前文 再續 啊 書 接 上 一回 。
話說 康熙 喺 慈寧宮 出嚟 ，韋小寶 跟住 佢 返去 養心殿 ，喺 殿 外 候 傳 。
過咗 好耐 ，見到 前鋒 營 統領 阿濟赤 喺 殿 裏 便 出嚟 ，韋小寶 諗 ：
皇上 實係 調動 前鋒營 ，加緊 嚴防 刺客 定嘞 。
跟住 太監 傳 韋小寶 進見 。
康熙 叫 侍衛 、太監 退下 ，叫 韋小寶 閂埋 殿門 。
康熙 皺起 眉頭 ，喺 個 殿 上 踱嚟踱去 ，顯然 係 個 心 有 個 難題 決定 唔落 。
韋小寶 見到 噉嘅 樣 個 心 惴惴不安 。
小皇帝 漸漸 長大嘞 ，威勢 日盛 。
韋小寶 每 見到 佢 一次 ，總係 覺得 親熱之情 減少 咗 一分 就 畏懼 之心 ，加多 咗 一分 ，再 唔係 當時 互相 扭打 嗰陣 時 咁 肆無忌憚 嘞 。
過咗 一陣 康熙 話 ：小桂子 ，有 一件事 呢 ，唔知 點樣 做 先至 好 。
皇上 聰明智慧 ， 連 諸葛亮 都 甘拜下風 ， 諗 出 嚟 嘅 計 仔 一定 係 好好 嘅 。
呢 一次 啊 真係 連 諸葛亮 都 冇 法子 嘞 。
嗱 ，你 有 三件 大功勞 ，不過 我 啊 一件 都 冇 賞賜過 你 。
捉到 毛東珠 係 第一件 。
講到 蒙古 、西藏 兩路 兵馬 歸降 係 第二件 。
先頭 又 派 人 擊斃 反賊 ，救咗 太后 ，噉 就 係 第三 件 嘞 。
你 年紀 小小 已經 封 到 伯爵 ，我 總 唔 能夠 封 你 做 王 㗎 。
講到 呢處 哈哈大笑 。
韋小寶 噉 先至 知道 皇上 同 自己 開玩笑 ，就 話 ：
呢幾件事 都係 託賴 太后 同 皇上 洪福 ，所有 功勞 都係 皇上 自己 嘅 。
可惜 皇上 唔 能夠 自己 封 自己 嘅 官 唧 ， 如果 唔 係 啊 ， 皇上 應該 自己 連升 三級 先至 啱 啊 。
哈哈哈哈哈哈哈哈哈哈 ，哈哈哈 。
皇帝 雖然 唔能夠 升 自己 嘅 官 ，不過 自古以來 ，都 唔知 有 幾多 皇帝 鐘意 自己 加 一個 尊號 嘅 。
有 咩 喜慶 事 啊 ， 打個 小小 嘅 勝仗 啊 ， 噉 就 加 幾個 尊號 ， 雖然 話 有 臣子 恭請 啊 ， 其實 仲 唔 係 皇帝 同 自己 塊面 貼金 。
真正嘅 好皇帝 噉樣 自稱自讚 都 幾 好笑 㗎喇 ，何況 好多 暴君 昏君 ，亦係 聖仁 文武 、憲哲 睿智 等等 一大串 。
皇帝 越 糊塗 ，頭銜 就 越 長 ，真係 恬不知恥 。
古來 聖賢 君主 ，仲有 邊個 叻得過 堯 舜 禹 湯 嘅 呢 ？
不過 堯 就係 堯舜 就係 舜 ，後人 個 心 崇敬 佢哋 ，至多 ，亦 不過 稱呼 一 聲 大 舜 、大 禹 。
做 皇帝 嘅 如果 有 三分 自知之明 ，亦 唔會 將 尊號 加 到 幾十個 字 咁 長 嘞 。
哦 ，原來 腰腎魚湯 係 唔同 自己 加 尊號 嘅 。
