前 文 再續 啊 書 接上 一回 啊 。
話 說 康熙 對 住 跪 喺 面前 嘅 毛東珠 ， 心潮 翻湧 。
喺 幾年 之前 啊 ， 康熙 年紀 仲 係 細 ， 只 覺得 人世間 最大 嘅 遺憾 莫過於 失父 失母 。
但 係 呢 幾年 嚟 親掌 朝政 ， 就 知道 大位 如果 畀 人 哋 搶 咗 去 呢 就 萬事 全休 嘞 。
喺 佢 嘅 內心 ， 已經 覺得 帝王 權位 比 父母親 嘅 慈愛 為重 。
只 係 呢 個 念頭 ， 固然 唔 能夠 講出 嚟 啦 ， 就算 喺 個 心 處 諗 一 諗 ， 亦 不免 罪孽深重 。
毛東珠 見到 佢 面色 變幻 不定 ， 就 歎 一口氣 慢慢 噉 話 ：
吳三桂 造反 ， 皇上 亦 不必 太過 憂慮 ， 總要 保重 身子 啊 。
你 每日 朝頭 早 嘅 茯苓 燕窩湯 ， 一直 仲有 冇 食 啊 ？
康熙 正在 出神 ， 聽 佢 噉 問 就 順口 回答 話 ： 係 ， 每日 都 食 嘅 。
我 犯 嘅 罪 太 過 大 喇 ， 你 ， 你 親手 殺 咗 我 啦 。
康熙 嘅 心 一陣 難過 擰 一擰頭 ， 對 韋小寶 話 ：
你 帶 佢 去 慈寧宮 朝見 太后 ， 話 我 請 太后 聖斷 發落 。
韋小寶 右膝 一屈 ， 應 咗 聲 ： 喳 ！
康熙 揮揮手 話 ： 你 去 啦 。
韋小寶 喺 懷 內 攞 咗 葛爾丹 同桑 結 嘅 兩道 奏章 出 嚟 ， 走上 兩步 呈 畀 康熙 ， 佢 話 ：
皇上 大喜 啊 。
西藏 同 蒙古 嘅 兩路 兵馬 ， 都 已經 同 吳三桂 反 咗 面 ， 決心 為 皇上 出力 嘞 。
康熙 連日 調兵 譴將 ， 佢 就 好 擔心 蒙藏 兩路 兵馬 響應 吳三桂 ， 聽見 韋小寶 噉 樣講 ， 不由得 驚喜交集 ， 佢 話 ： 有 噉 嘅 事 咩 ？
展開 奏章 一睇 ， 真 係 喜出望外 嘞 ， 揮手 命令 侍 衞 將 毛東珠 押 咗 出殿 先 ， 問 韋小寶 話 ：
呢 兩件 大功 你 點樣 辦成 㗎 ？
叉叉 叉 你 真 係 個 認真 大 嘅 福將 啊 。
當 其時 西藏 、 蒙古 兩地 兵力 頗 為 強大 ， 康熙 既然 知道 桑結 、 葛爾丹 暗中 同 吳三桂 勾結 ， 就 已經 部署 重兵 ， 嚟 到 防範 佢 哋 嘅 。
而家 睇 見 兩道 奏章 裏 便 言辭 恭順 懇切 ， 反而 成為 討伐 吳三桂 嘅 強大 助手 ， 你 話 佢 有 乜 法子 唔 歡喜 呢 ？
不過 呢 件 事 嚟 得 太過 突然 嘞 ， 一時之間 仲 唔 信 係 真 嘅 。
韋小寶 知道 每逢 小 皇帝 對 自己 講 粗口 ， 叉叉 叉 ， 就 係 龍心 大悦 嘞 ， 就 笑 騎騎 噉 話 ：
託 皇上 嘅 洪福 ， 奴才 同 佢 哋 結拜 咗 做 兄弟 ， 桑結 大喇嘛 係 大哥 ， 葛爾丹 王子 係 二哥 ， 奴才 係 三弟 啊 。
你 真 係 神通廣大 噃。
佢 哋 幫 我 打 吳三桂 ， 你 應承 畀 咩 嘢 好處 過 佢 哋 啊 ？
皇上 聖明 ， 知道 我 同 佢 哋 結拜 係 裝腔作勢 唔 當 得 真 嘅 ， 佢 哋 一心一意 ， 係 向 皇上 攞 賞賜 唧 。
