係 你 唔 好 。
舉起 兩隻 拳頭 喺 佢 心口 不停 咁 打 。
公主 向來 就 蠻橫 ，而家 突然間 發作 ，韋小寶 亦 唔 奇怪 嘞 。
但係 眼前 事勢 緊迫 ，多 耽擱 一陣 ，同 大炮 齊 轟 嘅 時候 就 近 一陣 㗎 嘞 噃 ，噉 實在 唔能夠 同佢 無謂 糾纏 嘞 就 話 ：
好好好 ，都係 我 唔好 喇 得咯 啩 ？
公主 扭住 佢 耳仔 喝 佢 話 ：
你 同 我 去 見 皇帝 哥哥 ，我哋 馬上 要 拜堂 做 夫妻 。
韋小寶 急到 不得了 ，求佢 話 ：拜堂 做 夫妻 嘅 事 呢 ，包 喺 我 身上 就係 啦 ，不過 一見到 皇上 ，你 嘅 老公 呀 ，就 變 咗 冇 人頭 嘅 額駙 喇 。
我哋 快啲 逃出 皇宮 罷啦 。
公主 出力 一拉 ，韋小寶 個 耳仔 痛 啊 ，忍唔住 哎吖噉 叫 一聲 。
公主 啊 鬧 佢 話 ：你 冇咗 個人頭 有 乜 緊要 唧 ？你 呢個 衰仔 ，你 本來 就係 冇 腦 嘅 。
我 肚裏 便 嗰 個 小 小桂子 點算 啊 ？
講到 呢處 ，搲搲聲 喊起 上嚟 。
韋小寶 大吃一驚 ， 佢 問 ： 咩 ， 咩 ， 咩 小 小桂子 啊 ？
公主 飛起 一腳 ，踢中 佢 嘅 小腹 喊住 話 ：
我 肚裏 便 有 咗 你 嘅 衰鬼 小小 桂子 咯 ，都係 你 唔好 。
嗱， 我 哋 如果 唔 馬上 做 夫妻 ， 我個 肚 ， 我個 肚 一日 一日 大起 上 嚟 ， 皇上 知道 吳應熊 係 個 太監 ， 唔 得 嘅 ， 我 ， 我 就 唔 能夠 做人 㗎 喇 。
韋小寶 面色 慘白 ，喺 正 呢個 千鈞一髮 嘅 緊急 關頭 ，偏偏 又 遇到 呢種 尷尬 事 ，連忙 話 ：
我哋 如果 唔 趕快 出 宮 呀 ，小小桂子 就 冇 老豆 㗎 喇 。
趯咗 出去 之後 ，我哋 即刻 拜堂 成親 ，你 生咗 小小桂子 落嚟 ，噉 佢 ，噉佢 唔係 皇上 嘅 外甥 囉 ？
皇上 做咗 便宜 大舅父 ，又 係 我 嘅 大舅 ，總 唔好意思 殺咗 個 妹夫 啩 ？
公主 話 ：有 咩 唔好意思 啊 ？
吳應熊 夠 係 佢 妹夫 咯 ，佢 仲 唔 係 一刀 殺咗 ？
皇上 知道 吳應熊 係 假 妹夫 ，我 韋小寶 先 係 貨真價實 㗎 嘛 。
假妹夫 啊 殺得 ，真妹夫 啊 唔 殺得 咯 。
好 公主 ， 我 哋 嘅 小 小桂子 出世 之後 ， 攬住 你 條頸 叫 媽媽 你 話 幾甜 呢 ？
講完 ，就 攬住 公主 條 頸 嘞 。
公主 咭噉 笑嘞 佢 話 ：甜 你 嘅 死人頭 ，我 先至 唔要 隻 龜蛋 叫 我 做 媽媽 啊 。
説話 係 噉 講 啫 ，不過 扭住 韋小寶 耳仔 隻 手 呢 就 放開 嘞 ，佢 話 ：
咁耐冇見你喇 ，你 想 我 唔 想 唧 ？
講完 ，就 撲 喺 佢 懷 裏 便 。
韋小寶 話 ：想啊 ，我 日日 想 ，晚晚 想 ，時時刻刻 都 想 。
個心 就 鬧 佢 話 ：唉 喺 呢個 時候 仲 攬住 我 ，真係 死老舉 啊 。
眼見佢 情意纏綿 ，紅暈上面 ，不過 呢個時候 呢 實在 唔能夠 同佢 親熱 ，不過 又 唔敢 得罪 佢 啊 ，就 低聲 話 ：
