前文 再續 啊 書 接 上 一回 。
話說 韋小寶 冒充 係 吳三桂 嘅 侄 ，又 講 咩 吳三桂 屋企 有 邊 三件 寶貝 啊噉 。
個 伯爺公 聽咗 有啲 信信地 嘞 。
個 伯爺公 指 一指 風際 中 佢哋 問 韋小寶 ：佢 哋 都係 平西王 嘅 手下 ？
韋小寶 諗 嘞 ： 我 冒充 係 老 漢奸 嘅 侄 仔 我 就 唔 緊要 噃， 要 徐三哥 佢 哋 認 係 吳三桂 嘅 手下 ， 噉 佢 哋 點 都 唔 䎺 嘅 。
佢哋 係 硬骨頭 吖嘛 ，聽下 講説話 嗰陣 ，露出 咗 馬腳 就 弊 嘞 。
就話 ：唔係 ，佢哋 都係 我 嘅 手下 。
我哋 聽講 平西王 起義 ，額駙 同 公主 啊 留 喺 北京 走 唔出嚟 。
吳應熊 哥哥 同 我 最 傾得 埋 㗎 嘞 ， 我 哋 啊 交情 好好 㗎 ， 噉 所以 我 啊 帶 埋 呢 批 朋友 想 去 北京 救 翻額 駙出 嚟 啫 嘛 。
呢件事 雖然 係 好兇險 啊 ，不過 大家 義氣 為重 ，呢啲 叫做 赴湯蹈火 在所不辭 ，明知 係 刀山 劍林 ，亦都 要 去 闖 啊 。
呢幾句説話 ，真係 講得 慷慨激昂 之至 嘞 。
嗰個 伯爺公 岌一岌 頭 ，行過去 ，雙手 掹 咗 幾下 ，當堂 將 綁住 風際中 佢哋 嘅 長繩 拉斷 。
跟住 喺 每人 背心 上 便 輕輕 拍咗 兩下 ，又 推拿咗 幾下 ，就 解開咗 各人 被 封 嘅 穴道 。
一名 使媽 又 去 解開 雙兒 綁住 雙手 嘅 頭髮 。
嗰個 伯爺公 對 韋小寶 話 ：
淨係 憑 你 一面之辭 ，亦 唔能夠 信得晒 你嘅 。
呢件事牽連重大 ，你話 係 平西王 嘅 侄 ，有 咩 證據 冇 啊 ？
大爺啊噉真係難嘞 ，我 又 唔能夠 隨身 帶埋 老豆 老母 出嚟 嘅 。
不如噉啦 ，我哋 去 北京 見 額駙 ，如果 佢 已經 畀 皇帝 捉咗 咯 ，我哋 就 去 搵 建寧 公主 。
公主 一定 會同 你 哋 講 ， 我 係 貨真價實 、 童叟無欺 嘅 吳之榮 嘅 。
佢 諗住 去到 北京 仲 邊度 到 你 亂嚟 吖 ？
就算 真係 畀 佢哋 扭住 去 搵 建寧公主 ，自己 就算 係 冒充 天上 嘅 玉皇大帝 ，公主 亦 必定 岌頭 話 係 嘅 。
嗰個 伯爺公 同 伯爺婆 對望 咗 一 眼 ，沉吟 未決 。
韋小寶 突然間 想起 嘞 ，佢 就 笑住 話 ：
吖 ，有喇有喇 ，我 身上 有 一 封 平西王 寫 畀 我 嘅 家信 ，呢 封 信 如果 畀 人哋 見到 呀 ，我 就 要 滿門 抄斬 嘅 。
你哋 既然 係 平西王 個 朋友 咯 ，噉 睇一睇 亦 唔 緊要 嘅 。
講完 ，喺 懷內 攞咗 查伊璜 假造 嘅 嗰 封 書信 出嚟 交畀 伯爺公 。
嗰個 伯爺公 攞 咗 封 信 出嚟 ，喺 沉沉 暮色 之 中 睇 嘞 噃 。
韋小寶 仲 怕 佢哋 唔 懂 噃 ，就 解釋 佢哋 聽話 斬 白蛇 唱 大風歌 嘅 噉 ，係 講 朱元璋 。
