前 文 再續 啊 書 接上 一回 啊 。
話説 韋小寶 嚟到 大廳 ，只見 趙良棟 、王進寶 、孫思克 三個人 企響 處 ，神情 非常之 驚惶 ，但係 唔見 張勇 。
韋小寶 打過 特嘞 ，佢 低聲 問 ：張提督 呢 ？
王進寶 話 ：啟稟 大人 ，張提督 出咗 事 啊 ，暈咗 喺 府門 外 便 ，已經 抬咗 喺 嗰 便 廂房 喇 。
韋小寶 大吃一驚 啊 就 問 ：點 ，點解 會 暈咗 嘅 ？
咪 衝入去 廂房 ，只見 張勇 眯埋 雙眼 ，面色 慘白 ，猛咁 喘氣 。
韋小寶 叫 佢 話 ： 張提督 ， 張提督 ， 你 見點 啊 ？
張勇 慢慢 擘開 眼 佢 話 ：嗯 ，卑職 。
雙眼 一翻 ，又 暈咗 喇 。
韋小寶 連忙 伸手 喺 佢 懷內 摸下 ，摸到 自己 嗰道 奏章 出嚟 。
扲張紙箋出嚟一睇 ，果然 係 自己 嗰張 畫 ，不由得 暗暗 叫苦 。
孫思克 話 ： 剛才 巡夜 嘅 兵丁 前 嚟 稟報 ， 話府 門外 幾百步 嘅 地方 ， 有名 軍官 暈 咗 喺 地 ， 噉 有人 過去 一睇 ， 認出 係 張提督 ， 噉 先 至 抬 翻 嚟 嘅 啫 。
張提督 後枕 撞出嚟 啲 血 都 已經 結咗 冰 嘞 ，睇嚟 佢 暈咗 已經 好 耐 㗎 喇 。
韋小寶 諗 ：佢 暈咗 好耐 ，奏章 又 未 送 出去 ，實係 一 出 府門 就 遇到 毒手 。
唔通 呢 三隻 烏龜 派 人 喺 府門 外 便 埋伏 ，怕 我 派 人 向 皇帝 告密 ，所以 向 張 提督 下手 ？
個心 呀 焦急 萬分 啊 。
過咗一陣 ，張勇 又 醒翻嘞 。
王進寶 攞 個 酒壺 過嚟 ，等 佢 飲咗 幾啖 燒酒 ，噉 啊 孫思克 同 趙良棟 分別 用 燒酒 喺 佢 手掌 上面 出力 咁 捽 。
張勇 精神 好 翻啲 嘞 ，佢 就 話 ：
卑職該死 ，行出府門 ，都未夠 ，未夠幾百步 ，突然間 ，心口 ，心口好似刀割咁痛 ，再 ，再行幾步 ，眼前一黑 就暈咗嘞 ，唔能 ，唔能夠 去辦 大人 ，交代 嘅 事啊 。
卑職啊 ，即刻去 ，即刻啊 。
講完 就 想起身 嘞噃 。
韋小寶 連忙 話 ：張大哥 你 瞓 喺度 休息 ，呢件事 請 佢哋 三個人 去 辦 都係 一樣 㗎啫 。
噉 啊將 奏章 交 畀 王進寶 ， 命令 佢 同 趙良棟 、 孫思克 三個 人帶 埋 衛士 趕到 皇宮 呈遞 。
佢 好 焦急 啊 ，佢 諗 ：嗰 三 隻 烏龜 已經 去咗 大半個 時辰 嘞 ，怕 小玄子 已經 性命 不保 喇 ，我哋 只有 死馬 當 活馬 醫 係 啦 。
噉 王 進寶 等 三個 人 就 奉命 而 去 嘞 。
張勇話 ：大人 書房 裏 便 ，嗰個 老坑 ，嗰個老坑 嘅 武功 ，真係 犀利 啊 。
我 行出 書房 嘅 時候 ，佢 係 我 背脊 ，背脊 ，輕輕 推咗 一下 。
當時 我 都 唔 覺得 點樣嘅 ，點知道 已經 ，受咗 內傷 。