桑結 係 想 做 活佛 ， 達賴 活佛 、 班禪 活佛 之外 ， 想 請 皇上 開恩 ， 再 賞 佢 一個 桑結 活佛 做下 。
嗰 個 葛爾丹 王子 呢 ， 係 想 做 咩 嘢 捽 腳 汗 喎 ， 捽 腳 汗 係 咩 嘢 ， 奴才 就 唔 明白 喇 。
康熙 哈哈大笑 話 ： 哈哈哈 哈哈 ， 捽 腳 汗 ？
啊 係 喇 係 喇 係 喇 ， 佢 想 做 准 葛 爾 汗 。
噉 呢 兩件事 都 唔 難 嘅 ， 朝廷 又 唔 使 使 咩 錢 ， 到時候 寫道 敕文 ， 扱 翻個 御 寶 ， 派 你 做 欽差大臣 去 宣讀 就 係 嘞 。
嗱， 你 同 你 大哥 二哥 講 ， 只要 真 係 出力 ， 佢 哋 心裏 便 想 嘅 事 我 應承 就 係 喇 。
不過 就 唔 准 兩面三刀 ， 個口 講 嘅 係 一套 做 嘅 又 係 一套 ， 見 風駛里 ， 見到 邊便 打仗 佔 咗 上風 就 幫 嗰 一 便 。
皇上 講得 啱 啊 。
我 呢 兩個 結拜 大佬 呢 人品 唔 係 點 好 嘅 啫 。
皇上 唔 好 信 晒 佢 哋 啊 ， 要 防住 下 佢 哋 先 好 啊 。
皇上 講過 ， 我 哋 開頭 幾年 要 打敗仗 ， 噉 要 防 佢 哋 兩個 不但 唔 幫 莊家 ， 反而 柴 枱 一味 喺 天門 落注 。
韋小寶 諗 住 要 將 説 話 講明 先 ， 免得 自己 擔 嘅 關係 太 大 啊 。
康熙 話 ： 呢 句 説 話 講 得 啱 嘞 。
但 係 我 哋 亦 唔 怕 ， 只要 佢 哋 敢 打 ， 天門 、 左青龍 、 右 白虎通 殺 ！
韋小寶 哈哈大笑 個心 好 佩服 ， 原來 皇上 對 賭 牌九 呢 樣 嘢 都 好 在 行 嘅 。
順便 講下 ， 根據 史書 記載 啊 ， 收尾 葛爾丹 同桑結 分別 作亂 ， 畀 康熙 分別 平定 咗 。
葛爾丹 死於 康熙 三十六年 ， 桑結 死於 康熙 四十四年 。
好 喇 閒話 休提 言歸正傳 。
話 說 韋小寶 押住 毛東珠 ， 嚟 到 慈寧宮 謁見 太后 。
太監 啊 傳出 懿旨 ， 叫 韋小寶 帶 埋欽犯 進見 。
韋小寶 諗 ： 以前 我 係 太監 ， 梗 係 可以 出入 太后 寢殿 啦 。
而家 我 係 大臣 嘞 噃， 點解 仲叫 我入 去 寢 殿 嘅 ？
嗯 ， 睇 嚟 太后 聽見 捉 到 老舉 乸 歡喜 到 不得了 ， 唔 記得 咗 我 唔 係 太監 定 嘞 。
於是 由 四名 太監 押住 毛東珠 ， 一齊 入去 。
只見 寢殿 裏 便 黑沉沉 ， 仍然 同 當日 假 太后 居住 嘅 時候 一 啲 都 冇 唔 同 。
太后 坐 喺 床 邊 ， 背後 羅帳 低垂 。
韋小寶 跪低 叩頭 恭請 聖安 。
太后 向 毛東珠 睇 咗 一眼 ， 岌一 岌 頭 佢 話 ：
你 捉 到 欽犯 喇 ？ 嗯 ， 你 出去 啦 。
韋小寶 叩頭 告辭 出去 ， 噉 將 毛東珠 啊 留 喺 寢 殿 裏 便 。
佢 喺 慈寧宮 出 嚟 個 心 非常 不滿 ， 佢 諗 ：
我 捉 到 老舉 乸 立 咗 一場 大功 ， 不過 太后 似乎 一 啲 都 唔 高興 噉 嘅 ， 連 一句 稱讚 嘅 説 話 都 冇 。