我哋 一齊 逃跑 啦 ，以後 日日夜夜 都 喺埋 一齊 ，再唔 分開 喇 。
好喇 ，我哋 走咯 。
公主 個 身 扭 咗 幾 扭 佢 話 ：嗯 ，我哋 今晚 要 做 夫妻 。
好 ，好 ！今晚 就 今晚 ，不過 總要 逃出 宮 再 講 。
逃咩嘢唧 ？皇帝 哥哥 最 歡喜 我 㗎 喇 ，佢 係 你 師父 ，亦 係 最 歡喜 你 嘅 。
我哋 聽日 呢 求 下 佢 ，佢 就 乜嘢 氣 都 冇 晒 喇 。
皇帝 哥哥 啊 最 嬲 吳三桂 ，你 請旨 帶兵 去 打 吳三桂 ，我 陪埋 你 一齊 去 。
我 做 兵馬 大元帥 ， 你 就 做 副 元帥 ， 將 吳三桂 啊 ， 打 到 落花流水 ， 嗰 陣 時 ， 皇帝 哥哥 仲封 你 做 王爺 添 噃。
講完 ，出力 咁 攬住 佢 。
韋小寶 正在 狼狽 萬分 嘅 時候 ， 突然 間 ， 窗格 上面 有人 輕輕 敲 咗 三下 ， 停一停 之後 ， 又 敲 咗 兩下 。
韋小寶 歡喜 到 不得了 ， 低聲 話 ： 係 唔 係 陶 阿姨 啊 ？
就 輕輕 推開 公主 ，衝過去 開咗 個 窗 。
人影 一晃 ， 有 個人 跳 咗 入 嚟 ， 正 係 陶紅英 啊 。
兩個 女人 一見面 ，都 係 吃咗 一驚 。
陶紅英 低聲 話 ：公主 。
你 係 咩 人 啊 ？嚟 做 乜嘢 啊 ？
公主 一 諗 ，當堂 呷醋 嘞 。
佢 諗 ：咁 夜 喇 ，呢個 宮女 喺 窗口 跳入嚟 小桂子 間 房 ，噉 仲 有 咩 好事 吖 ，實 係 佢 嘅 相好 無疑 喇 。
佢 見到 陶紅英 年紀 都 好 老 嘞 ，一 想到 小桂子 連 噉樣 又 老 又 醜怪 嘅 宮女 亦 要 勾勾搭搭 ，更加 冇得 原諒 啦 。
佢 正在 情熱如火 ，畀 呢個 女人 撞破咗 好事 ，越發 嬲 到 好似 狂 咗 噉 ，大聲 噉 叫 ：人 ！
韋小寶 啊 早就 防住 佢 呢 一手 㗎 嘞 ， 邊度 畀 佢 嗌 得出 ： 人 嚟 啊 三個 字 吖 ， 一手 就 揞 住 佢 嘅 嘴 。
公主 啊 出力 掙扎 ，反手 啪 一聲 ，摑咗 韋小寶 一巴 。
韋小寶 驚慌 焦躁 之下 啊 ，右手 挾住 佢 條 頸 ，出力 收緊 鬧 佢 話 ：
死老舉 ，我 挾死 你 ，挾死 你 。
公主 當堂 呼吸 艱難 ，手腳 亂咁 𨅝 。
韋小寶 左手 反過嚟 ，喺 佢 頭上 𢱕 咗 兩 拳 。
陶紅英 見到 佢 膽敢 毆打 公主 就 大吃一驚 ，噉啊 知道 呢件事 呢 橫掂 都 搞大咗 㗎嘞 ，就 用 手指 喺 公主 條 腰 同 胸口 連 點 三下 ，封住 佢 上身 幾處 穴道 。
韋小寶 呢噉 先至 鬆開手 ，低聲 話 ：
阿姨 ， 弊 喇 ， 皇帝 要 殺 我 ， 而家 就要 趕快 逃跑 啊 。
陶紅英 話 ：外便 侍衞 好多 。
我 早就 嚟咗 喇 ，喺 花壇 後 便 等咗 大半個 時辰 ，先至 有 機會 過嚟 之 嘛 。
你 睇 下 吖 。
講完 ，輕輕 推開 個 窗 一條 線 咁多 。
韋小寶 哄隻眼 望出去 ，果然 見到 七八名 侍衞 挽住 燈籠 來回 噉 巡邏 。
佢 一轉念 ，就 諗起 瘦頭陀 同 毛東珠 嘅 法子 。