一出門口 ，即刻 ，即刻就 發作 ，誤咗 大人 嘅 大事 啊 。
韋小寶 噉樣 先至 恍然大悟 ，原來 歸辛樹 雖然 見到 呢道 奏章 唔係 告密 ，但係 起咗 疑心 ，暗中 使 重手 ，等 張勇 辦唔到 事 。
見佢 神情 慚愧 就 話 ：張大哥 ，你 安心 靜養 啦 ，呢件事 一啲 都 唔怪得 你 嘅 。
叉叉叉 ，呢隻 老烏龜 暗算 你 ，我 實搵 佢哋 算賬 。
又 安慰 咗 幾句 ，吩咐 親隨 快啲 煎 參湯 ，嗌 醫生 嚟 診治 。
佢 返到 東廳 就 話 ：唔係 宮裏 便 嘅 消息 啊 ，張 提督 畀 歸 二爺 打到 重傷 ，怕 性命 難保 嘞 。
眾人 都 吃咗 一驚 連忙 問 ：點解 打傷 張 提督 呢 ？
張提督 喺 府外 巡查 ，見到 佢哋 三個人 出府 就 上前 查問 啦 ，歸 二爺 就 一掌 打過去 嘞 。
噉 大家 都 岌一岌頭 ，佢哋 諗 ：
一個 平常 武官 又 點 捱得起 神拳 無敵 一掌 呢 ？一隻 手指尾 都 唔得 啊 。
韋小寶 又 好 後悔 ，佢 諗 ：
如果 早知道 張提督 遭咗 毒手 ，奏章 唔能夠 搶先 送到 小玄子 手上 ，噉 宮內 嘅 情形 就 決 唔能夠 講得 咁 詳細 畀 佢哋 聽 㗎 。
我 應該 東南西北 ，炒鬼亂佢 。
同佢 移山倒海 ，將 皇極殿 搬去 壽安宮 ，重華宮 啊 搬去 文華殿 ，等 嗰 三隻 烏龜 喺 皇宮 裏 便 氹氹轉 ，躝 到 佢 暈陀陀 至 係 嘅 。
噉眾人就坐喺處等嘞 ，聽見外便打四更 。
又過 咗 一陣 ， 遠處 胡同 ， 忽然 一班 狗 吼 吼聲 噉 吠 起 上 嚟 ， 眾 人手 撳 刀柄 企 起身 ， 打側 個 耳 嚟 聽 下 ， 嗰 班 狗吠 咗 一陣 ， 又 漸漸 靜 咗 落 嚟 嘞 。
過咗 好耐 ，喺 一片 寂靜 之中 ，隱約 聽見 雞啼 ，跟住 雞啼聲 四面 響起 ，窗格 上面 隱約 現出 白色 。
韋小寶 話 ：天光 喇 ，我 去 皇宮 打聽 下 啦 。
陳近南話 ：歸家 夫婦 父子 如果 不幸 失手 ，你 務必要 想法子 搭救 啊 。
吳六奇 大哥 嘅 事 出於 誤會 ，唔怪得 佢哋 。
大義 為 重 私交 為 輕 。
佢哋 對 我哋 咁 傲慢 ，亦 唔好 放 喺 心上 。
師父 嘅 吩咐 弟子 都 知道 喇 。
只不過 ，只不過佢哋 如果 已經 殺咗 小皇帝 ，弟子 就算 拼咗命仔 亦都 救 佢 唔出 喇 。
想到 小皇帝 而家 多數 畀 歸家 三個人 殺死 ，不禁 個心 好 難過 ，當堂 就 流起 眼淚 ，佢 哽噎住 話 ：
就係 可惜 吳大哥 ，哼 。
就 乘機 喊出嚟 嘞 。
沐劍聲話 ：歸氏夫婦 呢次 一去 不論 成敗 ，今日 北京城 裏 便 必定 會 大亂 嘅 。
兄弟 喺 外便 有 唔少 朋友 ，需要 趕住 出去 安排 ，叫 大家 分散 躲避 ，等 過咗 呢陣 風頭 再 講 啦 。
