前 文 再續 啊 書 接上 一回 啊 。
話説 韋小寶 應承 話 ，皇帝 一定 肯 封 葛爾丹 王子 ，做 捽腳 汗噉 。
桑結 見 佢 個 神情 ，估到 佢 唔明白 喇 就 話 ：
蒙古 分為 幾 部 ，准葛爾 係 其中 最大 嘅 一 部 。
蒙古 嘅 王 ，唔 叫做 國王 ，叫做 汗 。
王子殿下 ，仲未 做到 汗啊 。
哦 原來 噉嘅 。
王子殿下 只要 幫 皇上 咯 ，做個 把 捽腳 汗 仲 唔 容易 咩 ？
皇帝 下 一道 聖旨 ，派 幾萬 兵馬 去 ，噉 第啲 部 嘅 蒙古人 ，唔通 仲 會 反抗 咩 ？
葛爾丹 一 聽 極之 歡喜 ，佢 話 ：皇帝 如果 肯 噉 做 ，噉 梗係 容易 啦 。
你 唔使 擔心 ，我 擔保 實辦到 就係 喇 。
皇上 只係 嬲 吳三桂 一個人 唧 。
阿琪 姑娘 雖然 係 美貌 ，只要 唔 畀 皇上 睇見 ，佢 擔保 唔會 嚟 搶 你 嘅 。
至於 桑結 大喇嘛 呢 ， 你 幫 咗 皇上 嘅 忙 ， 皇上 自 不然 會封 你 做 管理 全 西藏 嘅 大官 嘅 。
佢 唔 知道 呢個 大官 叫做 咩嘢 名 ，就 唔敢 亂 講 嘞 。
桑結話 ：全西藏 係 達賴活佛 管 嘅 ，唔能夠 由 皇上 隨便 嚟 封 㗎 。
韋小寶 話 嘞 ： 人 哋 做 得 活佛 ， 你 點解 唔 能夠 做唧 ？ 西藏 總共 有 幾多 活佛 啊 ？
仲有 一位 班禪活佛 ，總共 係 兩位 。
一日 不過 三 ，乜嘢 都有 三個 先至 啱㗎 嘛 。
嗱 我哋 請 皇上 再 封 一位 桑結活佛 ，噉 桑結大活佛 呢 專管 達咩 、班咩 嗰 兩個 小活佛 嘅 。
桑結 心中 一動 ，佢 諗 呢個 細路 ，雖然 係 亂咁 講唧 ，都 有啲 道理 嘅 。
噉 想到 呢 處 ， 嗰 塊 面 啊 當堂 現出 笑容 啊 。
韋小寶 呢陣 ，只係 求 活命 甩身 ，對方 無論 有 咩嘢 要求 都係 一啖 應承 。
何況 封准 葛爾汗 、 西藏 大 活佛 ， 又 唔 使 佢 落 本錢 嘅 ， 噉 佢 話 ：
我 唔 係 吹牛 啊 吓 ， 兄弟 獻 嘅 計策 呢 ， 皇帝 有 九成 九 啊 言聽計從 嘅 。
仲有啊 ，兩位 肯 幫手 打 吳三桂 呢 ，皇帝 不但 要 封賞 兩位 ，連 兄弟 都 係 立咗 大功 ，非 升官 發財 不可 嘅 。
開講 有話 啦嘛 ，朝上 有人 就 好 做官 。
兄弟 喺 朝上 做 大官 ，兩位 分別 喺 蒙古 、西藏 做 大官 。
啊 喂喂 喂 ， 我 哋 三個 不如 結拜 ， 做 咗 結義兄弟 呢 。
噉 以後 我哋 三個人 就 有福共享 ，有難同當 ，不願 同年同月同日 生 ，但願 同年同月同日 死 。
天下 除咗 小皇帝 啊 ，就係 我哋 三個人 大 喇噉 咪 好 妥 。
桑結 同埋 葛爾丹 嚟到 揚州 之前 啊 ，早就 查清楚 喇 ，