就同公主話 ：公主 你 唔好 呷醋 ，佢 係 我 姨 啊 ，即係 我 媽媽 同 我 爸爸 嘅 妹 呢 。
你 唔使 亂發脾氣 ，吓 。
公主 畀 陶紅英 點咗 穴道 之後 ，激到 爭啲 暈 咁滯 ，而家 聽咗 韋小寶 呢 幾句 説話 ，條氣 啊 即刻 順翻 。
亦 冇 想到 爸爸 嘅 妹 ， 同 媽媽 嘅 妹 冇 可能 係 同一個 人 嘅 。
噉總之 呢個 女人 唔係 小桂子 嘅 相好 噉 就 冇事 嘞 。
於是 塊面 呢 就 露出 笑容 ，佢 話 ：噉 就 快啲 放開 我 啦 。
韋小寶 要 巴結 佢 啊 ，就 話 ：你 係 我 老婆 ，快啲 叫 阿姨 啦 。
公主 好高興啊 ，居然 就 叫咗聲 ，阿姨 噉 。
陶紅英啊莫名其妙 ，眼見 兩個人 先頭 仲 喺度 打交 嘅 ，吖 點解 公主 居然 叫咗 自己 做 阿姨 嚟 呢 ？
韋小寶 話 ：你 去 吩咐 人 將 頂轎 抬 入嚟 屋 ，然後 叫 人 出去 閂埋 道門 ，我 同 你 一齊 坐 喺 轎 裏 便 。
我哋 出咗 皇宮 ，立即 就 拜堂 成親 。
拜堂 嘅 時候 ， 一定 要 有 個 長輩 喺 旁邊 睇 住 㗎 嘛 ， 噉 先至 算數 㗎 。
我 呢個 阿姨 呢 就係 長輩 喇 你 話 好唔好 吖 ？
公主 歡喜 到 乜嘢 噉 ，塊面 一紅 ，低聲 話 ：好 。
韋小寶 推 下 佢 背脊 催 佢 話 ：快啲 去 啦 快啲 去 啦 。
公主 畀 佢 催得 咁 緊 ，亦 唔 等 上身 穴道 解開 就 行 去 門口 吩咐 話 ：將 頂 轎 ，抬 入嚟 間 屋 裏 便 。
所有 嘅 太監 宮女 都 覺得 好奇怪 。
但係 呢位 公主 做事 啊 向來 都 唔係 人 噉 品嘅 ，平日 吩咐 落嚟 嘅 事 呢 ，總係 合乎 常情 嘅 極少 ，異想天開 嘅 甚多 。
所以 立即 齊聲 答應 ，將 頂轎 抬 過嚟 嘞 。
慎太妃 頂轎 可以 抬入 慈寧宮 ，噉 啊 靜靜 將 瘦頭陀 同 毛東珠 抬 出去 吖 。
韋小寶 呢間 住屋 嘅 門口 只係 得 幾尺 闊 唧 ，公主 頂 轎 又 點 抬 得 入 門 呢 ？
只係 入咗 兩條 轎槓 ，轎身 啊 塞住 門口 就 入唔到 嚟嘞 。
公主 就 鬧 佢哋 話 ：真係 冇 中用 嘞 ，通通 就 同 我 躝 出去 。
噉喺轎前面抬轎嗰兩名太監都諗 ：門口就得咁闊 又點怪得我哋呢 ？
於是就 喺 轎邊 啊 挾翻 出去 咯 喎 。
韋小寶 喺 公主 身邊 低聲 話 ：你 吩咐 班 侍衞 唔好 入嚟 啊 。
公主 大聲 話 ：小桂子 ，你 同 我 好好地 喺 處 飲酒 ，唔准 出嚟 啊 。
韋小寶 大聲 話 ：係 ，時候 唔早 喇 ，請 公主 殿下 早啲 返去 休息 啦 。
公主 就 鬧 佢 話 ：我 偏偏 要 出去 逛下 啊 ，你 管得 咁多 咩 ？
韋小寶 又 大聲 話 ：宮裏 便 有 刺客 啊 ，公主 殿下 仲 係 小心啲 好 。
公主 話 ：皇上 養 一 大批 侍衞 ，淨係 識 食飯 唔會 做嘢 嘅 。
大家 同 我 企 喺 外便 ，唔准 入嚟 。
噉 眾 侍衛 齊聲 答應 。
韋小寶 蜎咗 入去 頂轎 坐落 ，噉 擪一擪 手 。
