前 文 再續 啊 書 接上 一回 啊 。
話說 韋小寶 返去 甘露廳 ，佢 豎起 啲 耳仔 嚟 聽下 ，一啲 都 唔 覺得 肥瘦 二頭陀 或者 桑結 、葛爾丹 返轉頭 嘅 動靜 ，放心 喇 ，佢 諗 ：
呢個 滿面瘡疤 嘅 假老舉 ，對 我 猛咁 打眼色 ，似乎 係 叫 我 留心 ，呢個 人 都 幾 有 良心 嘅 ，唔知 係 邊個 呢 ？
噉 走過去 護 低身 ，用 手 喺 嗰個 女子 塊 面 處 抹 幾 抹 ，一層 灰泥 應手而落 ，露出 原來 嗰 塊 面 ，嬌嫩 白膩 啊 。
韋小寶 一聲 歡呼 ，原來 竟然 係 小郡主 沐劍屏 。
韋小寶 喺 佢 塊面 處 輕輕 吻 一吻 就 話 ：
究竟 係 你 對 我 有 良心 ，你 一定 呀 係 畀 佢哋 逼住 嚟 呃 我 嘅 。
突然 個 心 一跳 佢 諗 ：仲有 嗰 三個 假 老舉 係 邊個 呢 ？方 姑娘 唔知 喺 唔 喺 處 啊 。
呢個 衰女 啊 專門 想法子 害 我 ，呢次 如果 佢 冇 嚟 呢 就 真係 奇怪 喇 。
佢 想到 方怡 ，既 感到 甜蜜 又 感到 難過 ，見到 嗰 塊 面 又 黃 又 腫 嘅 女子 身材 苗條 ，睇嚟 多數 係 方怡 喇 。
就 用 手 去 抹 佢 面上 嘅 化妝 ， 泥粉 一落 ， 露出 個樣 喇 ， 年紀 大過 方怡 五六歲 啦 ， 容貌 啊 仲靚 過 佢 ， 原來 係 洪 教主 夫人 啊 。
佢 酒醉 之後 ，面珠墩 啊 豔 如 桃花 。
韋小寶 過去 雖然 覺得 程夫人 美貌 動人 啊 ，不過 從來 唔敢 用 半分 輕薄 嘅 眼色 睇佢 嘅 。
呢個 時候 佢 爛醉如泥 ，嘩 機會 嚟喇 ，用 手 喺 佢 塊 面珠 輕輕 搣咗 一下 ，見 佢 仲係 雙眼 眯到 實 啊 ，並無 知覺 。
韋小寶 個 心 ，嘭嘭聲 亂 咁 跳 ，又 喺 佢 另外 一 塊 面 珠 搣 咗 一下 。
佢 擰轉身 睇下 另外 兩個 女子 ，見到 兩個人 都 係 身材 臃腫 ，決 唔會 係 方怡 嘅 。
噉 其中 有 個人 ，曾經 好 惡 噉 撲過嚟 打 自己 。
韋小寶 攞起 酒壺 ，喺 佢 塊 面 處 淋咗 啲 酒 落去 ，然後 拉 佢 衣襟 喺 面 上一抹 ，就 現出 真容 嘞 ，竟然 係 假太后 啊 。
韋小寶 好 歡喜 啊 佢 諗 ：呢個 功勞 啊 真係 大到 極 喇 。
皇上 同 太后 要 我 捉 呢個 老舉乸 嚟 報仇 ，我 千方百計 都 捉唔到 ，誰知 佢 自己 竟然 會 嚟 麗春院 做 老舉乸 。
哈 可見 我 一直 叫 佢 做 老 舉 乸 呢 真 係 神機妙算 ， 早就 有 先見之明 啫 。
噉佢再去抹第四個假老舉嘅化妝 ，噉露出面貌嚟 ，哎呀 ，係方怡啊 。
韋小寶 大吃一驚 嘞 ：佢 點解 個 肚 咁 大 嘅 ？唔通 同 人哋 私通 有 咗 細路 ？
噉 伸手 喺 佢 內衣 一 摸 ，哦 ，拉出嚟 嘅 係 個 枕頭 。