知道 呢個 少年 欽差 係 小皇帝 駕前 嘅 第一 大紅人 ，飛黃騰達 升官 極之 快 ，只係 點 都 想唔到 ，原來 就係 嗰個 早就 相識 嘅 少年 。
葛爾丹 ，本來 同 佢 毫無 仇怨 嘅 。
桑見 呢卻 係 畀 佢 害死咗 十二 名 師弟 ，斬咗 十 隻 手指 ，本來 就 恨之入骨 ，但係 聽咗 佢 呢 一番 言語 之後 ，佢 諗 ：
班師弟啊 人 死 不能 復生 咯 ，手指 斬咗 之後 呢 唔 能夠 出翻 。
如果 將 呢個 細路 一掌 打死 ，亦 不過 係 出咗 一啖 氣 啫 ，白白 幫 咗 吳三桂 一個 大 忙 ，對 自己 就 毫無 利益 嘅 。
如果 同佢 結拜 咯 ，倒是 十分 實惠 噃 ，好處 極多 。
噉 兩個人 你 睇下 我 我 睇下 你 ，都 慢慢 岌頭 嘞 。
嘩 ，韋小寶 歡喜 咯 ，想唔到 自己 一番 説話 ，居然 打動 咗 兩個 惡人 嘅 心 。
佢 怕 兩個 人 反悔 喇 ， 就 連忙 話 ： 大哥 、 二哥 、 二嫂 ， 我 哋 就 結拜 啦 。
二嫂 拜唔拜 呢 都 得㗎 喇 ，你 同 二哥 拜 咗 天地 之後 呢 ，我哋 就 係 一家人 啦 嘛 。
阿琪面 都 紅晒 ，啋 咗 佢 一聲 ， 個心 啊 ， 就 覺得 呢 個 細路 嘅 説 話 ， 真 係 得 人 歡喜 嘅 。
桑結 突然間 一 伸手 ，啪 一聲 ，將 枱角 拍 咗 落嚟 。
韋小寶 吃咗 一驚 嘞 佢 諗 ：咦 ，又 做咩鬼嘢 啊 ？
只聽見 桑結 大聲 話 ：韋大人 ，你 今日 呢番 説話 ，我 暫時 信住 你 先 。
不過 日後 你 如果 反覆無常 ，食言而肥 ，呢張 枱角 ，就係 你 嘅 樣 喇 。
大哥 乜噉 講 呢 ，我哋 三 兄弟 ，一齊 做事 ，大家 都有 好處 㗎 嘛 。
嗱 ，兄弟 如果 呃咗 你咯 ，噉 你哋 喺 蒙古 、西藏 發兵 ，同 皇帝 過唔去 ，皇帝 一嬲之下 ，實要 殺咗 我 㗎 。
兩位 阿哥 你 諗下 ，細佬 敢唔敢 話 對 你哋 唔住 㗎 ？
桑結岌 一岌頭 話 ：噉 亦 講得 啱 。
於是 三個人 就 喺 大廳 擺起 紅燭 ，向外 跪拜 結為 兄弟 。
桑結 最大 喇 ，葛爾丹 第二 ，韋小寶 就 做咗 三弟 。
佢 向 大哥 、二哥 拜過 ，又 向 阿琪 叩頭 ，二嫂 前 二嫂 後 ，叫得 非常 親熱 。
佢 諗 ：你 做咗 我 二嫂 ，以後 見到 我 調戲 我 自己 嘅 老婆 阿珂 呢 ，總 唔好意思 再 嚟 干涉 我 咯啩 ？
阿琪 攞起 個 酒壺 斟咗 四 杯 酒 ，笑住 話 ：
今日 ，你哋 三個 結義 ，但願 以後 有始有終 ，做出 一番 大嘅 事業嚟 。
小妹 敬 你哋 三位 一杯 啊 。
桑結 笑住 話 ：呢 杯 酒 自不然 係 要 飲 㗎 啦 ，哈哈哈哈哈哈哈哈 。
講完 ，攞起咗 酒杯 。