佢 唔解釋 仲好噃 ，一解釋 就 錯 ，將 劉邦 個 事 講成 係 朱元璋 。
好在 嗰個 伯爺 公伯爺 婆 正在 定咗 神噉 睇 封 信 ，冇 去 留意 佢 講 啲 乜嘢 唧 。
嗰個 伯爺 婆 睇完 信 之後 就 話 ：噉 係 冇錯 㗎 喇 。
平西王 要 做 漢高祖 、明太祖 ，請 佢 去 做 張子房 、劉伯温 。
二哥啊 ，平西王 話 起義 係 為咗 復興 明室 ，睇 呢封信 嘅 口氣 ，哼 ，佢 自己 嘅 志向 都 唔 細 噃 。
向 韋小寶 睇咗 一眼 就 話 ：你 年紀 輕輕 。
個 心梗 係 話 ：你 呢個 細佬 哥 ，都 配 做 張子房 、劉伯温 咩 ？
嗰個 伯爺公 將 封信 褶翻 好 ，入翻 落 信封 ，還 畀 韋小寶 佢 話 ：
果然 係 平西王 嘅 令侄 ，我哋 先頭 多多 得罪 喇 。
韋小寶 笑住 話 ：好話 好啊 ，不知者 不罪 吖嘛 。
呢陣時 徐天川 佢哋 都 醒翻 嘞 ，聽見 韋小寶 自稱 係 吳三桂 嘅 侄 ，對方 呢 又 居然 信 噃 ，噉 人人 都 非常 詫異 。
不過 素來 都 知道 小香主 詭計多端 ，就 唔 出聲 。
韋小寶 個 心 諗 ：老子 啊 曾經 對 嗰個 蒙古 鬍鬚佬 罕帖摩 冒充 係 吳三桂 個 仔 ，連 仔 都 做過 喇 ，再 去 做 一次 侄仔 有 咩 所謂 呢 ？
下次 冒充 係 吳三桂 嘅 老豆 ，噉 只要 能夠 翻本 嘞 ，就 唔 蝕底 嘅 啦 嘛 。
呢個 時候 ，天色 已經 好 昏暗 嘞 。
眾人 企 喺 荒郊 之中 ，一陣陣 寒風 吹過嚟 ，嗰個 病漢 不停 咁 咳嗽 。
韋小寶 問 ：請問 大爺 老太太 貴姓 啊 ？
嗰 伯爺 婆 話 ：我哋 姓 歸 。
韋小寶 諗 ：好 姓 唔 姓 ，走去 姓 個 烏龜 個 龜 都有 嘅 嗨 真係 笑話 奇談 嘞 。
其實 人 哋 係 姓 福有 攸歸個 歸 ， 歸來 個 歸 ， 韋小寶 唔 識 嘢 搞錯 晒唧 。
嗰個 伯爺 婆 睇住 個 仔 ，佢 話 ：
就 天黑嘞 ，要 搵 笪 地方 投宿 至得 ，其他 嘅 事 慢慢 再 商量 啦 。
韋小寶 話 ：係咯係咯 。
先頭 我 喺 山崗 上 便 啊 見到 嗰 便 有 啲 炊煙 嘅 ， 好多 屋 㗎 ， 我 哋 去 嗰 度 借宿 啦 。
講完 ，向 莊家 大屋 方向 指 一指 。
其實 呢處 離開 莊家 大屋 仲有 成 十幾 里 路 ，山丘 阻隔 ，睇得見 咩嘢 炊煙 吖 ？
嗰個 男僕 拉咗 兩 匹 馬 嚟 ，畀 病漢 、伯爺公 、伯爺婆 坐 。
伯爺婆 同 病漢 兩個人 騎 一匹馬 ，噉 佢 坐 喺 個仔 後便 ，用手 攬住 佢 。
韋小寶 佢哋 都有 馬 騎 嘅 ，就 一齊 上馬 ，噉 四名 僕人 呢 就 行路 去 。
行咗 一陣 ，韋小寶 對 雙兒 大聲 話 ：
你 騎住 馬 快啲 去 ，睇下 前面 係 市鎮 呢 定係 村莊 ，搵 一兩間 大屋 借宿 ，就 快啲 煲 定 熱水 先 ，歸 少爺 要 座 翻 熱啲 參湯 飲 。
