前文 再續 啊 書 接 上 一回 。
話説 大床上 便 啊 搞到 七國 咁 亂 ，七個 女子 亂咁 打 亂咁 搣 。
韋小寶 啊 歡喜 到 乜嘢 噉 ，佢 諗 ：
呢 啲 叫做 天下大亂 啊 ， 眾雄 ， 啊 唔 係 唔 係 唔 係 ， 群 雌 混戰 啊 。
噉正話 想 渾水 摸魚 嘅 時候 ，突然間 咔喇 一聲 ，成張 大床 塌咗 ，噉啊 八個 人 你 矺住 我 隻 手 ，我 矺住 你 隻 腳 ，七個 女子 啊 齊聲 尖叫 。
眾將官 見到 噉嘅 情景 ，個個 都 睩大 雙眼 擘大 個口 唔識 講嘢 嘞 。
韋小寶 啊哈哈大笑 ，噉 想 喺 人堆 裏 便 就 躝翻出嚟 ，不過 一隻 左腳 呢 唔知 畀 邊個 掹住 咗 ，佢 大聲 話 ：
大家 放翻開 手 。
眾將官 ，將 我班 大大細細 老婆 一齊 捉起嚟 ！
眾將官 啊 企 成 一個 圈 ，不過 呢 就 唔 敢 逳手 。
韋小寶 指住 毛東珠 話 ：呢個 老舉乸 乃係 欽犯 ，千祈 唔好 畀 佢 逃走咗 啊 。
眾將官 都 覺得 好奇怪 嘞 。
乜 呢啲 女子 都係 你 嘅 大大 細細 老婆 ，噉 其中 一個 係 欽犯 ，兩個 又 扮成 咗 親兵 噉樣 嘅 ？
噉啊即刻 有人 用 刀槍 指住 毛東珠 ，另外 有人 拉 佢 起身 ，咔咔 兩聲 ，同 佢 戴上咗 手銬 嘞 。
韋小寶 指住 洪夫人 話 ：呢位 夫人 係 我 嘅 上司 ，哎 不過 都 同 佢 戴 翻 副 手銬 好啲 喇 。
眾兵將 更加 奇怪 啦 ，亦都 幫 洪夫人 啊 上咗 手銬 。
洪夫人 就 空有 一身 武藝 啊 ，因為 畀 雙兒 點咗 兩處 穴道 ，半身 痠麻 ，就 難以 反抗 。
呢個 時候 ，雙兒 同埋 曾柔 先至 喺 人堆 裏 便 躝翻出嚟 ，噉 諗起 尋晚 嘅 經歷 ，又 面紅 又 覺得 好笑 。
韋小寶 指住 方怡 話 ：佢 係 我 嘅 大細 老婆 。
指住沐劍屏話 ，佢 係 我 嘅 細細 老婆 ，大細 老婆 要 上手銬 ，細細 老婆 就 不必 喇 。
眾兵將 啊 幫 方怡 上咗 手銬 。
欽差大人 嗰啲 奇言怪語 ，層出不窮 ，不過 眾兵將 聽得多 嘞 ，呢個時候 已經 不以為怪 嘞 。
呢個 時候 ，坐 喺 地下 嘅 只係 剩翻 阿珂 一個人 。
只見佢 披頭散髮 衣衫不整 ，着嘅 係 男子打扮 ，卻係 明艷絕倫 。
噉 啊 雙手 緊緊 揸 住 長衫 嘅 下襬 ， 遮住 裸露 嘅 雙腳 ， 耷低 個頭 面都 紅晒 。
眾兵將 都 諗嘞 ：欽差大人 呢 幾個 大細 老婆 以 呢個 老婆 最靚嘞 。
只聽見韋小寶話 ：佢 係 我 明媒正娶 嘅 原配夫人 ，等 我 扶翻 佢 起身 至得 。
噉 行 上去 兩 步 話 ：娘子 請 起 。
噉啊 伸手 去 扶 阿珂 咯 喎 。
突然間 聽見 啪 一聲 ，聲音 清脆 ，欽差大人 塊面 啊 已經 捱咗 一巴 嘞 。
阿珂 喊住 話 ：你 就會 欺負 我 ，你 殺咗 我 啦 殺咗 我 啦 ，我 ，我 死 都 唔 嫁畀 你 。
眾兵將 傻咗 噉 ，個個 都 愕然 喎 。
欽差大人 當眾 被打 ，噉啊 眾 將官 保護 不力 啊 人人 有 虧 職守 喎 。