韋小寶 哈哈大笑 啊 佢 話 ：你個 良心 呀 ，真係 壞過 小郡主 多多聲 啊 。
佢啊 唯恐 我 畀 你哋 害咗 不停咁 向 我 打眼色 ，你 就 唯恐 我 睇出嚟 ，連 大肚婆 都 敢 扮 ，哼 。
佢 行 去 廳 外 一 睇 ，只見 幾 名 親兵 死 喺 地下 ，院 裏 頭 烏 燈 黑 火 ，全 無 聲息 ，佢 諗 ：
肥瘦二頭陀 都 飲咗 藥酒 ，實打唔過 我 嗰 兩個 結義 阿哥 嘅 ，但係 如果 洪教主 佢哋 喺 外 便 接應 呢 結果 就 好 難 講 嘞 。
兩位 阿哥 ，如果 你哋 今日 歸天 呢 ，小弟 啊 恕 不同 年 同 月 同 日 死 喇 ，對唔住 之至 啊 。
甘露廳 ，只見 洪夫人 、方怡 、沐劍屏 、雙兒 、曾柔 、阿琪 六個 美人 ，有啲 啊 昏迷 未醒 ，有啲 啊 唔逳得 。
各有各嘅美貌 ，各有各嘅嬌媚 ，嘩 ，個心逳咯 ，佢 諗 ：
嗰便 張床 呢 ，仲有 一個 美貌 嘅 姑娘仔 ，比 呢 六 個 人 仲 靚得多 嘅 。
嗰個 係 我 已經 拜過 天地 ，不過 就 未 洞房花燭 嘅 原配 老婆 。
今晚 你 咁 辛苦 嚟 搵到 我 ，你老公 如果 唔睬 你 呢 未免 太過 無情無義 ，太過 對 你 唔住 嘞啩 ？
佢 正 要 行 入去 裏便 ，只見 曾柔 嗰 一 雙 俏眼 睇住 自己 ，面色 暈紅 ，神情 嬌羞 。
佢 諗 ：喺 王屋山 嚟到 揚州 ，一路上 你 呢個 妹仔 一味 避開 我 ，想 同 你 講多句 説話 都 唔得 ，今晚 啊 我 亦 唔 同 你 客氣 咯 。
將佢 抱起嚟 搬入去 內房 ，放喺 阿珂 旁邊 。
只見 阿珂 仲 未 瞓醒 ，長長 嘅 睫毛 垂低咗 ，口唇 邊 微微 有 啲 笑意 。
佢 喺 昏迷 之中 ，多數 係 發緊 好夢 啦 你 慌唔係 同 鄭克塽 親熱 咩 ？
韋小寶 諗 ：一不做二不休 ，將 你哋 呢 一批 老舉乸 、假老舉 、好姑娘 、壞女人 ，冚𠾴唥 都 搬入嚟 。
呢處 係 麗春院 ，女人 嚟到 妓院 ，仲會 有 咩 好事 唧 ？
嗱 呢啲 係 你哋 自己 嚟 㗎 ，醒翻 之後 就 唔好 怪 我 啊 。
佢 從 小 就 胸懷 大志 ，要 喺 揚州 開 間 妓院 ，更 要 到 麗春院 嚟 大擺 花酒 ，叫 全 妓院 嘅 妓女 陪 自己 啊 。
而家 嘅 情景 ，雖然 同 往日 嘅 雄圖 有 好多 唔相符 ，不過 亦 係 非同小可 嘅 壯舉 嘞 。
於是 將 雙兒 、阿琪 、洪夫人 、方怡 、沐劍屏 ，逐個 抱 入去 裏 便 ，收尾 呢 連假 太后 亦 抱埋 入去 嘞 。
八個 女子 一拍 噉 瞓 喺 床上 。
佢 忽然間 諗到 ：朋友 妻 不可 欺 噃 。
二嫂 ，你 係 我 阿嫂 ，我哋 英雄 好漢 要 講 義氣 至得 。
噉就 將 阿琪 又 抱翻 去 大廳 ，放 喺 張 椅 處 坐落 。
只見 佢 眼光 之中 啊 ， 頗 有 話 你 做 得 啱 喇 噉 嘅 意思 。