皇上 係 腰腎 魚湯 ，自然 亦 唔 加 啦 。
不過 照 奴才 睇 呢 打平 吳三桂 之後 ，皇上 如果 唔 加 幾個 頭銜 嚟 威 下 ，噉 未免 太過 蝕底 嘞 。
蝕咩底啊 ？
嗱 ，打平 吳三桂 之後 ，皇上 啊 大 封 功臣 ，犒賞 三軍 ，大家 都 要 升官 發財 㗎 嘛 。
皇上 自己 不但 升 唔 到 官 ， 反而 要大開 庫房 ， 黃澄澄 嘅 金 、 白雪 雪 嘅 銀 ， 一箱 箱 搬出去 派 畀 人 哋 ， 豈不是 破大財 ？
你 就係 冇 學問 冇 出息 。
掃除 吳逆 ，天下 太平 ，百姓 安居樂業 咯 ，嗰啲 就係 你 主子 升官 發財 啦 嘛 。
啊 原來 噉嘅 。
不過 掃平 吳逆 之後 ，班 大臣 一定 要 上 尊號 嘅 。
哼 ，嗰班 托大腳 大王 吖 ，有事 嘅 時候 唔 能夠 為 朕 出力 分憂 ，一等到 大功告成 喇 ，佢哋 就 嚟 托大腳 嘞 。
皇上 件件事 都有 先見之明 嘅 。
到其時 ，我哋 靜靜噉 睇住 ，邊幾個 官 請 皇上 加 尊號 嘅 ，邊個 就係 托大腳大王 。
冇錯喇 ，到 其時 ，老子 踢 叉 佢 𦣇 柚 。
哈哈哈哈哈哈哈哈哈 。
君臣 相對 大笑 啊 。
果然 不出 康熙 所料 ，平定 咗 吳三桂 之後 ，班 大臣 就 上 尊號 ，歌功頌德 ，猛 托 大腳 。
不過 康熙 堅決 唔准 ，搞到 班 大臣 啊 冇晒 癮 。
不過 呢啲 呢 係 以後 嘅 事 喇 ，而家 就 唔 講 佢 。
康熙 又 笑住 話 ：皇帝 自己 加 尊號 ，噉 就 好多 嘅 ，不足為奇 。
明朝 有 個 正德 皇帝 ，噉 就 真係 奇怪 嘞 。
韋小寶話 ：呢個 皇帝 呀 ，奴才 見過 佢 好幾次 啊 。
你 見過 佢 好幾次 ？發夢啊 你 ？
唔係唔係發夢 ，奴才 係 喺 戲台 上面 見過 佢 啫 嘛 。
有 一齣戲 叫做 梅龍鎮 ， 講 正德 皇帝 遊 江南 ， 喺 梅龍鎮 啊 見到 個 賣 酒 姑娘 李鳳姐 ， 佢 生 得 好 靚 㗎 ， 咪 同 佢 勾勾搭搭 。
正德皇帝 好鐘意 微服出遊 ，李鳳姐 嘅 事 ，講唔定 會 真係 有 㗎 。
呢個 皇帝 唔係 自己 加 尊號 ，不過 就 鐘意 封 自己 嘅 官 ，佢 封 自己 做 ：總督 軍務 威武 大將軍 總兵官 。
遇到 咩 風吹草動 ，就 下一道 上諭 ：北寇 犯 邊 ，特命 總督 軍務 ，威武 大將軍 總兵官 朱壽 ，率 六軍 往 征噉 。
朱壽 就係 佢 個 名 嘞 。
收尾 又 打咗 一場 仗 ，其實 係 敗仗 嚟 ，佢 就 話 係 勝仗 ，功勞 好 大 ，噉 下一道 聖旨 ，加封 自己 為 鎮國公 ，加 俸祿 米 五千 石 ，嘿嘿 。
韋小寶 笑到 騎騎聲 佢 話 ：
