前文 再續 啊 書 接 上 一回 。
話説 韋小寶 要 擺酒 同 顧炎武 佢哋 三位 先生 接風 。
顧炎武話 ：韋兄弟 同 六奇兄 一文一武 ，必定 係 明室 中興 嘅 柱石 ，鄧高密 、郭汾陽 亦 不過 如是 唧 。
如果能夠 推冧 吳三桂 呢個 老賊 ，直情 係 斬咗 清廷 嘅 一隻 手臂 啊 。
韋兄弟 呢 杯 酒 ，等到 大功告成 嘅 時候 再 飲 啦 。
我哋 三個人 告辭 喇 ，以免 喺 呢處 逗留 得 耐 ，走漏 咗 風聲 誤咗 大事 啊 。
韋小寶 個 心 啊 雖然 對 顧炎武 頗為 敬重 ，但係 呢 三位 名士 講説 話 咬文嚼字 每句 説話 都有 典故 嘅 ，要 聽懂 一半 都 唔 容易 。
同佢哋 傾 多 一陣 唧 ，就 覺得 周身 唔自在 嘞 ，聽講 話 要 走 真係 求之不得 。
於是啊攞咗一沓銀票 ，每人送咗一千兩 ，作為旅費 ，就請 徐天川 同 高彥超 喺 後門 護送 出城 。
佢哋 三個人 走咗 一陣 咁耐 ，親兵 嚟 報告 ，話 巡撫 同 佈政司 求見 噉 。
韋小寶 嚇咗 一驚 啊 佢 諗 ：唔通 走漏 咗 風聲 ？
韋小寶啊 去 大廳 見 佢哋 ，見 兩個人 面上 嘅 表情 好 嚴肅 ，嗯 韋小寶 個 心 啊 不禁 有啲 惴惴不安 嘞 。
噉賓主行禮坐落 ，巡撫 馬佑 喺 衫袖 籠 攞出 一件 公文 ，企起身 雙手 呈上去 佢 話 ：
欽差大人 ，出咗 大事 啊 。
韋小寶 接過 公文 ，就 交畀 佈政司 慕天顏 佢 話 ：
兄弟 唔識字 ，請 老兄 讀 嚟 聽下 。
慕天顏 應咗 ，就 打開咗 公文 ，佢 早就 知道 內容 㗎 喇 話 ：
大人 ， 北京 兵部 六百里 緊急 來文 ， 吩咐 轉告 大人 ， 吳三桂 呢 個 逆賊 舉兵 造反 啊 。
韋小寶 一 聽 歡喜 到 不得了 ，忍唔住 跳起身 大叫 話 ：叉叉叉 呢個 老嘢 果然 逳手 嘞 喂 。
馬佑 同 慕天顏 互相 望 下 。
欽差大人 一 聽到 吳三桂 造反 嘅 大 消息 ，竟然 歡喜 到 癲咗 噉 唔知 係 咩 用意 呢 ？
韋小寶 笑住 話 ：皇上 啊 神機妙算 啊 早就 估到 呢件事 嘞 。
兩位 唔使 慌吓 唔使 慌 嘅 。
皇上 嘅 兵馬 、糧草 、大炮 、火藥 、餉銀 、器械 乜嘢 都 預備 得 妥妥當當 㗎 喇 。
吳三桂 呢個 嘢 ，唔逳手 就 由 自可 ，佢 一 造反 呀 ，我哋 非 將 佢 嘅 陳圓圓 捉嚟 不可 。
馬佑 同 慕天顏 雖然 聽 佢 嘅 説話 不倫不類 啊 ，但係 聽講 皇上 一切 都 有 準備 喇 ，噉 就 放心得 多 嘞 。
吳三桂 善於 用兵 ，麾下 兵 強 馬 壯 。
一聽見佢起兵造反 ，所有 做官嘅 都 膽戰心驚 ，怕 頭上 呢頂 烏紗帽 啊 保唔住 嘞 。
韋小寶 話 ：有 一件事 真係 好奇怪 㗎 噃 。
噉 兩個人 都 問 佢 ：咩嘢事 呢 ？
呢 個 消息 ， 兩位 係 啱 啱 先至 知道 嘅 啫 係 嘛 ？
馬佑話 ：係 。
卑職 一 接到 兵部 公文 ，即刻 知會 藩台 大人 就 趕嚟 大人 行轅 嘞 。