韋小寶 見到 佢 容顏 嬌好 ，喘氣 好 急 ，胸脯 猛咁 起伏 ，噉 忽然間 又 覺得 後悔 嘞 。
我同 大喇嘛 、 蒙古 王子 結拜 又 唔 係 情投意合 嘅 ， 不過 係 諗 個 計仔 呃 佢 哋 唔 嚟 殺 我 啫 嘛 咩 大哥 二哥 都 係 隨口 亂 咁 講 嘅 。
呢個 阿琪 姑娘 咁 靚 ，叫佢 二嫂 啊 太過 可惜 吖 ，不如 做埋 我 老婆 罷啦 。
講古 先生 話 ，三笑 姻緣 九美圖 ，唐伯虎 有 九個 老婆 。
我 就算 將 阿琪 算埋 在 內 啊 ，亦 不過 係 八美唧 ，仲 爭 一 美噃 。
哎呀 呸 呸 呸 ！ 老舉 乸 又 老 又 惡 ， 點算 得 一美 啊 ？
同 唐伯虎 相比 ，少 佢 一 美 仲 可以 將就 ，少咗 兩 美 啊 實在 水過頭 嘞 ，於是 又 抱起 阿琪 行 去 內室 。
行 咗 幾步 ， 忽然間 諗 ： 關雲長 千里 送 皇嫂 ， 佢 又 冇 將 劉 大嫂 變成 關 二嫂 啊 。
韋小寶 七步 送 王嫂 ，總 唔能夠 太過 唔講義氣 㗎 ，嘿 ！少 兩美 就 少 兩美 啦 ，你 怕 將來 湊唔齊 咩 ？
於是 立即 轉身 ，又 將 阿琪 放 喺 張 椅 處 。
阿琪 又 唔 知道 佢 個 心 諗 乜嘢 啊 ，見到 佢 將 自己 抱住 行嚟行去 都 唔 知 搞 咩 嘢 鬼 ，只係 微微 覺得 奇怪 唧 。
韋小寶 行 入 內室 ，佢 話 ：
方姑娘 、小郡主 、洪夫人 ，你哋 三個 係 自己 嚟 麗春院 做 老舉 嘅 。
雙兒 、曾姑娘 ，你哋 兩個 呢 係 自願 跟 我 嚟 麗春院 嘅 。
呢度 係 咩 地方 ，你哋 嚟 嘅 時候 雖然 唔 知道 ，不過 女仔 既然 嚟到 呢種 地方 ，唔 陪 我 就係 唔得 嘅 。
阿珂 ，你 係 我 老婆 ，噉 就 冇得 講 喇 。
講完 ，一手 將 假太后 推咗 去 床尾 ，抖開 大被 ，將 其餘 嗰 六個 女子 冚住 ，踢甩 對 鞋 ，嘩 咁 大叫 一聲 ，喺 被底 蜎咗 入去 。
胡天胡帝 ，都唔知 過咗 幾耐 嘞 ，枱 上 嘅 蠟燭 點到 完 喇 ，閃一閃 熄咗 嘞 ，房 裏 便 黑漆一團 。
又過咗 好耐 ，韋小寶 細細聲 唱起 十八摸 。
正在 七手八腳 嘅 時候 ，忽然間 聽到 一把 嬌柔 嘅 聲音 細細聲 話 ：
唔好啦 ，唔好啦 ，鄭 ，鄭公子 ，係咪 你 啊 ？
係 阿珂 把 聲 ，佢 飲 迷春酒 啊 飲得 最早 ，昏昏迷迷 瞓咗 好耐 喇 ，噉 藥性 慢慢 退 嘞 ，就 漸漸 醒翻 。
韋小寶 嬲 嘞 佢 諗 ：你 發夢 都 夢到 鄭公子 ，以為 佢 啊 躝咗 上 你 鋪床 ，你 好快活 啊 ，吓 ？
就壓低把聲話 ：係啊 ，係我啊 。
唔好啦 ，唔好呢 。掙扎咗 幾下 。
突然間 ，聽見 鄭克塽 喺 廳處 叫 ：阿珂 ，阿珂啊 ，你 喺 邊處 啊 ？
砰嘭一聲 ，跟住 乒鈴乓唥 ，原來 撞倒 咗 一張椅 ，枱 上 嘅 杯碟 啊 跌 喺 地下 。