不過 打欽差 嘅 乃係 佢 嘅 原配 夫人 ，上前 阻止 啊 固然 係 唔得啦 ，喝 佢 幾聲 ，似乎 亦 唔啱 體統 噃 一時 都 唔知 點樣 做好 嘞 。
韋小寶 摸住 被打 嗰邊 面 笑住 話 ：嘿嘿 ，我 又 點 捨得 殺 你 呢 ？
娘子 唔使 嬲 ，下官 ，即刻 殺咗 鄭公子 就係 嘞 。
喺 麗春院 捉嚟 嗰個 男子 喺 邊處 ？
一名 佐領 話 ：回 都統 ，嗰個 嘢 上咗 腳鐐 手銬 ，而家 看守住 佢 啊 。
好極喇 ，嗱 ，你 聽住 ，佢 如果 想 逃走 呢 ，就 先 斬咗 佢 左腳 ，然後 再 斬 佢 右腳 。
阿珂 嚇到 乜嘢 噉 就 話 ：唔好啊 唔好 斬 佢 隻 腳 啊 ，佢 ，佢 又 唔會 逃走 嘅 。
你 如果 逃走 呢 ，我 就 斬 鄭公子 兩 隻 手 。
韋小寶 向 方怡 、沐劍屏 等 掃咗 一眼 ，佢 話 ：
我 呢 啲 大細 老婆 、 細細 老婆 如果 逃走 咗 呢 ， 就 割 鄭公子 嘅 耳 仔 同 鼻 哥 啦 。
阿珂 急喇 ：你 ，你 。
呢 啲 女人 ， 同 鄭公子 有 咩 嘢 關係 唧 ？ 點解 要 割 佢 嘅 耳 仔 同 鼻 哥 喎 。
梗 係 有 關係 啦 我 呢 啲 女人 啊 個個 花容月貌 ， 鄭公子 係 色鬼 ， 佢 一 見到 啊 ， 一定 會 不懷好意 嘅 。
阿珂 見 佢 咁 唔講道理 ，咩嘢 都 講唔明白 ，一急 ，又 喊起上嚟 嘞 。
韋小寶 話 ：戴 手銬 嘅 女人 都 押 落去 ，好好地 看守 ，再 上埋 腳鐐 。
吩咐 廚房 ，擺 一圍 酒席 ，唔 戴 手銬 嘅 好 姑娘 喺 呢處 陪 我 飲酒 。
班 親兵 冚噉 應咗 。
阿珂 喊嘞 ：我 ，我唔陪你飲酒 ，你 同 我 戴上 手銬 啦 。
曾柔粒聲唔出 ，耷低 個頭 行出去 嘞 。
韋小寶 話 ：咦 ，你 去 邊處 啊 ？
曾柔捩轉頭話 ：你 ，你真係唔要面嘞 ，我唔想見你 。
韋小寶 打個 特嘞 就 問佢 ：點解 啊 ？
你 ， 你仲問 點解 ？
人 哋 唔 肯 嫁 你 ， 你 就 強迫 人 哋 ， 你 做 咗 大官 ， 就 可以 噉 樣 欺負 百姓 嘞 咩 ？
我 以前 仲 當 你 係 一個 ，係 個 英雄 ，點 知道 。
點 知道 點啊 ？
曾柔 忽然間 喊起 上嚟 ，揞住 塊面 話 ：
我唔知啊 ，你 ，你係 壞人 ，唔係 好人 。
講完 ，就 行 出外 便 嘞 。
兩名 軍官 挺刀 攔住 喝佢 話 ：你 侮辱 欽差 唔准 走 ，聽候 欽差大人 發落 。
韋小寶 畀 曾柔 一番 斥責 ，本來 就 滿腔 高興 嘅 當堂 化為 烏有 ，覺得 佢 嘅 説話 亦 頗 有 道理 啊 。
自己 做咗 清廷 大官 ，噉 就 恃勢凌人 ，十足 係 講古 先生 口中 所講 嘅 奸臣 惡霸 一樣 ，佢 諗 ：
英雄 做唔成 都 冇 咩嘢 所謂 ，做 奸臣 就 唔 似樣 㗎 。
唉 ，曾 姑娘 ，你 返嚟 ，我 有 説話 講 。
我 得罪 咗 你 ， 你 殺 我 個頭 啦 。
雙兒 同 曾柔 係 好 朋友 啊 就 勸 佢 話 ：
曾姐姐 你 唔好 嬲 啦 ，相公 唔會 殺 你 嘅 。