真係 冇 洩漏 出去 吖 嘛 ？
兩個人 一齊 話 ：呢啲 係 軍國大事 ，需要 請 大人 定奪 ，卑職 萬萬 唔敢 洩漏 。
不過 揚州 知府 就 知道 先 嘞 噃 ，你哋 話 係唔係 好奇怪 呢 ？
馬佑 同 慕天顏 對望 咗 一眼 ，都 覺得 好奇怪 。
馬佑話 ：請問 大人 ，唔知 吳知府 點 講 呢 ？
佢 先頭 鬼鬼鼠鼠 噉 走嚟 同 我 講 ，話 西南 就 快 有 大事 發生 嘞 ，有 個 人 要 做 朱元璋 ，佢 啊 要 做 劉伯温 。
噉啊勸我識時務 ，將 你哋 兩位 扣押 起嚟 。
我 聽咗 一啲 都 唔明白 啊 咩 朱元璋 劉伯温 真係 亂噏 一通 嘞 ，我 正 喺度 鬧 佢 ，哈 你哋 兩位 就嚟 嘞 。
兩個人 大吃一驚 啊 面色 都 變晒 。
馬佑 啊 庸庸碌碌 ， 慕天顏 就 頗 有 應變 之 才 嘅 ， 佢 低聲 話 ：
嗰個 吳某 噉樣 講法 ，係 勸 大人 造反 喇 。
佢 唔 要 人頭 嘞 ？
我啊唔明佢講啲乜嘢 ，噉啊要佢講明白啲啦 。
佢 一味 喺度 拋 書包 ，話 咩 先發後發 啊噉 。
噉 我 話 老子 年紀 輕輕 ，已經 做咗 大官 喇 仲 唔 算 先發 咩 噉 ？
馬佑 同 慕天顏 都 諗 ：呢個 吳知府 所 講 嘅 係 先發制人 後發制於人 。
欽差大人 冇 學問 ，仲 以為 係 先發達 後發達 。
兩個人 老成 練達 ，亦 唔 講 穿 。
誰知 先發制人 呢句 成語 ，韋小寶 自細 就 聽講 古 先生 講過 無數次 咁多 咯 。
呢 一次 就 唔係 冇 學問 喇 ，係 詐傻 扮 懵 咋 。
馬佑話 ：呢個 吳知府 真係 大膽 ，唔知 佢 走咗 未 呢 ？
韋小寶 話 ：未啊 ，佢 仲 喺度 等住 ，話 要 同 我 商議 大計 喎 。
哼 ，佢 小小 一個 知府 ，有 咩 大計 同 我 商議 唧 ？
打吳三桂嘅大計 ，兄弟 亦 只係 同 兩位 商議 ，就 唔會 聽 佢 一個 小小 知府 啰嗦 咁多 嘅 。
馬佑 話 ： 係 係 ， 誒 可否 請 大人 將吳 知府 叫 出 嚟 ， 等 卑職 問 佢 幾句 説 話 呢 ？
好啊 。
韋小寶 擰轉頭 吩咐 親兵 話 ：請 吳知府 嚟 。
吳之榮 嚟到 大廳 ，只見 巡撫 同 佈政司 在座 ，不由得 又 喜 又 憂 。
喜 嘅 ， 係 欽差大臣 十分重視 自己 嘅 密報 ， 竟然 將 佢 哋 兩位 都 請 嚟 一齊 商議 。
憂嘅呢 ，係 消息 一 洩露 ，巡撫 同 佈政司 啊 不免 分咗 自己 嘅 大功 。
就 上前 請安 參見 ，垂手 站立 。
韋小寶 笑住 話 ：吳知府 請坐 啦 。
係 ， 係 ， 多謝 大人 賜 座 。
吳之榮 個 𦣇柚 啊 挨住 一啲 椅 邊 坐落 。
韋小寶 話 ：吳知府 ，你 話 有 一件 大事 嚟 同 兄弟 商議 。
雖然 呢 你 係 再 三講 ， 話 唔 好 畀 府 台大 人同 藩 台大 人 知道 ， 不過 呢 件 事 十分 重大 ， 兄弟 只有 請 兩位 大人 一齊 嚟 傾下 嘞 ， 請 你 唔 好 見怪 啊 。
