前 文 再續 啊 書 接上 一回 啊 。
話説 韋小寶 聽完 吳之榮 誣衊 查伊璜 之後 ，就 再 問 佢 嘞 ：
顧炎武 本書 裏 便 又 講 啲 咩 嘢 㗎 ？
吳之榮 放低 國壽錄 ，攞 起 顧炎武 嘅 詩集 佢 話 ： 此人 作 嘅 詩 啊 ， 冇 一首 唔 係 謀反 叛逆 嘅 説 話 嘅 。
呢一首 嘅 題目 就 叫做 羌胡 ，噉 明明 係 誹謗 我 大清 嘞 。
佢 指住 詩句 就 讀 咯 喎 ：
我國 金甌 本 無 缺 ，亂 之 初 生 自 夷 孽 。
征兵 以 建州 ， 加餉 以 建州 。
土司 一 反 西蜀 憂 ，妖民 一 唱 山東 愁 。
以至 神州 半流賊 ，誰 其 嚆矢 由 夷酋 。
四入 郊圻 躪 齊魯 ，破邑 屠城 不可 數 。
刳腹絕腸 ，折頸 接頤 ，以 澤 量屍 。
幸而得囚 ，去乃為夷 ，夷口 呀呀 ，鑿齒 鋸牙 。
建蚩旗 ，乘 莽車 。
視 千城 之 流血 ，擁 艷女 兮 如 花 。
嗚呼 夷德 之 殘 如此 ，而 謂 天 慾 與 之 國家 。
韋小寶 猛咁 耍手 話 ：誒 唔好 念 喇 唔好 念 喇 ，咿咿呀呀 都 唔知 講 乜 東東 。
吳之榮 話 ：回大人 ，呢首詩 啊 ，話 我哋 滿洲人 係 蠻夷 ，話 明朝 為咗 同 建州 嘅 滿洲人 打仗 ，噉 先至 征兵 加餉 ，搞到 天下 大亂 嘅 啫 。
又 話 我 哋 滿洲 人 屠城 殺人 ，劏 肚 啦 ， 割腸 啦 ， 強搶 美女 啦 好 殘忍 嘅 。
係噉啫嘛 ，強搶 美女 好到極啦 。
清兵 打破 揚州 ，唔係 殺咗 好多 百姓 咩 ？
如果 唔係 為咗 呢件事 ，皇上 啊 點 會 豁免 揚州 三年 錢糧 唧 ？
嗯 ，呢個 顧炎武 ，做 嘅 詩 都 幾 老實 啊 。
吳之榮 大吃一驚 啊 佢 諗 ：你 小小年紀 太過 唔知 輕重 。
呢啲 説話 ，好彩 係 你 講 㗎 咋 ，如果 係 第二個人 講 嘅 ，我 奏 告 咗 上去 你 頭上 呢 頂 紗帽 仲 有 得 戴 咩 ？
但係 佢 知道 韋小寶 深得 皇帝 寵幸 啊 ，仲 點 有 膽量 去 同 欽差 大臣 作對 吖 ？
就連 氣 講咗 幾個 係字 ，就 陪 笑話 ：
大人 果然 高見 ，卑職 茅塞 頓開 啊 。
呢呢一 首 井 中心 史 歌 ，仲要 請 大人 指點 至 得 。
呢首詩嘅前便 ，有 一篇 長序 ，啊 ，真係 狂悖之至 嘞 。
噉 又 捧起 本書 ，搖頭晃腦 噉 讀起嚟 嘞 。
佢 讀 幾句 ，又 解釋 一番 ，話 顧炎武 鬧 滿洲人 係 韃子 ，大清 兵馬 入關 係 國難 等等 。
讀完 序 嘞 ，又 讀詩 ，讀到 收尾 嗰 兩 句 係 噉嘅 ：
胡虜 從來 無 百年 ，得逢 聖祖 再 開天 。
大人啊 ，呢句 胡虜 從來 無 百年 真係 認真 該死 嘞 。