你 講得啱 ，我 如果 夾硬 要 佢哋 做 我 老婆 ，噉 就係 大花面 奸臣 啊 強搶 民女 ，好似 三笑姻緣 裏 便 嗰個 王老虎 搶親 嘞 。
韋小寶 指住 阿珂 ，對 帶領 親兵 嘅 佐領 話 ：
你 帶 呢位 姑娘 出去 ，再 將 嗰個 姓 鄭 嘅 男子 放咗 ，等 佢哋 做 夫妻 啦 。
講 呢 幾句 説話 嘅 時候 啊唉 ，委實 係 心痛 萬分 啊 。
又 指住 方怡話 ： 開 咗 手銬 ， 放 埋 佢 走 啦 ， 等 佢 去 搵 佢 嗰 個 親愛 嘅 劉 師哥 啦 。
唉 ，我 個 原配 夫人 去 勾佬 ，我 嘅 大 細 老婆 亦 係 去 勾佬 。
死人頭 你 嘩 我 係 咩 欽差 大人 都統 大人 啊 ？我 係 雙料 烏龜 大人 。
嗰個 佐領 見 佢 大發脾氣 ，嚇到 耷低頭 唔敢 出聲 。
韋小寶 話 ：快啲 帶 呢 兩個 女人 出去 ！
嗰個 佐領 應咗 ，就 帶 阿珂 同 方怡 出去 嘞 。
韋小寶 睇 住 兩個 女子 嘅 背影 ， 個心 呀 真 係 戀戀不捨 啊 。
只見 方怡 同 阿珂 頭 都 唔 回 噉 行 出去 ，連 多謝 都 冇 句 一個 感激 嘅 眼神 都 冇 。
只見 曾 柔行 上 兩步 低聲 話 ： 你 係 好人 ， 你 ， 你 罰 我 啦 。
韋小寶 當堂 精神 為之一振 啊 ，佢 眉開眼笑 噉 話 ：
冇錯冇錯 ，我 確係 要 罰 你 。
雙兒 、小郡主 、曾姑娘 ，你哋 三個 係 好 姑娘 ，嚟 ，我哋 入去 裏 便 先至 傾 啦 。
佢 正 話 想 帶 佢哋 去 內堂 親熱 一番 㗎 ，點知 有 個 軍官 行 入嚟 話 ：
啟稟 都統 大人 ，外 便 有 個人 ，話 係 奉 咗 洪教主 之 命 求見 大人 啊 。
韋小寶 嚇咗 一跳 連忙 話 ：咩 紅教主 綠教主 唧 ，唔見唔見 ，快啲 趕佢走 。
係 。
嗰個 軍官 退咗 一步 又 話 ：嗰個人 話 ，佢哋 手裏 便 有 兩個 男人 ，要 同 都統 大人 換 兩個 女人 喎 。
換 兩個 女人 ？
韋小寶 望咗 洪夫人 ，同 毛東珠 一眼 ，擰擰頭 話 ：佢啊 開胃啊 ，咁好嘅 貨色 ，我 點肯 換啊 ？
係 ，卑職 去 趕佢走 。
誒咪住咪住 。
佢 用 咩 男人 嚟 換 啊 ？
死 嘅 佢 ， 男人 有 咩 嘢 好唧 ？ 男人 嚟 換 女人 啊 難 為 佢 諗 得出 啊 。
係 。
嗰個人 胡言亂語 ，話 一個 係 喇嘛 ，一個 係 王子 ，都係 都統大人 嘅 結拜 兄弟 喎 。
吓 ？
韋小寶 個 心 諗 嘞 ：
原來 桑結 喇嘛 同 葛爾丹 王子 畀 洪 教主 捉住 咗 。
佢 話 ：又 係 喇嘛 又 係 王子 ，我 要 嚟 做 乜嘢 啊 ？
你 同 嗰個 傢伙 講 ，呢 兩 個 女人 啊 ，就 係 用 兩百萬 個 男人 嚟 換 我 都 唔 換 㗎 喇 。
係 ，係 。
個 軍官 應咗 就 想 退出去 嘞 。
韋小寶 向 曾柔 望咗 一眼 佢 諗 ：
佢 先頭 話 我 係 壞人 唔係 好人 。
噉 我 將 自己 老婆 放咗 ，由得 佢哋 去 勾佬 噉 先至 算 我 係 好人 。