噉 大家 有 熱水 洗腳 ，然後 先至 飲酒 食飯 。
打賞 多啲 銀 畀 佢哋 啦 。
佢 講 一句 ，雙兒 就 應 一聲 。
佢 喺 懷內 ，扲出 一錠 銀 ，連埋 一包 蒙汗藥 一齊 遞畀 雙兒 。
雙兒 接咗 就 縱馬 飛奔 嘞 。
個 伯爺 婆 好 高興 ，韋小寶 吩咐 煲 熱水 ，座翻 熱啲 參湯 ，顯然 好啱 佢 心水 。
又行 咗 幾里路 ， 雙兒 騎馬 跑 翻 嚟 嘞 ， 佢 話 ：
相公 啊 ， 前 便 唔 係 市鎮 又 唔 係 村莊 ， 係 間 大屋 啊 。
屋裏 便 啲 人 話 佢哋 啲 男人 都 出咗 門 喇 ，唔 能夠 接待 人客 喎 。
我 畀 銀 過 佢哋 ，佢哋 亦 唔 肯 要 。
韋小寶 鬧 佢 話 ：正一 蠢妹 釘 啊 ，理 佢 肯 唔 肯 接待 唧 ，我哋 即管 去 就 係 喇 。
係 。
個 伯爺 婆話 ：我哋 只係 借宿 一晚 啫 ，佢 屋企 冇 男人 喺處 ，唔通 我哋 仲 會 搶咗 佢 、謀咗 佢哋 咩 ？
噉 一 行人 嚟到 莊家 。
一名 男僕 行去 敲門 ，敲咗 好耐 先至 有個 老年 使媽 出嚟 開門 ，雙耳 又 撞聾 ，講極 都 講唔清楚 ，翻來覆去 ，只係 話 屋企 冇 男人 喺處 噉 。
嗰個 病漢 笑住 話 ：
你 屋企 ，冇 男人 啊 ？而家 ，唔係 有 好多 男人 嚟咗 囉 。
一閃身 ，𨂾咗 入去 ，將 嗰個 年老 使媽 逼埋 一便 。
噉 眾人 跟住 入去 ，喺 大廳 坐落 。
嗰伯爺婆 話 ：張媽 、孫媽 ，你哋 去 煲水 煮飯 啦 ，呢度 嘅 主人 唔鐘意 有人 嚟 㗎 ，一切 我哋 自己 逳手 就係 喇 。
兩名 使媽 應咗 ，就 去 搵 廚房 嘞噃 。
徐天川 以前 係 嚟過 莊家大屋 ，噉 收尾 又 聽 韋小寶 講起 過 其中 嘅 情形 。
眼見 韋小寶 花言巧語 ，將 呢 三個 武功 深不可測 嘅 大 高手 呃到 嚟 自投羅網 個 心 啊 好 歡喜 。
就 同埋 眾 兄弟 坐 喺 石級 嗰度 ，離開 嗰個 病漢 同 韋小寶 遠遠 ，以免 穿煲 。
嗰 伯爺公 指住 吳之榮 問 ：呢個 嘴裏 便 流血 嘅 人 係 邊個 啊 ？
韋小寶 話 ：呢個 嘢 係 喺 朝廷 做 官 㗎 ，我哋 喺 半路 撞見 佢 ，怕 佢 走 向 官府 出 首 告密 ，因此 就 割 咗 佢 條 脷 啫 嘛 等 佢 唔 講得出 嘢 咯 。
嗰個 伯爺公 當時 離開 好 遠 ，不過 就 睇見 ，所以 個 心裏 便 呢 一直 有 個 疑問 ，而家 聽 韋小寶 噉 講 ，仍然 有 啲 將信將疑 啊 。
佢 行到 吳之榮 面前 問 佢 話 ：你 係 朝廷 嘅 官 呀 ，係唔係 啊 ？
吳之榮啊 已經 痛到 死去活來 嘞 ，噉 就 岌下 個 頭 。
嗰個 伯爺公 又 問 ：你 知道 人哋 要 造反 ，想 去 出 首 告密 係 唔係 ？