佢 咒罵 我 大清 享國 ，唔會 過 一百年 ，又 話 漢人 ，會 出 一個 咩 聖祖 再嚟 開天 。
咩嘢 開天唧 ？就係 推翻 我 大清 啦嘛 。
韋小寶 話 ：我 聽 皇上 講過 ，大清 只要 善待 百姓 ，噉咪 坐穩 江山 嘞 ，否則 ，空口 講 咩 千年萬年 ，亦係 白講 嘅啫 。
有 一個 外國人 叫做 湯若望 ，佢 做 欽天監 監正 ，你 知唔知道 啊 ？
係 ，卑職 聽見過 。
呢個人 ，做咗 部 曆書 ，推算咗 二百年 。
噉 有人 告 佢 一狀 ，話 大清 天下 萬萬年 ，點解 只係 算 二百年 喇噉 。
當時 鰲拜 當權 呢 ，佢 呢個人 就 糊塗得 厲害 喇 ，居然 要 殺 佢 個 頭 。
好彩 皇上 聖明 ，將 鰲拜 痛罵 一餐 ，又 將 告狀 嘅 人 斬咗 頭 ，滿門 抄斬 添 啊 。
皇上 最唔鐘意 啲人 冤枉 好人 ，攞 咩 大清 一百年 天下 、二百年 天下 嘅 鬼話 嚟到 害人 㗎 嘞 。
皇上 話 啊 ，真正 嘅 好官 ，一定 愛惜 百姓 ，好好 同 朝廷 當差 辦事 嘅 。
至於 誣告 別人 ，成日 喺 啲 詩 啊 、文章 啊 裏 便 ，噉 啊 亂 咁 捉 雞腳 ，呢啲 叫做 雞蛋 裏 便 搵 骨頭 。
嗰 啲 人 呀 就 係 大 花 面 奸臣 ， 吩咐 我 一 見到 呢種 傢伙 啊 ， 即刻 綁 起 嚟 斬 鬼 佢 個頭 添 啊 。
韋小寶 啊 一心 回護 顧 炎武 ，就怕 吳之榮 喺 自己 呢度 呢 告 唔入 喇 ，又 去 向 第二 啲 官員 出 首 搞出 事 。
所以啊 越講越係 聲色俱厲 ，要 嚇到 吳之榮 從此啊 唔敢 再提 呢件事 。
佢 又 唔知 吳之榮 所以 做到 知府 啊 ，全 靠 因為 舉告 浙江 湖州 莊廷鑨 所 修 嘅 明史 ，裏 便 使用 明朝 正朔 ，又 有 對 清朝 不敬 嘅 詞句 。
挑起 文字獄 以求 功名富貴 ， 本來 係 此人 嘅 拿手好戲 。
呢次 吳之榮 ，搵到 顧炎武 、查伊璜 等人 嘅 詩文 裏 便 嘅 把柄 ，歡喜 到 佢 乜嘢 噉 ，以為 天賜 福祿 ，又 可以 連 升 三級 嘞 。
點知道 欽差大人 ，竟然 會 講出 呢番 説話 。
佢 霎時之間 ，全身 冷汗 淋漓 ，佢 諗 ：
我 嗰件 明史 案 ，係 鰲拜 大人 親手 經辦 嘅 。
鰲拜 大人 畀 皇上 革職 重處 ， 睇 嚟 皇上 嘅 性情 ， 確係 同 鰲拜 大人 完全 唔 同 噃， 呢 一次 真 係 撞 板 撞 到 應 喇 。
康熙 點樣 捉拿 鰲拜 講起 上嚟 呢 就唔係 點 光彩 嘅 ，眾 大臣 估到 皇帝 嘅 意思 嘞 ，所以 喺 官場 之中 就 極少 有人 談及 。