死人頭 佢 嘩 ， 邊個 住 喺 慈寧宮 呢 邊個 就 衰 ， 真太后 亦 好 ， 假 太后 亦 好 ， 都 係 老舉 乸 嚟 。
噉 佢 喺 個 肚 處 猛 咁 鬧 ， 噉 啊 穿過 慈寧花園 條石 路 嘅 時候 ， 咪 經過 一座 假山 邊 。
突然 間 人影 一晃 ， 假山 後 便 有 三個 人行 出 嚟 ， 其中 一個 人一 伸手 就 揸 住 韋小寶 隻 左手 ， 笑 住 話 ： 你好 吖 嘛 ？
韋小寶 吃 咗 一驚 ， 見 係 個 老 太監 正話 想 喝 佢 ， 已經 睇 清楚 呢 個 老 太監 ， 竟然 係 歸 二娘 啊 ， 嘩 ， 驚 到 佢 不得了 。
再 睇 下 佢 身邊 嗰 兩個 人 ， 赫然 係 歸辛樹 同歸 鐘 ， 噉 兩個 人 都 着 住 一身 內班 宿 衞 嘅 服飾 。
韋小寶 暗暗 叫苦 嘞 佢 諗 ： 你 哋 三個 原來 匿 埋 喺 呢 度 。
左手 畀 歸 二娘 捉住 咗 ， 半身 痠麻 ， 知道 只要 出 聲 一 嗌 唧 ， 歸辛樹 輕輕 一掌 ， 自己 嘅 頭殼 就 會 開花 嘞 。
諗 住 自己 嘅 頭殼 ， 斷估 都 冇 伯爵 府 外 便 嗰 隻 石獅子 頭 咁 堅硬 嘅 ， 於是 苦笑 一聲 話 ：
你 老人家 好 吖 嘛 ？
個心 就 一味 喺 度 諗 計 ， 睇 下 有 乜 法子 甩身 。
歸 二娘 低聲 話 ： 你 叫 佢 哋 喺 呢 處 唔 好 逳， 我 有 嘢 同 你講 。
韋小寶 唔 敢 唔 聽話 啊 ， 就 轉頭 對 跟 住 自己 後 便 嗰 幾名 侍 衞 話 ： 你 哋 喺 呢 處 等 住 。
歸 二娘 拉 住 佢 隻 手 ， 向前 行 咗 十幾步 ， 低聲 話 ： 快 啲 帶 我 哋 去 搵 皇帝 。
韋小寶 話 ： 三位 尋晚 就 嚟 咗 喇 點解 仲未 搵 到 皇帝 咩 ？
問 咗 幾名 太監 同 侍 衞 ， 都 話 皇帝 正在 召見 大臣 ， 成晚 冇 瞓 。
我 哋 冇 法子 接近 佢 ， 落 唔 到手 啊 。
先頭 我 就 想 去 見 皇帝 想 探下 口氣 ， 想 知道 你 哋 三位 點樣 嘅 情形 。
不過 皇帝 已經 瞓 咗 嘞 見 唔 到 。
哦 ， 三位 已經 換 咗 裝束 ， 真 係 好極 喇 ， 我 哋 而家 就 出宮 啦 。
件 事 都 未 做好 ， 咩 噉 就 出宮 喇 ？
日頭 唔 做 得 㗎 ， 三位 如果 興致 好 ， 不妨 今晚 再 嚟 玩 下 啦 。
咁 辛苦 入 咗 嚟 ， 大事 做 唔 成點 都 唔 出去 。
佢 喺 邊度 瞓 啊 ？ 快 啲 帶 我 哋 去 啦 。
我 都 唔 知 佢 喺 邊度 瞓 噃， 要 搵 個 太監 嚟 問 下 至 得 。
唔 准 你 同 人 哋 講 嘢 。
你 先頭 話 去 求見 皇帝 ， 點會 唔 知道 佢 喺 邊度 瞓 㗎 ？
哼 ， 想 喺 老娘 面前 搞鬼 ， 冇 咁 容易 。
講完 ， 手指 一 緊 。
韋小寶 只 覺得 奇痛 徹骨 ， 五隻 手指 啊 好似 想斷 噉 ， 忍 唔 住 呻吟 咗 一聲 。
歸辛樹 用 手 喺 佢 頭頂 輕輕 摸 咗 一下 佢 話 ： 好極 喇 。