阿珂 聽見 佢 喺 廳處 ，噉 抱住 自己 嘅 梗 唔係 佢 啦 ，吃咗 一驚 啊 又 清醒咗 幾分 ，佢 話 ：
你 ，你係邊個啊 ？點解 ，我 。我 。
韋小寶 笑住 話 ：係 你 嘅 親 老公 你 都 聽唔出 啊 ？
哎呀 阿珂 吃咗 一驚 啊 真係 非同小可 啊 ，佢 出力 咁 掙扎 ，唔想 畀 佢 抱住 ，但係 全身 痠軟 無力 ，佢 嗌話 ：鄭公子 ，鄭公子 啊 。
鄭克 塽 舂 下 舂 下 噉 衝 咗 入 嚟 間 房 ， 房間 裏 便 黑 𠵼𠵼， 嘭 一聲 ， 額頭 撞 喺 門框 上 便 ， 佢 話 ： 阿珂 啊 ， 你 喺 邊度 啊 ？
我 喺 呢度 啊 。
你 放開手 啦 ， 衰仔 ， 你 ， 你 做 咩 嘢 唧 ？
鄭克塽 話 ：咩 話 ？
佢 唔 知道 阿珂 最後 呢 兩 句 説話 係 同 韋小寶 講 嘅 。
韋小寶 意氣風發 ，邊度 肯 放吖 ？
阿珂 𠼮佢 話 ：好師弟 ，唔該 你 啦 快啲 放開 我 啦 。
我話過唔放就係唔放嘞 ，大丈夫一言既出 ，死馬難追啊 。
鄭克塽 又 驚 又 嬲 大聲 話 ：韋小寶 ，你 喺 邊處 啊 ？
韋小寶 得意洋洋 噉 話 ：我 喺 鋪床處 咯 ，攬住 我 老婆 。
我 喺度 洞房 花燭 啊 ，你 嚟 做咩 啊 ？要 鬧 新房 啊 ？
鬧 你 阿媽 嘅 新 房 ！
你 要 鬧 我 媽 嘅 新 房 啊 ，誒 今日 唔得 咯 ，因為 佢 冇 人客 ，除非 你 自己 去 做 新郎 啦 。
你 ， 你 ， 你 亂 咁 講 ！
佢 跟住 聲 撲 去 張 床 處 ，想 去 捉 韋小寶 嘞 噃 。
黑暗之中 ，揦到 一個人隻手 ，就問 ：
阿珂 ，係咪 你 隻 手 啊 ？
阿珂 話 ：唔係 啊 。
鄭克塽 以為 呢隻手 既然 唔係 阿珂 嘅 ，噉 就 一定 係 韋小寶 㗎 嘞 ，於是 搏命 一掹 ，誰知 佢 掹 嘅 係 假 太后 毛東珠 。
毛東珠 飲咗 迷春酒 之後 昏昏沉沉 ，只 覺得 有 個人 掹 自己 隻手 。
於是 左手 反過去 拍佢 一掌 ，啱啱 就 打正 鄭克塽 嘅 頂門 。
佢嘅 功力 ，已經 去咗 十之八九 嘞 ，呢一 掌 係 冇 咩 力 嘅 。
鄭克塽 卻 係 大吃一驚 啊 ，一跤 跌 喺 處 ，嘣 一聲 ，頭殼 喺 床腳 上面 一撞 ，又 暈 咗 嘞 。
嚇到 阿珂 驚起 上嚟 ，就 嗌 ：鄭公子 ，你 點啊 ，吓 ？
點知 唔 聽見 應聲 。
韋小寶 話 ：佢 係 嚟 鬧 新房 嘅 ，蜎 落去 床下 底 嘞 。
唔 係 嘅 ， 唔 係 嘅 你 快 啲 放開 我 啦 。
你 唔好 逳 啦 ，唔好 逳 呢 。
阿珂 手踭 一挺 ，撞正 佢 喉嚨 ，韋小寶 痛喇 ，向後 一昂 ，噉 就 鬆開 手 。
阿珂 甩咗 身 嘞 ，咪 連忙 想 落 床 囉 ，個 身 一 轉 ，就 矺 喺 毛東珠 心口 。
毛東珠 痛嘞 ，一聲 大叫 ，伸手 就 緊緊噉 抱住 佢 。