吳之榮啊 官卑職小 ，又 喺 外地 州縣 做官 ，就 唔知 佢 生平 唯一 嘅 知音 鰲拜 大人 啊 ，就係 死於 眼前 呢位 韋 大人 之 手 。
如果 唔 係 呀 ， 嘿 ， 更加 要嚇 到 佢 魂飛魄散 咯 。
韋小寶 見到 佢 面如土色 ，滴滴咁震 ，個心 偷笑嘞 ，就 問 佢 ：讀完 啦嘛 ？
吳之榮 話 ： 嗯 呢 首詩 ， 嗯 仲仲 ， 誒 仲有 一半 喇 。
下便 點 講 㗎 ？
吳之榮 戰戰兢兢 噉 讀埋落去 嘞 ：
黃河 已 清 人 不 待 ，誒 ，沉沉 水府 留 光彩 。
忽見 奇書 出世間 ，又 驚 胡騎 滿 江山 。
誒天知世道將反覆 ，故 出 此 書 示 臣 鵠 。
三十餘年 再見之 ，同心同調 複 同時 。
陸公 已 向 崖門 死 ，信國 捐軀 赴 燕市 。
誒 ，昔日 吟詩 吊古人 ，幽篁 落木 愁 山鬼 。
嗚呼 ，蒲黃 之 輩 何其 多 ！所 南 見 此 當 如何 ？
讀完嘞 ，讀到 佢 上氣唔接下氣 ，亦 唔敢 插話 解釋嘞 。
讀完 嘅 時候 啊 ，書頁 上 便 已經 滴滿 咗 汗水 嘞 。
韋小寶 笑 住 話 ： 呢 首詩 亦 冇 咩 嘢 吖 ， 講 嘅 都 係 咩 山鬼 啊 、 咩 黃 面婆 啊 ， 都 幾 得意 啊 。
吳之榮 話 ： 回 大人 ， 詩 裏 便 嘅 蒲 黃 兩個 字 ， 係指 宋朝 投降 元朝 做 咗 大官 嘅 蒲 壽 庚 同 黃 萬 石 ， 嗰 啲 係 諷刺 漢人 做 大清 官吏 㗎 咋 。
韋小寶 即時 黑起塊面 ，佢 話 ：我 話 係 黃面婆 就係 黃面婆 。
你 老婆 塊 面 好 黃 㗎 ，吓 ？
點解 有人 做詩 取笑 黃面婆 ，你 就 睇唔過眼 啊 ？
吳之榮 退後 一步 ，雙手 發抖 ，啪 一聲 ，詩集 跌咗 落地 嘞 。
佢 話 ：係 ，係 ，誒誒 卑職 該死 。
韋小寶 乘機 發作 喇 喝佢 話 ：
大膽得 你 吖 ？我 恭誦 皇上 聖諭 嚟 開導 你 。
你 小小 一個 官仔 ，竟然 敢 對住 我 掟 嘢 ，發脾氣 ？你 睇唔起 皇上 聖諭 ，噉 唔係 造反 係 咩 啊 ？
吳之榮 轟 一聲 ，雙膝 跪地 ，轟轟聲 猛咁 叩頭 佢 話 ：
誒 ， 大大 ， 誒 ， 大人 饒命 ， 大人 饒命 ， 誒 原 ， 原諒 小人 一時 糊塗 啊 。
哼哼哼 ，你 對住 我 掟嘢 發脾氣 ，噉 亦 冇乜嘢 ，至多 不過 係 個 侮慢 欽差 嘅 罪名 ，重則 殺頭 輕則 充軍 ，噉 都 係 小事 唧 。
吳之榮 一聽 ，有個 罪名 呀 仲 厲害 過 充軍 殺頭 嘅 ，越發 好似 雞啄米 噉 猛 咁 叩頭 ，佢 話 ：
誒 ，誒大人 寬宏大量 ，嗯 ，小人 知罪 喇 ，知罪喇 。
你 睇唔起 皇上 嘅 聖諭 ，仲 了得 嘅 ？
你 屋企 嘅 老婆 、姨仔 、兒女 、外母 、姑媽 、丫鬟 、老契 ，冚𠾴唥 都 拉去 殺頭 。