哼 ，唉 要 做好人 呀 ，真係 要 落 好多 本錢 至 得㗎 。
桑結 同 葛爾丹 兩個人 總係 算 同 我 結拜 咗 兄弟 㗎 ，我 唔 換 佢 返嚟 ，一定 會 畀 洪 教主 殺 咗 嘅 。
我 扣住 洪夫人 有 咩 用 啊 ？
佢 雖然 係 靚 到 糝 一 聲 啊 ，不過 又 唔 肯 同 我 仙福永享 壽 與 天齊 嘅 。
哼 ，重色輕友 唔係 英雄好漢 ，就話 ：咪住 ！
個 軍官 應咗 一 聲 ：係 。就 躬身 聽令 嘞 。
你 去 同佢 講 ，叫 洪教主 將 嗰 兩個 人 放翻嚟 ，我 送翻 洪夫人 畀 佢 。
呢位 夫人 花容月貌 ，靚過 西施 、楊貴妃 ，係 世上 嘅 無價之寶 ，本來 殺咗 我 個 頭 我 都 唔肯 放 嘅 ，換 佢 兩個 男人 ，認真 係 便宜咗 佢 喇 。
另外 呢個 女人 呢 ，雖然 又 醜怪 又 水皮 ，不過 係 唔 放得 嘅 。
嗰個 軍官 應咗 就 出去 嘞 。
洪夫人 一直 板起 塊面 ，到 而家 呢 先至 有翻 啲 笑容 佢 話 ：
欽差大人 好會 誇獎 人 啊 。
夫人 ，你 靚 到 不得了 又 何必 客氣 呢 ？
嗱 ，我哋 好人 做到底 ，蝕本 亦 蝕到底 ，先 送貨 後 收錢 。
嚟人喇 ，快啲 將 我 上司 手銬 打開 佢 。
噉啊接過鎖匙 ，親自 打開咗 洪夫人 嘅 手銬 ，陪 佢 行 出去 。
嚟到 大廳 ，只見 嗰個 軍官 正在 同 陸高軒 傾緊 。
韋小寶 話 ：陸 先生 ，你好好地 侍候 夫人 返去 。
夫人 ，屬下 恭送 你 老人家 得勝 回朝 ，祝 你 同 教主 仙福 永享 壽 與 天 齊 啊 。
洪夫人 咭咭聲 咁 笑 ，佢 話 ：
祝欽差大人 升官發財 ，壽比南山 ，嬌妻美妾 ，公侯萬代 啊 。
唉 ，升官 發財 係 容易 啊 ，嬌妻 美妾 噉 就 難 咯 。
奏樂 ，送客 ，備轎 ！
噉喺 鼓樂聲 中 ，又 親自 送到 大門口 ，睇住 洪夫人 上咗 轎 走嘞 。
洪夫人 坐 嗰 頂 轎 啱啱 抬走 ，韋小寶 正 話 要 行翻 入 屋 ，門口 啊 嚟 咗 一 頂 大 轎 。
原來 係 揚州 知府 嚟到 拜會 。
韋小寶 眼見到 手 嘅 美人 一個個 離開 ，心情 係 差到極 ，就 問 佢 ：
你 嚟 做咩嘢 啊 ？
知府 吳之榮 請安 行禮 佢 話 ：
卑職 有 緊密 軍情 稟告 大人 啊 。
韋小寶 聽到 機密 軍情 四個 字 噉 先至 畀咗 入去 ，佢 心 諗 ：
如果 唔係 機密 大事 呢 我 打 你 𦣇柚 。
嚟到 內書房 ，韋小寶 自己 坐低 亦 唔 請 佢 坐 。
韋小寶 問 ：咩 機密 軍情 啊 ？
吳之榮 話 ：請 大人 屏退 左右 。
韋小寶 揮手 叫 親兵 出去 。
吳之榮 就 行到 佢 前面 低聲 話 ：
欽差 大人 ， 呢 件 事 呀 非同小可 啊 ， 大人 奏 咗 上去 ， 係 件 了不起 嘅 大功 。
卑職 亦 韜光 大人 嘅 福蔭 ，因此 卑職 嘅 心諗 ：仲係 唔好 稟告 府台 藩台 兩位 大人 先 嘞 。
咩嘢 大事 啊 咁 緊要 啊 ？
回 大人 ， 皇上 福氣 大 ， 大人 福氣 大 ， 先至會 令到 卑職 探聽到 呢 個 大 消息 啊 。