陳近南 話 ： 冇 錯 。
敝會 兄弟 喺 城內 各處 嘅 亦 好多 ，大家 分頭 去 通知 ，所有 相識 嘅 江湖 上 朋友 ，人人 都 要 小心啲 ，千祈 唔好 撞板 。
今晚酉時 ，我哋 仍然 喺 呢處 聚會 商議 今後 嘅 做法 啦 。
酉時 用 而家 嚟 講 即係 下午 五點 至 七點 。
噉 大家 都 應咗 。
於是啊 先 派 四名 天地會 兄弟 出去 睇過 ，等 佢哋 返嚟 報告 話 ，附近 並無 異狀 ，噉 先 陸續 離府 。
話説 韋小寶 上下 出門口 ，啱啱 孫思克 返嚟 ，話 奏章 已經 交咗 畀 宮門 侍衞 。
嗰個 侍衞 嘅 統帶 ，一聽講 係 副總管 韋 大人 嘅 密奏 ，一接過 就 立即 飛奔 入去 呈遞 嘞 。
佢哋 三個人 喺 宮門 外 便 等候 ，一直 等到 五更 ，個 統帶 仲 係 未 出嚟 。
而家 王進寶 、趙良棟 兩個人 仍然 喺 宮門外 便 等候 消息 ，因為 怕 韋大人 掛念 ，佢 先 返嚟 稟告 啫噉 。
韋小寶 話 ： 好 ， 你 照料 住 張提督 啦 。
佢 憂心忡忡 ，命令 親兵 押住 假太后 毛東珠 坐 喺 頂 小轎 裏 便 ，噉 啊 進 宮 見 駕 嘞 。
嚟到 宮門 ，只見 四圍 悄無聲息 ，十幾名 宮門侍衞 上前 請安 ，都 笑 騎騎噉 話 ：
副總管 辛苦喇 ，揚州 呢 笪 地方 好好玩 呢 ？
韋小寶 個 心 啊 稍為 放寬 咗 啲 ，佢 諗 ：
宮裏 便 如果 出咗 大事 ，佢 一定 冇 心情 同 我 講 揚州 好唔好玩 嘅 。
就 微笑住 岌一岌頭 佢 問 ：呢一排 大家 都 冇事 吖 嘛 ？
一名 侍 衞 話 ： 託 副 總管 嘅 福 ， 上下 平安 ， 不過 吳三桂 呢 個 老 嘢 造反 ， 將 皇上 呀 忙 到 不可開交 ， 三更半夜 都 時時 傳 大臣 入宮 議事 啊 。
韋小寶 個 心裏 便 又 再 放寬 一啲 嘞 。
噉 另外 一名 侍衞 笑住 話 ：總管 大人 一 返到 北京 呀 ，幫 皇上 處理 大事 ，皇上 呢 就 可以 清閒 啲 喇 。
韋小寶 笑住 話 ：你哋 唔使 托大腳 ，我 喺 揚州 帶翻嚟 嘅 嘢 ，好兄弟 個個 有份 。
眾侍衛 歡喜 到 乜嘢 噉 ，一齊 請安 多謝 。
韋小寶 指住 頂 小轎 話 ：裏面 係 太后 同 皇上 吩咐 要 捉拿 嘅 欽犯 ，你哋 睇下 啦 。
噉 有 個 隨從 打開 轎簾 ，等 宮門 侍衞 搜查 。
啲 侍 衞 循例 伸 隻 手入 轎 ， 查過並 冇 凶器 等 違禁物品 喇 ， 就 話 ：
副總管 大人 呢次 立咗 大功 ，我哋 又 有 升官酒 飲喇 。
韋小寶 入咗 宮 ，一問 乾清門 嘅 內班 宿衞 ，知道 皇上 喺 養心殿 召見 大臣 議事 ，由 尋晚 議 到 而家 仲 未 退朝 。
韋小寶 一 聽見 呀 歡喜 到 乜嘢 噉 ，佢 諗 ：