吳之榮 全身 好似 篩糠 咁 震 啊 ，牙齒 打掛 ，岌岌聲 ，乜嘢 都 講唔出 嘞 。
韋小寶 見 嚇到 佢 夠喇 ，就 喝 佢 話 ：
嗰個 顧炎武 喺 邊處 嚟 啊 ？
回 ，嗯回大人 ，嗯 ，佢 ，嗯佢 ，佢係喺 。
因為 佢 自己 咬損咗 自己 條 脷 啊 ，講説話 都 唔 清楚 咯 ，過咗 好 耐 先至 戰戰兢兢 噉 話 ：
卑職 大膽 ， 將 顧炎武 同 嗰 個 姓 查 嘅 ， 誒 仲 ， 仲有 一個 姓 呂 嘅 ， 都 ， 都 ， 都 扣押 喺 府 衙門 裏 便 喇 。
你 拷問過 佢哋 冇 啊 ？佢哋 講咗 啲 咩 嘢 啊 ？
嗯 ， 卑職 誒 不過 隨便 嗯 問 咗 幾句 口供 ， 佢 三個 人 ， 咩 嘢 都 唔 肯 招供 。
佢哋 真係 咩嘢 都 冇 講 啊 ？
嗯 ， 冇 冇 ， 誒 只不過 ， 只不過 喺 嗰 個 姓 查 嘅 身邊 ， 搜出 咗 一封 ， 誒 一一 一封 書信 ， 誒 極之 唔 妥 嘅 ， 誒 大人 請 睇 啦 。
講完 ，吳之榮 喺 身邊 扲出 個 布包 ，打開 佢 ，裏 便 原來 係 一 封 信 ，噉 啊 雙手 呈上 。
韋小寶 唔 接 ，佢 話 ：
又係啲咩詩咩文章啊 ，係咪啊 ？
誒 ，唔係 ，唔係啊 ，誒係 廣東 提督 吳 ，吳六奇 寫 嘅 。
韋小寶 聽到 廣東 提督 吳六奇 ，吃咗 一驚 啊 連忙 問 佢 ：
吳六奇 ？佢 都 會 做 詩 嘅 咩 ？
誒唔係 ，吳六奇 密謀 造反 ，呢封信 ，係 鐵證如山 ，佢 點都 抵賴 唔了 㗎喇 。
卑職 先頭 講 嘅 機密 軍情 ，大功一件 ，就係 呢件事 啊 。
韋小寶 嗯噉 應咗 佢 一聲 ，個心 就 猛咁 話 ：弊喇 弊喇呢趟 。
吳之榮 又 話 ：回 大人 ，讀書人 做 詩 寫 文章 ，有啲 叛逆 嘅 説話 ，誒 大人 英斷 ，話 係 唔 緊要 嘅 ，誒 卑職 十分 佩服 。
開講 有話 ：秀才 造反 啊 三年 不成 。
估計 亦 唔 成 大患 嘅 。
誒不過 呢個 吳六奇 ，總管 一省 兵符 ，佢 要 起兵 作亂 ，朝廷 如果 唔 先發制人 ，噉 ，嗯噉 就 唔得了 喇 。
一 講到 吳六奇 造反 嘅 事情 ，口齒 啊 當堂 伶俐 翻嘞 。
佢 一直 都 跪 喺 地下 ，噉 啊 眼見得 韋小寶 面上 嘅 表情 陰晴不定 ，顯然 ，係 對 呢件事 十分 關心 嘅 ，於是 就 慢慢 噉 企 起身 嘞 噃 。
韋小寶 哼噉 一 聲 ，睩咗 佢 一 眼 ，吳之榮 吃咗 一 驚 嘞 ，又 試 即刻 跪翻 低 。
韋小寶 話 ：信裏 便 寫 啲 咩嘢 啊 ？
回大人 ，信裏 便 嘅 説話 係 十分 隱晦 嘅 。
佢 話 ：西南 即 有 大事 ，正是 大丈夫 建功立業 之 秋 。