呢個人 皇帝 都 唔 做 ，走去 做 鎮國公 喎 真係 糊塗 到 極 嘞 。
康熙話 ：當時 大臣 一齊 反對 啦 ，話 如果 封 鎮國公 ，就 要 追封 祖宗 三代 嘅 噃噉 。
皇上 自己 稱為鎮 國公 都 唔 緊要 啊 ， 皇上 嘅 祖宗 三代 都 係 皇帝 ， 佢 哋 一定 唔 肯 降級 㗎 。
正德皇帝 唔理 咁多 ，一定要 做 鎮國公 ，噉 收尾 又 話 立咗 功勞 ，加封 自己 做 太師 。
好在 佢 死得早唧 ，否則 個 官 呀 越 封 越 大 ，到咗 收尾 ，嘿嘿 ，只有 自己 篡 自己 嘅 位 索性 做 皇帝 嘞 。
韋小寶 聽到 篡位 兩個 字 唔敢 多講 嘞 ，只係 乾笑 咗 幾 聲 。
康熙 話 ： 正德 皇帝 做 咗 好多 糊塗 事 ， 害到 百姓 啊 好 苦 。
噉固然佢自己唔好啦 ，但係 一半 亦係 太監 同 大臣 教壞 佢 嘅 。
係 ，壞 皇帝 鐘意 用 啲 壞 太監 同 奸臣 ，好 皇帝 用 嘅 呢 就 係 好 太監 同 忠臣 喇 。
噉 亦 唔係 㗎 ，好 皇帝 身邊 ，亦 有 壞 太監 同 奸臣 㗎 。
只不過 皇帝 如果 唔 糊塗 呢 ，就算 畀 人哋 蒙蔽 得 一時 ，到 咗 收尾 ，終於 能夠 揭穿 奸臣 嗰啲 陰險 狡猾 嘅 。
係 ，係 。
韋小寶 個 心 呀 不由得 嘭嘭聲 亂 咁 跳 啊 。
康熙 問 ：毛東珠 嗰個 賤人 嘅 姦夫 叫做 咩名 啊 ？
佢 叫做 瘦頭陀 ，真名 叫做 咩嘢 奴才 就 唔 知道 喇 。
佢 咁 肥 咁大 好似 個 肉球 噉 ，點解 叫做 瘦 頭陀 呢 ？
聽講 佢 本來 係 好 高 好 瘦 㗎 ，收尾 食咗 神龍教 教主 嘅 毒藥 ，就 縮 成 一嚿 ，變咗 個 矮 肥佬 喇 。
你 又 點 知道 佢 同 毛東珠 匿埋 喺 慎太妃 頂轎 裏 便 ，脅迫 太后 送 佢哋 出 宮 嘅 呢 ？
韋小寶 閃電 咁快 喺度 諗 ：皇上 先 不先 話 我 派 人 擊斃 反賊 救咗 太后 ，功勞 好大 。
而家 又 話 佢哋 兩個 人 匿埋 喺 慎太妃 頂轎 裏 便 ，脅迫 太后 送 佢哋 出 宮 。
噉歸家嗰三個人行刺嘅事 ，皇上 仲係 唔知道 嘅 。
不過 歸家 嗰 三個 人 而家 逃走咗 又 好 畀 人生 擒 咗 又 好 ，畀 人 打死咗 亦 好 ，終歸 係 呃唔到 佢 嘅 。
我啊 點 講 先至 好 呢 ？
康熙 見 佢 遲疑 唔 回答 就 問 佢 ： 點啊 ？ 係 唔 係 有 咩 忌諱 嘅 事 啊 ？
誒唔係唔係 。
奴才 覺得 好奇怪 啫嘛 ，點解 呢 兩名 反賊 ，會 坐 喺 太妃 頂轎 裏 便 嘅 呢 ？
真係 想 爛心肝 都 想唔通 啊 ，仲要 請 皇上 開導 下至 得 。
我 先問 你 ， 你點 知道 頂 轎 裏 便 坐 嘅 唔 係 太妃 ， 因此 指揮 侍衛 襲擊 御 轎 呢 ？