韋小寶 知道 冇 法子 唔 聽 佢 哋 話 嘞 ， 心念 一動 ， 佢 諗 ：
我 帶 佢 哋 去 慈寧宮 ， 嘻嘻 㗾㗾 大呼小叫 ， 噉 小 皇帝 知道 咗 消息 就 有 防備 嘞 。
佢 哋 如果 落手 害死 咗 太后 亦 唔 關我事 吖 。
就 話 ： 先頭 我 係 去過 慈寧宮 ， 講唔 埋 皇帝 喺 嗰 處 向太后 請安 ， 我 哋 再 去 搵 下 啦 。
歸 二娘 見 佢 啱 先 確係 喺 慈寧宮 出 嚟 ， 就 唔 係 車大炮 ， 就 話 ：
我 哋 三個 人 ， 既然 入 咗 皇宮 嘞 ， 就 冇 想到 有 命 返 出去 㗎 嘞 。
只要 你 有 啲 咁 多 咿 逳， 就要 你 死 埋 一份 。
我 哋 四個 人 一齊 去 見 閻羅王 ， 一路 都 唔 寂寞 吖 ， 我個 仔好 歡喜 你 做伴 㗎 。
韋小寶 苦笑 話 ： 做 下伴 就 唔 緊要 ， 呢 ， 我 哋 就 喺 呢 個 御花園 裏 便 散 下心 啦 。
嗯 ， 陰間 嗰 條 路 ， 唉 我 睇 至 好 就 唔 好 去 喇 。
你 鐘意 去 見 閻羅王 呢 ， 定 係 鐘意 去 見 嗰 小 皇帝 呢 ？
呢 兩個 嘢 ， 今日 你 一定 要 見 其中 一個 嘅 。
唉 ， 噉 仲 係 去 見 皇帝 啦 。
嗱， 我 哋 講定 先喇 ， 吓 ， 一 見到 皇帝 ， 你 哋 三位 就 自己 逳 手 ， 我 係 唔 能夠 幫忙 㗎 喇 。
邊個 要 你 幫忙 啊 ？
只要 你 帶 我 哋 見到 皇帝 ， 我 即刻 就 放手 ， 以後 嘅 事 同 你 冇 關係 。
好 ， 一 於 噉 話 啦 。
韋小寶 畀 三個 人 挾住 行去 慈寧宮 。
歸鐘 見到 花園裏 頭 嘅 孔雀 、 白鶴 好 感興趣 。
韋小寶 啊 指指點點 同 佢 猛 咁 傾 ， 咪 只 盼望 捱 多 一陣 就 好 一陣 。
歸 二娘 雖然 唔 耐煩 啊 ， 但 係 諗 住 個 仔 一生 大病 纏綿 ， 喺 人世 已經 冇 幾耐添 㗎 嘞 ， 噉 臨死 之前 由 得 佢 嘅 心 舒暢 啲 好 ， 所以 亦 由 得 佢 嘞 。
遠遠 望見 喺 慈寧宮 裏 便 有 一行 人行 出 嚟 ， 抬住 兩頂 轎 。
歸 二娘 一手 拉 住 韋小寶 ， 一手 拉 住 個 仔 ， 匿 埋 喺 座 牡丹花 壇後便 。
邊辛樹 呢 就 企 喺 佢 身邊 。
呢 班 人 漸漸 行近 嘞 ， 韋小寶 見到 當先 一個 人 係 敬事 房 太監 ， 後 便 兩頂 轎 ， 一頂 係 皇 太妃 嘅 ， 一頂 係 皇太后 嘅 。
轎邊 ， 都 有 太監 扶住 轎杆 ， 轎後便 太監 舉住 黃 羅 大傘 ， 跟 住 幾十名 太監 宮女 ， 仲有 十幾名 內班 宿 衞 添 。
本來 太后 喺 宮內 來來去去 ， 並 冇 侍 衞 跟隨 嘅 ， 睇 嚟 皇帝 得到 自己 嘅 報 訊 之後 ， 加派 咗 侍 衞 。
佢 靈機一動 就 低聲 話 ：嗱， 前 便 頂 轎 就 係 皇帝 嘞 ， 後 便 頂 轎 係 皇太后 。
歸氏 夫婦 見到 呢 一行 人 嘅 排場 聲勢 ， 又 係 喺 慈寧宮 裏 便 出 嚟 嘅 ， 自 不然 必定 係 皇帝 同 太后 ；