誒 佢 邀請 呢個 姓 查 嘅 去 廣東 指點 機宜 。
信裏便話 ：欲圖 中山 、開平 之 偉舉 ，非 青田 先生 運籌 不為 功 。
呢封信呀 ，的的確確 係 封 反信 啊 。
你 又 嚟 亂噏 一通 嘞 。
西南 即有 大事 ，你 知唔知 係 咩嘢 大事 啊 ？
你 小小 嘅 官仔 ，邊處 知道 皇上 同 朝廷 嘅 機密 決策 呢 ？
係 ，係 。
不過 ，佢 封信 裏頭 明明 係 講 要 造反 ，實在 係 唔能夠 輕視 疏忽 㗎 。
韋小寶 接過 封信 ，掹出 信箋 ，只見 箋 上面 寫滿 晒 字 。
佢 只係 知道 啲 墨 磨得 好 濃 ，筆劃 好 粗 ，不過 呢 一個 字 都 唔 識 ，佢 就 話 ：
信 上 冇 講 話 要 造反 喇 。
回大人 ，造反嘅 説話 ，當然 係 唔會 公然 寫出嚟 嘅 。
吳六奇 要 做 中山王 、開平王 ，就 請 嗰個 姓 查 嘅 做 青田 先生 ，呢啲 就係 造反 喇 。
亂講 ！ 做官 嘅 人 邊個 唔 想 封王 啊 ？ 唔 通 你 唔 想 啊 ？
呢 位 吳軍門 功勞 好大 ， 佢 想 再 為 朝廷 立 一件 大功 ， 希望 皇上 封 佢 個 王爺 啫 嘛 噉 係 極之 忠心 啊 。
吳之榮 嘅 神情 極之 尷尬 啊 ，佢 諗 ：唉 ，同 你 呢種 不學無術 之徒 ，真係 乜嘢 都 講唔明 嘅 。
今日 我 已經 得罪咗 你 喇 ，如果 唔 喺 呢件事 上面 立功 ，我 嘅 前程 就 點 都 保唔住 㗎 喇 。
於是啊 捻到 條 頸 啊 燈芯 咁 細 陪 笑話 ：
回 大人 ， 明朝 有 兩個 大將軍 ， 一個 叫做 徐達 ， 一個 叫做 常遇春 。
韋小寶 自細 啊 聽講 古 先生 講 大明 英烈傳 ，噉 明朝 開國 嘅 故事 呢 聽到 滾瓜爛熟 。
一聽 佢 提起 徐常 兩位 大將 ，當堂 精神 一振 ，完全 唔係 聽 佢 念誦 詩文 嘅 時候 ，嗰種 瞌眼瞓 樣 嘞 。
就 笑住 話 ：呢 兩個 大將軍 八面威風 ，都 係 厲害 到 極 嘅 。
你 知唔知 徐達 用 咩 兵器 吖 ？常遇春 又 用 咩 兵器 吖 ？
呢一下 就 考起 吳之榮 嘞噃 ，佢 因為 明史 一案 飛黃騰達 ，對於 明朝 歷史 呢 非常 熟稔 。
但係 徐達 、常遇春 用 咩嘢 兵器 呢 ，就 噏唔出 嘞 ，只有 陪 笑話 ：
誒 ，誒卑職 才疏學淺 ，確實 唔知 ，請 大人 指點 。
韋小寶 啊 十分 得意 佢 微微 笑話 ：
你哋 只係 會 讀 死書 ，呢啲 事情 咁 緊要 就 唔知 嘞 。
我話你知啦 ，徐大將軍 係 宋朝 岳飛 岳爺爺 轉世 嘅 ，使 一支 渾鐵 點鋼槍 ，腰間 帶住 一十八枝 狼牙箭 ，百步 穿楊 箭 無 虛發 嘅 。