韋小寶 諗 ：原來 皇上 仲 以為 宮中 侍衞 殺咗 瘦頭陀 同 毛東珠 。
唔得 ，呢件事 終歸 會 揭穿 嘅 ，我 仲 係 照直 講 啦 。
佢 話 ：奴才 罪該 萬死 皇上 恕罪 啊 。
講完 就 跪低 嘞 。
康熙話 ：咩嘢事啊 ？
奴才 奉 皇上 諭旨 ，將 反逆 毛東珠 押 去 慈寧宮 ，經過 御花園 嘅 時候 ，忽然間 ，假山 後 便 啪 一聲 ，跳出 三個 着住 侍衛 同 太監 服裝 嘅 人 ，將 奴才 一手 拉住 ，要 我 帶 佢哋 去 搵 皇上 。
呢 三 人 嘅 武功 啊 係 極之 高強 㗎 ，奴才 啲 手指 啊 爭啲 畀 佢哋 捻斷 喇 。
講完 ，遞起 左手 ，果然 五隻手指 都係 瘀黑 粗腫 嘅 。
佢哋 搵 我 做 咩嘢 啊 ？
嗰 三個 人 呀 實係 吳三桂 派嚟 嘅 刺客 ，奴才 就算 畀 佢哋 捻死 喇 ，亦 決 唔 肯 帶 佢哋 嚟 犯駕 嘅 。
咁 啱 ， 誒 唔 係 唔 係 ， 唔 係 咁 啱 ， 係 ， 係 碰 啱 ， 碰 啱 太后 同 太妃 鑾駕 嚟 到 ， 嗰 三個 刺客 糊糊塗塗 ， 以為 太妃 頂 轎 裏 便 ， 係 皇上 聖駕 ， 就 衝出 嚟 行兇 嘞 。
真係 太后 同 皇上 嘅 洪福 齊天 啊 ，呢次 竟然 係 反賊 殺 咗 反賊 。
嗰 三個 刺客 ，而家 唔知 係 畀 班 侍衞 打死咗 呢 ，定係 捉到 嘞 ，奴才 等陣 就 去 查明 回奏 。
三個 刺客 ，未必 會 咁 糊塗 嘅 ，多數 係 你 指點 嘅 係唔係 呢 ？
你 諗 住 與其 刺客 向 我 犯駕 ， 不如 等 佢 去 害 太妃 ， 噉 佢 哋 只要 一 逳 手 咯 ， 宮內 大亂 就傷 我 唔 到 咯 ， 你 呢 條命 仔 亦 冇 事 喇 係 唔 係 呢 ？
韋小寶 畀 康熙 講 穿咗 心事 ，知道 抵賴 唔到 咯 ，只有 猛咁 叩頭 。
康熙話 ：你 指點 刺客 去 危害 太妃 ，本來 係 應該 斬頭 嘅 ，總算 你 對 我 仲 有 三分 忠愛 之 心 。
韋小寶 連忙 話 ：唔係 三分 啊 ，係 十分 、一百分 、一千分 ，一萬分 嘅 忠愛 之心 啊 。
唔見得啩 ？
見得見得 ，認真 見得啊 。
康熙 用 隻 腳 喺 佢 額頭 上面 輕輕 踢咗 一 踢 ，笑住 話 ：叉叉叉 ，企 起身 啦 。
韋小寶 已經 嚇到 滿頭大汗 喇 ，叩咗 個 頭 企 起身 。
康熙 笑住 話 ：你 立咗 三件 大功 ，我 本來 想 唔出 法子 賞賜 你 嘅 ，而家 想到 喇 。
你 指點 刺客 ，犯上 行兇 有 不臣之心 ，噉 我 亦 唔罰 你 。
將功贖罪 ，噉 我哋 就 兩無拖欠 喇 。
韋小寶 話 ：噉 好啊 好啊 。
好似 皇上 推牌九 噉 ，前 關係 奴才 贏 咗 ，後 關係 皇上 贏 咗 噉 大家 和果 。