不由得 個心 都 砰砰 跳 ， 兩個 人 一齊 望 下個 仔 ， 神情 好 温柔 。
歸 二娘 低聲 話 ： 仔 ， 前面 頂 轎 裏 便 就 係 皇帝 喇 ， 等 佢 哋 行 近 嘞 ， 聽 我 喝 一聲 去 噉 ， 我 哋 三個 人 就 連人帶 轎 ， 打 到 佢 融融 爛爛 。
歸鐘 笑 住 話 ： 好 啊 ， 呢 一下 ， 好玩 咯 。
眼見 兩頂 轎 越行越 近 嘞 ， 韋小寶 手心 出晒 汗 ， 聽見 嗰 個 敬事 房 太監 不斷 噉 出 ， 出 ， 出 ！ 噉 叫 人 哋 迴避 。
歸 二娘 低 喝 一聲 ： 去 ！
三個 人 同時 撲出去 。
呢 三個 人 呀 直情 好似 一陣 狂風 噉 掃 到 嚟 啊 ， 只 聽見 嘭 噉 一聲 ， 三個 人 六隻 手掌 ， 都 打 喺 第一 頂 轎 上 便 。
歸辛樹 同歸 二娘 怕 打 唔 死 皇帝 ， 即刻 拔出 腰間 長劍 手起 劍 落 ， 剎那之間 ， 向 住 頂 轎 連刺 咗 四五 劍 。
噉 每 一劍 拔出 嚟 嘅 時候 呢 ， 劍刃 上面 都 係 鮮血淋漓 ， 轎 裏 便 嘅 人 就算 有 十條 命 啊 都 冇 行 喇 。
嘩 ， 隨從 侍 衞 驚 到 不得了 ， 紛紛 呼喝 ， 抽出 兵器 上前 攔截 。
歸 二娘 話 ： 得手 喇 ！
左手 拉 住 個 仔 ， 向 住 北便 闖過去 。
歸辛樹 長劍 急舞 ， 喺 前 便 開路 。
眾 侍衛 邊度 擋得住 呢 ？ 眼見 三人衝 去 壽康宮 西 便 嘅 花徑 走 咗 。
眾 宮女 太監 驚呼 叫喊 ， 七國 咁 亂 啊 。
呢 陣時 ， 四圍 打響 銅鑼 ， 宮中 千百 道門 户 紛紛 閂 緊上 咗 門戌 ， 內 班宿衛 、 宮門 侍 衞 嚴守 各處 要道 通路 。
噉 跟 住 宮 墻 外 便 內府 三旗 ： 護 軍營 、 前鋒 營 、 驍騎 營 官兵 ， 個個 弓上弦 刀 出鞘 ， 密密層層 嚴加 把守 啊 。
韋小寶 見到 歸 家 三個 人 ， 刺殺 咗 皇 太妃 就 以 為 得手 ， 飛快 噉 走 咗 咯 ， 個心 好 歡喜 。
佢 即刻 喺 花壇 後 便 行出 嚟 ， 大聲 噉 話 ： 大家 唔 好 亂 ， 保護 皇太后 要緊 啊 ！
眾 侍衛 正在 亂到 好似 冇 頭烏蠅 噉 ， 突然 見到 韋小寶 現身 指揮 ， 個心 都 定 翻 嘞 。
韋小寶 話 ： 大家 圍住 皇太后 御 轎 ， 如果 刺客 嚟 侵犯 ， 要 搏命 擋住 啊 ！
眾 侍衛 齊聲 答應 ： 得 令 ！
韋小寶 喺 侍 衞 手中 搶 咗 一把 刀 嚟 高高 舉起 ， 大聲 話 ：
今日 係 我 哋 盡忠報國 ， 為 皇太后 、 皇 太妃 搏 命 嘅 時候 喇 ， 唔 理 佢 嚟 一千個 一萬個 刺客 ， 大家 都 要 保護 太后 聖駕 。
得 令 ！
班 侍衛 眼見 侍衛 副 總管 伯爵 大人 ， 威風凜凜 ， 指揮若定 ， 忠心耿耿 啊 視死如歸 ， 個個 都 由衷 佩服 。
都 諗 ： 佢 年紀 雖然 係 細 咋 ， 畢竟 係 高人一等 嘅 。
噉 十幾名 侍 衞 沊沊𡃈 圍住 皇太后 御 轎 。
韋小寶 就 喝 嗰 啲 太監 宮女 話 ： 你 哋 亂 咩 啊 亂 咩 啊 ？