常將軍 係 三國 時候 燕人 張翼德 轉世 ，使 一 支 丈八 蛇矛 ，有 萬夫不當之勇 啊 。
噉 跟住 呢 就 講起 徐常 兩位 大將 大破 元兵 嘅 事跡 嘞 。
呢啲 故事 ，都係 喺 講古 先生 嗰處 聽翻嚟 嘅 ，噉 梗係 荒唐 嘅 多 真實 嘅 少 啦 。
吳之榮 跪喺 地下 聽 佢 講古仔 ，膝頭 哥 啊 越嚟越 痛嘞 ，噉 為咗 討 佢 歡喜 ，只有 裝作 聽到 津津有味 啊 連聲 讚歎 。
好不容易 聽 佢 講到 一個 段落 喇 ，就 話 ：
誒 大人 博聞強記 ，卑職 極之 佩服 啊 。
誒 ，徐達 、常遇春 兩個人 嘅 功勞 好大 ，死咗 之後 呢 ，朱元璋 啊 封 佢 兩個人 做 王 ，一個 係 中山王 ，一個 係 開平王 。
朱元璋 又 有 個 軍師 。
韋小寶話 ：係喇 ，嗰個 軍師 呢 就係 劉伯溫 ，上知 天文 下知 地理 ，前知 三千年 後知 一千年 啊 。
跟住 又 滔滔不絕 噉 講 ，劉伯溫 啊 點樣 有 通天徹地 之 能 ，鬼神 莫測 之 機 ，打仗 嘅 時候 ，又 點樣 乜乜乜乜 之 中 ，乜乜 千里 之外 噉 。
跪到 吳之榮 雙腳 就 麻木晒 ，點都 忍耐唔住 喇 ，一跤 坐 喺 地 陪 笑話 ：
誒 ，大人 講古仔 實在 好聽 ，卑職 聽到 出晒神 。
誒 ，大人 恩典 ，卑職 想 企翻起嚟 聽 ，唔知 得唔得 呢 ？
韋小寶 笑咗 一 笑話 ：好 ，起身 啦 。
吳之榮 扶住 張椅 慢慢 企起身 佢 話 ：
回 大人 ， 吳六奇 信 裏 便 嘅 青田 先生 就 係 劉基劉 伯温 嘞 ， 嗰 個 劉 伯 温 ， 係 浙江 青田 人 。
吳六奇 自己 係 想 做 徐達 、 常遇春 ， 要 嗰 個 姓 查 嘅 做 劉 伯 温 啊 。
想做 徐達 、常遇春 ，噉 好到極啦 。
嗰個 姓 查 嘅 想 做 劉伯温 呀 ？哼 ，佢 未必 有 噉 嘅 本事 。
你 估 劉伯温 好 容易 做 㗎 ？
劉伯温嘅燒餅歌話 ：手執 鋼刀 九十九 ，殺盡 胡兒 方 罷手 。嘿 都 唔知 幾 厲害 啊 。
大人 真係 聰明絕頂 ，一語中的 啊 。
徐達 、常遇春 、劉伯温 三個人 ，都係 打 元兵 ，幫 朱元璋 趕走咗 胡人 。
吳六奇 信裏 便 呢句 説話 ，明明 係 話 要 起兵 造反 ，想 殺 滿洲人 啊 。
韋小寶 吃咗 一驚 個 心話 ：
吳大哥 個 用意 我 唔通 仲 唔 知道 ，仲 使 你 嚟 講 咩 ？
呢封信 果然 係 個 極大 嘅 把柄 ，好彩 撞正 我 唧 。
於是啊猛咁岌頭 ，伸手拍下佢膊頭 話 ：
好 ，好極 ，真係 好彩 到 極 喇 ，呢件事 如果 你 唔係 嚟 搵 我 ，噉 就 大事 不妙 喇 。
皇上 話 我 係 福將 ，果然 係 聖上 嘅 金口 ，完全 冇 錯 嘅 。