吳之榮 諗住 要 抵賴 係 唔得㗎嘞 ，只係 望 呢個 伯爺公 能夠 救到 自己 條命 ，於是 就 猛咁 岌頭 。
韋小寶話 ：佢 係 知道 南方 有 一位 手握兵權 嘅 武將 要 造反 ，呢位 武將 係 姓 吳 嘅 ，造起反嚟 呀 就 不得了 嘅 。
嗰個 伯爺公 問 吳之榮 話 ：係唔係 啊 ？
吳之榮 就 猛咁 岌頭 。
嗰個 伯爺公 就 冇 到 懷疑 嘞 ，對 韋小寶 又 信 多 幾 成 。
佢 坐翻 喺 椅處 問 韋小寶 話 ：
吳兄弟 嘅 武功 ，係 邊位 師父 教 㗎 吓 ？
我 師父 有 好幾位 ，一二三 啊 總共 係 三位 。
不過 我 啊 又 笨 又 懶 ，咩 功夫 都 冇 學好 呢 。
嗰個 伯爺 公 諗 ：你 武功 冇 學好 ，唔通 我 唔 知道 咩 ？
但係 對於 佢 嘅 神行百變 輕功 ，總係 唔能夠 唔 問清楚 嘅 。
雖然 韋小寶 所使 嘅 只係 啲 皮毛 唧 ，不過 身法 步伐 ，確係 神行百變 上乘 輕功 無疑 ，噉 佢 又 問 ：
你啲輕功 ，係 同 邊個 學 翻嚟 㗎 ？
韋小寶 諗 ：佢 硬係 要 問 我 輕功 係 邊個 教 嘅 ，必定 係 同 我 嗰位 師太 師父 有 仇 㗎 嘞 ，噉 就 唔 講得 㗎 噃 。
佢 係 吳三桂 一黨 ，多數 同 西藏 喇嘛 有 交情 嘅 ，得 ！
於是 佢 就 話 ：
有 一位 西藏 大喇嘛 叫做 桑結 ，喺 昆明 平西王 嘅 五華宮 裏 便 見到 我 。
噉佢 話 我 個 武功 太 差 喇 ，同人 打交 呢 就 打唔過 人 哋 㗎 喇 ，不如 學 啲 逃走 嘅 法子 啦 噉 ，就 教咗 我 幾日 。
我 呀 練得 好 辛苦 啊 ，噉 啊 自以為 好叻 啦 ，點知 一撞到 你 老公公 、老婆婆 ，仲有 呢位 身強力壯 、精神百倍 嘅 歸少爺 ，唉 ，我 一啲 都 冇用 喎 。
嗰個 伯爺 婆 聽 佢 讚 自己 嘅 仔 身強力壯 、精神百倍 ，真係 比 聽到 咩 嘢 奉承 嘅 説話 都 要 歡喜 啊 。
不由得 眉開眼笑 ，睇咗 個仔 幾 眼 ，喺 個心底處 呀 高興 出嚟 ，佢 話 ：
二哥啊 ，個仔 呢 幾日 嘅 精神 都 好好 啊嚱 ？
嗰個 伯爺公 輕輕 岌 下 個 頭 ，不過 見 個 仔 半醒半瞓 噉 挨 喺 張 椅 處 ，其實 啊 萎靡 到 極 ，個 心 ，不由得 難過 嘞 。
佢 對 韋小寶 話 ：哦 原來 係 噉嘅 噉 就係 喇 。
嗰個 伯爺婆 問 ：桑結 點解 會 鐵劍門 嘅 輕功 嘅 呢 ？
個 伯爺公 話 ：鐵劍門 有 個 玉真子 ，喺 西藏 住過 好耐 嘅 。
哦 ，係喇 ，佢 係 木桑道長 嘅 師弟 。
多數 係 佢 當年 喺 西藏 傳 咗 畀 人 啦 。
個 伯爺 婆 擰轉頭 問 雙兒 話 ：
姑娘仔啊 ，你嘅 武功 又係 跟 邊個 學 㗎 ？
一對 老夫婦 都 定眼 望實 佢 ，似乎 佢嘅 師承 來歷 係 件 非常 緊要 嘅 大事 噉 。
雙兒 畀 兩個人 睇到 有啲 心慌 嘞 佢 就 話 ：我 ，我 。