快 啲 喺 外 便 圍 一個圈 ， 保護 太后 ， 如果 有 刺客 犯駕 ， 等 佢 哋 斬 咗 你 哋 呢 啲 唔 值錢 嘅 人頭 先 。
眾 太監 宮女 個心 諗 ： 自己 嘅 人頭 雖然 係 唔 值錢 啫 ， 畀 人 哋 斬 咗 都 係 唔 捨得 㗎 嘛 。
但 係 見到 佢 執 刀 揮舞 ， 神色 威嚴 ， 邊個 都 唔 敢 違抗 ， 只有 戰戰兢兢 噉 喺 班 侍 衞 外 便 又 圍 咗 個 圈 。
有 幾個 人 呀 ， 已經 嚇 到 屎尿 齊流 喇 。
韋小寶 放低 把 鋼刀 ， 行到 皇太后 御 轎 前 便 話 ：
奴才 韋小寶 救駕 來 遲 ， 驚動 咗 太后 聖駕 。
恭請 太后 聖安 ， 刺客 已經 殺退 咗 喇 。
太后 喺 轎 裏 便 話 ： 好極 喇 。
韋小寶 掀起 轎 帷 一角 ， 見到 太后 面色蒼白 ， 不過 就 滿面笑容 一味 咁 岌頭 ， 佢 話 ：
韋小寶 ， 你 真 係 好 ， 好好 ， 又 救 咗 我 一次 嘞 。
太后 萬福 聖安 ， 奴才 好 歡喜 啊 。
講完 ， 輕輕 放低 轎 帷 。
佢 擰 轉頭 指住 兩名 侍 衞 話 ： 你 哋 快 啲 去 稟奏 皇上 ， 太后 聖躬 平安 ， 請 皇上 不必 掛念 。
你 哋 話 奴才 韋小寶 恭請 皇上 聖安 ， 眾 侍衛 奮勇 護駕 ， 刺客 已經 殺退 喇 。
兩名 侍 衞 接 咗 命令 就 去 嘞 。
忽然 聽見 太后 低聲 噉 嗌 佢 ： 韋小寶 。
喳 ！ 奴才 在 。
前面 頂 轎 裏 便 嗰 兩個 人死 咗 啦 嘛 係 唔 係 啊 ？
兩個 人 ？
你 去 睇 下 ， 要 小心 在意 啊 。
韋小寶 應 咗 個 心好 奇怪 嘞 ： 點解 係 兩個 人 呢 ？
又 為 咩 事要 小心 在意 呢 ？
佢 行 到 第一 頂 轎 前面 ， 揭開 轎 帷 ， 不由得 吖 噉 大叫 一聲 放低 轎 帷 褪 咗 兩步 ， 雙腳 都 軟 晒 啊 ， 爭 啲 扽 倒 喺 地 。
轎 裏 便 血肉模糊 ， 果然 係 死 咗 兩個 人 。
兩個 人 身上 ， 都 有 幾處 劍傷 ， 仲 喺 度 叭叭 聲 噉 流血 。
一個 係 假 太后 毛東珠 ， 另外 嗰 個 呢 係 矮矮肥肥 嘅 男子 ， 五官 已經 畀 掌力 打 到 融融 爛爛 嘞 ， 但 係 睇 佢 個 身形 ， 係 瘦頭陀 。
噉 兩個 人攬 到 實一實 死 嘅 。
毛東珠 喺 轎 裏 便 都 唔 奇怪 啊 ， 佢 係 韋小寶 押 嚟 慈寧宮 呈交 太后 嘅 ， 不過 呢 個 瘦頭陀 又 喺 邊 處 嚟 嘅 呢 ？
呢 兩個 人 居然 坐 喺 皇 太妃 頂 轎 ， 由 皇太后 陪住 要 去 邊處 呢 ？
佢 定 一定 神 ， 行到 太后 頂 轎 前面 低聲 話 ：
啟 稟 太后 ， 嗰 兩個 人 已經 死 咗 咯 ， 死到 一塌糊塗 ， 死到 啊 唔 能夠 再 死 喇 。
太后 笑 咗 一 笑話 ： 好極 喇 ， 我 哋 返去 慈寧宮 啦 。
嗰 頂 轎 亦 抬 翻 去 ， 唔 准 旁人 開 轎 嚟 睇 啊 。