陶紅英 啊 解開 公主 身上 嘅 穴道 話 ：
公主 請 上轎 啦 ，就 坐 喺 佢 嘅 身上面 得喇 。
韋小寶 左手 攬住 公主 ，噉啊 低聲 對 陶紅英 話 ：
阿姨 ，唔該 你 陪 我哋 出 宮 啦 。
諗 住 佢 武功 使得 啊 ， 有 佢 喺 轎 旁邊 護送 ， 如果 畀 人 哋 睇 穿 咗 ， 有 佢 幫手 嚟 打交 殺人 啊 。
陶紅英啊 應承咗 ，佢 着嘅 係 宮女 服飾 ，噉 企 喺 公主 轎 邊 ，邊個 都 唔會 懷疑 。
公主 話 ：起轎 。
噉 兩名 喺 前面 抬轎 嘅 太監 ，又 喺 轎 邊 挾 入嚟 ，咪 同埋 喺 轎 後 抬轎 嘅 太監 啊 一齊 扚起 轎槓 ，噉 將 頂 轎 倒退 幾 步 ，轉過 轎身 ，噉 抬起 嚟 走 嘞 。
個心 都 好奇怪噃 ：咦 ？點解 頂轎 忽然間 重咗 咁多 呢 ？
話說 公主 聽 韋小寶 嘅 指點 ，噉啊 吩咐 由 神武門 出 宮 。
翟轎 嚟到 神武門 ，宮門 侍衞 見到 公主 翟轎 要 深夜 出宮 唄 就 上前 盤問 嘞 。
公主 喺 轎 裏 便 跳出嚟 ，喝 佢哋 話 ：我要 出 宮 ，快啲 開門 。
呢晚 神武門 當值 嘅 侍衞 領班 係 趙齊賢 啊 。
佢 躬身 行禮 ，陪 笑話 :
啟 稟 殿下 ， 宮裏 便 ， 今晚 話 有 刺客 ， 唔 係 點 平靜 ， 請 殿下 等 天光 之後 再 出宮 啦 。
我 有 急事 ，怕 咩 刺客 啊 ？
趙齊賢 本來 就 唔敢 違拗 嘅 ，但係 知道 額駙 吳應熊 已經 被 殺 ，公主 又 咁 夜 出 宮 ，話 唔埋 係 同 吳三桂 嘅 造反 有 咩 牽連 。
噉 聽日 追究 起上嚟 ，噉 自己 唔係 好 弊 ？
就連 氣 請咗 幾個 安 ，就係 唔肯 下令 開門 。
收尾 實在 畀 公主 逼到 急嘞 ，就話 ：
既然 係 噉樣 ，等 奴才 去 請示 多 總管 啦 ，唔該 公主 等 一陣 ，奴才 請示 之後 ，立即 飛奔 返嚟 開啟 宮門 。
韋小寶 喺 轎 裏 便 聽見 公主 只係 發脾氣 ，趙齊賢 呢點 講 都 唔肯 開門 ，仲 話 要 搵 多隆 添 ，哎 噉 就 弊弊 冇 咁 弊 嘞 ，危急 之下 就 話 ：
趙齊賢 ，你 知道 我 係 邊個 嘛 ？
趙齊賢啊 跟住 佢 辦事 已經 好耐 㗎 嘞 ，噉 啊 當然 認得 佢 把聲 啦 ，又 驚 又 喜 就 問 ：
係 韋 副總管 嘛 ？
冇 錯 喇 。
韋小寶 喺 轎 裏 便 哄 個 頭 出嚟 ，擪 一擪 手 。
趙齊賢 連忙 行埋去 。
韋小寶 低聲 話 ：我 奉 皇上 密旨 去 辦 一件 機密 大事 ，我 只要 一 露面 呢 ，就 會 壞事 㗎 嘞 。
因此 皇上 吩咐 我 坐 喺 公主 頂 轎 裏 便 ，請 公主 遮掩 我 出去 。
趙齊賢 素來 知道 佢 深 得 皇上 寵幸 ， 做事 呢 神出鬼沒 ， 就 完全 冇 懷疑 喇 連忙 話 ： 係 ， 係 ， 卑職 立即 開門 。
韋小寶 靈機 一動 ，佢 又 低聲 話 ：你 想唔想 升官 發財 吖 ？
趙齊賢 啊 跟 住 佢 辦事 ， 幾年 之間 啊 ， 官 已經 升 咗 兩級 ， 財呢 就 已經 發 咗 二萬 幾兩 銀 嘞 。