佢 唔識 講 大話 ，唔知 點樣 回答 先至 好 。
韋小寶 話 ：佢 係 我 個 丫鬟 ，嗰位 桑結 喇嘛 ，亦都 指點過 佢 嘅 武功 嘅 。
嗰個 伯爺 公伯爺 婆 一齊 擰頭 ，齊聲 話 ：點 都 唔係 。
佢 兩個 嘅 表情 呀 十分 鄭重 。
呢個 時候 ，嗰個 病漢 忽然間 大聲 咁 咳 ，越 咳 越 厲害 。
個 伯爺 婆 連忙 過去 幫 佢 輕輕噉 拍下 背脊 。
個 伯爺公 呢 ，亦都 擰轉頭 望住 個仔 。
兩名 使媽 喺 廚房 用 個 托盤 托 咗 參湯 同 熱茶 出嚟 ，企 喺 病漢 前 便 ，等 佢 咳完 喇 ，服侍 佢 飲咗 參湯 。
然後 將 茶杯 分畀 眾人 ，連 徐天川 佢哋 都 有 一杯 。
嗰個 伯爺公 飲完 茶 ，想 話 再 問 雙兒 啦 ，見 佢 已經 行咗 入去 後堂 嘞 。
個 伯爺公 忽然 噗聲 企 起身 ，問 孫媽 話 ：
沖茶 嘅 熱水 喺 邊處 嚟 㗎 ？
韋小寶 大吃一驚 啊 個 心 嘭 嘭 聲亂 咁 跳 ， 佢 諗 ： 弊喇弊 喇弊 喇弊 喇弊 喇 ， 呢 個 老 而 不 知道 喇 。
孫媽 話 ：係 我 同 張媽 一齊 煲 嘅 。
用啲乜嘢 水 ？
孫媽 話 ：就係 廚房 水缸 裏 便 嗰啲 水 囉 。
張媽 跟住 話 喇 ：我哋 都 仔細 睇過 喇 ，好 乾淨 。
説話 未完 ，轟楞轟楞 兩 聲 ，兩名 男僕 跌倒 喺 地 暈咗 嘞 。
嗰個 伯爺 婆 跳起身 ，岌咗 一岌 ，用 隻 手 揞住 個 頭 話 ：茶 裏 便 有 毒 啊 。
徐天川 等人 並未 飲茶 ，各人 打個眼色 ，一齊 𢴈低 就 詐 假意 暈咗 ，乒鈴乓唥 ，茶杯 就 跌到 碎晒 。
韋小寶 大叫 一聲 ：哎吖 ！亦都 𢴈咗 喺 地 嚟 ，眯埋 雙眼 嘞 。
張媽 同 孫媽 一齊 話 ：水 係 我哋 煲 嘅 ，廚房 裏 便 又 冇 第二 個 人 嚟 過 。
嗰 伯爺 婆 話 ：水缸 裏 便 嘅 水 落咗 藥 。
仔 啊 仔 ， 你 覺得 點樣 啊 ？
嗰個 病漢 話 ：都 冇乜事 啫 ，誒 冇乜 。
個頭 一側 ，亦都 暈咗 喇 。
孫媽話 ： 參湯 裏 便 又 冇 加水 ， 啲 參湯 係 我 哋 燉 好 咗 帶 嚟 嘅 。
伯爺公話 ：隔水座 翻熱啲 參湯 ，水氣 亦都會 入去 㗎 。
伯爺婆 話 ：冇錯喇 ，阿仔 嘅 身子 虛弱 ，噉 ，噉 。
佢 連忙 用 手 去 摸 下個 病漢 嘅 額頭 ，手掌 已經 不停 咁 震 嘞 。
嗰個 伯爺公 強運 內息 ，壓住 肚內 藥力 唔 畀 佢哋 散發 佢 話 ：快啲 去 𢳂 兩 盆 冷水 嚟 。
張媽 孫媽 就 冇 飲茶 ，不過 見到 噉嘅 情形 ，都 嚇到 慌晒 ，聽 伯爺公 吩咐 嘞 就 連忙 急急腳 跑 入去 裏便 。
嗰 伯爺 婆 話 ：呢 間 屋 有 古怪 啊 。