韋小寶 應 咗 就 傳令 落 去 嘞 ， 噉 自己 扶住 太后 御 轎條 轎杆 ， 返去 慈寧宮 ， 打開 轎 帷 ， 扶住 太后 出 嚟 。
太后 又 對 佢 笑 咗 一 笑 佢 話 ： 你 個人 好好 。
韋小寶 亦 對 佢 笑 咗 一 笑 ， 個 心話 ： 我 有 咩 好唧 ？
啊 ， 太后 嘅 年紀 雖然 唔 細 嘞 ， 不過 個樣 都 仲好 靚 噃。
太后 擪 一 擪 手 ， 叫 佢 跟 住 自己 入去 寢殿 ， 噉 啊 吩咐 宮女 太監 都 出去 ， 要 韋小寶 閂 翻 埋 道門 。
韋小寶 個心 呀 嘭 嘭 聲 咁 跳 ， 塊面 不禁 紅起 上 嚟 ， 佢 諗 ：
咦 呀 ， 不得了 ！
太后 猛 咁 讚 我 好好 ， 莫非 要 我 做 老皇爺 嘅 替身 ？
假 太后 有個 師兄 假扮 宮女 ， 又 有 個 瘦頭陀 蜎 喺 佢 被 竇 裏 便 。
呢 個 真太后 如果 要 我 亦 都 嚟 扮 宮女 ， 蜎 入 佢 被 竇 裏 便 噉 點算 好 呢 ？
太后 坐 喺 床 邊 ， 出 咗 神 一陣 咁 耐 ， 就 話 ：
呢 件 事 真 係 好 危險 ， 又 係 全靠 你 出力 唧 。
韋小寶 話 ： 奴才 受 太后 同 皇上 嘅 大恩 ， 粉身碎骨 都 唔 能夠 報答 啊 。
你 個人 好 忠心 。
皇上 用 咗 你 ， 亦 係 我 哋 嘅 福氣 啊 。
嗰 啲 係 太后 同 皇上 嘅 恩典 。
奴才 只 係 識得 盡忠 為 主子 出力 啫 嘛 。
佢 個 心 一味 噉 話 ： 玉皇大帝 、 觀世音 菩薩 保佑 啊 ， 你千祈 唔 好 叫 我 假扮 宮女 啊 。
太后 又 試 對 佢 笑一笑 ， 笑 到 韋小寶 個心 啊 都 慌 晒 。
太后 話 ： 你 打死 嘅 嗰 兩個 反賊 ， 將 佢 哋 連 人 帶 轎 一齊 用 火燒 咗 佢 ， 一句 都 唔 准洩 漏出去 。
先頭 在場 嘅 侍 衞 同 宮女 太監 。
講到 呢 處 ， 就 沉 沉吟 吟 就 唔 出 聲 嘞 。
韋小寶 話 ： 太后 聖安 ， 奴才 有 法子 叫 佢 哋 連屁 都 唔 敢 放 一個 嘅 。
太后 聽 佢 講 説 話 咁 粗俗 ， 就 皺 一 皺眉頭 話 ：
呢 件 事 你 同 我 辦得 妥 妥當 當有 你 嘅 好處 嘅 。
韋小寶 請 咗 個 安 佢 話 ：
奴才 一定 畀 心機 辦妥 佢 ， 如果 有人 漏 咗 一 啲 消息 出去 ， 太后 斬 奴才 嘅 人頭 啦 。
噉 我 就 放心 喇 ， 你 去 啦 。
韋小寶 歡喜 到 乜嘢 噉 ， 叩頭 告辭 出去 嘞 。
出 咗 慈寧宮 ， 只見 康熙 嘅 御 轎 ， 正 係 向 住 呢 便 行緊 嚟 。
幾百名 宿 衞 前後左右 保護 ， 衛士 比 平日 增加 咗 幾倍 ， 韋小寶 喺 路邊 避開 。
康熙 喺 轎 裏 便 見到 佢 就 嗌 話 ： 小桂子 ， 你 喺 呢 處 等 住 。
韋小寶 應 咗 ， 咪 知道 康熙 係 去 同 太后 請安 ， 佢 就 苦苦 噉 喺 度 思索 ：
瘦頭陀 點解 會匿 埋 喺 太妃 嘅 轎 裏 便 嘅 呢 ？ 哈真 係 奇 哉 怪 也 喇 。
嗱 各位 ， 欲知 後事 如何 ， 且 聽 下回分解 。