一聽見升官發財幾個字 ，知道 韋副總管 既然 問到 呢句説話嘞 ，即係 又 喺度 提拔 栽培 自己 啦 ，心花怒放 之下 ，連忙 屈膝 請安 佢 話 ：
多謝 副總管 栽培 。
副 總管 有 咩 差遣 ， 卑職 粉身碎骨 ， 在所不辭 啊 。
韋小寶 個 心話 ：嗱 呢句 説話 你 自己 講 㗎 。
大炮 揈 過嚟 ，揈到 你 粉身碎骨 ，你 講過 話 在所不辭 嘅 就 唔怪得 我 。
於是 低聲 話 ：有 一批 反賊 ，同 吳三桂 勾結 。
皇上啊 定下 妙計 ，呢個 時候 ，已經 呃到 佢哋 就 喺 我 伯爵 府 裏 便 嚟 聚會 嘞 。
皇上啊 派 我 帶領 前鋒營 人馬 去 捉 佢哋 。
前鋒 營 素來 同 我 嘅 驍騎 營唔 啱 橋 嘅 ， 你 知 唔 知 皇上 為 咩 派 我 去 帶領 前鋒 營呢 ？
卑職 好 笨 㗎 ，呢層 就 唔知 嘞 。
前鋒營 嘅 阿統領 同 吳三桂 勾結 啊 ，皇上 要 乘機 一網打盡 。
公主 係 吳三桂 嘅 新 抱 ，噉 佢哋 一 見到 公主 就 唔 起 疑心 啦 嘛 。
哦 ，原來 噉嘅 。
想唔到 阿統領 竟然 大逆不道 。
誒 呢件事啊 ，多數 亦 係 畀 韋副總管 查出嚟 嘅 ，立咗 大功 定喇 。
呢件 功勞 ，係 皇上 自己 安排 好 㗎 嘞 ，交畀 我 辦 㗎啫 。
我哋 都係 好 兄弟 ，有 官 同 升 有 財 同 發 ，你 帶 四十 名 侍衞 ，同 我 一齊 去 立功 啦 。
趙齊賢 歡喜 到 乜嘢 噉 ，猛咁 多謝 ，噉啊 連忙 請 公主 升轎 。
點咗 四十名 平常 托 自己 大腳 嘅 侍衞 ，話 係 奉 咗 密旨 辦事 ，大開 神武門 ，護送 公主 翟轎 出 宮 ，吩咐 剩低 嗰 六十 名 衞士 嚴加 守衞 。
韋小寶 話 ：呢道 宮門 今晚 係 無論 如何 唔准 開 嘞 ，除非 有 多 總管 同 我 嘅 命令 ，否則 ，乜嘢 人 都 唔能夠 放出 皇宮 。
趙齊賢啊 傳達 韋小寶 個 號令 ，剩低 嗰 六十 名 宮門 侍衞 齊聲 答應 。
韋小寶 偷笑嘞 ：老子 呢一去呀 ，再唔會 返嚟喇 ，就 唔 知道 多總管 隻鬼 ，會唔會 返嚟 傳令 開啟 宮門 唧 ？
銅帽子胡同 離開 皇宮 就 唔係 好遠 ，一行人 行咗 冇 幾耐 ，就 行近 忠勇伯府 嘞 。
一路上 韋小寶 個 心 啊 猛咁 跳 ，佢 至 怕 行到 半路 ，前面 已經 炮火 連天 ，好彩 始終 靜英英 ，並無 動靜 。
到咗 胡同口 ，前鋒營 統領 阿濟赤 ，已經 得到 報告 話 公主 翟轎 嚟到 嘞 ，就 上前 迎接 。
公主 已經 得到 韋小寶 詳細 囑咐 ， 點樣 點樣 做法 。
噉佢 一聽到 阿濟 赤通名 迎接 ，就 掀開 轎簾 ，哄 個頭 出嚟 話 ：
阿統領 ，皇上 密旨 ，今晚 交辦 嘅 事情 十分 緊要 嘅 ，你 一切 都 預備好 啦 嘛 ？
阿濟 赤躬身 話 ：係 ，都 預備好 嘞 。
嗰啲 大炮 ，亦都 安排 妥當 啦嘛 ？
係 ，係 南懷仁 南大人 親自 指揮 。