因為 佢 身上 冇 帶 兵器 啊 ，就 護 低 個 身 ，去 一名 男僕 腰間 拔 刀 ，一 低頭 ，只 覺得 一陣 天旋地轉 ，點 都 企唔穩 喇 ，一跤 就 扽 倒 喺 處 。
手指 已經 掂到 刀柄 嘞 ，不過 已經 冇 力 揸住 嘞 。
嗰個 伯爺 公 左手 扶住 耳拼 ，眯埋 雙眼 猛咁 喘氣 ，個 身體 微微 岌下岌下 。
韋小寶 瞓 喺 地下 偷偷噉 睇下 ，見到 雙兒 帶 咗 一 群 女子 出嚟 。
個 伯爺公 突然 揮掌 劈出去 ，將 一名 白衣 女子 打到 飛出 丈 幾 遠 ，撞冧 咗 張 椅 。
徐天川 等啊 大聲 呼喝 ，跳起身嚟 衝到 伯爺公 前便 ，見到 佢 已經 暈咗 嘞 。
風際中 用 手指 點咗 佢 嘅 穴道 ，又 點咗 個 伯爺 婆 同 病漢 嘅 穴道 。
韋小寶 跳起身 哈哈大笑 佢 話 ：莊三少奶 ，你 好 吖嘛 ？
向 嗰個 白衣 女子 躬身 行禮 。
呢個 女子 ，乃係 莊家 三 少奶 ，佢 連忙 還禮 佢 話 ：
韋少爺 ，你 捉到 我哋 嘅 大仇人 嚟 ，真係 唔知 點樣 報答 你 先至 係 喇 。
老天 有眼 ，等 我哋 大仇 得報 。
韋少爺 ，請 你 過嚟 見一見 我哋 嘅 師父 啦 。
噉啊 帶佢 行到 一個 黃衫 女子 前面 。
呢個 黃衫 女子 ，正在 同 一個 女子 按摩 ，佢 係 先頭 畀 嗰個 伯爺公 打傷 嘅 。
嗰個 傷者 噁噉 一聲 ，嘔咗 一大啖 鮮血 出嚟 ，跟住 又 嘔 一啖 。
嗰個 黃衫 女子 微笑 話 ：唔緊要 喇 。
佢 嘅 聲音 呀 優美 動聽 。
韋小寶 見 呢個 女子 嘅 年紀 已經 唔 輕 嘞 ，不過 聲音 呢 就 好似 少女 一樣 。
佢 頭上 戴咗 個 金環 ，打 大 赤腳 ，腰間 圍住 一條 繡花 腰帶 ，裝束 非常之 奇特 。
頭髮 就 已經 花白 嘞 ，塊 面 呢 ，卻 喺 又 白 又 嫩 ，只係 眼角 之間 有 唔少 魚尾紋 。
噉 到底 有 幾大 年紀 呢 實在 講唔出 嘞 ，睇 頭髮 就 已經 有 六十幾歲 ，容貌 卻 係 不過 三十歲 上下 唧 。
佢 諗 呢個 人 既然 係 三少奶 嘅 師父 ，噉 啊 即刻 上前 跪低 叩頭 佢 話 ：
婆婆 姐姐 ，韋小寶 叩頭 啊 。
嗰個 女子 笑住 問 ：你 呢個 細路 叫 我 做 乜嘢 嘩 ？
韋小寶 企 翻 起身 話 ：
你 係 三少奶 嘅 師父 ，我 應該 叫 你 做 婆婆 至 係 嘅 。
不過 睇 你 嘅 相貌 ，至多 不過 做得 我 姐姐 唧 ，所以 就 叫 你 做 婆婆 姐姐 囉 。
嗰個 女子 咭咭聲 咁 笑 ，佢 話 ：至多 做 你 姐姐 ？唔通 仲 可以 做 你 妹妹 咩 ？
吖 ，如果 我 喺 隔籬 聽 你 嘅 聲音 呀 ，噉 啊 要 叫 你 做 婆婆 妹妹 㗎 喇 。
嗰個 女子 笑到 個 身 都 震晒 佢 話 ：
你呢個 滑頭仔 真係 得意 嘞 ，把口啊 油腔滑調 ，真係 會 氹人 歡喜 嘅 。
唔怪得知 連 我 嗰個 歸師伯 噉樣 一個 大 英雄 ，都 會 領咗 你 嘢 啦 。