韋小寶 連忙 話 ：大哥 ，咪 飲住 ，呢啲 係 殘酒 ，唔係 點 乾淨 嘅 ，我哋 叫 人 換過 佢 。
嚟人喇 ，快啲 攞 酒 嚟 。
佢 有 啲 奇怪 嘞 ，麗春院 係 做 乜鬼 㗎 ，咁 耐 都 唔 見 有人 嚟 侍候 嘅 ？
哦 ，係喇係喇 ，龜婆 龜仔 見到 打交 ，又 殺死咗 官兵 ，嘿 都 趯 清光 嘞 。
正話諗到呢處 ，見到 有個 龜仔 行入嚟 ，佢 耷低 個頭 ，個口啊 好似 含住 個欖 噉 話 ：咩事啊 ？
韋小寶 諗 ：麗春院 裏 便啲 龜仔 我 邊個 唔識 唧 ？哼 ，呢個 嘢 實係 新嚟 嘅 。
邊有 對 人客 咁 冇 規矩 㗎 ，實係 嚇到 傻晒 定 嘞 。
就 喝 佢 話 ：快啲 攞 兩 壺 酒 嚟 。
哦 。
嗰個 龜仔 轉身 行 出去 嘞 。
韋小寶 見到 嗰個 龜仔 嘅 背影 ，心念 一動 ，佢 諗 ：咦 ，呢個 人 係 邊個 呢 ？
日頭 喺 禪 智寺 外便賞 芍藥 就 見 過 佢 㗎 喇 ， 點解 佢 嚟 呢 度 做 龜 仔 呢 ？ 實有 古怪 啊 。
定神 一諗 ，不由得 背脊 出咗 一身 冷汗 ，哎呀 一聲 ，成個 跳起嚟 。
桑結 、葛爾丹 、阿琪 三個人 一齊 問佢 ：做咩嘢 啊 ？
呢個人啊 ，係 吳三桂 手下 高手 武士 假扮 㗎 ，我哋 先頭 嘅 説話 ，實 畀 佢 聽到 晒 喇 。
桑結 同埋 葛爾丹 吃咗 一驚 ，一齊 話 ：噉就 唔 留得 佢 喇 。
嘿 ， 兩位 阿哥 唔 好 ， 誒 ， 唔 好 逳 手 住 ， 我 哋 詐 假意 唔 知 ， 睇 下 佢 總共 嚟 咗 幾多 人 ， 誒 有 ， 誒 ， 有 ， 有 咩 嘢 詭計 先 。
佢 講 呢 幾 句 説話 嘅 時候 ，聲 都 震晒 。
呢 個 龜 仔 如果 真 係 吳三桂 嘅 衛士 扮 嘅 呢 ， 佢 亦 唔 會 咁 驚慌 嘅 ， 原來 此人 ， 係 神龍教 嘅 陸高軒 喇 。
呢個人 ，由 神龍島 跟隨 佢 一齊 去 北京 ，噉 就 相處 好耐 。
因為 佢 嘅 化妝 呢 極之 巧妙 ，面目 已經 完全 唔同 晒 嘞 ，但係 見到 佢 個 背影 ，就 覺得 好 眼熟 。
日頭 佢 喺 禪智寺 外 便 嘅 時候 呢 仍然 未 醒起 ，而家 喺 麗春院 裏頭 再度 見面 ，就 知道 其中 必定 有 蹺蹊 嘞 。
仔細 一 諗 ，噉 就 恍然大悟 喇 。
淨係 陸高軒 一個人 噉 都 仲 唔使 怕 噃 ，但係 佢 既然 喺 禪智寺 外 便 ，聽到 自己 無意之中 漏出 嘅 口風 ，話 要 嚟 麗春院 聽曲 ，就 即刻 嚟到 呢度 化妝 成為 龜仔 。
噉 樣 多數 肥 頭陀 同 瘦頭陀 亦 都 嚟 咗 喇 ， 講唔 定 啊 ， 洪 教主 亦 親自 駕到 添 。
你 話 再 要 講到 洪教主 同 自己 亦 結拜 為 兄弟 添 ，發誓 同年 同月 同日 死 唉噉 就 千難萬難 咯 。