皇上 吩咐 ，要 我 入去 伯爵府 辦 一件事 ，你 跟埋 我 入去 啦 。
回殿下 ，時候 緊迫 ，呢個 時候 唔能夠 入去 嘞 。
咩 叫做 唔能夠 入去 啊 ？呢個 係 聖旨 ，你 都 敢 違抗 咩 ？
奴才 不敢 ， 不過 ， 不過 實在 好 危險 ， 殿下 萬金 之體 。
韋小寶 喺 轎 裏 便 一聲 咳嗽 ，陶紅英 啊 衝 上 一步 ，出 指 如 風 ，喺 阿濟赤 左右 嘅 腰間 同 小厴 三處 要穴 各 點 一 指 。
阿濟 赤 輕輕噉 嗌咗 一下 ，上身 已經 唔逳得嘞 ，跟住 覺得 背心 一 涼 ，一陣 劇痛 。
一把 利刀 ，已經 喺 背脊 上 便 裂開 一條 長長 嘅 傷口 ，呢一下 嚇到 佢 魂飛天外 懵晒 嘞 。
公主 話 ：皇上 嘅 密旨 ，你 如果 唔 奉旨 ，即刻 就 殺咗 你 ，仲要 將 你 滿門 抄斬 添 。
阿濟赤話 ：係 ，係 。
韋小寶 心念 一 動 ：
呢啲 御前侍衛 跟 我 辦事 一向 都 好聽話 嘅 ，何必要 佢哋 送死 呢 ？
不如 等 前鋒 營 去 做 替死鬼 罷喇 。
喺 公主 耳邊 低聲 話 ：要 佢 點 五十 名前鋒 營 官兵 ，跟住 我哋 入去 。
公主 話 ：你 帶 五十 名 手下 軍士 ，跟 我哋 入去 辦事 啦 。
係 ，係 。
阿濟赤 立即 傳 下 號令 ，就 點咗 五十名 軍士 ，跟 喺 公主 頂 轎 後 便 ，直入 伯爵府 。
韋小寶 啊 吩咐 趙齊賢 率領 御前 侍衞 ，喺 府外 便 守住 。
頂轎 抬到 第二進 花廳 前 便 ，公主 同 韋小寶 都 落咗 轎 ，吩咐 五十 名 軍士 喺 天井 嗰度 列隊 等候 。
陶紅英 押住 阿濟 赤 ，噉 四個人 行 入 花廳 。
一推開廳門 ，只見 陳近南 、沐劍聲 、徐天川 等人 都 喺 處 。
班人 見到 韋小寶 帶咗 一位 貴婦 、一個 宮女 ，仲有 一名 武官 入嚟 ，都 非常 奇怪 。
韋小寶 擪 一擪手 ，噉 眾人 都 行埋嚟 ，佢 低聲 話 ：
皇帝 知道咗 我哋 喺 呢處 聚會 ，胡同 外 便 已經 圍滿晒 官兵 ，仲有 十幾 門 大炮 ，對準咗 呢處 啊 。
群豪 大吃一驚 ，都 變咗 面色 。
柳大洪 話 ：大家 衝殺 出去 啦 。
韋小寶 話 ：唔得㗎 ，外便 官兵 好多 ，大炮 更加 厲害 。
我 已經 帶咗 幾十名 官兵 嚟 ，大家 剝咗 佢 嘅 衣服 ，換咗 混 出去 啦 。
群豪 齊 稱 妙計 啊 。
噉韋小寶同公主講咗 ，公主岌一岌頭 ，對阿濟赤話 ：傳二十名軍士入嚟 。
阿濟赤 早就 見到 情勢 不妙 嘞 ，只係 鋼刀 晾住 咗 喺 條 頸處 ，唔敢 違抗 ，噉 啊 只有 傳出 號令 。
天地會 同 沐王府 嘅 群豪 喺 門口 等住 ，等 前鋒營 二十 名 軍士 一行 入 花廳 ，立即 拳打腳踢 ，將 二十 個人 啊 打倒 喺 地 。
第二次 啊 叫咗 十五名 入嚟 ，第三次 呢 又 叫咗 十五名 。
噉 五十名 軍士 冚𠾴 唥 打低 之後 呢 ，就 剝 咗 佢哋 嘅 衣服 ，群豪 都 換 咗 嚟 自己 着 ，連 公主 都 換 咗 衣服 嘞 。
各位 ，欲知 後事 如何 ，且 聽 下回 分解 。