哼 ，你 吳大人 福氣 亦都 大啫 。
不敢 ，不敢 。
卑職 受 皇上 恩典 ，欽差大人 嘅 提拔 ，日日夜夜 只係 想 點樣 報答 大恩 。
尋日 ，喺 禪智寺 外 便 陪 大人 賞過 芍藥 之後 ，諗起 大人 嘅 談論 風采 ，個 心 啊 ，佩服 仰慕 到 不得了 。
只係盼望 能夠 日日 跟住 大人 當差 ，時時刻刻 得到 大人嘅 指教 就好喇 。
噉好極嘞 ，你 呢個 知府 亦 唔 使 做 。
我 睇 你 咁 聰明伶俐 ，不如 ，誒 不如 。
吳之榮 好 歡喜 啊 連忙 請 個 安話 ：多謝 大人 栽培 。
不如 嚟 同 我 做 看門 嘅 門工 ，誒 一係 呢 ，就 同 我 抬 轎 啦 。
我 日日 出門 ，你 就 可以 見到 我 喇 ，哈哈 ，哈哈哈哈哈哈哈哈哈哈 。
吳之榮 好嬲 啊 面色 都有 啲 變 嘞 ，跟住 就 陪笑 話 ：
誒噉好極嘞 ，同 大人 做 門工 ，梗係 好過 喺 揚州 做 知府 啦 。
嘿嘿嘿嘿 ，誒卑職 平時 派咗 唔少 閒人 ，到處 噉 探聽 消息 。
如果 有人 心懷 叛逆 ，誹謗 皇上 ，誣衊 大人 ，卑職 立刻 就 知道 。
呢啲 妖言 惑眾 ，擾亂 聽聞 嘅 大罪 ，卑職 向來 係 嚴加 懲處 嘅 。
韋小寶 嗯咗 一 聲 個 心 諗 ：
此人 話風一轉 ，輕輕 就 將 門工 轎夫 嘅 事 一句 帶過 ，確係 深通 做官 之道 好了不起 啊 。
吳之榮 又 話 ：如果 係 販夫 走卒 、市井 小人 ，噉 亂噏 幾句 呢 亦 冇 大害 ，最 需要 提防 嘅 係 讀書人 。
呢種人 ，做詩寫文章 ，往往 搦 啲 古時候 嘅 事 嚟到 諷刺 朝政 。
平常人 見 咗 ， 往往 想 唔 到 佢 哋 借古諷今 嘅 惡毒 用意 嘅 。
人哋 睇咗 又 唔明白 ，就 冇 咩 害處 吖 。
係嘅 ，係嘅 。
雖然 係 噉啫 ，終歸 其 心 可 誅 ，呢啲 大逆不道 嘅 詩文 ，係 萬萬 唔 能夠 畀 佢哋 流毒 於 天下 嘅 。
吳之榮 講到 呢處 ，喺 衫袖 籠 攞出 一本 手抄本 雙手 呈上 ，佢 話 ：
大人 請 睇 ，呢本 係 卑職 尋日 得到 嘅 一本 詩集 。
如果 佢 喺 衫袖 籠 攞出嚟 嘅 係 一沓 銀票 呢 ，韋小寶 即刻 就 會 蓮子蓉 噉 口面 ，而家 見到 係 本 冊子 ，已經 頗為 失望 。
等到 聽講 係 詩集 當堂 就 長長 打個 喊路 ，亦 唔 伸手 去 接 ，噉 啊 擔 高 個 頭 理 都 唔 理 佢 。
吳之榮 頗為 尷尬 ，雙手 捧住 詩集 慢慢 縮 翻轉 頭 佢 話 ：
尋日 喺 飲酒 嘅 時候 ，有 個 女子 唱 一 首 新 詩 ，係 描寫 揚州 鄉下 女子 嘅 ，大人 聽咗 好 唔 高興 。
卑職 就 去 調 咗 呢 個人 嘅 詩集 返 嚟 查下 ， 哈 發覺 其中 ， 果然 有 唔 少大逆 犯忌 嘅 句子 。
韋小寶 懶洋洋 噉 話 ：係咩 ？
吳之榮 掀開 本冊子 ，指住 一首 詩話 ：
大人 請 睇 ，呢 首 詩 嘅 題目 ，叫做 洪武 銅炮 歌 。
呢個 查慎行 所寫 嘅 ，係 前朝 朱元璋 用過 嘅 一 尊 銅炮 。