吳之榮 嘅 神情 十分 尷尬 ，噉 啊 連忙 起身 向 韋小寶 同 府台 、藩台 三個人 請安 ，陪笑話 ：
誒 ，誒卑職 大膽 ，三位 大人 明鑒 ，誒 ，誒 。
佢 想話 要 掩飾 幾句 嘅 ，但係 韋小寶 已經 開門見山 噉 講出嚟 嘞 ，噉 無論 佢 講 乜嘢 都係 難以 掩飾 㗎啦 。
巡撫 同 佈政司 兩個人 嘅 面色 呀 ，梗係 難睇 到 極定 啦 。
韋小寶 微笑話 ：吳知府 嘅 消息 十分 靈通 ，佢 話 西南 有 一位 手握 兵馬 大權 嘅 武將 ，日內 就 要 起兵 造反 嘞 。
佢 一起 兵 ，哈 ，不得了 咯 ，天下 震動 ，皇上 嘅 龍廷 亦 坐唔穩 嘞 ，講唔定 呀 我哋 嘅 人頭 都 要 落地 添 ，係唔係 啊 ？
吳之榮 話 ：係 。
不過 三位 大人 洪福齊天 ，自不然 逢凶化吉 ，遇難呈祥 ，一定 係 百無禁忌 嘅 。
呢啲 係 託 吳大人 嘅 福 咯 。
吳大人 ， 呢 位 武將 同 你 係 同宗 ， 亦 係 姓 吳 嘅 係 嘛 ？
係 ，佢 係 敝宗 。
吳之榮 都 未 講完 ， 韋小寶 又 搶 住 話 ： 你 攞 到 呢 個 武將 嘅 一封信 ， 係 佢 親筆寫 嘅 ， 呢 封信 唔 會 係 假 㗎 嘛 ？
千真萬確 ，決唔會 係 假嘅 。
呢封信 裏 便 雖然 冇 講話 要 起兵 造反 ，不過 講到 朱元璋 劉伯温 啊噉 。
兄弟 係 冇 讀過 書 ，唔 明白 信裏 便 講 啲 乜嘢 。
吳大人 你 呢 就 同 兄弟 詳細 解釋咗 信裏 便 嘅 意思 ，要 兄弟 即刻 逳手 ，咩 先發 啊 後發 啊 噉 。
話 呢啲 係 一百年 亦 難以 遇到 嘅 機會 ，一場 大富貴 ，係 一定 唔會 飛咗去 嘅 。
兄弟 就 可以 封王 ，而 吳大人 ，亦 能夠 封 一個 伯爵 啊噉嘅 ，係唔係 啊 ？
呢啲 係 卑職 嘅 謬見 ，大人 明斷 ，勝於 卑職 百倍 。
嗰封信 裏 便 寫嘅 ，的確 係 噉嘅 意思 啊 。
韋小寶 喺 右手 衫袖 籠 裏 便 攞出 吳六奇 嗰 封 信 ，噉 啊 攞到 吳之榮 面前 ，個 身 一側 ，噉 啊 遮住 咗 嗰 封 信 ，佢 話 ：
就係 呢封信 喇 係 唔係 啊 ？你 睇 清楚 啊 ，事關 重大 ，唔好 搞錯 啊 。
吳之榮 話 ：冇錯冇錯 係 呢封信 ，點都唔會 錯 嘅 。
好極喇 。
韋小寶 將 嗰 封 信 ，收翻 入去 右手 衫袖 籠 裏 便 ，坐翻 喺 椅 處 ，佢 話 ：
吳知府 ，請 你 暫時 退下 ，我 同 府台 大人 、藩台 大人 兩位 商議 。
睇嚟 ，我哋 三個人 嘅 功名 富貴 要 全靠 你 吳大人 咯 ，哈哈哈哈哈哈哈哈 。
吳之榮 掩飾 唔住 嗰種 得意 嘅 表情 ，又 向 三個人 請安 佢 話 ：
全仗 三位 大人 恩典 栽培 啊 。
然後 打 側 個 身 慢慢 退 下去 。
韋小寶 等 佢 退 到 去 門口 就 問 佢 ：吳知府 ，你 嘅 別字 叫做 咩嘢 啊 ？
不敢 ，卑職 賤名 之 榮 ，草字 顯揚 啊 。
韋小寶 岌一岌頭 話 ：噉 冇錯 喇 。