原來 皇上 忙咗 一晚 都 冇 瞓 ，召見 大臣 嘅 時候 ，梗係 四圍 戒備 好 嚴謹 啦 。
養心殿 四周圍 一千幾百 眼燈籠 ，點到 光棖棖 ，歸家 嗰 三隻 烏龜 又 點 接近 到 皇上 吖 ？
呢 如果 小玄子 早早 上床 瞓咗 覺 ，烏燈黑火 ，都 怕 尋晚 啊 已經 撞咗 板 喇 。
可見 佢 做 皇帝 果然 係 洪福齊天 。
唉 ，好在 吳三桂 呢個 老嘢 打贏仗 ，皇上 噉 先至 心急 ，漏夜 議事 唧 。
噉啊嚟到 養心殿 外 便 ，靜一靜 噉企 響處 等候 。
佢 雖然 得到 康熙 寵幸 啊 ，但係 皇帝 正在 同 王公大臣 商議 軍國大事 ，佢 都 唔 敢 擅自 入去 嘅 。
等咗大半個時辰 ，內班宿衞 開咗 殿門 嘞 ，只見 康親王 傑書 、明珠 、索額圖 等 一個個 出嚟 。
眾大臣 見到 韋小寶 ，都係 微微笑 拱拱手 ，邊個 都 唔敢 講説話 。
噉 太監 通報 入去 ，康熙 即刻 傳見 啊 。
韋小寶 上殿 叩頭 ，企起身 ，見到 康熙 坐 喺 御座 之中 ，精神煥發 。
韋小寶 真係 歡喜 啊 佢 話 ：
皇上 ， 奴才 見到 你好 ， 好 ， 好 高興 啊 。
佢 擔咗 成晚 心 ，而家 見到 康熙 冇事 嘞 忍唔住 眼淚 奪眶而出 。
康熙 笑住 問佢 ：好地地 喊 咩嘢 啊 ？
奴才 ，歡喜 到 喊啫 嘛 。
康熙 見 佢 真情流露 就 笑住 話 ：哈哈哈哈哈 好 ，好好好 。
小桂子 ， 吳三桂 呢 個 老 嘢 真 係 造反 啊 。
佢 打咗 幾個 勝仗 ，以為 我 怕咗 佢 ，唔敢 殺 佢 個仔 。
叉叉叉 ，老子 尋日 就 斬咗 吳應熊 個人頭 。
吓 ？皇上 已經 殺咗 吳應熊 啊 ？
當然 係啦 。
班 大臣 都 勸 我 唔好 殺 吳應熊 ，講咩 如果 王師 不利 ，仲 可以 同 吳三桂 講和 ，准 佢 唔削 藩 永鎮 雲南 。
又 講 咩 一 殺咗 吳應熊 呢 ，吳三桂 就 心無顧忌 ，更加 兇狼 嘞噉 。
呸 ！呢啲 膽小鬼 。
皇上 英斷 喇 。
奴才 睇 過 齣 大戲 群英 會 ， 噉 啊 周瑜 同 魯肅 對 孫權 講 ， 話 我 哋 做 臣子 嘅 投降 曹操 啊 得 ， 主公 啊 投降 唔 得 嘅 噉 。
我哋 今日 亦都 係 一樣 啫 ，佢哋 王公大臣 同 吳三桂 講和 啊 得 ，皇上 講和 就 萬萬 唔 得 嘅 。
康熙 極之 歡喜 啊 ，一拍 張 枱 ，離開 御座 行 落嚟 佢 話 ：
小桂子 ，你 如果 早嚟 一日 ，將 呢番 道理 同 班 大臣 講下 ，佢哋 就 唔敢 勸 我 講和 嘞 。
哼 ，佢哋 投降 咗 吳三桂 ，一樣 做 尚書 、做 將軍 ，蝕 咩 底 啊 佢哋 ？
康熙 諗 ：韋小寶 雖然 不學無術 ，不過 就 唔似 班 大臣 噉樣 有 私心 ，只 係 為 自己 打算 。