皇上 唔 食 我 嘅 ， 亦 唔 賠 畀 我 ， 好 啊 。
佢 諗 ：唔 升官 就 唔 升官 囉 ，唔通 你 仲 能夠 封 我 做 威武 大將軍 、鎮國公 咩 ？
就算 封 太師 啊 ，亦 冇 咩 咁 叻 啫 嘛 。
當年 唐伯虎 點 秋香 ，華太師 嗰 兩個 仔 華大 華二 係 傻仔 嚟 嘅 。
我 韋太師 生 兩個 仔 韋大 韋二 ，如果 亦 係 噉 亂七八糟 呀 ，嘿呀 我 真係 前世 唔 修 咯 。
康熙話 ：呢個 矮肥佬 用心 真係 奸險 嘞 。
佢 個 相 好 畀 你 捉住 之後 ，好難 搶翻 。
佢 估 你 實 會 送 入嚟 皇宮 呈畀 太后 發落 㗎 ，竟然 鋌而走險 ，又 闖入 去 慈寧宮 犯上 作亂 ，脅迫 太后 。
喺 呢個 時候 ，宮內 侍衞 啊 加咗 幾倍 ，戒備 又 森嚴 ，佢 點 都 唔 能夠 學似 上次 噉樣 乘人不備 跳牆 逃走 嘅 。
佢 只係 希望 坐 喺 慎太妃 頂轎 裏 便 ，由 太后 親自 陪 到 皇宮 門口 ，就 可以 一齊 逃走 嘞 。
佢 點 都 估唔到 ，鬼使神差 ，你 竟然 會 指點 刺客 去 攻打 太妃 頂轎 ，將 兩名 叛賊 殺死咗 。
韋小寶 恍然大悟 啊 佢 話 ：啊 原來 係 噉嘅 。
太后 同 皇上 洪福齊天 果然 一啲 都 冇 錯 啊 。
佢 諗 ：唔怪得 我 送 老舉乸 去 嘅 時候 ，太后 成 副 晦氣 樣 ，好似 我 欠 咗 佢 三百萬 兩 銀 唔 還 噉 啦 。
原來 嗰陣時 瘦頭陀 早就 匿埋 喺 寢殿 裏頭 ，多數 啊 就 匿埋 喺 鋪床 處 添 。
瘦頭陀 喺 慈寧宮 住過 咁 耐 ，熟門熟路 ，呢張 大床 呀 都 唔知 瞓過 幾多 晚 嘞 ，真係 難為 佢 諗得出 呢條 妙計 啊 。
唔知 佢 喺 太后 寢殿 裏 便 ，已經 等咗 幾 耐 呢 ？
話唔埋 有 好幾日 喇 。
哎呀 弊喇 弊喇 ！
瘦頭陀 同 太后 一男一女 匿埋 喺 間 房 裏 便 連氣 幾日 ，都 唔知 搞咗 啲 乜嘢 花樣 出嚟 冇 呢 ？
嗯 ，五台山 老皇爺 頭殼 戴住 嗰 頂 和尚帽 啊 ，都 怕 有 啲 綠油油 喇 。
康熙 當然 估唔到 佢 心裏 便 諗 嗰啲 污糟 念頭 啦 ，佢 笑住 話 ：
太后 同 我 嘅 福氣 大 ，你 嘅 福氣 都 唔 細 噃 。
奴才 本來 係 冇 福氣 嘅 ，跟得 皇上 耐 咯 ，就 揩 咗 啲 皇上 福氣 喇 。
哈哈哈哈 哈哈哈 哈哈哈 ， 嗰 個 歸辛樹 外號 神拳 無敵 ， 武功 係 咪 真 係 好 厲害 㗎 ？
康熙 喺 大笑聲 中 問出 呢句 説話 ，韋小寶 耳邊 呀 ，就 好似 響起 個 霹靂 噉 ，個身 都 岌 咗 幾 岌 ，兩 隻 腳 都 軟埋 ，佢 話 ：誒 ，誒 。
康熙 冷笑話 ：哼哼 ，天父 地母 反清復明 。