馬佑 同 慕天顏 兩個人 ，當 韋小寶 問 吳之榮 嘅 時候 個 心 啊 都 非常 憤怒 ，只係 官場 規矩 ，上官 正在 講説話 嘅 時候 呢 就 下屬 唔敢 插口 唧 。
馬佑脾氣暴躁啊 ，想話 申斥 吳之榮 ，點知 韋小寶 ，已經 叫 佢 退下 喇 ，不由得 額頭 青筋 突起 ，成塊面 都 唂到 紅一紅 。
韋小寶 喺 左手 衫袖 籠 裏 便 ，攞出 查伊璜 所 寫 嘅 嗰 封 假信 ，佢 話 ：
兩位 睇下 呢封信 。
吳之榮 嗰個 嘢 講得 呢 封信 好 犀利 ，兄弟 未 讀過 書 ，都 唔知 佢 講 嘅 係 真 吖 抑 係 假 嘅 。
馬佑 接過 封信 ，見 信封 上面 寫住 ：親 呈 揚州 府 家 知府 老爺 親拆 。
就攞封信出嚟同慕天顏一齊睇 ，見上款係顯揚吾侄 。
兩個人 越 睇 就 越 嬲 ，馬佑 都 未 睇得 完成 封 信 唧 ，就 拍案 大叫 話 ：
呢個 狗頭 咁 大膽 ，我 親手 一刀 殺咗 佢 ！
慕天顏 就 心細啲 ，覺得 吳之榮 膽敢 公然 勸 上官 造反 ，未免 太過 不合情理 吖 。
但 係 先頭 韋小寶 當面 詢問 ， 噉 啊 雙方 嘅 對答 ， 一句句 親耳 聽見 嘅 ， 噉 邊處仲有 懷疑 呢 ？
尋日 喺 禪智寺 賞 芍藥 ，吳之榮 就 親口 講過 吳三桂 係 佢 族叔 。
噉睇嚟 ，吳之榮 估計 吳三桂 造反 啊 必定 成功 ，就 得意忘形 ，所以 就 肆無忌憚 起嚟 喇 。
韋小寶話 ：呢封信 係咪 真係 吳三桂 寫畀 佢 㗎 ？
馬佑話 ：呢個 狗頭 自己 都 話 係 千真萬確 㗎 啦 。
信裏 便 長篇大論 ，到底 寫啲 乜嘢 啊 ，勞煩 兩位 解畀 兄弟 聽下 吖 。
慕天顏 啊 於是 一句句 解釋 ， 咩 斬 白蛇 而賦 大風 啊 、 納圯 下 之 履 啊 、 咩 奮濠 上 而 都 應天 、 取 誠意 之爵 啊 等等 嘅 典故 ， 逐個 逐個 講 畀 佢 聽 。
馬佑話 ：淨係 我 太祖 高皇帝 首稱 吳國 呢 一句 ，就要 佢 滅族 喇 。
慕天顏話 ：吳逆 起事 ，聽講 就係 以 咩 朱三太子 嚟 號召 ，話 要 規復 明室 喎 。
正喺度議論緊 ，忽然間 報告 話 京中 御前 侍衞 ，嚟到 傳宣 聖旨 。
韋小寶 同 馬佑 、慕天顏 啊 跪低 接 旨 啦 。
原來 係 康熙 宣召 韋小寶 急速 進京 ，至於 敕建 揚州 忠烈祠 嘅 事情 ，就 交由 江蘇省 佈政司 辦理 。
韋小寶 好 歡喜 啊 佢 諗 ：小皇帝 打 吳三桂 ，如果 派 我 做 大元帥 嘿噉 啊 真係 威風 咯 。
馬佑 、慕天顏 聽見 上諭 裏 便 ，頗 有 獎勉 嘅 説話 ，噉 啊 即刻 向 韋小寶 道賀 ，恭喜 佢 加官進爵 。
韋小寶話 ：兄弟 聽日 就 要 回京 嘞 ，叩見 皇上 嘅 時候 ，當然 會 稱讚 兩位 係 大大 嘅 好官 。
只不過 兩位 嘅 官 ，做到 究竟 點樣 好法 呢 ？講起嚟 真係 慚愧 喇 ，嘿嘿 ，兄弟 實在 唔係 點 知 ，只有 請 兩位 講嚟 聽下 喇 。
府台 藩台 兩個人 非常 歡喜 ，噉 啊 拱手 多謝 韋小寶 一番 。