阿珂 喺 黑暗 之中 ，亦 唔知 抱住 自己 嘅 係 邊個 ，喺 極度 驚恐 之下 ，更加 係 一啲 力 都 冇 啦 。
忽然間 覺得 右腳 又 畀 人 矺住 嘞 ，哎呀 嚇到 佢 全身 飈 冷汗 啊 佢 諗 ：床上 有 咁多 男人 嘅 ？
韋小寶 喺 黑暗 之中 搵 唔 到 阿 珂 ， 就 話 ： 阿珂 ， 快 啲 出聲 啦 你 ， 你 喺 邊 處 啊 ？
阿珂 個 心話 ：你 就係 殺咗 我 個 頭 我 都 唔 出聲 㗎 喇 。
好 ，你 唔 講 係 嘛 ？我 一路 摸過嚟 ，總要 摸到 你 為止 。
韋小寶 一便 唱 十八摸 一便 雙手 亂咁 摸 咯噃 。
忽然間 ，聽見 妓院 外 便 人聲 喧嘩 ，有人 傳呼 號令 ，大隊 兵馬 ，將 幾間 妓院 一齊 圍住 嘞 。
跟住 有 腳步聲 ，啲 人 行 入嚟 麗春院 。
韋小寶 知道 嚟人 呢 如果 唔係 自己 部下 就係 揚州 嘅 官員 嘞 好 歡喜 ，噉 正話 想 喺 被 竇蜎 出嚟 ，點知 來人 行動 好快 啊 ，火光 一 亮 ，已經 嚟到 甘露廳 裏 便 嘞 。
只聽見 玄貞 道人 叫 ：韋大人 ，你 喺唔喺度 啊 ？
韋小寶 衝口而出 噉 應佢 ：我 喺度 啊 。
天地會 群雄 啊 發覺 唔見咗 韋小寶 ，噉 怕 佢 遇險 ，出嚟 搵 佢 ，知道 佢 係 帶咗 親兵 嚟 鳴玉坊 呢 一帶 嘅 ，一查 ，就 查到 麗春院 裏 便 有人 打交 。
入到 妓院 一 睇 ，見到 幾名 親兵 死 喺 地下 。
眾人 大吃一驚 啦 ，而家 聽到 佢 親口 答應 嘞噉 先至 放心 。
韋小寶 聽見 眾人 大聲 招呼 ，都 向住 呢便 湧過嚟 ，連忙 企起身 放低 羅帳 ，至於 兩隻腳 係 踩 喺 邊個 身上 呢 ，亦 唔顧得 咁多 嘞 。
啱啱 放低 羅帳 唧 ，玄貞 等人 呢 就 已經 嚟到 間 房 裏 便 喇 。
各人 手執 火把 ，一眼 見到 鄭克塽 暈咗 𢴈 喺 床邊 ，都 覺得 好奇怪 啊 。
又 有 人 叫 ：韋大人 ，韋大人 ！
韋小寶 話 ： 我 係 呢 處 ， 你 哋 唔 好 掀開 堂羅帳 啊 。
眾人 聽到 佢 把 聲 都 歡呼 起上 嚟 嘞 ， 各人 你 睇 我 我 睇 你 ， 都 諗 ：
唉 ，大家 擔心 到 死 啊 ，原來 你 喺 呢度 風流快活 。
韋小寶 藉住 火光 ，着好衣服 ，又 搵到 頂帽 嚟 戴翻 好 ，落咗 床 喇 ，着翻 對 鞋 佢 話 ：
我 用 計仔 呀 捉咗 好幾 名 欽犯 啊 ，都 喺 張 床 上 便 ，大家 呢場 功勞 好 大 啊 。
眾人 大為 奇怪 嘞 ，不過 素來 知道 佢 做事 神出鬼沒 ，當其時 亦 不便 問 咁多 。
韋小寶 吩咐 將 鄭克塽 綁起嚟 ，用 頂轎 將 阿琪 送去 行轅 。
跟住呢 ，將 羅帳 腳 啊 塞入 被底 ，傳咗 十幾 名 親兵 入嚟 ，下令 將 大床 抬翻 去 欽差 行轅 。