韋香主 ，你 真係 大膽 啊 。
韋小寶 只 覺得 天旋地轉 ，腦海 之中 啊 亂糟糟 ，第一個 念頭 ，就係 想 伸手 去 靴筒 拔 匕首 ，但係 立即 諗起 ：
佢 乜嘢 都 知道 晒 嘞 ，既然 問到 呢句 説話 ，就 係 翻牌 同 我 斗 大細 。
佢 武功 叻 過我 ， 我 一劍 刺 佢 唔 死 嘅 。
就算 能夠 殺咗 佢 我 亦 決唔 殺 佢 。
於是 一啲 都 冇 遲疑 啊 ，立即 跪低 佢 話 ：小桂子 投降 喇 ，請 小玄子 饒命 。
小玄子 三個字 一 入耳 ，康熙 嘅 心頭 當堂 湧起 往日 同佢 比武 玩耍 嘅 種種 事情 ，不由得 長歎 一聲 佢 話 ：
唉 ，你啊 ，你 一直 呃得 我 好 慘啊 。
韋小寶 叩頭 話 ： 奴才 雖然 係 身 在 天地會 ， 不過 對 皇上 忠心耿耿 ， 冇 做過 一 啲 對 唔 住 皇上 嘅 事 啊 。
你 如果 有 啲 多 反意 ，仲 點 能夠 留到 你 今日 啊 ？
韋小寶 聽 佢 嘅 口氣 有啲 鬆動 嘞 連忙 又 試 叩頭 話 ：
皇上 腰腎 魚湯 ，叻過 諸葛 之 亮 ；奴才 盡忠 為 主 ，好似 關 雲 之 長 啊 。
康熙 幾乎 忍笑 唔住 ，個心 話 ：叉叉叉 乜嘢 諸葛之亮 ，關雲之長 吖 ？
不過 喺 呢個 咁 緊要 嘅 時候 ，如果 稍為 對 佢 好啲 ，噉 呢個 小丑 就 插科打諢 ，順住 你 躝 上嚟 㗎 喇 噉 啊 點 都 再 收復 佢 唔到 嘞 ，就 喝 佢 話 ：
你 同 我 從頭至尾 ，逐樣逐樣 講 。
只要 有 半句 大話 ，我 即刻 將 你 斬成 狗肉 之 醬 啊 。
講到 最後 四個字 ，嘴角 不由得 露出 笑意 。
韋小寶 趴 喺 地下 睇 唔見 佢 嘅 神情 已經 和氣 翻 ，但係 聽 佢 講 得 咁 嚴峻 ，就 連忙 叩頭 話 ：
係 ， 係 ， 皇上 一切 都 知道 咯 ， 奴才 點敢 再 隱瞞 你 吖 ？
於是 將 點樣 去 康親王府 殺 鰲拜 ，畀 天地會 捉咗 去 ，點樣 拜 陳近南 為 師 ，又 點樣 被逼 入會 做 咗 青木堂 香主 等等 嘅 情形 ，逐樣 照實 講咗 。
噉 最後 講到 點樣 遇到 歸家 三個人 ，點樣 擲骰仔 輸咗 畀 歸鐘 ；
點樣 畫圖畫密奏 ，點樣 喺 慈寧花園 畀 歸二娘 捉住 ，點樣 指引 三個人 襲擊 太妃 頂轎 ，以求 皇帝 得到 警報 等等 。
至於 偷 四十二章經 等等 嘅 緊要 關節 ，當然 係 略過 唔提 嘞 。
佢 講得 咁 長篇 啊 ，居然 大話 甚少 ，而 真話 極多 ，一生 之中 都 算 係 第一 趟 嘞 。
康熙 不停 噉 詢問 天地會 嘅 情形 ，韋小寶 亦都 據實 稟報 。
康熙 聽咗 一陣 岌一岌 頭 佢 話 ：
五人 分開 一首 詩 ，身上 洪英 冇人 知 。