慕天顏 就 誇讚 巡撫 嘅 政績 ，佢 揣摩 康熙 嘅 性情 ，一味 揀 馬佑 點樣 勤政 愛民 、宣教 德化 嘅 事 嚟 講 ，其中 九成 係 假 嘅 。
聽到 馬佑 笑 到 個 嘴 都 合 唔 翻 啊 。
跟住 慕天顏 亦 講咗 自己 幾件 得意 嘅 政績 ，雖然 言辭 簡略 ，不過 呢 都 係 十分 實在 嘅 功勞 。
韋小寶話 ：呢啲 兄弟 都 記住 喇 ，我哋 仲要 再 加上 一件 大功勞 。
吳 逆 造反 ，皇上 啊 痛恨 到 極 。
吳之榮 呢個 嘢 要 做 內應 ，想 叫 江蘇 全省 文武百官 啊 一齊 造反 ，好彩 係 畀 我哋 三個人 查咗出嚟 。
呢個 奏報 上去 ，封賞 係 走唔甩 㗎 喇 。
兄弟 聽日 就要 起程 回京 ， 就 請 兩位 寫 一道 奏章 啦 。
府台 藩台 兩個人 一齊 話 ：呢啲 係 韋大人 嘅 大功 ，卑職 唔敢 掠美 。
使乜 客氣 唧 ？算係 我哋 三個人 一齊 立 嘅 功勞 咪 好囉 。
慕天顏 又 話 ：總督 麻大人 返咗 去 江寧 ，欽差 大臣 回奏 聖上 嘅 時候 ，最好 亦 請 幫 麻大人 講翻 幾句 好話 。
好啊 ，講 好話 又 唔使 本錢 嘅 係唔係 ？
馬佑 、慕天顏 又 再次 多謝 一番 ，然後 先至 告辭 。
噉佢哋走咗之後 ，韋小寶 吩咐 徐天川 等 將 吳之榮 綁起 上嚟 ，個口 ，就 塞咗 麻核 ，等 佢 有口難言 啊 。
吳之榮 個 心 嗰啲 驚懼 同 詫異 法 呢 ，真係 冇 法子 形容 咯 。
到咗 第日 一早 ，揚州 城 裏 嘅 文武 官員 ，就 一個個 排住班 喺 大廳 等候 欽差 大人 接見 。
每個人 梗係 有 一份 重禮 定 啦 。
喺 揚州 做官 啊 ，係 天下 最 豐裕 嘅 肥缺 嘞 。
每個 官員 都 唔 想 升官 嘞 ，只係 希望 欽差 大人 返去 北京 講 幾句 好話 ，自己 嘅 職位 能夠 做 多 幾 年 噉 就 心滿意足 嘞 。
總督 尋日 已經 得到 消息 ，噉 啊 漏夜 趕到 揚州 ，佢 同 巡撫 送 嘅 禮 梗係 更 重 定 啦 。
揚州 一 府 豁免 三年 錢糧 ，經手 嘅 人 梗係 有 回扣 嘅 。
韋小寶 雖然 嚟唔切 親自 辦理 ，藩台 早就 將 佢 應得 嘅 回扣 整好 晒 畀 佢 嘞 。
韋小寶 隨身 帶嚟 嘅 武將 親隨 啊 ，亦都 得到 豐厚 嘅 禮金 。
馬佑 已經 寫咗 奏折 ，請 韋小寶 面奏 。
奏章 裏 便 將 韋小寶 如何 明查暗訪 ，親 入 險地 ，噉 先至 破獲 吳三桂 、吳之榮 嘅 密謀 等 情形 就 大大 誇張 咗 一番 ；
而 總督 、巡撫 、佈政司 三個人 係 從旁 襄助 ，亦都 有 一份 功勞 。
慕天顏 又 話 ：皇上 對 吳逆 用兵 ，可惜 卑職 係 文官 冇 本事 上陣 殺賊 。
卑職 已經 秉承 總督 大人 、府台 大人 嘅 意思 ，十日 之內 ，派人 押解 一批 糧餉 送去 湖南 ，聽由 皇上 使用 啊 。
韋小寶 好 歡喜 噉 話 ：好啊 ，大軍 未 發 就 糧草 先行 。
三位 想得 真係 周到 嘞 ，皇上 一定 十分 歡喜 啫 。