韋小寶 一 聽 ，吖 有啲 興致 嘞 就 問佢 ：乜 朱元璋 都 開過 大炮 嘅 咩 ？
係 ，係 。
而家 我 大清 聖天子 在位 ，呢個 查慎行 走去 做 詩 嚟 歌頌 朱元璋 嘅 銅炮 ，噉咪 叫 大家 懷念 前朝 咩 ？
呢首詩 誇大 朱元璋 嘅 威風 ，好唔應該啊 。
最後嗰 四句 係 噉 寫 嘅 ：我 來 見 汝 荊棘 中 ，並 與 江山 作 憑吊 。
金狄摩挲 總 淚流 ，有情 爭 忍 長 登眺 ？
呢個人 心懷 異志 ，真係 擺到明 㗎喇 。
我 大清 奉天承運 ，驅除 朱明 ，眾 百姓 歡欣鼓舞 都 嚟唔切 ，吖 此人 又 點解 見到 朱元璋 嘅 一尊 大炮 就 要 憑吊 江山 ？要 流 眼淚 呢 ？
呢尊 銅炮 喺 邊處 啊 ？
我啊 想 去 睇下 噃 ，睇下 仲 能唔能夠 放 ，皇上 係 最 歡喜 大炮 㗎 喇 。
根據 詩裏 便所 講 ，呢尊 銅炮 ，係 喺 荊州 啊 。
唓 ，既然 唔喺 揚州 你 又 嚟 啰嗦 乜嘢 呢 ？
你 而家 做 嘅 係 揚州 知府 又 唔 係 荊州 知府 ， 幾時 等 你 去 做 荊州 知縣 ， 再 去 查考 呢 尊銅 炮罷 啦 。
吳之榮 大吃一驚 啊 佢 諗 ：去 做 荊州 知縣 ，噉 唔係 降級 貶官 ？嗯 呢件事 唔好 再 提 喇 。
佢 即刻 將 詩集 收翻 入 衫袖 籠 ，又 另外 攞咗 兩 部 書 出嚟 佢 話 ：
欽差大人 ，查慎行 嘅 詩 ，只係 略有 唔妥 嘅 地方 唧 ，大人 恩典 不加 查究 。
不過 呢 兩部 書 就 萬萬 唔 能夠 置之不理 喇 。
韋小寶 皺住 眉頭 話 ：又係 咩嘢 傢伙 啊 ？
一部 係 查伊璜 所作 嘅 國壽錄 ，其中 嘅 文字 呀 冚𠾴唥 係 讚揚 反清 叛逆 嘅 。
一部 係 顧炎武 嘅 詩集 ，更加 係 無君無上 、無法無天 之 至 啊 。
韋小寶 暗暗 吃咗 一驚嘞 ：
顧炎武 先生 同 我 師父 都 係 殺烏龜 同盟 嘅 總 軍師 。
佢 嘅 書 ，點解 會 落 喺 吳之榮 手 上 呢 ？
唔知 其中 有冇 提到 我哋 天地會 嘅 噃 ，佢 問 ：
書裏 便 寫咗 啲 咩 啊 你 詳細 講嚟 聽下 。
吳之榮 見到 韋小寶 突然間 關心 起 上嚟 ，當堂 精神 大振 啊 ，就 掀開 國壽錄 嚟 ，佢 話 ：
回大人 ，呢部 書 ，將 反清 嘅 叛逆 ，都 講成 係 忠臣 義士 。
呢篇 兵部 主事 贈 監察 御史 查子傳 ，係 寫 佢 堂兄弟 查美 繼 抗拒 我 大清 嘅 逆事 ，講 佢 點樣 勾結 叛徒 同 王師 為 敵 嘅 。
佢 用 手指 指住 啲 文字 就 讀 喇 ：
會 四月 十七日 ，清兵 攻 袁花集 ，退 經 通袁 。
美繼監凌 、揚 、周 ，王 諸 義師 ，船 五百 號 ，眾 五千 餘 人 ，皆 白裹其頭 ，午餘 競發 ，追及之 ，斬首 百餘 級 ，稱 大捷 ，敵 畏 ，登岸 走 。
大人 ，你 睇下 ，佢 將 叛逆 稱為 義師 ，稱 我 大清 王師 為 敵 ，豈 不是 該死 之至 咩 ？
嗱 各位 ，欲知 後事 如何 ，且 聽 下回 分解 。