就 拉住 佢 隻 手 行到 一 張 大 枱 前 便 ，枱上 放住 一 張 大 地圖 ，康熙 指住 地圖 話 ：
我 已經 派 人 率領 精兵 ，一路 ，由 荊州 去 常德 把守 ，一路 ，由 武昌 去 岳州 把守 ；
派咗 順承郡王 勒爾錦 做 寧南 靖寇 大將軍 ，統率 諸將 進剿 。
先頭 我 又 派咗 刑部尚書 莫洛 做 經略 ，駐守 西安 。
吳三桂 就算 得咗 雲貴 、四川 ，攻入 湖南 ，我哋 亦 唔怕 佢 。
皇上 ，不如 你 都 派 奴才 帶 一支 兵馬 ，去 打 吳三桂 呢個 老嘢 咯 。
唔得 ，行軍 打仗 嘅 事 ，唔係 講 玩 㗎 。
你 就 喺 宮 裏 便 陪住 我 啦 。
再講 ，呢次 派出去 嘅 ，都 係 滿洲 將官 滿洲 兵 ，至 怕 佢哋 唔服 你 調度 啊 。
係 。
韋小寶 諗 ： 吳三桂 要 天下 漢人 起 嚟 打 清兵 ， 我 係 假 滿洲 人 ， 皇上 梗 係 信 我 唔 過啦 。
康熙 啊 估到 佢 心思 嘞 ，就 話 ：
你 對 我 忠心耿耿 ，我唔係 信唔過 你 。
我話你聽吖小桂子 ，吳三桂嘅兵馬 好厲害㗎 ，冇三年五載 ，甚至係七年八年 ，係平定唔到佢㗎 。
開頭 呢 幾年 ，我哋 非 打敗仗 不可 。
呢一場 大戰 我哋 係 先 苦 後 甜 ，先 敗 後 勝 。
你 鐘意 打敗仗 呢 定係 打勝仗 啊 ？
噉 梗 係 鐘意 打勝仗 啦 。
丟盔棄甲落荒而逃 ，好冇癮㗎嘛 。
你 對 我 咁 忠心 ，所以 我 亦 唔 能夠 令到 你 蝕底 。
開頭 呢 三年 五載 打敗仗 ，由得 人哋 去 打 。
等 打到 吳逆 精疲力盡 喇 ，大局 已定 嘅 時候 ，我 再 派 你 去 打 雲南 ，親手 將 呢個 老嘢 捉嚟 。
你 知唔知 我 討逆詔書 裏 便 應承咗 咩嘢 吖 ？
皇上 恩德 ，真係 天高地厚 嘞 。
我 佈告天下 ，我應承 邊個 捉到 吳三桂 嘅 ，吳三桂 係 咩嘢 官 ，就 封 佢 做 乜嘢 官 。
小桂子 ，噉就要 睇 你 好唔好運 咯 。
叉叉叉 ，你 呢個 鬼樣 睇下 似唔似 平西親王 先 。
哈哈哈哈哈哈哈哈哈哈 。
康熙 打側 個 頭 睇咗 韋小寶 一陣 ，佢 笑住 話 ：
而家 好似 個 馬騮仔 噉 一啲 都 唔 似 。
過咗 六七年 ，你 二十幾歲 啦 ，嗰個 時候 封 個 王爺 都 怕 有 啲 譜 喇 ，哈哈哈哈哈哈哈 。
韋小寶 笑住 話 ：平西親王 噉嘅 大官 ，奴才 恐怕 冇 呢個 福分 喇 。
不過 皇上 如果 派 我 做 個 大將軍 ，帶兵 去 雲南 捉 吳三桂 ，大將軍 八面威風 ，奴才 手 執 丈八 蛇矛 ，對住 吳三桂 大喝 一聲 ：
通 ，來 將 通名 ！
嘩 真係 威 喇 。
哎呀謝天謝地 ，吳三桂 千祈唔好死得咁早啊 ，奴才 要 親手 去 揪佢 嚟 呢處 ，跪 呢度 向 皇上 叩頭 。