親兵隊長 話 ：回 大人 ，門口 太過 細 抬 唔 出去 噃 。
韋小寶 就 鬧 佢 話 ：蠢才 ，唔會 拆 咗 埲墻 嘅 咩 ？
嗰個 隊長 即時 領悟 嘞 ，猛咁 話 ：係係係 。就 傳令 落去 嘞 。
眾親兵 一齊 逳手 ，將 麗春院 嘅 牆壁 拆開咗 三面 。
噉 十幾 人 攞咗 六七 條 轎槓 ，打橫 晾 喺 大床 底 ，將 大床啊 平平穩穩 噉 抬咗 出去 。
當其時 已經 天光 大白 嘞 ，大床 喺 揚州 大街 上面 招搖過市 ，眾 親兵 舉起 肅靜 、迴避 嘅 硬牌 鳴鑼 喝道 前呼後擁 。
揚州 百姓 見 咗 啊 人人 都 話 奇怪 啊 。
噉 大床 嚟到 何園 嘞 ，門口 仍然 係 太過 細 。
呢陣時 親兵隊長 學咗 乖 喇 ，唔使 等 欽差大人 吩咐 啊 ，即刻 下令 拆 墻 ，將 大床 抬 入 花廳 ，放 喺 廳 中間 。
韋小寶傳 下 將令 ，床上面 捉到 欽犯 喺 處 ，非同小可 。
命令 幾十名 將領 督率 兵卒 ，弓 上 弦 ，刀 出 鞘 ，喺 花廳 四面 沊沊𡃈噉 圍住 。
又 命令 徐天川 等 人 喺 屋外 便 把守 ，防止 瘦頭陀 等 人 嚟到 劫奪 嘞 。
噉 花廳 四周圍 守衞 嘅 人 雖 係 好多 ，不過 廳 裏頭 只有 一 張 大床 ，噉 剩低 佢 孤身 一個 人 唧 。
韋小寶 諗 ：先頭 喺 麗春院 呢 ，咁 好 嘅 機會 ，七個 美女 我 似乎 都 抱唔到 一半 ，而且 又 黑麻麻 ，都唔知 抱過 邊個 啊 邊個 未 抱過 。
好 ，我哋 從頭 嚟過 。
嚟 咯 ！ 一便 唱 十八摸 ， 一便 拉 開羅 帳 ， 啪 聲 跳 上 張床 咯 噃。
突然間 條辮 一緊 ，喉嚨 一痛 ，畀 人 拉住 條辮 扚起身 。
嗰 人 左手 啊 叉住 佢 條 頸 ， 係 邊個 呢 ？ 係 洪夫人 啊 。
隔咗咁耐 ，迷春酒 嘅 藥力 已經 過咗 嘞 ，洪夫人 、毛東珠 、方怡 、沐劍屏 四個人 呢 都 已經 醒翻 。
雙兒 同 曾柔 身上 被 封 嘅 穴道 ，亦 已經 漸漸 解開 嘞 。
只係 大床 喺 揚州街 上 抬過 嘅 時候 ，四周圍 兵 多 將 廣 ，噉 床 裏 便 七個 女子 呢邊個 都 唔 敢 逳 ，邊個 都 唔 敢 出聲 。
而家 韋小寶 又 想 享下 温柔 豔福 ，點知 一 上床 唧 ，就 畀 洪夫人 捉住 嘞 。
洪夫人 嘅 神情 似 笑 非笑 ，低聲 喝 佢 話 ：小鬼 ，你 真係 大膽 嘞 ，連 我 都 敢 玩 ？
韋小寶 嚇到 魂飛天外 啊 賠笑話 ：嘿嘿 ，誒 夫人 ，我我唔係 玩 ，我我係 ，嘿嘿 ，誒 我我我係 。
你 唱 嘅 係 咩 歌 啊 ？
哦 ，係 喺 妓院 裏頭 聽 翻嚟 嘅 啫 嘛 。
你 想 死 定 想 生 吖 ？
屬下 白龍 使 ，恭祝 夫人 同 教主 仙福 永享 ，壽 與 天 齊 ，夫人 號令 ，屬下 謹遵 不誤 啊 。