佢 越 想 越 怕 ，額頭 上 啲 汗珠 啊 ，一 粒粒 咁 滲出嚟 。
嚟喇 ，只見 陸高軒 托住 個 托盤 ，捧住 兩 壺 酒 入嚟 ，佢 耷低 個 頭 ，將 酒壺 放喺 枱 上 。
韋小寶 諗 ：佢 耷低 個 頭 ，怕 我 睇出 破綻 ，都 唔知 仲 嚟 咗 咩 人 添 。
佢 就 話 ：你哋 呢處 點解 淨係 得 你 一個人 㗎 咋 ？快啲 叫 多啲 人 入嚟 侍候 啦 。
陸高軒 嗯噉 應咗 一聲 ，就 連忙 轉身 退出去 。
韋小寶 低聲 話 ：大哥 、二哥 、二嫂 ，等陣 你哋 睇 我 眼色 行事 吓 。
我 如果 眼睛 翻白 ，擔 高 個 頭 向上 望 呢 ，你哋 即刻 出手 ，將 入嚟 嘅 人 殺咗 佢 。
呢啲 人 啊 武功 高強 非 同 小可 㗎 。
桑結 佢哋 都 岌頭 應承 嘞 。
不過 個 心 呢 就 諗 ：吳三桂 手下 嘅 衛士 武功 更 高 ，亦 冇 咩 了不起 㗎 ，何必 咁 大驚小怪 呢 ？
過咗一陣 ，陸高軒 帶咗 四名 妓女 入嚟 ，分別 喺 四個 人 身邊 坐 喺 處 。
韋小寶 一 睇 ，四 名 妓女 都 唔 相識 嘅 ，並 唔 係 麗春院 裏 便 原來 嘅 姑娘 。
四個 妓女 相貌 都 極之 醜陋 ， 有 啲 係 吊眼 ， 有 啲 係 歪嘴 ， 皮膚 又 黃 又 黑 ， 又 有 啲 浮腫 ， 一 係 呢 就 滿面 瘡疤 。
韋小寶 笑住 話 ：哈麗春院 嘅 姑娘 吖 ，相貌 真係 靚 到 糝聲 噃 。
只見 嗰個 坐 喺 桑結 身邊 ，滿面 瘡疤 嘅 姑娘 ，向 佢 眨眨眼 ，跟住 又 打 眼色 。
韋小寶 見 佢 眼珠 靈活 ，眼神 好 靚 嘅 。
佢 諗 ：呢 四個 人 係 神龍教 嘅 ，故意 扮成 噉鬼樣 ，不過 佢 呢 猛 咁 同 我 打眼色 ，係 咩 意思 呢 ？
就攞起 原來 嗰 壺 迷春酒 ，同 四名 妓女 都 斟咗 一杯 佢 話 ：大家 都 飲 杯 酒 啦 。
妓院 裏頭 啊 ，人客 向來 都 冇 話 斟酒 畀 妓女 嘅 。
人客 一 伸手 攞 酒壺 唧 ，妓女 早就 搶過去 斟 嘞 。
但係 四名 妓女 只係 耷低頭 坐 響處 ，韋小寶 同 佢哋 斟酒 ，四個人 啊 竟然 一句 説話 都 唔 講 。
韋小寶 諗 ： 呢 四個 女人 係 假扮 老舉 ， 功夫 啊 差到 離譜 啊 。
就話 ：你哋 嚟 服侍 人客 ，點解 咁 唔懂 規矩 嘅 啫 ？自己 都 唔飲 一杯 先 嘅 ？
講完 ，又 斟咗 杯 酒 ，對 陸高軒 話 ：你 係 新嚟 嘅 呢 係唔係 呢 ？連 烏龜 都 唔識 做 。
你哋 唔同 人客 敬酒 ，人客 一嬲 啊 ，仲 肯 使 錢 嘅 咩 ？
陸高軒 同埋 四個 女子 以為 妓院 裏 便 嘅 規矩 確係 噉 嘅 ， 都 應 咗 一聲 ， 係 噉 。
噉就 各人 將 酒 飲 咗 喇 。