噉班 官員 告辭 走咗 之後 ，韋小寶 派 親兵 去 麗春院 接 咗 母親 嚟 ，噉 自己 換咗 便服 ，同 母親 見面 。
韋春芳 啊 唔知 個仔 做咗 大官 噃 ，估話 係 賭錢 作弊 就 贏咗 一筆 大錢 。
聽佢話 要 接 自己 去 北京 享福 ，即刻 又 耍手 又 擰頭 佢 話 ：
贏翻嚟嘅銀 ，今日 左手 嚟 ，聽日 右手 去 。
我 去咗 北京 呀 ，你 又 將 啲 錢 輸到 乾乾淨淨 ，講唔埋 將 老娘 賣 去 老舉寨 添 。
老娘 要 做 生意 仲係 喺 揚州 好 。
北京 嗰 啲 地方 呀 ， 淨 係 嗰 啲 翹 住 條 脷 講 説 話 嘅 官話 ， 老娘 講到 條 脷 都 抽筋 都講 唔 掂 啊 ， 唔 去 啊 。
媽 你 噉 就 放心 啦 ，去到 北京 呀 ，你 有 丫鬟 使 媽 服侍 ，咩 都 唔 使 做 嘅 。
我 個 銀 呢 永遠 都 輸唔晒 嘅 。
嗯 ，唔得嘅 唔得嘅 ，咩事 都 唔 做 喎 淨係 悶 就 悶死 我 啦 。
丫鬟 使 媽 嚟 服侍 我 ，老娘 冇 呢個 福分 啊 ，怕 唔 使 三日 唧 ，老娘 就係 咁 大 㗎 喇 。
韋小寶 啊 知道 母親 嘅 脾氣 ， 諗 住 佢 成日 坐 喺 間 大屋裏 便發 吽 豆 ， 確實 係 冇 釐 味道 嘅 ， 就 攞 出 一大 沓 銀票 ， 總共 五萬兩 銀 佢 話 ：
嗱媽 ，呢筆銀 係 畀 你 嘅 ，你 買咗 麗春院 啦 ，自己 嚟 做 老闆娘 。
我 睇 仲 可以 買 三間 妓院 添 ，噉 我哋 開 麗春院 、麗夏院 、麗秋院 、麗冬院 ，咪 春 夏 秋 冬 ，一年 四季 都 發財 。
嘿咪喇咪喇 ，我 叫 人 睇下 先 ，都 唔知 銀票 係 真 吖定 假 嘅 。
如果 真係 兌得到 銀 咯 ，老娘 細細地 搞 間 妓院 開 下 都 好嘅 。
要 開 大 妓院 ，等 你 大個啲 自己 嚟 做 老闆 啦 。
小寶啊 ，你 呢 大筆 錢 ，唔係 偷 嘅 唔係 搶翻嚟 㗎嘛 ？
韋小寶 喺 衫袋 扲 咗 四粒 骰仔 出嚟 ，喝 一 聲 ：滿堂紅 ！
一手 擲 喺 枱面 ，果然 四粒 骰仔 都 係 四點 朝天 。
韋春芳 歡喜 到 乜嘢 噉 ，佢 噉 先至 放心 ，就 笑住 話 ：
你 個 龜 蛋 吖 學會 咗 呢 手 本事 ， 真 係 輸 你 唔 窮 啊 。
話説 第二 朝早 ，韋小寶 啊 帶住 隨從 兵馬 ，押咗 吳之榮 同 毛東珠 離開 揚州 返 北京 。
康熙 嘅 上諭 宣召 好 急 ，所以 一行人 喺 途中 啊 唔 敢 耽擱 停留 嘞 ，嘛 不免 少咗 好多 招財納賄 嘅 機會 定 啦 。
沿途 得到 消息 ，吳三桂 起兵 之後 啊 ，雲南 提督 張國桂 、貴州 巡撫 曹申吉 、提督 李本深 等 歸降 ，雲南 巡撫 朱國治 被 殺 ，雲貴 總督 金文坤 自殺 。
呢一日 ，嚟到 山東 ，噉 地方官 啊 抄到 邸報 ，呈畀 欽差 大臣 ，乃係 康熙 斥責 吳三桂 嘅 詔書 。
噉 韋小寶 又 叫 師爺 讀畀 佢 聽 ，噉 同時 詳加 解釋 。
嗱 各位 ，欲知 後事 如何 ，且 聽 下回 分解 。