洪夫人 見到 佢 講 呢 幾句 説話 嘅 時候 嬉皮笑臉 ，一啲 都 冇 恭敬 噉 嘅 樣 ，就 哼 咗 一 聲 話 ：
你 撤咗 花廳 四周圍 嘅 兵將 先 啦 。
好 ，噉 仲唔 容易 咩 ？嗱 你 放開 手 ，我 去 發號施令 吓 。
你 喺 呢處 傳令 就 得 喇 。
好啦 。
廳外 當差 嘅 總督 、巡撫 、兵部尚書 、户部尚書 們 大家 聽住 ，所有 啲 兵將 通通 退開 ，唔准 喺度 停留 。
洪夫人 掹 一掹 佢 條 辮 喝 佢 話 ：
咩兵部尚書户部尚書啊 ？亂噏一通 。
跟住 又 試 出力 一掹 。
韋小寶 大叫 話 ：哎呀 痛死 我 喇 ！
外便統兵官 ，聽見 佢 講 咩 總督 、尚書 ，個心 已經 非常 疑心 嘞 ，等到 聽 佢 大聲 嗌 痛 ，即刻 就 有 幾十 人 手執 刀槍 ，走入 花廳 裏 便 問 ：欽差 大人 ，有 咩 事 啊 ？
韋小寶話 ：冇 ，誒冇咩嘢 ，哎呀媽啊 。
眾將官 你 睇 我 我 睇 你 啊 手足無措 。
洪夫人 嬲 起上嚟 一 舉手 ，啪 一聲 ，出力 摑 咗 韋小寶 一巴 。
韋小寶 又 嗌嘞 ：媽啊 你 唔好 打 你嘅 仔 啦 。
洪夫人 雖然 唔 知道 佢 叫 人 做 阿媽 呢 ，就 即係 鬧 人 做 老舉 噉 解 ，但係 見到 佢 咁 曳 唄 ，噉 舉起 手 又 想 打 嘞 噃 。
突然間 肩 後天 宗 同 神堂 兩個 穴位 上 便 ，一陣 痠麻 ，右手 軟顂顂 噉 垂低 ，冇 晒 力 嘞 。
洪夫人 吃 咗 一驚 ， 擰 轉頭 睇 下 係 邊個 點 咗 自己 穴道 啦 ， 見 背後 同 自己 挨得 最近 嘅 係 方 怡 ， 就 冷笑 話 ：
方姑娘 ，你 武功 唔錯 噃 。
左手啊 飛快 向 雙兒 雙眼 點過去 ，方怡 話 ：唔係 我 啊 。側頭 避開 嘞 。
洪夫人 想話 再攻 啦 ，忽然 後便 兩隻手 伸過嚟 抱住 佢 左手 ，乃係 沐劍屏 啊 ，佢 話 ：夫人 ，唔係 我 師姐 點 你 㗎 。
佢 見到 點 洪夫人 穴道 嘅 係 雙兒 啊 。
毛東珠 舉起 手 打咗 沐劍屏 一掌 ，好在 佢 已經 冇乜 內力 喇 ，沐劍屏 並 冇 受傷 。
噉毛東珠 第二 掌 又 打過嚟 ，方怡 啊 伸手 格開 。
阿珂 見到 四個 女子 打埋 一嚿 僂 ，噉 就 想 落 床 嘞 噃 ，右腳 啱啱 喺 張 被 處 伸出去 ，吖 噉 一聲 ，立即 縮翻 轉頭 。
韋小寶 拉住 佢 左腳 ：唔好 走 啦 。
阿珂 用力 一擢 佢 話 ：放開 我 ！
你 估下 吖嗱 ，我 肯唔肯 放 呢 ？
阿珂 急嘞 ，擰轉身 一拳 打過去 。
韋小寶 一 避 ，嘭 一聲 ，打中 曾柔 左 便 塊 面 。
曾柔 話 ：你 點解 打 我 唧 ？
阿珂 話 ：對唔住 啊 ，哎呀 ！
原來 阿珂 畀 方怡 一掌 打中咗 。
霎時之間 ，床上 呀 七國 咁 亂 啊 ，七個 女子 亂 咁 打亂 咁 扭 。
嗱 各位 ，欲知 後事 如何 ，且 聽 下回 分解 。