韋小寶 笑住 話 ：係咯噉 先 係 㗎嘛 。
院 裏頭 仲 有冇 烏龜 老舉 啊 ？通通 同 我 叫過嚟 。
咁大 一間 麗春院 ，點解 淨係 你哋 五個人 嘅 啫 ？怕 有 啲 古怪 喇 。
嗰個 臉孔 黃腫 嘅 妓女 向 陸高軒 打 個 眼色 。
陸高軒 就 轉身 出去 ，帶咗 兩名 龜仔 入嚟 ，聲音 沙啞 噉 話 ：
老舉 就 冇 嘞 ，烏龜 仲 有 兩 隻 。
韋小寶 個 心 偷笑 喇 佢 諗 ：
老舉 、烏龜 ，嗰啲 人哋 喺 背後 叫 嘅 ，你 自己 做 龜仔 ，點 能夠 自己 話 係 老舉 、烏龜 呢 ？
就算係嚟嫖嘅人客啊 ，亦都唔會 咁唔客氣㗎嘛 。
妓院 裏 便 只係 講話 姑娘 、夥記 嘅 啫 ，我 試 你 一試 ，即刻 就 穿煲 嘞 。
哼哼 ，洪教主 神機妙算 ，不過 發夢 都 想唔到 ，我 韋小寶 啊 ，就 喺 呢 間 麗春院 裏頭 長大 嘅 。
只見 嗰 兩 名 龜仔 都 高大 肥胖 ，一個 呢 係 肥頭陀 假扮 ，一睇 就 睇出嚟 喇 。
另一個 呢 ，依稀 係 瘦頭陀 ，不過 點解 身材 咁 高大 呢 ？一諗 ，就 知道 佢 腳底 踩 咗 轎 。
如果 唔 係 心中有數 啊 ， 真 係 點都 睇 唔 出 嚟 啊 。
佢 又 斟咗 兩 杯 酒 話 ：人客 叫 你哋 烏龜 飲酒 ，你哋 兩隻 烏龜 啊 快啲 飲啦 。
肥頭陀粒 聲 唔出 噉 就 飲咗 嘞 。
瘦頭陀 脾氣 暴躁 ， 忍 唔 住 就 鬧 ： 你 呢 個 小雜種 先至 係 烏龜 啊 。
陸高軒 啊 連忙 掹 佢 衫袖 喝 佢 話 ：快啲 飲酒 ，點 能夠 得罪 人客 呢 ？
瘦頭陀 呢次 係 假扮 龜仔 ，曾經 受過 教主 嚴厲 嘅 告誡 。
陸高軒 一喝佢 ，驚起上嚟 連忙 就 將酒 飲咗 。
韋小寶 問 ：都嚟齊啦嘛 ？冇 第啲 人 喇 ？
陸高軒 話 ：冇 喇 。
洪教主 冇 扮 烏龜 咩 ？
講完 呢句 説話 ，雙眼 一翻 ，擔 高頭 向上 望 。
陸高軒 等 七個人 一聽 佢 噉 講 都 大吃一驚 喇 ，四名 妓女 一齊 企起身 。
桑結 早就 運氣 戒備 ，雙手 齊出 ，當堂 點中 瘦頭陀 同 陸高軒 兩個人 條 腰 。
呢 兩 指點 出去 啊 ，陸高軒 應手 而 倒 ，而 瘦頭陀 呢 只係 哼咗 一 聲 ，跟住 揮掌 向 桑結 當頭 劈落去 。
桑結 吃咗 一驚 佢 諗 ：自己 嘅 兩指禪 功夫 左右 齊發 ，算得 係 天下 無雙 嘅 。
自從 十隻 手指 中毒 截去 一闕 之後 ，因為 手指 短咗 一闕 啊 ，出手 已經 冇 以前 咁 靈活 喇 。
但係 正因為 短咗 一闕 ，如果 點中 敵人 身上 ，力度 又 比 往日 強咗 三分 。
而家 明明 點中 呢個 大肥佬 腰間 穴道 ，何以 佢 竟然 若無其事 呢 ？
唔通 佢 亦 好似 韋小寶 一樣 ，已經 練成咗 金剛護體神功 ？