韋小寶 打個 特佢 諗 ：皇上 連 我哋 會 中 兄弟 相認 嘅 切口 都 知道 喎 。
佢 跟住 就 念 ：自此 傳得 眾 兄弟 ，後來 相認 團圓 時 。
康熙話 ：初進 洪門 結義 兄 ，當天 明誓 表 真心 。
韋小寶 話 ：松柏 二 枝 分 左右 ，中節 洪花 結 義 亭 。
康熙話 ：忠義堂 前 兄弟 在 ，城中 點將 百萬 兵 。
韋小寶 話 ：福德祠 前 來 誓願 ，反清復明 我 洪英 。
按照 天地會 裏 便 嘅 規矩 ，佢 呢 兩句 詩 一 念完 呢 ，對方 就 應當 自報 姓名 ，講 自己 所屬 堂口 ，喺 會中 嘅 職份 。
康熙 只係 微微 一笑 就 唔 出聲 嘞 。
韋小寶 好 歡喜 噉 話 ：原來 皇上 亦 係 我哋 會中 兄弟 ，唔知 係 咩 堂口 燒 嘅 係 幾多 炷香 呢 ？
講到 呢處 ，立刻 知道 自己 糊塗 到 極嘞 ，佢 係 大清 皇帝 ，點 會 嚟 反清復明 吖 ？就 猛咁 話 ：
打 你 呢個 糊塗鬼 ，打 你 呢個 糊塗鬼 。
噉啊輕輕打咗自己兩巴 。
康熙 企 起身 ，踱嚟踱去 ，佢 話 ：
你 做嘅 係 我 滿洲 嘅 官 ，食嘅 係 我 大清 嘅 祿米 ，個 心裏頭 呢 ，就 有 反清復明 嘅 諗頭 。
如果 唔係 乃念 你 有 過 一啲 微小 嘅 功勞 ，你 就算 有 一百 個 人頭 ，我 一早 就 斬晒 落嚟 喇 。
係嘅 ，係嘅 。
皇上 寬洪大量 ，奴才 嘅 人頭 ，先至 留得到 今日 唧 。
奴才 即刻 去 退會 ，呢個 天地會 嘅 香主 我 點 都 唔 做 㗎 喇 。
今後 ，決唔 反清復明 ，專門 反明復清 。
康熙 個 心 偷笑 嘞 就 鬧 佢 話 ：我 大清 又 冇 亡國 ，要 你 嚟 復 咩 啊 ？一味 亂講 。
係 ， 係 ， 奴才 保定 我主 江山 萬萬年 。
皇上 要 我 復 乜嘢 ， 我 就 復 乜嘢 ， 要 我 反 乜嘢 ， 奴才 就 反 乜嘢 。
好 ，我 要 你 反 天地會 。
係 ，係 。
韋小寶 個心 啊 暗暗 叫苦 嘞 ， 啲 表情 梗 係 為 難 啦 。
康熙話 ：你 滿口 花言巧語 ，話咩 對我 忠心耿耿 喎 ，都 唔知 係 真 定 假 嘅 。
哎 十足 真金 ， 十足 真金 ， 珍珠 都 冇 咁 真 啊 。
我仔細查過 你 喇 ，總算 你 對 我 仲 冇 咩 大逆不道 嘅 惡行 。
如果 你 聽 我 吩咐 ，呢 一次 整冧咗 天地會 ，斬草除根 ，將 一班 叛逆 殺到 乾乾淨淨 ，噉啊 將 功 贖罪 ，我 就 赦咗 你 嘅 欺君 大罪 ，話唔埋 仲 賞賜 啲 咩 嘢 畀 你 。
如果 你 仍然 狡猾 欺詐 兩面三刀 ，呵呵 ，唔通 我 殺唔到 你 天地會 嘅 韋香主 咩 ？
嗱 各位 ，欲知 後事 如何 ，且 聽 下回 分解 。