吳之榮 個 膊頭 畀 佢 拍 咗 呢 幾 下 哎呀 當堂 全身 骨頭 都 鬆晒 。
只覺得自出娘胎以嚟啊 ，從來未試過咁榮耀嘅 ，不由得 感激涕零 嗚噎住話 ：
誒 ，大人 如此 眷愛 ，此恩 此德 ，卑職 就係 粉身碎骨 都 難以 報答 。
大人 係 福將 ， 卑職 跟 住 你 ， 做個 福兵福 卒 ， 做 隻 福犬 福馬 ， 誒 噉 亦 係 光宗耀祖 啊 。
韋小寶 哈哈大笑 ，就 舉高 隻手 ，摸 下 佢 個 頭殼 ，笑住 話 ：好 ，好極嘞 。
吳之榮 係 身材 高 ，見 佢 伸手 摸 自己 嘅 頭殼 ，唔係 幾 方便 ，就 連忙 耷低 個 頭 等 佢 摸 自己 嘅 頭殼 頂 。
先頭 韋小寶 大發脾氣 ，噉 吳之榮 跪 喺 地下 叩頭 已經 除咗 自己 頂帽 嘞 。
噉 韋小寶 隻 手 摸住 佢 剃得光 捋捋 嘅 頭皮 上面 慢慢 向後 便 摸落去 ，就 好似 摸 一 隻 搖尾 乞憐 嘅 狗 一樣 。
隻手 摸到 佢 後枕 ，個心 話 ：我 亦 唔要 你 粉身碎骨 ，只要 喺 呢處 斬鬼 你 一刀 唧 。
韋小寶 問 ：呢件事情 ，除咗 你 之外 ，仲有冇 旁人 知道 啊 ？
冇 ，冇 。
卑職 知道 事關 重大 ，一啲 風聲 都 唔敢 漏出去 。
你 話畀 吳六奇 呢個 反賊 知道 逆謀 已經 敗露 ，立即 起事 ，噉 大人 同 卑職 一啲 功勞 都 冇 㗎 喇 。
冇 錯喇 ，你 想得 好 周到啊 。
我哋 仲要 小心啲 添啊 ，千祈唔好 畀 府台 藩台 佢哋 知道咗 搶先 呈報 朝廷 ，搶咗 你 嘅 大功 啊 。
吳之榮 心花怒放 ， 猛 噉 請安 話 ： 係 ， 係 ， 全靠 大人 維持 栽培 啊 。
韋小寶 將 顧炎武 嗰 封 信 袋 咗 落 袋 佢 話 ：
呢啲 詩集 ，都 留低 喺 呢處 ，你 靜靜 將 顧炎武 嗰 幾個 人 帶嚟 ，等 我 盤問 明白 之後 ，就 點起 兵馬 ，派 你 押解 送去 北京 。
我 親自 拜帖 啟奏 皇上 ，呢一場 大功勞 呀 你 係 第一 ，我 叨光 ，亦 得 個 第二 吖 。
吳之榮 歡喜 到 癲 喇 連忙 話 ： 誒 唔 係 唔 係 唔 係 ， 大人 第一 ， 卑職 第二 。
你 見到 皇上 之後 ，講 啲 咩 説話 ，等陣 我 再 詳詳細細 噉 教 你 。
只要 皇上 一 歡喜 咯 ，你 做 個 巡撫 、藩台 ，一啲 都 唔 難 嘅 ，總之 我 擔保 就係 喇 。
吳之榮 歡喜 到 幾乎 暈 咁滯 啊 ，雙手 將 詩集 文集 放 喺 枱 上 ，轟轟轟 噉 猛 叩 幾個 頭 ，噉 先至 告辭 出去 。
韋小寶 又 怕 佢 變卦 ，點起 一隊 驍騎營 軍士 ，命令 一名 佐領 帶住 ，噉啊 跟住 吳之榮 去 提 犯人 嘞 。
各位 ，欲知 後事 如何 ，且 聽 下回 分解 。