其實 呢 兩個 人 啊 邊個 都 冇 金剛 護體 神功 嘅 。
韋小寶 所以 刀槍不入 ，只係 着咗 護身寶衣 。
而瘦頭陀啊卻係腳下踩咗高蹺 ，憑空高咗一尺 。
桑結 以為 佢 身材 真係 咁 高大 嘅 ，噉 用 手指 點 佢 條 腰 ，其實 就 點中 佢 大髀 外側 。
瘦頭陀 只 覺得 一陣 劇痛 ，穴道 呢 並 冇 封閉 。
呢個 時候 ，肥頭陀 同 葛爾丹 打 ，滿面 瘡疤 嘅 妓女 呢 ，同 阿琪 打 ，另外 一名 妓女 ，就 向 韋小寶 撲 過嚟 。
韋小寶 笑住 話 ：你 發花癲 啊 ？惡屎 騰騰 噉 做咩嘢 喎 ？
眼見 嗰個 妓女 十指 如 鈎 ，來勢 兇狠 ，個心 一 驚 ，一低頭 就 蜎咗 去 枱底 ，用 隻 手 喺 個 妓女 雙 腳 處 一㧬 。
嗰個 妓女 飲咗 迷春酒 之後 啊 ，藥力 發作 嘞 ，噉 啊 頭腦 本來 就 迷迷懵懵 ，畀 佢 一㧬 ，企唔穩 嘞 ，個 身 岌 咗 幾 岌 ，一跤 就 扽 喺 處 ，就 企唔起身 。
跟住 其餘 三名 假妓女 呢 亦 都 先後 暈倒 嘞 。
瘦頭陀 同 桑結 拆 咗 幾 招 ，嫌 腳底 嘅 高蹺 唔 方便 嘞 ，就 雙腳 運力 ，啪啪 兩 聲 ，將 高蹺 踩斷咗 。
桑結 話 ：唓 ！原來 係 個 矮仔 。
瘦頭陀話 ：老子 以前 啊 高過 你 啊 ，我 鐘意 做 矮仔 啊 ，關 你 咩 事 啊 ？
桑結 哈哈大笑 啊 。
兩個人 把 口 呢 就 講緊 嘢 ，手上 啊 一啲 都 冇 停 。
兩個 都係 武功 好手 ，幾招 之後 ，互相 暗暗 佩服 嘞 。
嗰便 葛爾丹 拆 咗 幾 招 ，打唔過 肥頭陀 喇 。
不過 肥頭陀 呢 飲咗 杯 迷春酒 ，手腳 又 唔係 點 靈便 ，先至 一時 冇 將 佢 打低 唧 。
阿琪 見 同 自己 打 嘅 妓女 ， 招式 靈活 ， 不過 使 咗 冇 幾招 ， 噼啪 一聲 就 暈倒 跌 喺 地 ， 佢 好 奇怪 嘞 。
一擰轉頭 ，見到 葛爾丹 猛咁 倒退 ，噉啊 連忙 上前 幫手 啦 。
肥頭陀 眼前 一黑 ，個身 岌咗 幾下 ，覺得 敵人 喺 自己 心口 拍咗 一掌 ，力道 呢 就 唔係 厲害 嘅 。
佢 眯埋 雙眼 雙手 一分 ，隔開 對方 手臂 ，噉啊 雙手 食指 點到 敵人 嘅 腋下 。
阿琪 當堂 全身 痠軟 就 慢慢 跌倒 ，矺 喺 陸高軒 背脊 上 便 。
阿琪 正喺度 驚緊 ，只見 肥頭陀 突然間 噼啪 一聲 ，趴住 跌倒 。
葛爾丹 叫 話 ： 阿琪 ， 阿琪 ， 你點 啊 ？
忽然間 ，肥頭陀 跳起身 ，當胸 一拳 ，將佢 打到 𢴈咗 成丈幾遠 ，重重 噉 撞 喺 埲牆 上 便 。
肥瘦 兩頭 陀 內力 極 深 啊 ，雖然 飲咗 迷春酒 ，但係 嗰啲 不過 係 妓院 自己 調製 嘅 平常 迷藥 ，並唔係 點 厲害 嘅 。