好 ，好極喇 ！
小桂子 ，我哋 開頭 呢 幾年 嘅 仗 啊 ，真係 好 難 打 㗎 。
打敗仗 唔緊要 ，不過 要 敗而不亂 。
噉就 必須 係 大將之才 ，先至 能夠 敗而不亂 ，支撐得住 。
你 係 個 福將 ，不過 就 唔係 勇將 、名將 ，更加 唔係 大將 。
唉 ，可惜 朝廷 裏 便 冇 咩 大將 啊 。
皇上 你 自己 就係 大將 啦 。
皇上 已經 認定 我哋 開頭 幾年 一定 要 輸 嘅 ，噉啊 就算 係 輸 ，亦 一定 唔會 亂 嘅 。
好似 賭牌九 噉啫嘛 ，皇上 做 莊 ，噉 開頭 呢 ，七副 八副 牌 呢 賠 通 莊 ，一啲 都 唔 在乎 。
我哋 本錢 厚 啊 ，泰山 石敢當 ，沉得住氣 ，噉 輸咗 錢 ，咪 當 借 畀 佢哋 囉 。
到咗收尾 ，我哋 和牌 一對 、人牌 一對 、地牌 一對 、天牌 一對 ，仲有 至尊 ，一副副 好牌 殺出去 ，通通 殺晒 。
殺到 吳三桂 呢個 老嘢 啊 人仰馬翻 ，輸到 乾乾淨淨 ，兩手空空 ，袋底朝天 ，一掀開牌 ，副副 都係 密十 。
康熙 哈哈大笑 ，佢 諗 ：
朝廷 裏 便 冇 大將 ，我 自己 就 係 大將 ，呢句 説話 確實 係 唔錯 。
敗而不亂 ，沉得住氣 ，呢 八個字 除咗 我自己 ，朝廷 裏 便 冇 一個 將帥 大臣 做得到 嘅 。
佢 喺 御案 上 便 攞咗 韋小寶 嗰道 密奏 嚟 佢 話 ：
你話 有人 要 行刺 我 ，要 我 小心 提防 呀 係唔係 啊 ？
係啊 ，當時 嘅 局面 呀 好 緊急 ，噉 奴才 又 畀 人 看到 實 咯噃 ，唔能夠 叫 師爺 嚟 寫 奏章 ，噉 只有 畫 呢幅 圖畫 啦 。
皇上 真係 聰明 喇 一 睇 就 明白 。
嗰個 刺客 呢 眼白白噉 睇住 個 喎 就 唔 知道 係 乜 東東 。
萬歲爺 洪福齊天 ，啲 反叛逆賊 呀 枉費 心機 啊 。
係點樣嘅逆賊啊 ？
係 吳三桂 派嚟 京城 㗎 。
吳逆 一起 兵 ，我 就 加咗 三倍 侍衞 。
尋晚 收到 你 嘅 奏章 ，又 加 咗 內班 宿衞 添 。
皇上啊 ，呢次 吳逆 派嚟 嘅 刺客 呀 ，武功 好 厲害 㗎 。
雖然 ，聖天子 有 百神 呵護 ，我哋 仲係 要 加倍 小心 ，免致 皇上 受咗 驚嚇 啊 。
啊係喇皇上 ，奴才 有 一件 背心 ，着喺 身上 啊刀槍不入 ，奴才 除咗 落嚟 ，請 皇上 着住 佢 啦 。
講完 ，就 去 解 長袍 嘅 衫紐 。
康熙 微微 一笑 問 ：係唔係 喺 鰲拜 屋企 抄 翻嚟 㗎 ？
韋小寶 大吃一驚啊 ，佢 面皮 雖然 極之 厚 ，但 呢個時候 出其不意 ，竟然 亦 搞到 滿面 通紅 。
佢 跪低 話 ：奴才 該死 ，咩嘢 事 都 呃唔到 皇上 。
呢件 金絲 背心 ，係 喺 前明宮 裏 便 得到 嘅 。
當時 鰲拜 立功 好多 ，又 衝鋒陷陣 ，身上 刀槍 矢石 嘅 傷 受咗 唔少 ，因此 攝政王 就 賜咗 畀佢 。