佢 呢句 説話 一 講 呀 ，眾人 個個 都 大吃一驚 啊 。
韋小寶 指住 嗰個 伯爺公 話 ：呢呢 ，呢個 老公公 係 ，係 婆婆 姐姐 嘅 師伯 啊 ？
梗係啦 ，我 同 佢 老人家 有 四十年 唔見 嘞 。
初時 仲 認唔出嚟 添噃 ，直到 見到 佢 老人家 出手 ，呢一掌 雪橫秦嶺 咁 威猛 ，中原 再 冇 第二個 人 使得出 喇 ，噉 先至 知道 係 佢 咋 。
哎呀 既然 係 自己 人 噉 點好 啊 ？
我 都 唔知 點 先至 好 啊 。
我 師父 知道 呢件事 呀 ，實鬧死 我 啫 。
佢 見到 有 幾名 媽姐 揸住 粗繩 喺度 等候 ，就 笑住 話 喇 ：
你 如果 吩咐 要 綁人 ，噉 你 自己 發號施令 啦 ，唔關 我 事 㗎 。
師伯 我 係 唔敢 綁 嘅 ，不過 如果 唔 綁 ，佢 老人家 醒咗 之後 我 啊 打 佢 唔過 嘅 。
小弟弟 ，你 打唔打得過 佢 啊 ？
韋小寶 好 歡喜 啊 佢 話 ：我 啊 更加 打唔過 啦 。
佢 知道 佢 噉 講 呢 ，只係 要 擺脱 關係 ，一啲 都 冇 回護師伯 嘅 意思 。
就 向 徐天川 佢哋 話 ：
呢幾個人 同 吳三桂 係 一黨 嘅 ，唔係 好人 。
我哋 天地會 綁起佢 ，同 婆婆 姐姐 一啲 都 冇 關係 嘅 。
徐天川 佢哋 先頭 畀 個 病漢 戲弄 ，實在 係 生平 從來 未 試過 嘅 奇恥大辱 ，早就 嬲 到 不得了 嘞 。
咪即刻接過繩索 ，將 伯爺公 、伯爺婆 、病漢 同 兩個 男僕 都 綁到 實一實 。
嗰個 黃衫 女子 問 ：歸 師伯 點解 會 同 吳三桂 係 一黨 嘅 呢 ？
你哋 又 點解 打起上嚟 㗎 ？
韋小寶 於是 將 同 嗰個 伯爺 公 喺 飯店 相遇 嘅 情形 講咗 。
徐天川 佢哋 畀 嗰個 病漢 戲弄 呢一段 呢 ，自不然 係 唔講 啦 。
佢 只係 話 呢個 肺癆 鬼 武功 厲害 大家 唔係 佢 敵手 噉 唧 。
嗰個 女子 話 ：歸 小師弟 條命 ，仲係 我 師父 救翻嚟 嘅 啫 嘛 。
佢 自細 就 有 重病 ，到 而家 身子 仲 係 唔好 ，佢 係 歸 師伯 夫婦 嘅 命根 啊 。
歸師伯 為人 好 正派 㗎 ，點解 會 同 吳三桂 嗰個 大漢奸 係 一黨 呢 ？
如果 真係 噉樣 ，我 師父 就 唔 鬧得 我 喇 。
聽佢噉講 ，似乎 對 師父 認真 怕得 厲害 啊 。
韋小寶 話 ：邊個 幫 吳三桂 就 該 殺 ，你 師父 知道 咗 呢件事 呀 仲 會 大大噉 稱讚 你 添噃 。
係咩 ？
嗰個 女子 睇住 嗰個 伯爺 公伯爺 婆 ，諗咗 一陣 ，又 行過去 探 一下 嗰個 病漢 嘅 鼻息 ，佢 話 ：
三少奶 ， 等陣 我 師伯醒 翻 嘅 時候 ， 實會 大 發脾氣 嘅 ， 我 哋 又 唔 能夠 殺 咗 佢 ， 不如 噉 啦 。
嗱 各位 ，欲知 後事 如何 ，且 聽 下回 分解 。