噉 兩個人 雖然 係 感覺到 昏迷 ，但 仲係 勉力 支撐 。
呢陣時 ，瘦頭陀 雙眼 睇見 啲 嘢 呢 都係 白濛濛 噉 一團 ，只有 桑結 一個 人影 ，模模糊糊 噉 晃嚟晃去 。
佢 伸手 去 打 啦 ，但係 都 畀 桑結 好 容易 噉 避開 咗 。
自己嘅 左膊 同 右便 塊 面 呢 ，連 氣 重重 噉 捱咗 兩 拳 。
桑結 嘅 拳力 幾 咁 沉重 吖 ，任 你 瘦 頭陀 皮 粗 肉 厚 啊 ，都 頂唔順 嘞 ，不禁 連連 哮叫 ，轉身 奪門 逃走 。
陸高軒 啊 搖搖晃晃 噉 企起身 ，佢 上身 穴道 未曾 解 啊 ，糊糊塗塗 噉 跟住 就 趯咗 出去 。
葛爾丹 啊 畀 肥頭陀 打到 撞埋 埲墻 ，背脊 啊 直情 想 裂開 噉 。
佢 正係 心怯 嘅 時候 ，但係 見到 敵人 左手 扶住 張 枱 ，眯埋 雙眼 ，右掌 喺 前 便 心口 啊 不停 咁 擺動 ，好似 係 怕 人哋 襲擊 噉 。
葛爾丹 有 便宜 就 唔好 使 頸 咯 ，噗聲 跳過去 ，猛力 一腳 ，踢中 佢 𦣇柚 。
肥頭陀 大叫 一聲 ，左手 反轉 ，揦住 葛爾丹 心口 ，將佢 成個人 扚起嚟 。
桑結 衝上去 救佢 啦 ，肥頭陀 擘開 雙眼 ，揦住 葛爾丹 衝出 甘露廳 ，飛身 上墻 啊 。
桑結喝話 ：放翻個人嚟 ！噉啊追咗出去 ，跟住上屋嘞 。
只聽見 兩個人 呼喝 嘅 聲音 漸漸 去 遠 咗 喇 。
韋小寶 喺 枱 底 蜎 翻 出嚟 ，只見 地下 橫 七豎八 噉 攤 滿 晒 成 堆 人 。
雙兒 同 曾 柔 呢 ， 就 瞓 喺 角落 頭 ；
四名 假妓女 啊 暈咗 喺 地 嚟 ；
鄭克 塽 本來 伏 喺 枱面 嘅 ， 打鬥 嘅 時候 ， 張椅 畀 人 推倒 咗 ， 就 已經 趢 咗 去 枱 底 嘞 ；
阿琪 嘅 下身 晾住 喺 張 翻倒 嘅 椅 上 ，上身 就 瞓 喺 地下 。
一班人 啊 個個 都 唔會 逳 ，有啲 係 被 點中 咗 穴道 ，有啲 係 畀 迷春酒 迷暈 ，都 好似 死咗 噉樣 。
韋小寶 最 關心 雙兒 喇 ，就 連忙 扶起 佢 ，見 佢 雙眼 都 會 逳 ，呼吸 啊 正常 就 放心 嘞 。
只係 佢 唔會 解穴 啊 ，唯有 將 雙兒 、曾柔 、阿琪 三個人 ，扶翻 落 椅 坐好 。
佢 又 掛住 母親 ，嗱嗱聲 跑到 母親 間 房 ，只見 韋春芳 啊 跌咗 喺 床邊 。
韋小寶 吃咗 一驚 啊 ，連忙 衝上去 扶起 佢 。
見佢 身體 軟顂顂 ，呼吸 同埋 心跳 呢 都 係 正常 嘅 ，噉 估計 係 畀 神龍教 嘅 人 點咗 穴道 。
麗春院 裏頭 嘅 老舉 、烏龜 ，噉 實係 個個 都 難免 嘞 ，不過 穴道 畀 人 點 咗 ，過得 幾個 時辰 自然 會 解翻開 嘅 ，所以 呢 亦 不必 擔心 。
嗱 各位 ，欲知 後事 如何 ，且 聽 下回 分解 。