嗰個 時候 我 派 你 去 抄 鰲拜 嘅 家 ，抄家 清單 上 便 冇 呢件 背心 啊 。
韋小寶 唯有 騎騎 笑 神情 好 尷尬 。
康熙 笑住 話 ：你 今日 要 除嚟 畀 我 着 ，足見 你 極之 有 忠愛 之 心 。
不過 我 身在 深宮 ，侍衛 千百 ，睇嚟 刺客 亦 埋唔到 我 身 嘅 。
呢件 背心 我 用唔着 喇 。
你 喺 外便 幫 我 辦事 ，時常 遇到 兇險 ，呢件 背心 算 係 我 今日 賜畀 你 嘅 。
呢個 賊名 從 今日 起 就 免咗 佢 啦 。
韋小寶 又 試 跪低 謝恩 ，佢 已經 呀 出咗 成身 冷汗 ，佢 諗 ：
我 偷 四十二 章經 嘅 事 ，皇上 千祈千祈 唔好 知道 啊 。
康熙話 ：小桂子 ，你 對 我 忠心 我係 知道 嘅 。
不過 你 做事 亦都 要 規規矩矩 噉 先至 係 㗎 。
你 身上 呢件 背心 ，日後 如果 亦 係 畀 人 抄家 抄出嚟 ，畀 人哋 隱瞞 吞沒 咗 去 ，噉 就 不大妙 喇 。
係 ， 係 ， 奴才 不敢 。
韋小寶 額頭 啲 汗水 啊 不由得 叭叭聲 咁 流 ，又 叩咗 幾個 頭 噉 先至 企 起身 。
康熙話 ：揚州 嘅 事 ，以後 先至 講 啦 。
講完 打咗 個 喊路 ，一晚 冇 瞓 啊 畢竟 有啲 攰 喇 。
韋小寶話 ：係 ，託 太后 同 皇上 嘅 福 ，嗰個 罪大惡極 嘅 老舉乸 奴才 同 你 捉咗翻嚟 喇 。
康熙 一聽 就 話 ： 快 啲 帶入 嚟 ， 快 啲 帶入 嚟 。
韋小寶 出去 叫咗 四名 侍衞 ，將 毛東珠 拉入嚟 養心殿 ，跪 喺 康熙 面前 。
康熙 行到 佢 面前 喝 佢 話 ：擔 高 個 頭 。
毛東珠 遲疑咗 一下 ，就 擔高 個 頭 望 實 康熙 。
康熙 見 佢 面色 慘白 ，突然之間 個 心 一陣 難過 ，佢 諗 ：
呢個 女人 害死 我 親生 母親 ，害到 父皇 傷心 出家 ，使 我 成為 無 父 無 母 嘅 人 。
佢 又 幽禁 咗 太后 咁 多年 ，折磨 佢 ，世上 罪大惡極 嘅 人 冇 人 超得過 佢 嘞 。
不過 ， 不過 我 自細 冇 咗 母親 ， 一直 係 佢 撫育 我 長大 嘅 。
咁 多年嚟 ，佢 待 我 實在 都 幾 恩愛 嘅 ，就 好似 我 親生 母親 一樣 。
深宮之內 ，真正 待我好 嘅 ，恐怕 亦 只有 眼前 呢個 女人 ，仲有 就係 呢個 狡猾 胡鬧 嘅 小桂子 嘞 。
如果 唔 係 佢 害死 董鄂妃 同董 妃 嘅 仔 榮親王 ， 以 父王 對 董鄂妃 咁 寵愛 ， 大位 一定 係 傳 畀 榮親王 嘅 。
噉 我 非但 做唔成 皇帝 ，話唔埋 ，仲有 性命 之 憂 添 。
噉樣 講 ，呢個 女人 對 我 仲 可以 話 係 有功 添 噃 。
各位 ，欲知 後事 如何 ，且 聽 下回 分解 。
